JW咖啡室

营业中

休息中

這十多年來，平均每月光顧自助餐一次，八成以上不作他求，都會選擇金鐘JW萬豪酒店，原因不外乎是有良好的食物質素，優質的服務及管理水平，有賓至如歸的舒適環境，故別無他選。雖然光顧酒店內多間餐廳多年，但從未寫過有關食評，因為優質及成本較高的食材在這裡是理所當然的了，包括有凍海鮮、級數不俗的燒牛肉、羊架、熱葷有鮑魚、海參、花膠、蒸石斑...等等。今次不提以上的食物，而是難得一吃的藍龍蝦，野生的在香港很難吃得到，因產量稀少，法國很少出口，故今次吃的是在法國及附近海域一帶所養殖，如一般養殖魚類一樣，顏色較深，呈深藍色，雖然外貌與波士頓龍蝦相似，但肉質及鮮甜度折然不同，現在澳洲大龍蝦的價格每隻動輒過千，而養殖的藍龍蝦肉質及味道絕對不下於前者。是晚藍龍蝦的食法分四種： 蒜蓉開邊蒸藍龍蝦：惹味香口，適合重口味食客。咖哩炒開邊藍龍蝦：味道適中，厨師刻意不太重辣 ，則重咖哩香味，能顯肉質鮮甜，不吃辣的亦可嘗試。避風塘炒藍龍蝦鉗：啖啖肉，肉質彈牙，波士頓龍蝦難與匹敵。上湯藍龍蝦伊麵：中式烹調方法，個人認為龍蝦與上湯最為協調，咬口與味道配搭一流。有關推廣期由6/6 - 19/6, 以此食物質素，實在物

第一碟當然來一個冷盤先啦⋯⋯嘩！lobster肉彈牙又鮮甜。蟹腳又超級好味！煙三文魚就一般般啦，都好食的。仲有仲有沙律長通粉味道唔錯我就最鍾意個醬汁，點一下，ichiban 呀花膠，海參，鮑魚⋯⋯但你一定唔食得多因為好膩口。再多都吃不下了。可惜最後來個簡單又係我最愛的焦糖燉蛋。

萬豪酒店的自助餐都知係出名好食，我之前都去過大堂到食sunday brunch,個次都覺好食，咁今次就尼左5樓食下lunch,星期日尼食都有好多人，478蚊一位，去到見到食物選擇唔係話好多，但都唔少，都有好多特別d既食物，呢度d生果好新鮮好甜好好食，海鮮都好鮮甜，有炆花膠，食落好林滑口，有炸南瓜，呢個好好味，仲有煎蟹餅，又唔錯！ 係壽司款較少，而甜品類唔算多，但食落全都唔會太甜，都ok,價錢係雖然貴左d,咁大部分食物都係好食，食得我覺得真係滋味，真係唔錯呀！

Jenna成日都話我食埋啲又貴又唔好食噶野，所以話要介紹我去一間叫JW噶餐廳食buffet啦~~好啦，既然佢都將間鋪頭吹到咁行，我就去試試啦~~蟹肉，仲系刺身嚟嘎，仲要系我最愛噶蟹鉗肉，冰鎮！！夠曬新鮮啦~~肉質鮮甜、夠厚！！正！龍蝦！！系度食自助餐真係性價比超高！！竟然仲可以食龍蝦，仲要系成只！絕對唔會比出面噶差！肉質鮮嫩！海參真係好滑，而且煲得好淋好好食。豆腐花好香好滑，而且甜而不膩。拿嚟做飯後甜品就啱曬啦~~

一位識了超過25年的朋友生日，加上最近JW cafe 又裝修完，所以我們便決定去試試。裝修後的萬豪，地方更井井有條，將食物分䦕不同的區域，看得出他們的心思。那晚我們吃了例牌要吃的花膠，海蔘，鮑魚，蒸龍躉，蟹鉗，龍蝦，片皮鴨，燒乳鴿，刺身，蟹蓋外 ，還有一年一度的大閘蟹。雖然我和朋友都不好大閘蟹，但都湊熱鬧拿了一隻。可能是我們不懂欣賞，所以我覺得還是他們的薑蔥炒蟹好味。朋友説d花膠嘅膠質簡直將佢嘅咀膠住，冇得頂。我見她來回吃了4碟花膠，海蔘，真的大滿足 。冷盤方面，當然不可缺少原隻龍蝦，青口，蟹鉗，煙三文魚等美食。甜品方面，我當然吃我最愛的豆腐花及tiramisu，水準依舊好味。另外，我發覺除了有haggan dazs雪糕外，還多了朱古力味gelato。綜合來說，萬豪自助餐在我的美食排行榜永遠都是第一位。原因好簡單，他們是用心準備每一部份，不論是食物、場地、佈置、工作人員的態度都真是一絲不苟，現在已經愈來愈少這麼有heart的食肆了 。

經過N次都無法book位的慘況.... 所以這次我早在9月份已經訂位!雖然今次沒有特別主題(環球海鮮), 不過食過就知果然名不虛傳。可以說是質高味美, 廚具講究, 出菜毫不含蓄!就連並其他buffet要排隊拎的鵝肝, 大花膠, 大海參都任食任夾!近期十分"囑目"的凍龍蝦都不錯, 十分多膏, 而且肉質爽容易大巴大巴咁"咬"~~其他甜品都充滿心思, 款式齊全, 不過眼闊肚窄, 食得不太多...這餐食完當堂安撫了moody monday的心靈, 亦舒緩了肉赤的感覺~

自助餐有大閘蟹,花膠,鮑魚,海參,龍蝦,凍蟹,炒蟹,西冷,羊架,真係超值！每樣食2件都回本！大閘蟹勁多膏，龍蝦好新鮮肉質彈牙，又有乳鴿同片皮鴨，凱薩沙津仲有人撈埋真好，麵檔既雲吞好好味，每晚有三次焗心太軟加埋雪糕好好食!全部都都係貴價食材真係好抵，食物水準高！

推介菜：1. 花膠2. 燒牛肉3. 凍蟹鉗4. 沙律優點：- 中式巧手菜味道做得很到位，如花膠海南雞柚皮等都有小菜水準- 凍蟹鉗及燒牛肉好好吃- 沙律配料及配醬極齊- 價錢合理：午餐$388。恒生白金咭目前還有八五折，5人以上更有八折缺點：- 甜品好一般- 負責片皮鴨的師傅不專業，切出來的鴨肉大小厚薄不一影響味道

花膠、鮑魚、海參、龍躉，這些名貴海味，一直是中式宴會上的主角，誰能想到這群主角會全部出現在自助餐之中? JW Cafe 重新開張，倘大的空間劃分成11個美食區，中式料理區內，可以找到花膠、鮑魚、海參、龍躉等等珍貴美味，另外還有龍蝦伊麵、片皮鴨、乳鴿，都是我最喜歡吃的，想一下都令人興奮!我們是次於星期三中午到訪，吃的款式跟自助晚餐差不多*，而且每位只要HK$388，CP值極高。*自助晚餐(HK$618起) 加入幾款高級菜式，包括 冬菇燜原隻鮑魚、紅燒蠔油海參、薑葱蟹黃蒸龍躉、格陵蘭紅蝦 等。燒味區亦是我另一心水推介，片皮鴨即叫即切即包，鴨皮鬆脆而且肉質鮮美，味道一流；叉燒和乳鴿同樣十分出色。冰鎮海鮮區有約6款選擇，原隻咖啡蟹、加菲蟹箝、東風螺、青口和煙三文魚等，供應源源不絕。冷盤及沙拉區格局整潔，款式選擇十分多元化。除了即叫即般的凱撒沙律，還可以自製burrata cheese蕃茄沙律，意大利黑醋亦有多款選擇，細節上見貼心。甜品不單止精緻漂亮，酒店細心地加入了不少香港元素。其中最特別的是下圖的 Opera Cake，選用了鴛鴦、蛋撻蛋漿、糖炒栗子等概念製作，充滿香港地道風味。還有用上蛋卷

素知萬豪酒店的buffet頗有名氣，但由以前的萬豪咖啡室到而家改名為JW Cafe我都未試過，都唔知點解。除左名稱改左，聽聞裝修都唔同左，取食物係一邊，用餐區係另一邊，呢個安排冇咁混亂，而枱與枱之間有足夠空間，唔會覺得擠逼。再講價錢，晚市每人近七百，貴嗎？係唔平，不過而家似樣d嘅酒店buffet都係呢個價錢架喇。況且呢度食物種類同質素都算高，遇著喜慶節日偶爾破費一下都無妨。 刺身種類算多，但每次攞只會畀兩至三片，鍾意食就要出多去幾轉。沙律菜櫃幾特別，自取蔬菜然後撈沙律汁，但眼見好少人拎，反而已撈好的沙律菜仲多人攞。熟火腿、醃橄欖、芝士都有好幾款選擇。 凍海鮮從來不是我杯茶，但種類係幾豐富的，有龍蝦、麵包蝦、蟹腳、青口等等，可以係呢度回本。 一般buffet的熱葷都係弱項，但JW的就頗有睇頭，因為大部分係高檔食材：炆鮑魚仔、炆海參、炆花膠，單係呢三樣已夠吸引，而且會不斷refill，唔駛爭。全部都炆得好腍，花膠尤其正，食完都覺皮膚滑左 其他有片皮鴨、乳鴿、海南雞、叉燒⋯叉燒其貌不揚，但出奇地好食，蜜味重又有燶邊，雖然瘦但都好腍。由於食到呢度已經好飽，仲要留肚食甜品，所以 燒牛扒、

JW 咖啡室(前名：萬豪咖啡室)經過兩個多月的裝修後，於5月以全新形象再度登場。裝修後的JW Cafe走「地道香港」路線，繼續以矜貴食材，海鮮熱葷作招徠。一如以往，餐廳每年均推出5至6個不同的主題，而這次跟大家分享的便是我和惡人的最愛自助餐主題 -「皇帝蟹」！以有機木磚砌成的香港地圖巨型紅酒櫃另加HK$170可豪飲多款紅白酒對喝酒興趣不大，直接衝往海鮮區，看到超多加菲蟹在向我揮手旁邊是滿滿的龍蝦山另一邊則有3款蟹腳等著我：阿拉斯加長腳蟹、松葉蟹、堪察加蟹最厚肉的是這款來自俄羅斯的堪察加蟹腳三文魚也有三款：黑椒腌三文魚、刁草三文魚、煙三文魚冷盤選擇繁多番茄水牛芝士沙律配菜整齊地放在一格格的透明盒內多款沙律醬汁火腿凍肉腌漬橄欖芝士區刺身區冷麵及漬物麵包區湯類有：皇帝蟹腳味噌湯、燉豬腱雞腳湯、蟹肉濃湯蟹肉扒時蔬、蟹肉伊麵蒸龍躉片、燴花膠炆鮑魚、燴海參蜜椒骨、炒蟹鉗避風塘炒蟹咖哩炒蟹印度咖哩蟹、雞油飯、印度咖哩雞、絲苗白飯、咖喱三角豆、印度飯炸蟹春卷、炸蟹腳、炸蟹棗、釀蟹蓋牛扒可配黑椒汁、燒汁或蘑菇汁海南雞、片皮鴨、燒乳鴿、叉燒及中式點心醬汁更有8款之多即叫即煮粉麵即烚蔬菜菇菌煮好後會用這些懷

金鐘JW Marriott萬豪酒店的自助餐，在九十年代曾經是我家人過生日的選擇地點之一，還記得當年大約要每位三百多元，雖然不算便宜，但又深得家母的偏愛，現在回想起來，都有一絲掛念當年的情境。以往吃自助餐的萬豪咖啡室，最近重新裝修，並改名為JW咖啡室(JW Café)，相距多年，這晚終於可以再來。新的JW咖啡室，環境跟以前是兩回事，現在感覺較為時尚，真的貼近一間Café 的佈置。食物跟座位完全分距開，令人坐得較為自在和舒適。自助晩餐由晚上六時開始，根據我自己親身試驗，我認為有兩大必吃類別，亦是所謂的「回本食物」，就是海鮮和中菜。海鮮類:沒有供應生蠔，可能是一個缺點，但並非必然，換來的是波士頓龍蝦、麵包蟹、鱈蟹腳、青口、格陵蘭紅蝦和東風螺等，其中麵包蟹既多肉又多膏，吃完一隻後，像吃了兩大個麵包般，好有飽肚感。中菜類:說得上必吃之選，當然並非普通的中菜小炒，而是名貴的海味，包括有蒸龍躉、上湯燴花膠、冬菇炆原隻鮑魚、紅燒蠔油海參、炸蟹鉗...見到都開心了吧。另外還有片皮鴨、紅燒乳鴿等，非常豐富。大大塊花膠，充滿骨膠原，爽滑又厚身，要像吃牛扒般來据開，吃時感覺好滿足呀。吃完那麼豐盛的海味，要來沙

海鮮、刺身... 絕對是自助餐回本必吃菜式！新裝後的《JW café》除了凍食注目外，熟食跟甜品質素同樣令KsMeow驚喜！試想想，單買件裝糕餅平均也要$40~$50，甜品區內卻有多款甜點選擇；熟食區內還有滿滿骨膠原的花膠、海參... 大家準備好了沒有！．．．多款火腿選擇金鐘《JW café》位於香港JW萬豪酒店5樓，餐廳空間感十足，KsMeow特別喜歡用餐區跟食物區完全分隔，配合迷人的燈光與舒適的椅子，讓用餐環境更有氣氛！．「沙律吧」裝潢頗有中藥行百字櫃感覺！每格也放了不同的菜蔬，顏色鮮明非常，按著自己喜好選擇，為自助餐揭開序幕！即點即做的凱撒沙律水牛芝士醃三文魚設3款選擇，其質感極油潤，肉質充滿彈性具鹹鮮！還有即點即做的凱撒沙律、鮮蕃茄、優質水牛芝士...選擇甚豐！．．．「海鮮區」有供應源源不絕的波士頓龍蝦，每隻龍蝦份量十足！質感爽彈，富有自然海水味！大大隻的青口，意想不到的鮮嫩肉質，讓味蕾沉醉於海洋中！．．．嘩！鮑魚多過冬菇！！！花膠骨膠原滿滿！「中式熱食區」更是驚喜！焗釀蟹蓋，滋味無窮！蟹鉗撈麵，用料大方！蒸龍躉嫩滑無比，魚骨盡去，吃得放心！．還有多款名貴滋補菜式，如：原隻蠔皇

裝修後第一次和家人來吃自助午餐，發覺餐廳佈置、放食物的地方、座位和洗手間都比之前高格調。我選吃的食物如下：1.風乾牛肉薏米湯：多風乾牛肉粒、西芹粒和薏米，但較多油2.涷蟹：大隻，有不少蟹膏3.蟹鉗：多肉，很鮮味4.乳鴿：多肉少骨，皮很脆，但肉有點肥5.北京片皮鴨：十分美味，比其他餐館子的好吃6.花膠：很滑很大片，味道一般7.龍躉：肉質很滑8.靈菇：爽口大片9.辣子雞：十分香辣10.人蔘燉豬𦟌湯：足料，有紅棗淮山，味道甘甜11.日式炸雞：很熱，雞肉很軟熟12.牛臉頰：肉質軟腍13.腸仔：由廚師從一大條腸中切一小段出來，較咸味14.蛋卷：有原味和綠茶味兩款，皮薄甜美，入囗浴化15.梅酒啫喱：酒味非常輕微，啫喱甜美16.法式焦糖燉蛋：焦糖很脆，燉蛋質地很滑，非常甜美17.綠茶撻：很迷你，有綠菜味，撻是朱古力撻，很脆18.香港劇院蛋糕：甜而不膩，質地鬆軟，內層味道似榛子雪糕，面層有拖肥，很軟滑19.日式芝士蛋糕：十分軟熟，入口會融化似的20.綠茶卷蛋糕：質地較實21.75ml Haagen-Dazs 雲喱嗱雪糕：超甜22.馬卡龍：很甜也很正宗總括來說，食物款式和質素都提升了，甜品不但賣相佳，而

2015過了一半，值得慶祝一番。一班同事來到新裝修好的JW Cafe，盡情放肆，食個盡興。沙律以透明膠架放成盛著，一目了然，夠整齊。旁邊是日式區，有刺身、卷物、蕎麥麵和數款前菜。另一邊有芝士、橄㰖、超大盤凱撒沙律、蕃茄水牛芝士、烤蔬菜等，味道不錯。最吸睛的，非龍蝦、蟹鉗、麵包蟹莫屬。放在全場中央。龍蝦幾新鮮多汁。不吃生的，可以試烤大蝦，雖然幾香，但肉質偏實。一最受歡迎，除了海鮮冷盤，一定是花膠、海蔘和鮑魚。第一次吃自助餐，像吃中式盛宴。質素絕不欺場，炆得又腍又入味。還有釀蟹蓋，面層鋪滿芝士粉，很香口。內裡放滿一絲絲的蟹肉，用料慷慨，很好吃。中式還有燒味。片皮鴨即場切，即場包。叉燒蜜味很香。印度菜有3款咖喱、飯、papadum。也有火鍋區，自選麵類、配料，放在小鍋中，交由大廚煮熟。熟食還有蟹餅、炸雞等等。蟹餅啖啖肉，味道不錯。超大塊三文魚扒，店員切了一大份給我，很好吃，肉質鮮嫩，魚油甚香。還有牛扒和德國腸。吃得很飽，這時才轉戰水果和甜品。最喜歡綠茶撻，茶味夠香又不太甜，朱古力撻很脆。焦糖燉蛋不錯，蛋味幾香，加點雲尼拿籽就更佳。Tiramisu和麵包布甸偏甜，木糠布甸則不錯，木糠中帶點麥片