HIKARI

又發掘到一間靚靚食物又好食嘅打卡Cafe，今次同閨蜜兩個人，大家都係女仔聲量太多，點咗嘅食物全部賣相都好靚，而且超級大碟，食唔晒要打包，真係冇諗過佢哋呢啲價錢竟然會有咁大嘅份量，真心抵食！$128 日本櫻花蝦蟹肉蘆筍扁意粉（賣相靚，有好香濃嘅蝦粒味道，感覺比較飽肚嘅一款主菜）$128 劍魚腩醬油漬牛油果他他 （有少少似當飯裏邊嘅一啲刺身，但係配左西式嘅感覺，呢款應該係店鋪嘅私房菜，我第一次食）$88 初雪窩夫 （呢款係當日店員佢哋第一日新出嘅，試到新嘢，如果有朋友生日或者有特別節日慶祝可以喺碟上面寫字！）$78 Dirty Tiramisu （呢個甜品我第一次食，係全晚我最愛食，一個人幾乎搶晒黎食，係我最愛嘅Tiramisu口感，重點係佢唔會太過甜，大大份食落都唔會好滯，食完感覺超級滿足成個人好開心)

荃灣一向給我的感覺是大眾化的舊社區，舊社區人流多，設施齊全、多元化，卻沒有完善的規劃。要覓食？各式餐廳分佈在多處不同地點，而且種類亦算多元化，但這舊社區卻甚少出現文青小店！或許，荃灣這社區太大了，有時，我也會錯過一些好地方。最近友人在網上發現荃灣原來有間不錯的文青小店 - 《HIKARI》，我們當然第一時間探店。店子以灰白色及木系作主調，樓底相當高，畫分了上下兩層，加上門前大玻璃設計，引入自然光的同時，營造出文青簡約氣氛。午市惠顧，雖然選擇不多，卻能按個人喜好自由搭配，選擇吐司、主食或沙律。食物方面，因當天有點餓，我與友人都點選了主食，而我揀選了慢煮美國安格斯牛板腱新奧爾良飯，聽說是人氣食品，當然要試一試。     甫上桌，賣相相當吸引，數片大大塊的牛板腱，色澤粉嫩，完全把下層的新奧爾良飯，霎時間添上多一分神秘感。牛板腱本身屬低脂，以慢煮方法煮理，令肉汁保留，同時令肉質軟稔。飯底方面，口感煙韌有點像risotto，卻沒有creamy質感，反而有點似西班牙海鮮飯，帶來另一番滋味。友人揀選了薑汁燒豚肉辣茄汁扁意粉，可算是薑汁豚肉燒的變奏版，雖然沒有日式的鹹甜醬汁，卻又帶出薑汁的獨有滋味，搭

又來 Happy Friday， 等謙謙跳繩後繼續係荃灣廣場附近搵食， 見到Hikari 格調清優舒服，仲要有樓上雅座，啱哂我唔鍾意嘈的人😂，拿拿聲上去座。兩個人緊係叫返個 Dinner Set 食啦！⬇️⬇️⬇️🔯 慢煮美國安格斯牛板腱新奧爾良飯 ～ 慢煮的牛板腱就算咁大件都好軟腍喎， 飯的味道又夠濃郁，兩者好夾。🔯 日本櫻花蝦蟹肉露筍扁意粉 ～ 濃濃的櫻花蝦香伴隨到扁意粉中， 蟹肉和露筍同意粉好夾入口好 creamy，但櫻花蝦太正了變左主角。🔯 鹹蛋黃薯條 ～ 薯條粗身即炸上面仲要有最邪惡的鹹蛋黃， 咸咸香香令人一條接一條咁食。☕ 芒果草莓茶包 ～ 入口有草莓的微酸，芒果的清甜， 熱熱的飲一口好relax 。☕ 朱古力 ～ 拉的心形花幾靚， 謙謙細細口品嘗，朱古力味幾滑幾濃。

HIKARI樓高兩層，日文意思指「光」，餐廳環境令人感覺好舒適，價錢都唔貴，晚市二人套餐只係$398，有2個主菜、1個前菜/小食同2杯飲品，以cafe嚟講性價比好高呢😍慢煮雞胸溫泉蛋沙律配橙油醋雞胸肉超嫩，加上嫩滑嘅溫泉蛋同新鮮蔬菜，口感清爽，橙油醋嘅味道都非常獨特😙波士頓龍蝦肉芝士忌廉馬鈴薯丸子粉馬鈴薯丸子粉煮到好綿密，而且仲帶著濃郁嘅芝士忌廉香味，加上新鮮嘅龍蝦肉，真係令人食到停唔到口🤤石斑柳西京燒麵豉忌廉汁扁意粉石斑柳煎到皮脆肉嫩，扁意粉口感煙韌又掛汁就麵豉忌廉汁香濃特別😆竹炭咖啡呢杯咖啡好特別，有竹炭嘅香氣同獨特嘅口感，味道濃郁得嚟同時都好柔和😌

今日約朋友去Hikari Coffee食午餐，果度有大玻璃窗，樓底夠高，又有室外自然光，環境舒適。我們叫了牛油浸日本帆立貝椰汁意大利飯及麵包加三種配料，食物的賣相及味道不錯。美式咖啡買一送一，但芒果草莓茶只有茶包，沒有鮮果。

.係大壩街搵嘢食，見呢間cafe都唔錯，就入左去食個early dinner😬Menu有light meal 選擇都幾好👍🏼自家制煙燻豬柳沙律配蜜桃油醋汁好大份沙律🥗豬柳味道咸咸地，每塊都幾厚切👍🏼沙律菜款每樣都有啲，食落幾fresh。劍魚腩醬油漬牛油果他他平時見到既都係蟹肉或三文魚他他，見呢到係配劍魚腩都幾特別。底層係蕃茄、中層係牛油果、面係切粒既劍魚腩，好豐富同份量都幾多，可以同朋友share。劍魚腩雖然係醬油漬醃製，但味道唔會好咸，食落都幾新鮮👍🏼髒髒提拉米蘇應該係店舖既signature🤤賣相好吸引，味道正常，酒香味濃，食落亦唔會好甜。鮮橙湯力咖啡正常發揮，橙味同咖啡味都幾平均👍🏼丸久小山園抹茶鮮奶抹茶味濃，奶都香，質感幾厚實濃郁。呢間cafe有兩層，空間感大，木系裝修感覺和諧，坐得又舒服😌都有幾多打卡位😬

日系簡潔和風既cafe入到去採光度十足, 樓底極高, 好舒服🍽️煎封法國油鴨脾牛肝菌意大利飯$128外皮非常酥化咀嚼中仲有豐富的油香滲出肉質又夠腍而意大利飯香氣逼人令人一口接一口咁食粒粒分明夠口感調味都唔錯甜品🍽️初雪窩夫$88鮮果、芝士奶蓋、伯爵白朱古力醬芝士奶蓋綿密順滑澎湃到係窩夫之中瀉哂出黎🤩配搭埋一齊食 唔會太甜真心唔錯🍽️焦糖海鹽髒髒Tiramisu$88髒髒Tiramisu外形同平時食個d唔同手指餅加上幼滑cream 微苦可可粉入口濕潤軟綿，亦食得出手指餅帶濃郁咖啡酒香🍵伯爵朱古力鮮奶$50 伯爵茶味濃, 但就有少少🤏🏼搶左左朱古力味但成杯都好香 都好飲-🍵香月園培茶鮮奶$50香醇茶味，配上濃厚鮮奶, 濃而不膩仲有可愛造型既拉花勁唔捨得飲呀-2份甜品都甜度適中主食同甜品個賣相都非常精緻依加諗起仍然相當回味 😋

假期剛同國內朋友去南豐紗廠影相打卡，之後朋友話想食埋晚飯先乘高鐵返深圳，於是同她去附近呢間自己經常會去飲咖啡嘅高質日系餐廳小店 - Hikari, 讓她感受一下「文青族」的飲食文化！平時自己經常會嚟，原因係呢度環境夠清靜，坐在門口bar枱上飲杯咖啡，hea吓，睇吓書，真係不錯嘅選擇，加上餐廳近期每日下午（11:00 - 17:00）都有不同的小優惠提供，因此非常吸引！每到晚上，餐廳大多時間都座無虛席，因店內坐位有限，故此建議大家用餐前先訂枱確認。我同朋友二人，叫咗呢個dinner set （$398），當中可選擇2款主食加1款小食，連2杯$42內的飲品。頭盤小食：香煎八爪魚 大八爪魚咀切片配烚薯，煙靭咬口！北海道刺身級帶子白松露意大利飯 - 兩粒珍寶帶子，鮮甜彈牙，配上香濃白松露汁，兩者味道又唔會互相蓋過，只可以講喺絕配！石班柳西京燒麵豉忌廉汁扁意粉 -厚切石班柳簡直係一塊魚扒咁大，厚肉新鮮嫩滑！鮮橙梳打+桃肉冰茶 -味道清新，不太甜！🍱餐廳:  HIKARI🏫地址：荃灣大壩街21號地舖#荃灣必食 #荃灣餐廳  #荃灣好去處 #荃灣美食地圖 #餐廳推介#假日好去處

小編去到荃灣多數都會喺商場入邊揾食，但今次小編喺街邊意外地搵到一間環境舒適而且食物好高質嘅cafe😍今次嘅用餐體驗有少少打破咗我對Cafe嘅印象，終於對啲Cafe增加返啲信心😂因為係小店嘅關係，座位數量唔太多，正正係因為環境寧靜，再加上柔和嘅燈光，令客人係市區內都可以有種心曠神怡嘅感覺😘.🦆煎封法國油鴨髀牛肝菌意大利飯 $128呢個飯小編真心推薦可以一試，油鴨髀香味十足😚每粒飯都包裹住香濃嘅牛肝菌汁，鴨髀有成隻手掌咁大，一上碟香味就撲面而來🤤.🦞波士頓龍蝦肉芝士忌廉馬鈴薯丸子粉 $168呢個主食喺Cafe嚟講都算少見，丸子粉食落嘅感覺就係好似係非常之軟熟嘅薯仔，口感幾特別，小編係超級鍾意的🥰配上鮮甜龍蝦肉同香濃嘅芝士汁，係絕配之選🤤.💰人均消費：～$200.🍽味道: 4/5🏙環境: 4/5‍👨🏼‍🍳服務: 3/5💧衛生: 4/5💰價錢: 3/5

荃灣大壩街嘅HIKARI系一間兩層樓嘅和風咖啡店，店內以白色木系作主調，裝修簡潔走文青路線，因此都十分有人氣，Hikari (即日文 「ひかり」)，意思指「光」，店主希望為大家帶來溫暖同舒適。自家制煙燻豬柳沙律配蜜桃油醋汁 💰88HKD擺盤有心思，估唔到煙燻豬柳咁好味，肉質嫩滑熟度正好，配合沙律菜營養恰到好處，尤其喜歡油醋汁酸酸甜甜十分開胃，間中仲食咗到果乾，口感層次豐富有咬口。北海道帆立貝白松露意大利飯 💰148HKD刺身級厚切帶子系呢道菜嘅一大亮點，咬落去口感超飽滿，質素好高。白松露香味好突出，意大利飯夠creamy 且軟硬適中。煎封法國油鴨髀牛肝菌意大利飯 💰128HKD賣相超正，實力派打卡靚點，鴨髀大隻啖啖肉，鴨肉嫩滑，意大利飯牛肝菌味出眾，必食推薦。HIKARi 荃灣大壩街21號地舖(港鐵荃灣西站 B 出口, 步行約13分鐘)

今日終於去左book mark了超久既Hikari Cafe 以純白色為主調, 超開陽, 有成兩層咁多真係同佢個名一樣, 帶俾人一種光的感覺 🌅我地叫左慢煮美國安格斯牛板腱新奧爾良飯第一次試呢種飯, 有d似濃味版risotto 每粒飯粒都索爆汁, 好似精華集中晒係啲飯到咁, 食落仲好煙靭, 好有咬口牛板腱超級粉嫩, 咬落好腍身👍另外我地叫左髒髒提拉米蘇同初雪窩夫窩夫即叫即制, 好鬆軟, 外層脆口, 加埋Creamy嘅奶蓋, 同伯爵茶白朱古力醬, 超match Tiramisu 面頭係比較實在既cream加埋朱古力脆脆增加口感, 層次夠哂豐富😋飲品就叫咗香月圓焙茶鮮奶飲落好香滑, 除左有靚靚嘅拉花🫰🏻仲有淡淡焙茶香

行荃灣廣場都會經過呢間CAFE，見呢日少人就試下~Day Time優惠都幾正。2人set幾抵，2個main又有小食。#慢煮美國安格斯牛板腱新奧爾良飯 飯好似Risotto咁，不過比較汁少少。同埋有少少辣，牛板腱非常大塊而且肉質好嫩滑。#日本櫻花蝦蟹肉蘆筍扁意粉爆多櫻花蝦，成個櫻花蝦山咁。蟹肉就唔多覺，不過配埋蘆筍又幾有口感。#鹹蛋黃薯條條條都沾滿鹹蛋黃，新鮮炸起。鹹蛋黃香味好正，唔算太鹹。#黑芝麻鮮奶芝麻味同奶味比例幾好，好少地方有得飲架。#香月園焙茶鮮奶淡淡焙茶香，週末飲會更relax~

Hikari是小清新咖啡店，如沐浴在日光下的小木屋，充滿和式的感覺。室內兩層高，佈置貫徹木系簡樸風，坐在玻璃窗位置，透入自然光，加上常綠植物點綴，嘆一杯咖啡，令人心神放鬆。煎封法國油封鴨髀牛肝菌意大利飯128賣相吸引，鴨髀表面金黃色，以低溫下油封慢煮，慢慢熟成，入口軟腍細緻，輕易骨肉分離，連同微脆外表，濃郁肉香。意大利飯濕潤，淡淡菇菌幽香，還夾合雜菌粒，每啖香稠，一口油潤鴨髀肉，一口意大利飯，配搭窩心。牛油浸日本帆立貝椰汁意大利飯108帆立貝圓潤厚身，咬下去彈牙可口，以柔滑牛油煎香，肉汁鮮甜，令人胃口大開。意大利飯質感煙韌，每粒飯都被香稠椰汁包著，連同嫰滑的帆立貝享用，感覺香濃細膩。脆炸小魚配蜜糖芥末醬lunch set +48炸小魚入口熱燙，咬開酥脆外皮，香口中帶層次感，沾上蜜糖芥末，十分開胃，愈吃愈過癮。冰紅茶 （lunch set免費跟配）紅茶入口清爽，冰震的茶香，清新解渴。髒髒提拉米蘇78提拉米蘇表面鋪滿可可粉，甚至溢出碟邊，充滿“髒髒”的感覺。Tiramisu口感輕盈，空氣感十足，蛋糕把咖啡香完全吸收，奶香純滑，餅底香脆，配上芝士和咖啡香，十分誘人。

今日生日午餐朋友安排在此店慶祝，我叫了杯咖啡，咖啡上噴了只飛馬，很好看，另外叫了主食是日式鰻魚意大利飯，意大利飯口感層次多，朋友點了三文治選自家製豬柳和菇類，豬柳味道真係一般，朋友話面包唔錯。最後點了個甜品dirty tiramisu, 二人share 剛剛好。

餐廳有兩層高，可以枱之間嘅距離都頗闊落！彩光都係光線好充足，俾人嘅感覺係一個好舒服嘅環境🤭如果你係好鍾意光線充足嘅地方就好適合你❤️可以叫一杯咖啡坐一個下晝，chill 下😎😎