JEP by Involtini (裝修中)

📍 JEP by involtini佢係人氣米芝連推薦餐廳 @involtini.concept 嘅姊妹店黎，JEP嘅主廚係做過米芝連3星餐廳廚師～屯門越嚟越多cafe同高質意粉食，呢間JEP由佢開到而家一直都係處於full booking狀態😭〰️好多人都流晒口水等食🤤難得田門開米g連級數餐廳姊妹店仲要dog friendly嘅餐廳點可以唔捧場先！！利申佢只係室外可以坐狗狗架咋～大西北牛牛今日又得一分威翻次😎落個樓下就有得食好西呀！📢🐮🐮—————————————————🥖 自家製麵包配自製黑醋牛油 $0一坐低佢地就會上自家製嘅Rye bread同sourdough bread餐包，配埋自製嘅黑醋牛油加olive oil～仲有個小心機寫左佢哋jep個名，幾有心思同誠意🥸 包包好鬆軟，比起之前食過嘅米芝連餐廳好食！主要係個外皮冇咁硬，入面冇咁酸😂呢間咬得開又易入口咁〰️🫕 昆布蜆湯 $68呢個湯有驚喜！飲落味蕾很刺激！就咁睇名我以為係日本嗰啲麵豉湯咁（我太小見識了）🤣點知一上，咦白色既？！原來呢個湯係用魚同蟹一齊熬出嚟，所以個湯係白色架～～～飲落好鮮甜巧濃郁海鮮味，仲要都比幾多隻蜆下，啲蜆

本身都鐘意食意大利粉，難得見到咁高評價，決定入來試下，但結果強差人意。無訂位walk in要等吾係問題，入到去服務生做簡單介紹，非常缺乏誠意，完全聽吾到佢講左點咩，好似為講以講。頭盤青醬湯，味道淡，無特別一杯凍檸茶，無茶味，檸檬無味，糖水好啖一杯特飲，玫瑰海鹽荔枝梳打，似話梅水一碟辣肉腸通粉，醬汁好啖，無咩味道一碟卡邦尼手造意粉，阿哥哥仲特別走來介紹有幾特別，咩正宗意大利做法，冇忌廉，用咩雞蛋同咩加埋調製等等等。味道啖，冇卡邦尼既味道，最多只能講個手造意粉質感係幾特別既，其餘真係吾合格。本身係意大利生活過10年，吾講得上好專業但都叫食左好多吾同或傳統既意大利粉，如果間餐廳吾係咁標榜什麼跟意大利正宗食譜的話，可能都仲算數，但收一個完全吾係平既價錢，比個連普通餐廳都煮得好食過佢既意粉，只能講，言過其實！

👨🏻‍🍳JEP by Involtini 🍝🦐🦀💛Involtini Italian Cuisine以高質的手工意粉打出名堂，連續5年獲得米芝蓮推介 竟然喺屯門區開咗分店 今次終於試到呢間人氣手工意粉餐廳 之前見啲人話提早兩個月前book都book 唔到 我前一日上網站意外地有位就可以直接book到啦大家可以留意下🤪隨時會有位放返出嚟酸種麵包點餐後會先送上麵包麵包係自家製嘅外脆內軟都幾好食蜆肉昆布湯（$68）一飲落去就係海洋嘅味道 非常鮮甜昆布湯+蟹肉新鮮熬制非常鮮甜不過蜆肉略嫌細粒咗啲唔夠肥美 同埋都幾細碗下傳統卡邦尼手工意大利麵🍝（$158）賣相好吸引醬汁好濃厚 佢呢個有別於平時出街嘅卡邦尼 佢係用牛奶加羊奶冇加忌廉 所以個味道係好濃厚 而意大利麵都係同平時嘅唔同佢係方形扁身 嘅口感煙銀同埋好掛到嗰啲汁松葉蟹甲羅燒蟹膏意大利飯🦀（$288）侍應叫我哋由外到內咁食就可以食到飯嘅唔同層次 中間個圓圈真係充滿驚喜入面有超多甲羅蟹膏非常之鮮甜好好味😋🤤 而成個飯都有好多蟹肉上面鋪左 蟹子同埋有鵪鶉蛋黃10分濃郁🤗紅酒燴梨自家製冰糕🍐🍨（$58）個梨都幾入味 伴碟嘅自家製冰糕非常濃郁呢個十

今次又encore呢間JEP啦！ 事關屯門番工，有好西冇理由唔食姐！呢間係姊妹店，另一間係米之蓮推介既意大利菜黎嫁！手造意大利粗意粉，北海道帶子今次轉左新既lunch menu，呢個意粉第一次食，果然手造既意粉真係零舍唔同呀！彈牙得黎又好有咬口，唔會一pat入口就斷咁，加埋啲海鮮汁，同埋北海道帶子，好新鮮，好鮮甜，仲好彈牙添！ 份量都唔少嫁，食到最後仲有帶子呀！不過留意番，有少少辣既，超惹味！椰香意大利奶凍呢個奶凍就真係encore既！啲椰子味好好食！啲奶又香又滑，同啲椰香相輔相成，超正呀！仲有面果層芒果，唔酸，但又balance啲甜味，一啲都唔漏，越食越上癮！

平時番工最中意係屯門周圍搵好野食今次黎到田景既JEP， 搭輕鐵係田景站過條馬路就到，都好方便嫁！今次試下佢地既lunch set 首先係餐包，一個人都有兩個包， 一個係酸種面包，一個係黑麥面包，再配自家製既醬， 啲包又軟熟又香，夾埋啲醬真係一流！之後係手造意大利粗面.蟹肉.牛油果醬.蟹子牛油果味好出 但又唔會遮左蟹肉既鮮味，蟹肉一條條咁痴係意大利面度 好足料！對意大利面有要求既我 都對佢呢個手造既意大利面好滿意，夠厚度 又好煙軔！爽！然後叫埋個椰子意大利奶凍，椰子味同奶味好夾， 兩樣都好濃好香又滑，仲有好多芒果係面，但芒果唔酸，反而令到個奶凍冇咁漏，大滿足！加左咁多野，埋單都係二百蚊！ 真係物超所值！值得推介！

早幾個月已經知悉開左系屯門但係因為驚新開張會大排長龍所以遲遲都未去事隔多個月 就去嘗試下友人說過可以試下平日walk-in!就膽粗粗去試下當日中午12點9去到 門口已經貼左FULL 心諗O M G照開門入去問 之後距就話枱FULL左要留電話等 要等bar枱 大概會1點至1點半call!咁就係附近閒逛到大約1點3就返返去(未收call)之後就睇下menu食咩之後距又真系1點半就打黎話有位嗌左2個Set Lunch!坐喺bar枱又幾chill既哈哈哈可以望住水吧整野飲首先黎既系餐包分別有酸種同黑麥麵包再配自家製松露牛油個人比較推薦黑麥麵包撘配牛油食落好香好好味(本人喜好松露的)再黎到沙律🥗裡面有青瓜番茄仔脆麵包同水牛芝士撘配青汁很撘 很fresh的味道好味平時不喜沙律的我都食清左再黎飲品有我最愛既Pina colada(無酒精)距有分有/無酒精 自己喜愛吧無酒精既我覺得不太甜既之前系馬代飲完就愛上了友人系Iced Tea正常吧手工意粉有咬口 偏硬身本人系喜愛硬麵 所以無問題偏好淋麵既朋友可能就會麻麻地而我就鐘意既帶子煮得亦岩岩好長通粉配番茄汁很配 很開胃不過系當食完意粉先上枱 上菜時間有待

2個月前BOOK左既餐廳, 今日終於試到.餐廳大概得 6~7張枱, 全部需要訂座, walk-in既要等訂左位既客人食完先有位餐廳簡潔裝修, 光線充足. 好舒服咁享受我既午餐酸種麵包:  筷暖既麵包有幸乎由良心老闆親自拎出黎, 未食都已經感到好窩心. 口感煙韌, 配埋自家制黑醋欖油, 好味昆布蜆湯:  加左蟹肉, 成個湯都好鮮甜.是日餐湯: 今日既是日餐湯係蕃茄濃湯, 用左好多蕃茄打出黎, 厚身, 好夠味** 想特別一讚就真, 店員好細心, 主動同我地講可以幫我地將2個湯分別分成2份, 咁我同朋友都可以試哂2個湯. 讚傳統卡邦尼手造意大利麵:  等左2個月先食到, 當然必食佢地呢個出名既手工意粉啦.傳統既意大利麵係會有少少硬身, 平時太淋既係港式意粉. 呢個手工意粉口感煙韌, 醬汁調較得岩岩好, 令到每一條意大利麵都可以攸到掛汁. 不愧係招牌菜松葉蟹甲羅燒蟹膏意大利飯: 店員建議先試左一啖外, 再試一啖中間. 之後先撈埋一齊食. 咁樣就可以先分別試到個意大利飯同燒蟹膏既味道. 再撈埋一齊之後, 意大利飯可以中和返蟹膏, 好聰明.Tiramisu: 加$ 35 有甜品. (原價$58)

上年睇到報道，知道屯門有呢間黃店 ，一直想試，不過上佢地個網，短期既booking已經full哂，就bookmarked左諗住有機會再試。就係2月，諗起老公4月生日，不如試吓book位；因餐廳只開放60日後之前的預訂，就係食飯日子/時間，數前60日上官網訂，終於訂到～等左兩個月，今日終於可以食到～餐廳內不算太大，坐位不多：坐下不久，店員細心介紹menu菜式；我地冇叫set lunch, 叫左a la carte menu內既帶子雲吞同松葉蟹意大利飯+甜品。先上麵包，店員話係酸種，新鮮熱辣辣，好好味～帶子雲吞，味道幾特別：松葉蟹意大利飯：店員每上一度菜都會介紹，呢個是要先吃外到內，由淡到濃味，中間是蟹膏加生鵪鶉蛋限定既台灣鳳梨甜品，有鳳梨tart, 鳳梨配白朱古力同鳳梨雪糕好滿足既lunch😋

話說想食好耐，諗住約朋友喺屯門呢邊食，香港區雖然有，但吾方便，話哂係米之連明白一個booking可能等好多日，吾緊要既！我地明白！首先上網訂啦，㩒完日期，去到㩒時間啦～㩒極都㩒吾到！心諗可能果日full左，甘再㩒兩個月後，又去到㩒時間位，又㩒吾到！可能我手提問題，叫兩位朋友試下，都喺時間位㩒吾到！呢個時候唯有選擇打電話問啦，電話打極都無人聽！！我地班朋友都食過其他米之連，都未試過係甘！

苦苦等咗兩個月，終於比我等到啦🤤 令我牽腸掛肚咁耐嘅就係銅鑼灣Involtini嘅姐妹店，主打手工意粉🤩🤩 餐廳長期都full booking🙈 當晚點餐時有唔少野食已經售罄🙈 睇黎下次要再早啲😎晚市時段係以Ala Carte形式點餐，不設套餐，但每枱都會送上麵包，配以自家製黑醋牛油🧈 麵包溫度足夠，非常鬆軟👍🏼🦀 松葉蟹甲羅燒蟹膏意大利飯 ($288)侍應建議將飯由外食到內，可感受唔同層次😌 先從外圍食到充滿松葉蟹絲嘅意大利飯，食到中間會品嚐到加上甲羅蟹膏嘅鮮🤤 蟹膏嘅鮮並唔同平常食到嘅鹹腥🙈而係非常鮮甜，真係好高質👍🏼 味道由淡至濃，愈食愈香😍🥠 自家製北海道帶子元貝雲吞 • 帶子汁 ($198)雲吞以乾瑤柱及帶子做餡，一啖咬落去，瑤柱味爆發😋 鮮味好濃🤤 帶子汁同樣鮮甜，再加上作點綴嘅西蘭花蓉，鮮味中帶點清新🥰🍰 “自己整” 提拉米蘇 ($58)就好似個名咁，將Expresso/ Cream/ 手指餅分開上，由自己黎拼砌😝 咖啡香濃，苦而不酸☕️ Cream香滑，甜而不膩😋😋 加埋一齊就係令人難忘嘅甜品🤩🤩🍹 Today’s special - Sea salt rose lych

見報道介紹 我就立刻去左網站睇下有無位都應該2個月前 成功book到2/26呢個昆布蜆湯 佢話加左蟹肉去煲 會更加鮮但我就食唔到蟹味😛個湯係幾好飲用料應該係新鮮料但...可能我唔太仲意食岩岩熟既蜆肉佢係嫩滑既d肉 但食落有小小腥同行既人覺得都幾好食因為佢仲意食岩岩熟既蜆肉 但我就麻麻 因為岩岩熟既蜆比較腥第二個菜係意式炸海鮮嗯..一般 唔洗特別去食就係普通炸海鮮唔記得菜既全名 就咁叫卡邦尼意粉好好味食得出意粉係親手製造配上濃厚既汁同有少少芝士味令我發現一直食既卡邦尼唔係卡邦尼 哈哈呢碟又係唔記得全名 叫蟹膏意大利飯因為係意大利飯 所以每一粒飯粒已經有香味店員叫我地由淺食到深色 試下仲意點食我發現撈埋係最好食因為蟹膏味真係好濃郁撈埋一齊簡直係岩岩好自家製提拉米蘇用條餅加上espresso 既苦然後配上甜甜既提拉米蘇係幾正如果單獨食提拉米蘇會甜加埋一齊食岩岩好法式焦糖燉蛋 哇 佢塊焦糖仲脆卜卜加上佢配上菠蘿係中間好正簡直要爆分因為本人原本都仲意食焦糖燉蛋加上菠蘿係新鮮既口感同好味好夾總體 前菜可以唔洗叫都可以食主菜甜品好味

用餐時間：普通星期二 1500今日個menu其實係本身既dinner menu黎，不過禁晚市堂食就當係個early dinner 咁食。餐包賣相幾好，尤其係個牛油，不過我覺得食落味道有少少失望，我唔係好肯定佢係咩醬黎，不過食落麻麻地夾。凍檸水做得相當唔錯，賣相幾好，溫度都夠凍，而且甜度可以自己控制，鍾意落幾多糖漿都可以。其實我個人覺得凍檸水要做得好真係唔難，奈何好多餐廳真係連咁基本既凍檸水都經常令人失望，所以呢度做得咁好都值得一讚。我人生食過最好既飯之一。賣相好靚，有日式溝意式既感覺。飯食落好creamy，一啲都唔乾身，配埋蟹籽更加爽口，口感好豐富。蟹膏雖然唔明顯，但都食得出有嗰陣味。整體黎講我都搵唔到有咩可以改善既地方，真係好好食。造型好可愛，捲埋一條。一開始熱食係幾好，不過放多左一陣之後啲cheese開始凝固翻，啲麵就痴埋曬一舊好難分開。cheese味好重，同平時食開既重忌廉味卡邦尼口味差好遠。其實趁熱食嗰陣係幾好，不過如果放耐左真係會越黎越差，所以呢個麵真係要趁熱食先得。每個主菜可以用優惠價 $35追加一份甜品。提拉米蘇做得好出色，好creamy好好食。隔離既手指餅就比較特別，可

早在去年11、12月睇到有關呢間餐廳既報導，係一間手造意粉黃店，見近屋企諗住試吓，嘩，要預早兩個月前訂位，仲要講緊我已經諗住係試平日午餐。Anyway, 一見兩個月後邊日有就訂左先，真心驚會唔記得囉。呢日終於來臨，餐廳其實細細間，裝修簡潔，加埋限聚令，一轉午市其實只係做到10個客左右。呢度係a la carte, 但一坐低都會奉上自家製特式餐包及牛油，好精美。傳統卡邦尼手造意大利麵：份量唔係太多，但味道都唔錯，同出面既carbonara 好唔同，意粉比較煙韌，值得一試。「黃」布和牛千層麵：份量都係唔係太多，味道一般冇特別驚喜，好似普通肉醬意粉但變咗千層麵，只屬可以一試。法式焦糖燉蛋,自家製冰糕：呢個甜品係我同朋友一致認為最驚喜，比起主菜更吸引，完全唔同坊間既焦糖燉蛋，焦糖香脆，蛋夠滑夠濃，又唔會過甜，配埋佢件自家製冰糕，冇得頂，我應該會為咗呢個甜品去再幫襯😋😋另外，值得一讚係，入座時員工會介紹餐牌，每款食物上枱時都會介紹一下個菜式，感覺好似去左酒店餐廳咁。

kombu clam soup $68fried cheese $50homemade fettucine, pesto, burrata cheese $138homemade tagliolini , carbonara $158DIY tiramisu $58先上枱好有驚喜既麵包黑麥麵包+湯種麵包🥯配上自家黑醋牛油橄欖油包身煙韌 內脆內軟黑醋欖油夠獨特 輕輕黑醋香令人食指大動昆布蜆湯採用新鮮番薯蜆湯底高質 蜆肉配合昆布效果清甜可惜蜆肉有沙炸金文拔芝士拉絲好玩小食 中規中矩自家製水牛芝士青醬闊條麵青醬加入hazelnut口感加強左 但味道唔算突出整體味道偏淡闊條麵麵身比較死實傳統carbonara醬汁加入意大利豬肉以傳統做法而成相當creamy可惜既係所用既Parmeson cheese帶苦味意粉口感比闊條麵好比較有筋度自己整tiramisu最後係玩味甜品將Tiramisu分拆開三樣元素芝士 手指餅 espresso店員指導唔好浸淋 要慢慢不落去效果未必係最好 但玩得好高興值得一提店員服務態度非常好每一項菜式都詳細講解walk-in坐到outdoor 環境相當舒服總之pasta有少

久仰大名得手工意粉心血來潮行入去問幾時有位靚仔哥哥話來緊的booking 去到60日後但聽日3點有人cancel booking🎉🎉🎉正 即攞期食🥰環境不大 細台得幾張吧台都係得幾個位問左staff話目前唔開出面露天的位餐具好靚但講真張台真係太細一上野食 full到郁唔到水果茶同朱古力都一般般冇咩特別但個酸種麵包好正！！！配埋黑醋牛油 酸酸甜甜 又滑又開胃！麵包硬度適中表皮脆口 厚實！叫左 松葉蟹膏飯 Staff一上菜會好detail咁介紹菜色同建議食法Staff建議唔好混埋一齊食，個飯要由外至內咁食我一食到蟹膏，真係哇左一聲真係好香好好食！極力推薦！飯就有點兒硬～ 蟹肉的鮮味就滲透曬入飯道呢碟真係必食！！仲叫左homemade carbonara Staff 千叮萬囑要趁熱食想講一上菜陣芝士香味已經搞到我流曬口水手工意粉口感算係偏硬但又唔算好有咬口呢碟我反而欣賞芝士味多過tagliolini Conclusion:價錢拍得上個質素值得一試！