JEP by Involtini (裝修中)

終於book到位喇👏🏻👏🏻👏🏻傳說中嘅手工意粉一定要試下💕——————————————————✨傳統卡邦尼手造意大利麵 $158手工意粉口感一流，好煙靭👍🏻配埋用正宗意大利做法嘅醬汁味道夠濃而不膩金黃色蛋汁食到個女想食埋隻碟咁滯🤣🤣✨松葉蟹甲羅燒蟹膏意大利飯 $288食法由外而內，可以由淡至濃嘅味都感受到由鮮甜蟹肉至濃香蟹膏食到我停唔到口🤤🤤🤤✨佛羅倫斯煎M5和牛肉眼 $480肉質一般，唔夠淋有啲失望，無特別✨法式焦糖燉蛋。自家製冰榚 $68冰榚質感不錯，好滑😋焦糖燉蛋味道剛好，不會太甜蛋好滑呀！入口即溶💕

-𝐉𝐄𝐏 𝐛𝐲 𝐈𝐧𝐯𝐨𝐥𝐭𝐢𝐧𝐢 🇮🇹初初開果陣 好多人msg 我話我住果頭有間米芝蓮高級意大利餐廳開左有幾次諗住去book 都book 唔到 只接受walkin 連平日下午都要排隊開左咁耐到最近先有機會去食🍞 Sourdough and Dark rye bread with homemade balsamic butter/ 酸種面包 + 黑麥面包 配自家製橄欖油黑醋牛油 /2個包都係新鮮滾熱辣！外脆內好軟自家製牛油 都幾香 雖然睇落好多油但食落又唔會覺得油膩連林芝蓮平時唔中意食包都食晒😳😳🍝Homemade Fettuccine, pesto and mozzarella/ 意大利寬蛋面配青醬和水牛芝士 （$88）/摸到隻碟果陣 係暖暖的 滿意🥰青醬既味道好濃郁 味道各方面都平衡 加埋水牛芝士 幾creamy的而寬蛋面比一般意粉較為煙韌 硬身啲未必每個人都會中意既口感份量較為細份 但都會有飽肚感Set 有跟左一杯野飲 +10% service charge食物質素還好 係屋邨黎講 價錢偏貴但成個環境格局 服務質素 都係可以一試✨

訂枱一向緊張 終於訂到lunch time 首先是麵包 是酸種包加黑麥包 外脆內軟 上枱還是熱的 自家制牛油有陣咖啡味 不知有否錯覺 沙律是水牛芝士車厘茄配青瓜加脆包粒 口感清新 醬汁也酸甜剛好 很開胃主菜是蝦茄子意粉 具體名字不記得 意粉彈牙有咬口 醬汁有蝦膏的味道 蝦仁新鮮 配上蒜香茄子 很美味 高質！！全部清碟 飽到吃不下甜品了 本來很想試紅酒梨位置不多 難怪比較難訂到 午餐價錢合理 服務也好 整體感覺不錯 是地點有點不太方便 有機會必定再來試試其他菜色

我本身好喜歡食千層麵, 在香港不同的餐廳都食過, 最滿意number 1嘅就係sabatini. 日常普通一點嘅就係以前喺habitu 有得食，不過冇得order 好耐了。今次知道jep 有得食, 專誠走嚟一試, 這個lasagna 做得還好，首先份量足夠，有5，6層，，芝士不太多，面層焦焦的，和牛肉碎牛味道足夠，滿意，醬汁濃淡適合， 但是面比較硬了一點，可以改善。收费不用200蚊，物有所值，絕對是可以 encore 的.

Involtini 夾住意大利米芝蓮三星餐廳 8½ Otto e Mezzo BOMBANA前任大廚坐鎮既名氣，餐廳屯門呢間分店JEP by Involtini 一直都一位難求，要兩星期前預約先有機會坐低食到。多謝朋友成功搶到位幫我慶祝生日，我先有辦法食得😘😘。.餐廳選址都幾隔涉，喺屯門市中心再要轉輕鐵先至可以去到。餐廳其實面積唔大，主要係三張檯同埋幾組bar 檯位。所以變咗午市晚市都要訂位先至可以坐到枱。但係眼見有啲walk-in 可以有bar檯位置。.雖然係小店但係同高級西餐廳做法一樣，餐廳嘅服務員喺客人坐低之後，會好用心咁解釋成個餐單，唔單純只係菜式名，連烹調方法用料等等都解釋得好詳細，呢點係加分位。.兩個女仔食唔得太多嘢。叫左一個前菜、兩個主食同兩個飲品.炸芝士西蘭花苗 💲50⭐️3.5/5前菜份量唔多，兩個share一人幾條西蘭花。味道正正常常，轉眼清碟冇大意見。.傳統卡邦尼手造意大利麵 💲158⭐️3.8/5呢間餐廳嘅招牌菜之一。傳統做法嘅Carbonara ，即係唔用忌廉用蛋黃做醬再配上手造意大利麵。餐廳手造意大利麵口感幾特別，口感覺得有少少似食緊厚底中式伊麵，麵質有點淋身，

🍝Homemade Rigatani Seafood💰$118😈呢間JEP真心世界級😭要提早半年book所以今次就博佢一開門1200就去等WalkIn位😭1130就去排隊終於排到第一😎佢呢個Pasta有小紅蝦蜆肉同魷魚佢個長通粉真係超吸海鮮味🤤佢個汁應該有用蝦頭去爆香再煮真係食得岀大廚級手勢😳仲有漏左佢個餐包未分享😰佢個包都係手工麵包仲跟住一個自調牛油超好食個包🥯🍝Homemade Bucatini All Amatriciana 💰$88😈佢個豬面肉短意粉都係超濃郁同埋佢個豬面肉好重油香味而個醬汁就偏辣但都好惹味🤤雖然以一個午餐呢間個價錢係無咁貼地但係呢個質素絕對對得住價錢😭真係好好食仲有佢個面有少少焦香🥗Salad Panzanella Burrato Cheese💰$25😈佢個水牛芝土係可以加$25蚊份量都好多同埋啲番茄酸酸甜甜幾開胃😬芝士都好好食仲有賣相都好靚同埋環境真係好優雅🥘Minestone💰$20😈佢個雜菜湯都幾驚喜😰因為我本身以為係紅湯個隻雜菜湯😳原來佢係真係用雜菜黎煮個湯所以就咁綠同埋佢入面真係超足料真係好用心製作仲有真係好值得一試👍🏻佢銅鑼灣都仲有一間

最近嘅心情都非常高低起伏果然計劃永遠都趕不上變化生活如何的累 心情如何的差都係要食飯😂好多謝你開咗入嚟屯門 如果唔係銅鑼灣永遠都唔會book到位我想講個紅蝦意粉一試難忘將我疲累身心一掃而空食嗰一刻完全感到放鬆同快樂聽到你地問一句有沒有什麼可以改善就係可唔可以容易啲book位😂😂我已經book定周年紀念再食過：）我個人來講呢個應該係我食過最好食嘅意粉，紅蝦意粉真心好好食❤️紅酒梨，自製冰雪糕都非常之正！個玫瑰latte都有驚喜！

JEP可算係屯門數一數二超神級難book枱既餐廳。鋪仔細細淨係得5張枱，仲要係大部分都係2人枱。鋪頭淨係做Online booking，仲要係早一個月上網搶booking，都唔建議試walk in。鋪仔細細，樓面staff唔多，櫥房設計係可以比食客望到入面櫥師忙緊咩。晚餐menu無set，每個item要散叫。staff幾細心，見我地2個人但只係order左1碗湯，會比2隻碗仔我地share。卡邦尼意粉個汁好食，有蛋黃味，手工意粉口感偏硬，我本身鐘意硬既口感，所以好鐘意。和牛千層麵係有d似肉醬意粉咁既味，但無咁酸，我本身麻麻地鐘意食酸野既人都覺得ok。最值得叫係tiramisu，呢個一定要encore。

我諗唔少人都會慕名而來，而且咁難book位，確實會造就左一種「真係好期待、好想去試啊」嘅感覺。今日我係中午搭正12點walk in，職員有禮，餐具同埋佈置都算乾淨；而且係黃店，第一個感覺係唔錯嘅。不過當啲嘢食嚟到之後，就有啲失望。手工意粉彈性同埋味道都尚可，但水準未至於出色到要專程嚟食 / 翻啅。我與同行友人嗌咗個蟹肉闊條意粉、carbonara同埋凍檸茶。食完嘅感覺如下：1. 我係女士（平時正常食量）都覺得唔夠飽2. Carbonara做法可能係正宗；但以正宗嘅carbonara你嚟講，整得唔好食；而且佢所用嘅肉切到好薄身，冇咬口，亦冇應該要有嘅煎香肉味3. 蟹肉意粉係一般西餐都唔難會食到嘅質素午餐最後埋單$300幾，冇叫到甜品，因為已經俾唔到信心我去試。按：好老實，同樣喺屯門，同樣係黃店嘅西餐，個人認為置樂嗰間彩_ _ _ 食物水準過好多，小店唔在講，仲要係街坊價錢。總之，唔會再幫襯，亦都唔太建議過分吹捧呢間餐廳。鍾意食好西嘅朋友，不妨一試，然後你就會明白我講啲乜。

終於都成功book到呢間餐廳等左左成1個月既時間 今晚終於有得食可想而知係幾咁有期望餐廳唔大 半開放式廚房 可以見到廚房工作 但係油煙處理好差 食完成身油煙味 好似同佢一齊煮咁叫左1個沙律/1個carbonara/1個螢光魷魚蟹膏意大利飯/紅酒璯梨沙律👌🏻Carbonara 賣相好靚 食之前仲會講解係正宗意大利做法 但好咸 意粉好淋 無q彈 😔 失望意大利飯既魷魚好鹹 意大利飯都好鹹👎🏻梨 正常 普通

呢間book mark咗好耐，終於book到位食lunch，真係好期待要咗一個蟹肉牛油果醬蝦子粗意粉$148（set lunch），一個卡邦尼意粉$158先上枱嘅係2個餐包，一個酸種麵包，一個黑麥麵包，暖暖地幾鬆軟，但算唔上好特別，一人一小個，份量唔多之後上咗水牛芝士蕃茄麵包沙律+$25，主要係青瓜蕃茄加香草醬嘅味道，不過不失之後再上蟹肉牛油果醬蝦子粗意粉，呢個真係好伏☹️☹️☹️，一上枱就聞到陣腥味，我同朋友都聞到，真係好腥！但都嚟咗，就照食，入口冇聞咁腥，但口感好淋冇咬口，而且蟹肉好碎，基本上係醬嚟，仲要個麵唔太掛醬，兩者嘅味道好分離，真係夾硬食完佢😖之後上卡邦尼意粉，呢碟好少少，幾香芝士味，豬頰肉片都幾香，但個麵都係好淋，似上海麵咁，仲要唔掛汁，唔難食但亦算唔上好食可能手作意粉冇平時啲意粉咁有咬口，但真係冇諗過會淋到似上海麵，對鐘意al dente 意粉嘅人嚟講，真係唔太接受到平均$150一份，份量仲要好少，真係食唔飽，食完仲要去附近搵野食最後加咗份紅酒燴梨配冰糕+$35（是日甜品），紅酒浸梨配雪糕嘅感覺，唔難食，但亦未到有好出色酒香嘅味，而且雪糕份量細到唔夠配梨食餐飲要咗凍朱古力+$

傳說中嘅黃店 無見過佢有available geh booking🥲拖朋友鴻福 先book到嚟食可惜......太大期望 又換嚟失望😂食物選擇唔係話好多 但都幾啱我口味嘅麵包配黑醋牛油 又幾特別 但我就一般般黑醋意式炸海鮮 $90蝦、魚、魷魚 x 4, 蝦同魷魚就普普通通啦個魚 (聽聞用咗龍躉) 魚味係有嘅 肉質偏結實但用炸嘅方式唔係好夾昆布蜆湯$68聞落好鮮 但飲落無味嘅Carbonara $158期待已久嘅手工意粉意粉嘅質地真係同平時食開嘅唔同口感的確係一流都算係我食過入面嘅數一數二醬汁用上正宗意大利做法夠晒濃郁 好好味不過呢🧐一放落口好食但食食吓 啖意粉就變咗無味好似白烚意粉咁原本入口有90分 吞落去嗰陣得返30分 拉返勻都有60分 正路啦依個天堂與地獄嘅反差層次我都係第一次試“黃”布和牛千層麵 $178一個好普通嘅千層麵😂抵讚嘅係芝士同牛肉夠多不過就唔係好食得出係和牛🤔依個質素同份量係屯門賣$178 只可以話我真係有點窮🥲松葉蟹甲羅燒蟹膏意大利飯 $288 估唔到一間專賣手工意粉嘅餐廳最好食竟然係risotto食法係由外食到內食出唔同感覺🥰最鐘意係炙燒蟹膏嗰個部份有蟹嘅鮮 又有

見到人話好難book位.好好味.特登入去食.芝士意粉無味. 得個樣.仲話用芝士加蛋整既汁.和牛千層麵同肉醬意粉真係無分別. 同我大家樂食個肉醬意粉真係一樣味.松葉蟹意大利飯.叫做一般意大利飯級數.但係分量極少. 少到真係平鋪落去.成288一個飯.加d見唔到既蟹肉同極少蟹醬.真係完全感受到乜野叫貴.牛扒好普通既一舊肉眼. 一間普通小店.收唔平既價錢. 唔緊要.但係起碼對得住味道.真心好期待.超遠搭車入去.但係換黎失望. 呢個價位真心好多地方好過佢.名大於實. 但係服務係可以接受.員工細心.不過食品就算啦.唔會有下次

情人節推介餐廳｜手工意粉/意大利飯Involtini係屯門開咗姊妹店，一定要試試啦！分店環境好舒服，位置都好好，不過第一次去要行個圈先搵到🤪- 頭盤（麵包）酸種包+黑麥包配自家製黑醋牛油+橄欖油好軟熟😋真心好好食- 傳統卡邦尼手造意大利麵呢碟只需百幾蚊嘅卡邦尼意粉，真心係用心之作🤯個汁好濃厚，蛋香味👍🏻豬面頰肉真係好加分，好juice，咸香咸香der☺️手造意粉好好好煙韌，而且仲好掛汁，真心好好食🙈- 西西里紅蝦．手造意大利麵好多隻紅蝦，隻隻都有鮮甜嘅膏，蝦肉爽口亦處理得好好😋個碟意粉充滿紅蝦嘅鮮甜🦐- 「自己整」提拉米蘇一開始以為得Tiramisu，原來仲有espresso with手指餅😍 手指餅甜甜地，再點espresso好配，我仲加埋啲Tiramisu，好好食啊❣️Tiramisu真係好出色，大推👍🏻超級滑，一啲都唔膩，食多個都得😂（真係食到眼都大埋🤣）- 飲品Mocha：正常發揮Chocolate：好似加咗啲真意大利朱古力，超濃郁又香，第一次覺得朱古力都咁好飲🤯（大讚佢哋用蒲草飲筒，非常環保♻️👍🏻）環境：非常好！坐到bar枱，仲可以睇住廚房做野，超正☺️店員：打電話去問，店員好ni

一間朋友話極度FULL BOOK極都BOOK唔到嘅餐廳主廚曾經喺米芝連三星餐廳擔任‼️ 唔怪得咁難BOOK餐廳開12點 未到12點已經見到有長龍 排隊等WALK IN室內地方唔算大 位亦唔多 但裝修好靚 簡潔得嚟又優雅-酸種麵包見識少 個名第一次聽同第一次食麵包暖暖地 自家製麵包加上自家製黑醋牛油黑醋味就不是太食得出 但麵包鬆軟煙韌 唔喺石頭咁-松葉蟹甲羅燒蟹膏意大利飯 $288一上檯餐廳店員就講解建議食法 由外到內食起最後可以將佢地MIX埋 會試到唔同層次外層淡味 比較creamy 內層濃味 蟹膏好濃加埋一齊食有中和作用 加上蟹籽 口感豐富-西西里大紅蝦意大利幼麵 $330可能前一款食左比較濃味嘅食物 再食呢款味道唔太突出但值得提喺手功意粉 (蛋麵) 好彈牙 而紅蝦相對都幾多膏- Fly me to the moon $88喺一種新出嘅cocktail用咗lemon, lime, white wine, soda, mint 製成 (上網睇)聽聞用浸左一個月嘅檸檬而製成 飲落真喺唔太酸 反而甜甜地- Bailey chocolate(唔記得個名) $88顧名思義喺bailey+choc