JW咖啡室

营业中

休息中

聖誕節期間，最好選擇訂高質素自助餐，享用豐富美食，增添節日的歡樂。JW 的午餐雖近千元一位，但性價比高。海蔘和花膠都如女仔手掌長，炆得軟糯入味，海蔘屬刺蔘，肉質算肥厚。鮑魚屬青邊鮑，爽口彈牙，有滋陰效果，引來不少人排隊。魚柳是深海大班，肉嫩細嫩，火候恰到好處，不會過老。甜品質素高，朱古力如平日opera 款式有鏡面效果，香濃程度可媲美Ritz Carlton的朱古力系列甜品，可堪回味。驚喜的是白色雪人原來是Macaron，沒有Laduree 般的外殼脆滑，但一樣甜在心頭。

食自助餐最忌ge 野就係你想今食果樣野 但係未食完 就俾人拎哂 仲要係無REFUSE餐廳食物基本不俗 海鲜凍盤（長腳蟹/花蟹/麵包蟹/大蝦/龍蝦蚶）每樣都新鮮爽口 而且每種配備特有醬汁 值得一讚 唯今晚用餐沒有生蠔供應刺身類品質不俗沙律吧特意佈置成墻身 別出心裁熱盤方面亦落足料 鲍參翅肚係無魚翅 為生態出一分力 而且花膠煮得很入味 特別大力推介 另外 不太起眼的鮮蝦雲吞亦意外地好吃甜品方面 個人最喜歡斑蘭千層糕全晚最失望就係雪糕 酒店供應hagan daz 有新出ge 抹茶mochi 同紅豆mochi 仲有士多啤梨 vanilla chocolate cookie nuts 但係大品分口味俾人拎哂就無得refuse 希望酒店方面能確保不同口味ge 雪糕有足夠存貨

好多年前嚟萬豪Coffee Shop食過lunch buffet後就好耐冇嚟過呢度食buffet喇，反而樓下The Lounge 就食過好多次tea buffet，因為貪嗰度坐得舒服！今次同好友慶生，佢又勁鍾意食buffet，早兩年同佢去過The Lounge食，咁啱呢度佢冇嚟過，而我又N年冇嚟過呢度食，所以今年就嚟呢度食個富貴lunch buffet喇，點解富貴？咪就係呢度獨有花膠囉，仲要唔係dinner buffet食而係lunch buffet 喎，正！平時我主打食海鮮、凍肉類，今次一嚟就即食花膠、龍躉，冇計喇，咁特別，最終我食咗三件花膠，一句講哂「好滿足！」如果話呢度冇咁好嘅地方就係坐位比較迫，唔算好舒服，但食物就真係冇得頂！

已經有一段時間無黎，好期待❤️食物款式比以前少左，但有幾方面既食物水準係好左。原本訂呢度既原因係因為有大閘蟹，但由於供貨問題，轉左另外唔同既蟹，毛蟹多膏肉甜，三點蟹同樣鮮甜，凍蟹腳唔會咬落一口水海水，蟹肉結實鮮甜；凍龍蝦肉質亦比一般酒店的彈牙。熱盤部份，有鮑魚炆海參，炆花膠，炒肉蟹，帶子。不可不提嘅係佢嘅北京填鴨皮脆肉嫩，而义燒色澤均勻，肉質軟淋，實在有驚喜另外，甜品份量細細的 ，可以試唔同既款式，水準亦平均。可以一提就係馬卡龍外殻可以改善一下，因為做得太脆，外殻同餡沒有溝通，比較遜色；豆腐花質地亦比較堅硬。是次用恒生信用卡全單八折另外加一服務費

媽媽生日那天，窩夫要出席朋友的結婚晚宴，要在午飯時段跟媽媽慶祝，去了好評如潮的JW咖啡室吃自助餐，星期六的自助午餐的供應時間為中午12時至下午2時30分。窩夫很喜歡這個沙律櫃，沙律菜看來都很新鮮。沙樂美腸和凍火腿等。多款芝士配克力架餅乾。煙三文魚有三款之多。窩夫聽到有食客問職員這些要怎樣煮來吃。答案在此，燴花膠是JW咖啡室的名菜。香口的普寧炸豆腐和黃金涼瓜。有窩夫愛吃的片皮鴨和燒乳鴿。窩夫先取了燴花膠、蒸龍躉和蒜蓉蒸大蝦，全都吃得津津有味，吃過便知道為什麼很多人對萬豪的燴花膠讚不絕口。蒜蓉蒸大蝦很大隻，厚肉彈牙，蒜蓉味剛剛好，不會蓋過大蝦的鮮味。海鮮凍盤也很出色，蟹腳的殼已經去了一半，進食實在太方便。蟹蓋有一整個或半個選擇，窩夫取了半個，留肚吃其他東西。蟹膏蟹肉都很鮮甜，誠意推介給喜歡吃蟹的朋友。刺身共有五款，分別是三文魚、象拔蚌、榮螺、八爪魚和墨魚，榮螺超甜，墨魚切得很厚身，師傅還把它卷成花狀，很有心思。燒牛肉配羊鞍，窩夫與媽媽都覺得羊鞍的味道比燒牛肉好。在麵檔點了兩隻鮮蝦大雲吞。吃甜品前再來一件完整的花膠扒，膠質非常豐富，吃後嘴唇會黏著呢。吃甜品前，飲品送來了，時間剛剛好，高身那杯

今次又敵不過家人引誘再食自助餐,皆因他們不斷說此酒店自助餐冇得輸,叫我還要提早訂位,十月份酒店主推蟹,想食就要提早訂位,心唸太誇張。留位日已到,踏入酒店我給入口兩排佈滿過百支酒吸引,看環境相信食品也一流。禮貌的侍應引領下,經海鮮區,眼前已一亮,品種不少,連大大隻皇帝蟹腳也有,至於龍蝦也有兩款,全是貴價海鮮,因此凍螺和青口不會在此出現,此類海鮮會放於自助午餐。熱葷菜式也很高檔,蠔皇原隻鮑魚仔及海参,清蒸龍躉,炆花膠,炒帶子蝦仁也是大大隻,今個月主力蟹,所以炸蟹拑,蟹肉讓蟹蓋及蟹肉餅也是真才實料,咖喱類品種不多,但有大大隻咖喱蟹,除了基本燒味數款外,還有燒乳鴿,豉油王乳鴿,另外更有片皮鴨,那麽多超正食品每款食一件已飽,片皮鴨很不錯,女厨師很細心,把鴨皮和肉間肥膏也切走,粉麵檔有水餃,我也食了一隻👍,另外還有燒羊架,燒牛肉及西式食品及日式刺身等等,我都未能品嚐,肚子實在容不下,只能留肚食海鮮,皇帝蟹腳嘅粗又鮮味💯,兩款龍蝦又彈牙又新鮮💯因呢兩款太美味便食多小小,其它蟹類都食不下,無論是什麼食品,都不斷refill,簡直令人食得開心。需則飲品得一杯對我來講也很足夠。 呢餐自助餐可以用很豐富,很

JW嘅晚市自助餐係唔錯嘅選擇，質素都唔太差，食物種類都算多，有魚生、海鮮、龍蝦、蟹、鮑魚、燒味、炒粉麵飯......各式各樣嘅甜品，仲有多款口味嘅Haagen-Dazs雪糕。

今日扮孝順帶媽咪食呢間lunch buffet 用apps訂位就每人398唔駛加一，都貴貴地！同阿媽食就冇計既!入到去安排坐2人枱，隔離冇枱，坐得好舒服，又聽唔到後面枱既對話，又近攞食物既枱，唔錯！ 我開始攞左蘑菇湯，好濃味! 正！ 另外有雞腳同木瓜豬展湯，阿媽飲左其餘2個湯，佢都話唔錯! 海鮮就有蟹，螺，青口，蝦，麵包蟹，我覺得蝦係最好食，好大隻好彈牙！ 冇長腳蟹lor沙律好多款，有mixed，有自己整既，款款都新鮮!熟食唔多款，但每款都幾好食，特別有蒸柚皮！ 我可能唔慣個味，我阿媽話唔錯! 蒸蒜蓉大蝦好味！ 佢既蜜汁bbq pork真係好好食! 厚切唔肥，冇渣，軟身有啲係燒燶燶地唔錯！ 一定要食!甜品就chocolate mousse cake 好味r! cake 係有一層有橙味，冇甘濟！ 馬卡龍唔太甜，唔錯!服務生好主動收碟，又好主動幫我地影相！

本人是新手寫食評，就由這一餐開始吧！ 「雖然是新的，但一切均為本人的感受喔！」昨日又要我地拍拖日，我的可愛男朋友總會有一個好可愛的壞習慣，就是不會訂枱食飯，好吧！咁只好又我呢位為食妹代勞吧！聽聞這間的自助餐不錯，就試下吧！說實話，真的很難預訂，我也試過很多次的waiting list，結果這次提早很多，哈哈，我成功了........yeahyeah!!!好吧！入正題了！首先！環境很好，很舒服！雖然不是靠近玻璃，但也望到無敵海景！讚海鮮方面，就又我的男朋友代為解釋了，因為本人不能夠吃的原因，男朋友話海鮮好新鮮，好好味，不知不覺食左幾轉都唔知！而我眼見就係海鮮好大隻，好肥美，好多肉，隻隻都好似肥BB咁，食得海鮮的，真係記得拎多幾轉！哈哈熱食方面，真心的，選擇不多，但食材是有水準的，海參好彈牙，花膠鮑魚亦一讚，我也是為它們而來的！哈哈其他食物水準也不錯，值得一提，叉燒好好味，好「淋」，還有水餃，隻隻入面都是全蝦，男朋友話好好味，開正佢既口味，而我就無得食!! (不能食，可憐的我！)到了沙律甜品了，不過不失，口水雞如果可以再入味少少就好好了！沙律菜亦很新鮮，甜口款式不多，但相信是用心製作的！P

第一次去JW Marriott 食tea buffet 去之前無咩特別大期望因為如多人都話覺得麻麻地以tea buffet嘅角度黎睇我覺得算幾多野食🍏Salad bar都幾多選擇除左有d 撈好左仲有一個corner有 3 4層嘅材料俾你自己撈🍣不過魚生壽司就少左d得4款剌身同幾款壽司🍲熟食有15款左右點心粥pasta 肉菜同湯都有🍰甜品應該係tea buffet嘅精髓其實都幾好即使佢同平時一樣有好多cake但d款式就比較特別個人就覺得似外國cafe/ cake有opera cake, scone, banana bread, cup cake,tarts...最impressed嘅係即叫即整嘅榴連pancake!!!榴連容好香好濃加埋熱辣辣嘅pancake雖然賣相麻麻但絕對係全個buffet嘅精華👍🏼👍🏼

久聞JW Cafe buffet以質取勝，選擇不是最多但樣樣都好味，最得人心係花膠扒、長腳蟹同面包蟹。一行9個人安排長枱，空間闊落唔迫，12點開始去到2點半，慢慢食好梳乾~一開始食長腳蟹同面包蟹先~個人喜歡長腳蟹，啲肉又實又鮮，唔會好咸同只得海水味！推介！之後食左花膠扒，十分豐富既膠質，十分糊口既口感，一路食一路覺得啲皮膚好緊，非常養生，美中不足係有少少腥同少少沙。片皮鴨我指定要鴨皮，如果你唔指定多數俾肉你。 好味既，但都幾滯，食左一舊就收手。下次再食會指定少醬，平日食開淡味的都應該喜歡少醬的。去到食甜品，推介creme brulee, apple crumble, 木糠布丁同棉花糖朱古力批。 蛋捲好出名當然有試，但個人覺得有啲油膩同埋啲芝麻唔係好夾。 tiramisu 去到最後最後食到飽先食得到，因為被人揉輪到不似人形的tiramisu遲遲不換。 建議熱愛tiramisu 既人一早就要拎定。 每張枱都有一套食蟹工具同濕紙巾，好細心！餐茶推介熱檸蜜，蜜糖要幾多自己加，還可以添熱水，岩晒養生女士們~有機會要再黎食！

好早之前已經同細佬傾爸爸生日去邊度慶祝好! 話晒慶埋退休, 當然要食豪D啦, 最後決定黎 JW食buffet!! 因為我地自己都想試下! 果然冇令大家失望! 6PM前我地已經到達, 當時唔算太多客人, 加上我地有BB, 職員亦都好體貼咁安排左一個長檯俾我地, 仲方便拍到BB車, 呢個貼心服務已經加分了! 到夠鐘了, 大家都可以出去拎食物, 我就簡單兜左個圈望下有咩食! 呢幅沙律牆真係設計得好靚, 好似人地D百子櫃咁, 排放得好整齊, 顏色又好靚, 蔬菜亦都好新鮮! 自由選擇自己鐘意既蔬菜!麵包區域就唔算好多選擇冷盤部份, Ham同芝士有幾款揀, 隔離的配菜都唔少, 隨便配搭呢度有個盤係可以供客人自己Mix salad, 醬料, 配菜大把你揀!好少見到食buffet有一隻隻蟹咁俾你攞! 都唔算細隻架!仲有一大堆龍蝦同蟹鉗, 仲要幫客人剝左瞉架, 食起上黎十分方便!Candy Jar甜品部 (由於有相片上傳的限制, 我盡量砌出多D圖片, 以供大家參考)水果部睇完一個圈之後就拎野食了, 其實自己食量唔算多, 所以每樣都唔係拎好多, 但求可以試到所有既食物啦!沙津方面, 自己夾左唔同蔬菜同生果

同男友一週年紀念，所以去食好野慶祝😂😂，其實都唔係第一次去食，都食過幾次，今次食完都覺得幾唔錯😆又有鮑魚，又海參，又花膠，真係不得了，肥死都抵。當然環境幾好坐，都靚景既，去相 重點黎啦冷盤海參鮑魚花膠我最愛既甜品區俾張大相你地望下啦😆

結婚周年紀念，終於搵到藉去試JW😏聽好多人講訂枱要預早大約一個月，但其實都唔使咁誇張... 我一個星期前訂都有枱🤔呢度嘅環境冇得輸，枱同枱之間都有點空間，啱啱安排我地坐係欄杆邊，唔使黐住隔離枱。呢度食嘅嘢主要都係貴精不貴多，每款食少少都其實已經非常之飽，可能之前有做過資料蒐集，所以其實都心中有底，我主要都係食海鮮為主，肉食我只係試過羊𣕧，可能剛剛切正個邊位所以好dry,其他海鮮，花膠同海參都係有質素嘅，佢哋個中湯都係好有份量，好夠味！至於好多人講嘅回本龍蝦，我反而覺得好一般...總括嚟講都係一般般，只能夠講，未試過既可以一試。

用料好，三文魚和各類刺身夠新鮮，食物種類選擇多，淨係湯都有三款任你揀！中菜選擇多樣，例如花膠和鮮帶子，簡直正！甜品款式仲有好多手作的。環境一流，食物出極都有，唔使爭，以咁嘅價錢絕對抵砌；唯獨是咖啡冇得任飲，呢樣野可以改善一下，整體來講可以「返卓」！