INN - I’m Not Nothing (裕民坊YM²)

营业中

休息中

這家多國菜咖啡店位於觀塘鬧市內，一個安靜的好選擇，餐廳還有半露天的地方，配合商場的綠化，真假草的佈置充滿了打卡的地方，讓女生樂上半天。⭐️全日早餐$128炒蛋煙肉，青菜蘑菇等等基本配料，不同的是兩片麵包特硬脆，很適合沾著餐湯甘筍湯吃。⭐️紅酒燴羊膝意大利飯$128長長的大骨帶著嫩嫩的羊腿肉，沒有羊羶味，紅酒煮也沒有搶走羊肉味，再配大半碗意大利飯。⭐️士多啤梨藍莓奶昔$48士多啤梨和藍莓打成的冰沙，加上忌廉，夏日好特別解暑。⭐️西柚橘香茉莉花茶味道略為清淡，不過茶壺茶杯一套好看，透明花紋，也能拍上兩張照片。總結餐廳性價比高，點一份一百多元的午市套餐，能舒服安靜的過上一個下午，還拍到美美的照片。

上網見到呢間都幾多人去影相打卡，今日放假就同媽咪過嚟食吓嘢影下相先！喺地鐵站行過嚟幾分鐘就到，呢間餐廳都幾得意，佢係商場中間有一個戶外仔，佢就係喺度開咗呢間咁歐陸式風格嘅餐廳，呢度真係周圍都係打卡位，如果涼多少少可以坐戶外影相都好靚💚-今日是日餐湯係甘筍南瓜湯，好Creamy!仲好濃郁添，飲得到甘筍好清新🥕-All day breakfast $128佢個蕃茄整保留到好多汁，上面仲有啲香草好夾❤️煙肉夠鹹香，平時我都唔係好鍾意食多士，但佢呢個法包，唔會好飽肚之餘，仲好有咬口，同埋加咗啲香草醬喺上邊唔會咁單調👍🏻佢啲腸都好好食！好夠味，又啖啖肉😋-和牛洋蔥漢堡 $118佢份量都幾多，但係我都係鍾意一層層咁食🤣洋蔥炸得岩岩好仲好脆👍🏻啲和牛連埋醬汁一齊食好正～-蔓越莓玫瑰綠茶 $24去high tea打卡梗係要叫水果茶影下相先靚😆-薄荷西瓜冰 $24呢個西瓜冰真係透心涼！超凍！勁爽🤩

同閨蜜飯局梗係要搵間靚靚打卡cafe☺️呢間少女味濃又多花同靚裝飾既就岩晒我地🥰好鍾意佢既menu設計，d公主個玩野樣好好笑😆我地睇中左呢度既班戟，所以主食就唔點太多，怕食唔晒😳🔸炸軟殼蟹配龍蝦沙巴翁🔸經店員講解，原來沙巴翁係種醬汁黎，會淋係軟殼蟹表面再拎去焗。軟殼蟹即炸熱辣辣，外脆內軟，仲一開二左方便share👍沙巴翁都幾明顯食到有龍蝦味～有驚喜😳🔸香煎鴨肝甜紅椒汁扁意粉配巴馬火腿🔸彈牙既意粉加上鴨肝既油香，再卷埋少少巴馬火腿一齊食超正🤤甜紅椒汁比一般忌廉汁個d相對輕身，岩晒怕食膩既我地😋🔸紫薯爆谷班戟🔸留肚想食既甜品😍有多種口味，紫薯呢款係期間限定當然唔會錯過😋紫紫地色既班戟皮再包住紫薯蓉，食落唔會過甜，配埋上面個cream食更加好味😍打卡同味道都👍👍🔸派對白桃烏龍🔸揀左個熱既果茶消消滯～茶壺幾靚好襯成間店既環境😍而且唔係平時好hea一個茶包個種，真係用烏龍茶葉同白桃果肉粒，焗大約十分鐘左右就出味✨Girl Time揀黎呢度食野真係太適合，下次試下日間再黎，坐出面露天位置chill下☺️

到達觀塘，發現了一間裝修非常精緻，有室內亦有室外進食空間的西餐廳。店員交代後得知，剛剛好餐廳今晚轉了新餐牌。今晚我點了一客法式焗芝士-法國藍龍蝦-配墨汁意大利飯，再加一個提拉米蘇甜品。另外今晚我選擇了戶外有蓋地方進食，外面毛毛細雨，一絲絲涼風吹來，附近亦設有坐地冷氣機，不怕夏天炎熱的天氣。意大利飯需要待生米慢慢吸收醬汁，大約等待了十幾分鐘便上枱。半隻新鮮大龍蝦完整擺放在意大利粉上面，表面上的芝士鹹味能夠輕輕帶出龍蝦的鮮味，而龍蝦的肉質也能夠滲透到下面的墨汁意大利飯。龍蝦肉質新鮮彈牙，香氣與柔軟的意大利飯互相輝影，沒有太多花巧的配菜，卻能完美體驗到高貴食材的味道。最後還叫了一個甜品提拉米蘇，用一個較大的玻璃杯承載，面層是咖啡粉，中心有咖啡味蛋糕和忌廉，一陣一陣的口感，苦味適中，略帶少少甜味，適合我一些又想健康又想食甜品的人。

呢間餐廳位於觀塘，座位分戶外空間同室內位置，環境非常靚同浪漫，好似去左歐洲既後花園甘，白色宮殿feel，座位舒適，好岩同朋友黎慶生或者傾計，我地叫左一碟牛面頰意大利飯，牛面頰肉質好軟淋，甘筍條好幼嫩，意大利飯配芝士片碎，另一碟我地叫左五成熟既牛柳配薯蓉，薯蓉整到好似千層糕甘一層層好特別，牛柳好厚肉，小篇推介tiramisu，好creamy，好香滑，價錢好抵食既甜品，只係$48，呢個tiramisu真係值得一試。

好適合打卡的地方 裝修好靚 有啲宮廷feel我們4個人中午過來 排隊排左半個鐘左右 都算快👉🏻全日早餐 All day breakfast $128入面有炒蛋、腸仔、煙肉、蕃茄、沙律、牛油果、炒雜菇、蒜蓉牛油多士，最愛牛油果和炒蛋 炒蛋好滑 蛋味比較濃👉🏻澳洲和牛烤大菇漢堡配沙律薯條$118和牛咬落juice 多汁 面包係烘過的 好鬆脆中間有菇 番茄 生菜 同牛肉一啖咬落 好香甜薯條就差左啲 唔係好脆👉🏻菠菜羅勒醬雞柳意大利飯$98飯係一粒粒硬身的 一開始仲以為未煮熟 問左先知係咁架😂 不過加埋啲料一起吃 味道都幾特別👉🏻 Tiramisu 甜度岩岩好 唔會膩 好吃😋

今日過左裕民坊閒逛下，見到呢間在2樓的I'm Not Nothing，感覺好捧，分別有室內和室外雅座，佈置有格調，華麗的天花水晶燈，勁多的花花裝飾，就進入開餐囉☺️。🍝香煎北海道刺身級帶子羅勒醬意粉，, 見到呢個麵好特別，就叫左黎食，麵嘅質地比較硬身 ，相對又唔覺太膩，帶子兩面煎得微焦，中間柔軟的幾好食😋。🫔肉桂蘋果杏仁片焦糖忌廉班戟，賣相好靚，即叫即做很好吃，餅食落煙韌又唔會太甜，但個肉桂蘋果醬就甜左些，但整體都唔錯😚。🍹西柚檸檬梳打，清新消暑解渴☺️

意外驚喜❤️❤️⋯⋯不幸中之大幸，我哋一班人因為去咗觀塘一間超級難食的「三小漁」，在極度憤怒之下轉場食第二round, 立即OpenRice搵到呢間。薯條，你會食到陣陣花生油的香味。（因為如果用萬年油，或者番用過嘅油去炸，係絕對唔會出到呢陣香味）。炸薯條用嘅油都咁用心，值得一讚👍🏽咁樣做對佢哋嘅成本亦都好高。紅酒啤梨，上枱嘅時候啤梨嘅溫度啱啱好👍🏽👍🏽，唔會雪到好冰凍，亦唔會攤得太暖，有微微嘅紅酒香，啤梨質感（成熟度）剛剛好，唔係用霉爛肉質嘅啤梨❤️❤️班㦸，蘋果仲有少少爽脆，唔會爛蓉蓉，林啤啤👍🏽👍🏽👍🏽👍🏽，如果中間轉用雪糕instead of 鮮忌廉，仲更加一流❤️❤️❤️❤️❤️❤️雖然今次只係食佢嘅小食及甜品，但都感到佢哋喺細節裏邊如此用心，下次一定會再嚟食佢嘅main dishes😊

今次食間靚靚西餐，餐廳環境走歐陸風有好多花花，啱晒女仔打卡影相！仲有室外嘅位置，不過怕熱嘅我都係坐返室內😎不過唔記得咗影餐廳環境🫠可以入返餐廳IG睇吓佢哋嘅相🫣🐷紅酒燴牛面頰肉意大利飯 $148紅酒、牛面頰、意大利飯三樣嘢都好吸引，唔知加埋一齊會點樣呢🫣意大利飯出粒粒分明，微酸吸晒紅酒嘅味道😋牛面頰肉都好淋絕對唔會咬唔開👍🏻🐷燒美國蘆筍. 澳洲牛柳六安士配忌廉薯蓉 $248六安士牛柳同女仔嘅拳頭差唔多，但切開都唔係少🤪揀咗五成熟，切出嚟係粉紅色🌸但係肉質偏韌，如果再淋啲就好🫣忌廉薯蓉唔係平日一pat個種薯蓉，一層層嘅薯仔薄片中間夾住忌廉豐富口感，相當有誠意😋🐷西柚檸檬梳打 $46🐷Latte $42環境 🐖🐖🐖🐖 4/5食物質素 🐖🐖🐖🐽 3.5/5店員態度🐖🐖🐖 3/5人均消費 ~$250INN - I’m Not Nothing📍觀塘協和街33號裕民坊YM² 2樓205號舖

今日放工唔想煮飯，所以決定自己一個去覓食。之前聽朋友介紹呢間餐廳坐得舒服，嘢食都ok， 所以就去試下啦， 餐廳係喺裕民坊商場入面，幾年冇嚟，估唔到呢度翻新得咁靚，成個商場好舒服，一去到餐廳門口已經見到好多花花。原來佢有得俾你揀坐出面定係入面，外面其實超級吸引，好似外國嗰啲庭園咁樣。只不過因為今日實在太熱喇，所以我都係揀咗坐入面嘅位置。原來夜晚嘅話佢係冇dinner set嘅，需要單叫，menu都幾多元化，有唔同嘅意粉啦，意大利飯啦，羊架啦等等。因為得我自己一個，所以我叫左燒美國露筍澳洲牛柳6安士配忌廉薯蓉。牛柳嚟到都好厚身，賣相好好 ，露筍都畀咗好多條，牛柳我就叫咗七成熟嘅，入面都仲係粉嫩，咬落唔會話好韌，忌廉薯蓉都好大嚿， 食到佢一層層嘅薯仔同埋都好creamy，仲有少少酸酸地似sour cream嘅味道。食食下咁啱突然之間播生日歌，原來係隔離枱嘅兩個女仔喺度慶祝生日 ，仲見到佢哋叫咗幾個甜品一齊食，甜品感覺好好食，等我下次都試下先。

嚟到裕民²交通交匯處轉車，又撞正食飯時間，就先食個飯，上次在2樓食過一間認真麻麻，今次就在旁邊選擇食INN I’m Not Nothing這間餐廳 餐廳好elegant，裝修好靚白色為主調，專比人影相呢😆😆餐廳有室外坐位😃我們揀左室內，好似大熱天時有冷氣開心d😝😝坐低感覺係舒服既😄睇下menu👀👀揀左一人一個main，一人一杯野飲😁先黎的餐湯😆暖既餐湯幾好飲👍🏻👍🏻我們要了一個紅酒燴羊膝意大利飯$128羊膝好嫩，好大件，岩哂喜歡食肉的我另外我們仲叫個全日早餐 $128，食材好多，顏色都好豐富，大家可以睇到有牛油果、豬肉牛仔腸、脆煙肉、忌廉炒蛋、炒野菌、焗蕃茄、蒜蓉牛油多士、沙律，真係好豐富。飲品方面我們叫了士多啤梨藍莓奶昔、夏日薄荷西瓜冰，單是叫這兩杯特飲就要$48 ，但跟餐就改加$24就可以。士多啤梨藍莓奶昔、夏日薄荷西瓜冰好靚，打卡一流。最後朋友請，埋單$334 ，人均消費$167，餐廳環境好靚😚，食得好豐富、好滿足。😋😋

今日同朋友去觀塘行街，到咗晚飯時間，見到apm好多餐廳都好多人，所以就一於去新裝修咗好耐嘅裕民坊商場行下。喺openrice搵到呢間裝修得好靚嘅鋪頭，有好多花花，燈飾，啱曬少女心嘅我哋去打下卡。餐廳有分戶外同室內位置，因為夏天有啲熱，所以我哋就揀咗室內位置 。室內位置唔算好大，但坐得都幾舒服。我哋兩個人叫咗一個黑松露醬配香脆薯條，薯條炸得香脆，黑松露醬都畀得好多，黑松露味唔算好濃，但係薯條上面淋咗啲芝士粉同海苔粉 ，所以食落 都幾好食 。主菜方面我哋叫咗一個意大利煙豬肉卡邦尼意粉， 賣相好靚意粉嘅韌度剛好，食落夠creamy，味道都夠濃。最後我哋叫咗一杯士多啤梨藍莓奶昔上面仲有cream，甜度啱啱好，好天然，飲得無落好多糖，夠清新。所以呢間餐廳整體都唔錯可以去坐下，打下卡，食下嘢。

打卡一流嘅Cafe !!!! 🥰😍留意下晝時段只提供Set lunch ！食評 ☞︎☞︎香煎焗厚切豬肉眼配蕃茄莎莎 $128配菜正正常常，利用蕃茄莎莎做配搭係幾開胃~ 豬肉厚實但食落少乾少柴冇乜味🥹(少失望) ☞︎☞︎黑松露野菌意粉 $98意粉份量充足，野菌都算多，不過忌廉味偏重(黑松露就食唔出) 🙈味道不過不失☞︎☞肉桂蘋果杏仁片焦糖忌廉班戟 +$68整體味道唔錯！肉桂味好出，班戟做得比想像中厚(可能影相影耐左嘅關係少濕~) 🥹🥹🥹

自從觀塘重建左之後都好少再去，聽講入面有個新商場叫裕民坊，所以就入咗去兜個圈順便睇吓有乜嘢食。行行下俾我見到一間，裝修好靚，有個小花園嘅西式餐廳。但係因為餐廳中午12點先開，所以喺外面等咗一陣。因為啱啱開門嘅關係，所以人唔算多。我同我朋友都各自嗌咗一個lunch set。1. Crepe egg benedictEgg benedict 好鬆軟，我朋友萬分稱讚2. Roasted pork ribeye豬肉一啲都唔硬，配埋個黑醋汁好開胃食完lunch之後我哋仲出咗去外邊個小花園度打打卡，影影相。港女嘅我好滿意😂

又嚟到觀塘打工仔揾食嘅時間，最近喺IG成日見到好多朋友仔喺呢間cafe餐廳打卡😽😽，見到d post 又勁靚😻😻，d 嘢食又好似好吸引咁😌😌..今次終於都輪到我出手去book 位食個lunch 試試先。。。😆😆呢間 INN - I'm Not Nothing 位於新開嘅裕民坊YM² 商場，係法式Cafe嚟，聽聞係集合法式美食、浪漫主義、打卡於一身！🥰🥰一去到門口見環境已經好靚，分室內同室外，室外露台已經好靚，坐出面嘅話仲可以帶埋寵物嚟食嘢同Chill下。😌😌而餐廳用咗好多花，雕塑，華麗的燈作裝飾，有勁多個打卡位，猶如置身於具浪漫色彩的法國，真係啱晒閨蜜，伴侶，朋友一齊嚟打卡Chill 下！！！💯💯😽😽好，今日與同事一齊試咗兩個set lunch :頭盤時日餐湯係南瓜濃湯:呢個湯好香滑，特濃嘅南瓜味，最緊要玩湯係熱辣辣嘅，Good 👍👍👍Set Lunch 1):Roasted pork ribeye with capparis cream sauce 香煎焗厚切豬肉眼配牛肝菌忌廉汁一上枱賣相已經超靚💯，擺盤夠精緻，大大件厚切嘅豬肉眼，堅厚身，一切開肉汁豐富，肉味香濃，好juice，一d