Jo Jo Indian Cuisine

营业中

休息中

印度菜其實周圍都有,好多時都食到厭厭地,始終香港人口味唔太識得分每一隻咖哩,而致到其實間間都覺得差唔多,但係今日黎到呢間灣仔印度餐廳本身期望不大,竟然又有D驚喜.首先叫左原隻羊膝,估唔到羊肉一D都唔痴骨,搵刀鬆鬆一撩就落曬咖哩汁度,羊味夠得黎唔會太濃,而且一d渣都無,證明煮既時間並無過龍,而且羊本身既質素亦都頗高,可以話係係以前既印度餐廳未食到過既味道.另外叫左一款印度式既消暑解滯飲品,帶有話梅清檸味,對於我呢種食少少辣都會覺得有點over既人黎講作為中和十分合適,兼且愈飲愈開胃.餐廳空間感十足,店鋪亦有好多當代既印度擺設,但提提大家如果發現野食太耐未黎可以催一催侍應,因為我地當日就係發現漏左單.

Dinner想食得簡單啲？呢一間印度菜都係一個好選擇☺️佢哋嘅選擇多元化，除咗有經典嘅印度菜之外，我哋今次試咗佢嘅烤魚，同埋沙律🥦仲有涼浸浸嘅凍檸茶，over all都好唔錯，呢一間印度菜，其實已經嚟過好多次，😉因為佢哋出名環境好，服務態度都唔錯，而且可以坐好耐。星期六晚，好在friends book咗位，所以都可以順利入場🥳~叫咗嘅烤魚，係全場最為驚喜！因為佢嘅味道教得好好，唔同香料搭配，令條魚都唔會有腥味。而且佢哋嘅🥗沙律，配菜都好豐富😍鍾意菜菜嘅唔可以錯過。

🥘特色嘅印度菜，真係聚會gathering嘅一個好選擇，今日行經灣仔，因為朋友喺附近做嘢，所以lunch time就遷就佢地方，附近一齊試下先！🤓呢一間印度菜館，❤環境開闊，而且好光猛~選擇坐嘅卡位好闊落，所以同朋友都傾咗好耐計。👍佢哋嘅食物同樣好唔錯，最推薦嘅，當然就係佢哋嘅傳統印度薄餅，個皮好薄，好香🤩而且點埋香濃嘅咖喱食啱啱好🍛味道夠傳統，waiters服務都好好，我同朋友都好鍾意~🥰

週末嚟到呢間係灣仔嘅隱世印度菜一直都好想食印度菜，但係除咗重慶大廈之外好似唔係好食到正宗嘅印度菜🤧今次黎試吓頗有名氣嘅Jo jo餐廳喺大廈嘅2樓，唔好睇大廈好似殘殘舊舊入面餐廳都真係幾chill尤其係夜晚嚟到真心可以放鬆一下見到餐廳有類似半buffet嘅位置，疫情之前可能有開放🤭食印度菜，我最鍾意試嘅就係脆片宜家先知原來係佢哋嘅前菜🤣🤣奉送有三個汁，個人認為綠色嘅梅汁同中間嘅咖喱香港人唔太接受到但紅色嘅就似酸梅再加少少辣味，係幾惹味脆片雖然唔熱，但係就算凍咗咬落去都好脆🤩有少少辣辣地，我朋友唔食太多，但係我一個人差唔多清晒成碟😂冇影到好靚嘅相但係呢個羊肉咖喱 同埋薄餅真係超級好食！首先薄餅我哋揀咗芝士餡餅雖然唔太食到芝士味，但係佢落嘅香料唔會太重，反而覺得好惹味🤩重點真係新鮮滾熱辣整出嚟，拎上手仲係覺得好熱🤣就咁食都已經好好食，佢仲附送左一個類似乳酪醬有少少羊奶同乳酪加埋嘅味然後佢呢個咖喱又係超級好食！唔知係咪配合返香港人嘅口味，我就覺得唔算太辣羊肉都煮得幾淋，唔會覺得有羊酥味，食落去口感有啲似牛腩真心超級推介！淨係食呢個薄餅同咖喱已經值得來最後我哋都叫咗個甜品佢餐牌上面寫係煉奶番薯球

📌 Jo Jo Indian Cuisine印度菜第二波💥第二次食印度菜又有另外一種驚喜！-🔸菜單種類：咖喱、燒餅、小食、甜品前菜脆片加3種醬料🍢喀什米爾燉羊肉（$148）羊肉冇羊羶‼️，炆得好軟身，蘸Naan/烤餅/鬆餅食一流！！😎🥠 牛油鮮奶鬆餅叫咗一個印度芝士口味，類似naan, 但係就比naan鬆軟，熱辣辣上枱，香味撲鼻，點自己鍾意嘅醬料，非常好味，是日最愛😍🍡煉奶丸子（$58）一道印度甜品，口感偏甜，丸子口感類似一舊怎了煉奶糖水的蛋糕仔，口感綿密，有開心果等配料，香味更濃！😝😝🥤mango lassi芒果奶昔（$58）拉西飲品喺印度好出名，一早就想試🤤好想試係咩味道！芒果味好出，配埋乳酪，味道偏酸，質地稠密，爽-📍：灣仔駱克道37-39號得利樓2樓🚆：灣仔站，c出口步行約4分鐘

呢晚相約港島區舊朋友聚一聚，Jo Jo Indian Cuisine 餐廳由印度人主理，灣仔舊式唐樓2樓隱藏著一份印度風情，情調燈光店員大多是印藉本土移民，餐廳裝修風格情調充滿特色，牆上掛有印度畫作、經典電影海布。餐牌設計清楚，圖文並茂有齊中文，以前食過重慶真係唔知有咩可以揀😆前菜每檯先來個印度薄脆片，原味唔點醬都有濃濃黑椒咸味，薄荷青醬、梅子醬、咖哩醬三款醬汁任點。=̶Garlic nann=̶ $28推介:⭐️⭐️⭐️⭐️厚身即製蒜蓉烤薄餅新鮮出爐，原塊攞上手熱辣辣，原味唔點任何汁，煙韌鬆軟，蒜蓉香中帶點油分。其他味道還有牛油/芝士，食薄餅不得不配上一個正宗咖喱。=̶Butter chicken=̶ $138推介:⭐️⭐️⭐️⭐️⭐️皇牌印度咖哩雞，應該係全部款最香滑一款，唔食得辣嘅話一定叫呢款，有好少的微辣味，所以送飯送薄餅完勝，雞件有十數件，兩個人share 都足夠。=̶Bombay Onion Bhaji=̶ $推介:⭐️⭐️⭐️香炸洋蔥秋葵絲，炸物類似日式天婦羅，入面材料食落幾軟熟，係小編唔太喜愛佢出面炸粉一絲絲較硬身的炸條特式，洋蔥同秋葵絲芳香，一個可以一試的蔬菜類小食。睇返資料後，原來西貢都有分店，整體來

Holiday buffet lunch or brunch 種類款式唔多選擇少 食物方面質素麻麻雖然食品唔太滿意但係男店員同小食廚師👨‍🍳非常好驚我哋唔識叫都會主動招呼小食

通常一講起食印度野，大家都係講去重慶大廈。重慶大廈嘅嘢食確實係幾惹味，但始終冇咁乾淨唷。既然係咁，今次就等我依個肥JJ，介紹一下依間好好食，座位又乾淨企理嘅印度餐廳喇！果日我哋book咗夜晚食六點半，一坐低嘅時候已經被隔離嗰台個雜錦燒肉拼盤啲香味吸引，佢哋係用鐵板上，一嚟到嘅時候吱吱聲，加上洋蔥同其他香料，非常之香，所以你都忍唔住叫返同一個唷。佢哋個雜錦燒肉拼盤有魚有羊有雞，各種肉類都已不同的印度香料醃製同配搭，又惹味又出色。每樣肉類都有兩件，岩晒我同朋友share。除此之外，我哋仲叫左個Chicken Tikka Masala不過唔知係咪因為個燒肉拼盤太出色的緣故，反而我覺得依個咖哩就普通普通，睇落去幾creamy，但食落去俾啲herbs 味搶咗。不過整體來講都不錯，金鐘同灣仔都近，一於下次lunch再嚟試埋其他啲咖哩先！

💭記得上一次食正宗印度🇮🇳菜好似已經係幾年前係新加坡一個叫小印度嘅地方，真係一試難忘架！😋今日呢Caca就去咗一間位於灣仔駱克道嘅正宗印度餐廳JoJo Indian，餐廳環境氣氛同店員都充滿印度風情架！👧🏻Caca今日食乜野？✋🏻Butter Naan- 牛油口味印度薄餅，又香又軟熟，最中意嘅係佢地會即製薄餅呀！✋🏻Kesari Pulao-口感獨特帶有粒粒香料嘅印度黃香米飯🍚配咖哩一齊食，絕絕絕配！一碗飯嘅份量夠兩個人share呢～✋🏻Shammi Kebab-香煎羊肉餅，羊肉mix薯餅嘅口感，飽足感💯✋🏻Chicken Chettinad-皇牌印度咖哩雞梗係要點啦，據店員講呢個黑胡椒咖哩係對身體有益架！超強烈黑胡椒嘅味，辣🔥得黎好醒胃，雞肉都吸收晒咖哩味度，無論配飯或薄餅都咁match。

今次同女仔friend 再戰印度咖哩🤣🇮🇳，但最估唔到今次會辣得咁過癮🥵 Menu:菜單如下：1️⃣ Pani Puri 見到隔離枱有嗌，我地又跟風嗌黎試下🤪 唔可以話伏，最多話食唔慣呢款地道印度小食🤓 如果你就咁單食有可能會dry得滯，所以餐廳有附上兩瓶小醬汁😌2️⃣ Chicken Tikka Masala 呢個咖哩雞真係比想像中辣🥵 兩啖咖哩，一啖酒咁食🤣 但真係辣得好鬼過癮，個雞煮得入味，肉質仲好嫩，簡直食完停唔到🤤👍🏻3️⃣ Plain Naan & Paneer Kulcha Naan 呢間既Naan口感較實，美中不足既係咖哩好濃稠，較難點Naan食，除左呢方面都好食既😛 Paneer Kulcha Naan係芝士餡，但我唔太食得出芝士味，比較似薯仔餡(?)🤣4️⃣ Expresso Martini & Whiskey Sour 唔知係咪食完辣野既關係，啲酒精特別容易上腦(?)🤣 竟然似左一半已經有啲暈暈地😳🙈 但如果係鐘意飲咖啡既，推薦試下呢杯expresso martini~ 唔洗驚，飲完我個晚仲訓得著既😴

HKAPA附近有間樓上印度餐廳不僅環境乾淨，而且食物選擇多味道又正宗，是我的愛店之一▪️前菜首先有papadom打頭陣，這裡會提供一籃子的papadom，而不像其他餐廳一樣只提供一人一片👍🏻Papadom炸得很脆，完全不會太油，配上我最愛的薄荷醬和甜醬很開胃▫️Chicken Tikka Masala這個Masala醬有點辣，如果不能吃辣的朋友未必能受得了。但是我非常喜歡無骨雞腿肉用炭火烤過後的碳燒味，增加了一種風味同時令醬汁更香😍而且裡面有很多雞塊，煮得非常嫩滑▪️Vegetable Jalfrezi當晚不想叫太多肉類，所以選擇了一個蔬菜咖哩的菜式，同樣令人非常驚艷！裡面有大量雜菜：椰菜花、西蘭花、青豆、蘿蔔和薯仔，沒想到還有feta cheese！羊奶芝士跟jalfrezi sauce很搭，咖喱汁減低了它的騷味但又不會完全掩蓋了本身的味道。如果你很討厭蔬菜，我相信印度蔬菜菜式一定能令你刮目相看😎▫️Garlic Naan當然少不了naan！Garlic naan很大片，也不會油油的或者底部烤得焦黑，火候掌握得剛好🔥Naan本身非常鬆軟，配搭咖哩汁一流🤤

今天去灣仔品嚐了一頓正宗的印度晚餐，Jojo Indian 餐廳佈置好靚，枱櫈牆身裝飾全部都唔似印度style，再加埋電視不斷播放印度明星的MTV，真係恍似去咗印度旅行一樣。🤣🔷$52 酥炸辛香雜菜餅呢個雜菜餅炸得好香口又唔會太油🔷$35 牛油鮮奶鬆餅🔶$155 咖喱魚咖喱魚非常香，唔係好辣再配合埋個鬆餅非常夾好好味。🟢$68 檳榔業及玫瑰花花瓣雪糕上網話檳榔業有抗氧化功效，這個雪糕味道好特別，絕對唔係一般餐廳可以食到。

星期五晚上，今次黎到灣仔呢間樓上印度餐廳😋一去到門口已經冇種好古典晚裝修，入面又有一排排晚酒，感覺好有氣氛😌脆炸薄圓球：整到一口size好方便😛， 仲開左個窿比你倒汁入去，個皮好薄脆，入面好明顯食到薯蓉同香料味，我就鍾意倒滿滿晚汁，再起口入面一下咬爆，爆汁晚感覺好衝擊🤪而配有兩個汁，一個甜既係芒果汁，似芒果乾味既😙，另一個就酸酸地帶少少辣既，個人比較鍾意芒果汁，感覺無咁hard core🤓烤印度芝士：芝士鐵板上好有鑊氣，個面仲煎到燶燶地，真係好香口😳，芝士既口感算扎實，而且香味亦好夠，食落唔會係好漏，亦唔會好咸好濃味👏🏻順帶一提，配菜比鐵板燒到熟哂，都好好食😜安得拉芒果咖喱魚：又係切到一口size👍🏻👍🏻未食魚已經忍唔住先試汁，個汁酸甜，帶微辣，本身已經好有魚味😋再食魚，口感竟然一d都唔乾唔鞋，反而仲幾juicy。食到最尾無哂d魚，但因為個汁酸甜太惹味，一羮羹咁差唔多飲哂d汁🙊牛油鮮奶鬆餅：真係好鬆軟😍咬落仲好煙韌，而且佢本身已經有味，真心唔洗點汁已經好好食Ambi panna: 好重青椒味🙈，口感濃郁既咸乳酪Masala chaach:飲落飲泰式咸話梅特飲😂

今日去灣仔做完嘢又喺coffee shop開完會晏晝都冇乜點食嗱嗱聲食返個early dinner 記得呢度附近有一間幾有特色嘅印度餐廳好坐之餘又舒服印度餐廳都有前菜提供自製辣椒醬煮雞呢隻自製辣椒醬真係好正、仲好辣下～辣中帶香濃味道～～但好有辣勁～幾喜歡 ～點餡餅一齊食都好match～雞肉好鮮嫩、又入味～😋印度餡餅原來有幾隻口味個喎提子乾腰果碎、芝士、橄欖、辣椒好想試吓個橄欖餡餅🥙～送上枱時用布蓋住～一揭開大大塊餡餅上面有好多切碎嘅橄欖、超香～

放工約咗喺灣仔同朋友食飯，今次想試啲比較新嘅菜式，所以就決定食印度菜。呢間餐廳嘅裝修俾人一種復古嘅感覺，有唔少印度Bollywood電影嘅海報，座位都好闊落。前菜-印度薄脆片坐低叫完餐之後，就會每台都送上一客薄脆片。佢嘅脆片鹹鹹地，而且有少少黑椒嘅味道，配埋三種特製嘅醬汁。綠色嘅青醬好清新。梅子醬就真係好酸，酸到你流口水，不過夏天食都幾開胃。Pani puri $48呢個炸薯波係印度嘅前菜，外面似打邊爐食嘅山根，餡料方面就有薯蓉，仲有啲鷹嘴豆，食落有有層次口感。最特別係佢嘅醬汁配芒果醬同薄荷醬，兩種截然不同嘅味道，感覺好新穎。Butter chicken $138泰國咖喱食得多，但印度嘅咖喱就比較少食，估唔到都幾有驚喜。佢睇落份量唔大但容量都相當深。味道唔算好辣反而多咗一層印度嘅香料味，而且雞肉同平時食開嘅唔同。呢隻咖喱配飯或者nann 餅會好開胃，好快就會食完。Garlic nann $28今次揀咗蒜蓉味，佢都幾厚身，而且一上枱嘅時候熱辣辣，咬落煙煙韌韌，而且加咗蒜蓉味就更加惹味，初初諗住得3塊好少，但食落都幾飽，本身想再試買原味，不過已經太飽食唔落啦。總括而言，呢間印度餐廳比我想像