INN - I’m Not Nothing (裕民坊YM²)

营业中

休息中

裕民坊呢個商場開左之後第一次過黎，順便黎呢間歐陸式設計既人氣打卡餐廳食下野呢道有室外同室內兩個區域，最近天氣咁熱我都係揀左室內坐，但其實室外既環境都好靚，感覺置身於花園後廷既環境中，好舒適；室內既裝修就比較華麗，滿佈水晶燈，好有情調。Order:法式焗波士頓龍蝦米多配蟹膏忌廉意大利飯 $238意大利煙豬肉卡邦尼意粉 $118肉桂蘋果杏仁片焦糖忌廉班戟 $78法式焗波士頓龍蝦米多配蟹膏忌廉意大利飯有半大隻龍蝦，龍蝦上面有濃濃既芝士，入面有好多蝦膏同蝦籽，蝦膏好香好濃；蟹膏忌廉意大利飯好特別既味道，難以形容，但味道都唔錯，而且有少少蘆筍粒，係濕軟既意大利飯之中增強一點點爽脆既口感。意大利煙豬肉卡邦尼意粉醬汁好濃，非常掛汁，意粉質感軟硬適中，唔太會腍。意粉上面加上既薄薄芝士片加強左個味道，令食落口更香，味道很好。肉桂蘋果杏仁片焦糖忌廉班戟成碟野好精緻，睇見已經覺得好味。肉桂同蘋果果然係天作之個，肉桂香味加上微酸既蘋果好夾，班戟既味道加埋鮮忌廉一齊同蘋果食，多重口感簡直一流。

過到黎APM行街街，想同好朋友食返餐飯，但又唔想等咁耐位！決定去新新地既裕民坊YM²到覓食😆見到有間好法式既餐廳，佈滿曬好多花花同埋bling bling水晶燈，👭🏻就咁就入左去坐低😂🤭白酒忌廉煮鮮藍青口：藍青口配左白酒忌廉汁，食落味道幾香滑，藍青口亦都已經夠鮮味，再配上3塊多士蘸汁食，正！我每一啖都拎住個青口再蘸汁成啖咁食🤤🤤香煎北海道帶子羅勒醬意粉🍝：呢款意粉都幾特別，平時比較少機會食到！d意粉食落既質感有少少似中式幼身既油麵，但以手工意粉既方式去烹調，食落比較硬身少少，掛汁上黎又有d似伊麵既果種！配左羅勒醬幾清新，唔會太膩，而意粉上既帶子亦都煎得幾香，無雪藏味🥰幾鮮甜Prosecco 🥂：甜甜地，個酒杯係靚靚水晶酒杯😍成件事好高貴優雅🤭

呢間位於觀塘裕民坊樓上嘅𝚌𝚊𝚏𝚎，除咗室內位置仲有埋室外位置✨裝修帶有法國色彩，以白色同木色為主調🤎加上水晶燈同綠色植物🌿超級典雅，啱晒大家去打卡👍🏻建議大家日頭去影相有埋太陽光會更加靚☀️餐廳煮食味道微微偏淡，適合啲唔鍾意重口味嘅人去試🙈🍰法式班戟$𝟽𝟾班戟有四款口味～我地就揀左肉桂蘋果、杏仁片、焦糖忌廉班戟✨擺盤幾精緻打卡一流，冇平時食開既班戟甜，味道較淡 ～🍝法式雞胸肉配亞菲多忌廉汁扁意粉$𝟷𝟷𝟾忌廉汁唔係好膩果隻👍🏻扁意粉煮得剛剛好食落有口感～不過雞胸肉同麵都有少少乾，如果忌廉汁落多小小就更好🤏🏻🦞法式焗波士頓龍蝦配龍蝦汁意大利飯$𝟷𝟻𝟾半隻龍蝦肉質爽彈，配埋面頭既芝士好惹味😋意大利飯充滿龍蝦汁夠香口軟硬程度剛剛好，不過飯略嫌唔夠鹹🙈

今日約咗個朋友見面食lunch 係佢返工附近搵咗呢一間餐廳 佢大讚我揀得好 因為成間餐廳都係打卡位 置身花海中我就揀咗個和牛洋蔥漢堡至於朋友就揀咗個豬肉眼配牛肝菌汁我哋就再配咗兩個是日餐湯-蘑菇湯蘑菇湯濃濃好味道，我地邊影相打卡邊等主菜，送上嚟時都被賣相吸引。豬肉眼上嘅莎莎，顏色鮮豔，睇到胃口大增。豬肉眼食起嚟一啲都唔鞋口，仲覺得豬肉嚟講都真係幾嫩添，好食。伴碟嘅薯蓉都綿滑好味道!至於我個漢堡，夾有新鮮生菜，番茄，加埋炸洋蔥圈同滋味肉汁同牛味滿滿嘅和牛肉，用個鬆軟漢堡包夾住，啖啖都係大滿足!份量十足再食埋粗薯條，既邪惡又享受。叫左兩杯飲品，大熱天清爽下，熱情果薄荷梳打同西柚檸檬梳打。呢兩杯梳打真係好清新，酷熱天下飲落起，直程係身心舒暢，個人即刻醒左，而且味道帶酸，特別開胃。餐廳靚，食品飲品都好味，絕對有下次!

想去呢間👩🏻👧🏻👩‍🦰👩🏼‍🦱一見倒都會心心眼嘅法式打卡Cafe朝聖好耐😍🥰🌺🌸🌼 呢度嘅裝修真係超級靚，門口同Outdoor圍牆佈滿白花、浪漫嘅雕塑佈置、華麗嘅燈飾，猶如置身浪漫嘅小法國一樣。如果日頭嚟食個Lunch/Tea一定可以影多啲靚相❤️今次我同朋友去開觀塘就試吓晚餐先～ 由於當日食客好多，而我哋被安排嘅位置都同其他食客比較近，影唔倒太多環境相🥲 唔怕熱嘅朋友可以坐outdoor，檯與檯之間距離比較寬躺🥰呢度嘅菜式選擇種類都幾多，主打法式甜品&傳統法國菜，晚餐無set dinner全部都需要散叫～焗法式蟹膏蓋配麵包條 $108蟹膏醬+拉絲芝士，好香好濃厚嘅蟹膏味，用脆卜卜嘅麵包條沾點嚟食好正，忍唔住就咁𢳂嚟食都好正🤤🤤🤤香煎北海道刺身級帶子羅勒醬意粉（意大利全蛋鮮幼麵）$178好特別嘅意粉，有別於平時我哋食開嘅意粉，質地有少少似中式油麵，亦都有少少似出面嘅手工意粉，比較硬身。羅勒醬味道清新，帶子煎到表面微焦，入面仲係刺身質感，鮮甜好味🤤芥末籽蜜糖焗美國頂級豬鞍架 $208⭐️⭐️推薦👍🏻豬鞍架勁厚切🤩 外層焗到焦香脆感，肉質鮮嫩有肉汁，口感一流，芥末籽蜜糖醬亦調配得出色，底層嘅薯菜

觀塘裕民坊，有一處打咭靚勝地，室內和室外都very beautiful, 這店舖(INN-I'm not Nothing)，裝潢不用講啦靚.....靚🥰🥰,員工非常有禮貌，招呼又和藹。在炎炎夏日當然選擇室內享受偉大發明‘空調’也可涼浸浸悠閒和朋友聚一聚。1.紅酒燴羊膝意大利飯+是日餐湯磨菇餐湯~濃郁清香磨菇味，稀杰程度適中，入口順滑。紅酒燴羊膝~羊膝肉軟腍多汁，連羊筋腍滑，而且不帶‘騷’味意大利飯~ 口感煙韌risotto2.豬肉眼配牛肝菌汁~豬肉肉質夠腍，柔軟嫩滑，肉味較清淡配入獨特氣味牛肝菌汁，配搭‘正’😋😋Mocha~濃郁coffee配奶沫而成,再加少許巧克力，香滑順暢👍👍士多啤梨藍莓奶昔~又香又濃，像溶化雪糕，夏天最佳飲品

最適合和朋友情人忙中偷閒的小庭園餐廳老實的說，最吸引我光臨這間餐廳的原因，是外面的法式小庭園設置，同埋啲肥嘟嘟人物嘅名畫，如朋友有興趣打卡，呢間餐廳真的是不二之選。雖然是環境是第一原因，但食物方面，亦令我喜出望外，叫咗我最喜愛嘅炸拉絲芝士條、意大利煙豬肉卡邦尼意粉、芥末籽蜜糖焗美國頂級豬鞍架，甜品仲叫咗個藍莓紅豆抹茶忌廉班戟添～首先拉絲芝士條果然係名不虛傳，條線可以拉到成個頭咁長，熱辣辣外脆內軟綿綿，一個字，超好食😋至於卡邦尼意粉方面，雖然係比較普通嘅菜式，但忌廉味非常濃郁，意粉質地亦都係我鍾意食嘅質地，偏硬唔冧啤啤，汁杰身，唔係水汪汪，Good！芥末籽蜜糖焗美國頂級豬鞍架，肉質濃郁亦軟身，有肉汁，配上芥末籽同蜜糖，更突出豬鞍嘅鮮味。食完主菜，一定要教返個甜品，先係完美嘅一餐，叫咗個藍苺紅豆抹茶忌廉班戟，紅豆少少甜，顆粒圓潤，配上藍莓嘅酸味， 抹茶嘅回甘，一個甜品試出三種味道！食到停唔到口。總括而言，想搵一度地方又打到卡，又品嚐到美食，呢間餐廳值得一試💪🏻

估唔到觀塘商場入面有個咁靚嘅花園，講緊係呢一間充滿法式風情咁餐廳。入面簡直係一個花花世界，好有宮庭feel呀。Lunch menu大概由$88-$158，食物選擇都好多，套餐包餐湯及餐飲。🦀🦀蟹肉牛油果班戟卷（$98）- 蟹肉好香，配埋牛油果，味道好清新又健康，啱晒咁熱嘅天氣食。🍔🍔炸洋蔥圈和牛漢堡配沙律薯條（$118）- 和牛好香有肉汁，配埋洋蔥圈，味道豐富，好有層次感。薯條炸得好香脆，食返少少沙律平衡件事，感覺冇咁heavy. 🍌🍌餐飲我哋upgrade咗特飲，香蕉朱古力奶昔（套餐半價$24)- 香蕉配上朱古力，味道夾之餘，亦都唔會太creamy太甜。🍹🍹熱情果薄荷梳打（套餐半價$23)- 味道清新，熱情果甜味加埋薄荷嘅冰涼感，消暑一流。🌹🌹餐廳環境佈置好有心思，打卡位多不勝數，食物質素亦好好，十分適合情侶或閨蜜食飯傾偈。

INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖今日難得約咗個老朋友去觀塘食飯，打開佢會見到一間新開嘅餐廳度，由於早收工所以見人少少就入去試下，餐廳仲有分室內外地方，見到佢哋有悉心嘅裝修意大利豬肉卡邦尼意粉今次我有點叫我豬肉卡邦尼意粉試吓度見到佢哋卡邦尼汁，特別濃郁好好味，配意粉絕對一流，意大利豬肉都入味又唔肥，抵讚澳洲牛柳六安士配忌廉薯蓉朋友就點咗個七成熟嘅牛扒好食到高質素唔到食起上嚟會住得過火而是肉味十足臨走嘅時候仲見到戶外嘅女仔仲係享受緊佢哋嘅下午茶餐度見到佢哋嘅下午茶餐tea set 都幾精緻下次都要帶着老婆嘗試下😏

呢間西餐廳嘅午市套餐價錢都幾平🤑今次就食咗香煎焗厚切豬肉眼配蕃茄沙沙🐷塊肉眼扒真係非常之厚身 再配埋酸酸地嘅蕃茄沙沙醬🍅幾特別 好開胃💕下面底仲有軟滑嘅薯蓉🥔真係幾豐富！

都係第一次幫襯，一班人去試吓湯唔錯，不過熱d會更好。意粉都過得去，不過不失。叫咗凍檸茶，普通啦。紅豆綠茶pancake有啲薄，所d綠茶味唔算太出，但d紅豆幾好味。

💕INN-I’m not nothing由門口至餐廳入面充滿打卡位📸燈飾 雕像 配合植物擺設 好有宮廷feel🧚🏻‍♀️店外座位放滿花朵 營造出小花園嘅感覺🌸適合打卡之餘 食物亦有水準開業以嚟一直都keep住高人氣.🌈意大利煙豬肉卡邦尼意粉$118 🍝卡邦尼意粉賣相精緻 灑上玫瑰花瓣貫徹餐廳嘅優雅風格🌹忌廉汁洋溢奶香同芝士味配上咸香嘅煙肉 味道平衡得剛剛好😋.🌈黑松露醬配香脆薯條$68 一上枱已聞到香噴噴嘅黑松露香薯條份量頗多 粗身薯條充滿薯仔香沙律醬混合黑松露 特別滋味.🌈Tiramisu $48忌廉輕盈唔會過甜 好鍾意裡面嘅Ladyfinger咖啡味夠濃將tiramisu嘅精髓完美發揮.🌈士多啤梨藍莓奶昔 $48 🍓粉紫色嘅賣相好夢幻加上忌廉更令人難以抗拒❤️飲落會有粒粒果肉 口感豐富.🌈Matcha Latte $42 🍵抹茶味同奶味比例平衡 茶味有回甘加上忌廉令口感更濃厚🥰

係女人都想做下公主觀塘裕民坊INN 成間餐廳佈置到園林景致大商場裡的花園角落難得平日下午有閒情逸致就同家中的女人係花間（撲蝶？）high 下Tea吧～-INN 分室內室外我覺得無論in 定outdoor 都非常好打卡，超有氣氛。午市套餐係呢個商場黎講唔算貴，有餐湯主菜同飲品Pasta Risotto 豬牛魚定係Crepe Roll 或者漢堡包都有得揀任君選擇。-香煎焗厚切豬肉眼配牛肝菌忌廉汁豬肉眼煎到上晒色帶金黃，味道較濃郁，有點點脂肪，所以煎出來不會太乾大柴，食落鬆軟。-配上清雅的菇香，逼出醇厚既豬肉香味。-澳洲和牛烤大菇漢堡配沙律薯條一大份有睇頭，大菇切到去果下爆晒汁澳洲和牛漢堡鬆軟有牛肉香一大啖咬落滿足呢～不得不提薯條分量多, 條條炸得金黃，好食。最後叫埋檸檬百香果花果茶同Berry Smoothie, 打卡做公主必備啊～

呢個新商場嘅餐廳終於就快俾我試晒☺️呢間我見好多foodies已經介紹咗，因為環境真係好靚，加上食物賣相嘅精緻度，真係打卡一流❣️作為海鮮控，諗都冇諗就叫咗北海道帶子羅勒醬意粉，帶子係大大粒，咬落去啖啖肉又夠juicy，好滿足😋呢間嘅環境同食物質素算不錯，不過個人覺得偏貴少少，可能係特別節日先會再encore❣️

今日約咗人去觀塘交收，順便約朋友喺裕民坊商場食野😁 呢間叫INN- I’m not nothing 嘅餐廳裝修好靚，餐廳外牆以花花牆為主題，餐廳入面都以花做裝飾，好有打卡feel😍 menu上嘅白雪公主都好搞鬼🤣🤣我同朋友點咗兩個lunch set，一個係「澳洲和牛烤大菇漢堡配沙律薯條」、另一個係「厚切豬肉眼配牛肝菌忌廉汁」，另外配咗兩杯特飲😍天氣咁熱梗係要飲啲解暑嘅飲品💦首先嚟咗湯同埋飲品，個南瓜忌廉湯勁好飲，好清甜開胃。另外兩杯特飲賣相都好靚，我嗌咗一杯mocha，朋友點咗一杯熱情果薄荷梳打。我本人覺得杯mocha好出色，依家成街都係coffee shop，但要搵到一杯好飲嘅mocha係有啲難度，呢杯好啱我口味😍唔係好甜又唔係好苦，啱啱好。過咗一陣主菜終於到，又係相機食先嘅時間。開頭都有啲擔心揀食豬扒會伏🤔，因為出面食過好多都係又乾又硬嘅，但呢一塊唔會，煎得啱啱好，肉質鮮甜，同個牛肝菌忌廉汁都好夾，另外我好鍾意佢嗰啲翠肉瓜配菜，最後連配菜成碟清哂🤣🤣🤣朋友點嘅漢堡賣相都好吸引，都幾大份量，朋友話和牛唔會太dry，都幾juicy。啲薯條又唔會太乾太柴，係粗身嗰款薯條，我都偷食咗幾條🤤