JW咖啡室

营业中

休息中

JW MARRIOTT 既buffet食過幾次，總係覺得水準不過不失，無乜好出色既野，唯一記得係呢間無生蠔食既。近排Marriott cafe 裝修，改左名叫JW cafe，換上一系列既新菜，本人覺得幾有驚喜。一如以往係無蠔，但就以其他海鮮款式搭夠，有蟹腳、青口、螺仔、麵包蟹同蝦。除左青口外，其他都有食，樣樣都好鮮甜、肉質彈牙，唯一少少失望係麵包蟹無乜膏。中菜果邊新加入海參、花膠、鮑魚，每款都燜得好好，又腍又入味，忍唔住一食再食。而隔離既片皮鴨都幾唔錯，可以一試。重點推介係即焗心太軟！其實本人普通中意食心太軟，但見到每次出爐時必定有長長人龍，就知道一定係好野。大概每半個鐘出一次爐，多人時每人限拎一個，但可以再排。心太軟雖然望落比較細杯，但就好足料！食一啖心太軟，濃烈既朱古力醬係個口度盪下盪下，唔太甜，口感幼滑，令你忍唔住係咁食，最後我食左兩個。

好几年沒有去，以前好喜歡去这间食，因為觉得質素好，但今次再去，真係有点失望 海鮮吧～冇長腳蟹，唯有食波士頓及本地龙蝦啦，味道不錯，还有麵包蟹，但d羔唔鲜甜，東风螺有沙，too bad日本刺身～帶子，螺片，全部冇味，差 海折味道还好，但放喺日本果边d雞就好唔掂，d肉淋既，冇雞味 火腿～唔好食熱盆～海參，鮑魚，花膠，全部都好食，但食得唔多，会好滞蒸班片～一般，有点鞋片皮鴨，海南雞都好食肉腸～唔好食，d味怪怪地冇炸天婦羅 粉麵檔～一般野，冇特別，因熱盆冇菜，只得豆腐，唯有去粉麵檔烚d菜食吓湯～有三款，周打鱼湯唔錯，creamy,多料甜品部～款式唔少，但冇我最鐘意食既new york cheese cake, 只得日本芝士蛋糕，味道麻麻，又冇拿破崙很，失望 蛋糕淋既，失敗豆腐花又係唔滑 總括黎講：款式冇以前咁多，質素差左，但服務可以保持到好好，勤换碟

裝修後，靚左，不過感覺上好似比較窄。媽媽節前一天食個lunch ;] 加左新鮮帶子，正。我不喜歡呢個菜櫃，夾唔方便，好百佳feel....最愛一入門口的甜品counter個ice-cream櫃搬左去另一邊好唔方便。新整個蛋卷，夠簿同脆，可以取代我以前最喜歡的strawberry拿破倫。北京填鴨好好味，個姐姐會cut左肥油先俾你，總之包整好又快手，我俾9/10花膠勁多人食，不斷refill and refill呢個牛面，一定要試，好林，好入味9/10雞mama地，可以不食留位食其他。Seafood如常。總之我下次會再來呀！！！