Hami Harmony (已結業)

太子其實都有不少離大街較遠，但又高質Cafe - Hami Harmony便是其中一間了。店內以不少精緻的擺設，配上壁畫、花朵作點綴，營造了一個童話世界。下單前，當然要睇睇當日的特別推介啦。玫瑰拿鐵 / 榛子拿鐵 - $38 拿鐵味道細緻幼滑，泡沫輕盈，且甜度適中，非常易入口，為這一餐打開了序幕。白酒忌廉煮青口 - $98白酒配忌廉煮青口果然係無得輸既配搭，滿滿的忌廉汁掛滿在青口上，加入白酒更顯其香味。青口肉質不韌、且無渣，做到一啖一口，沾上醬汁後，絕對會令人食到唔停唔到口！BBQ汁雞翼 - $58BBQ雞翼中醬汁掛滿在雞翼上，咬起來香口又惹味。日本帶子黑松露什菌意大利飯 - $145帶子看起來較細小，但其肉質彈牙、嫩口鮮甜，抵讚。而米飯軟硬程度適中，外軟內韌，配合起黑松露、什菌的味道，吃起來很Creamy，味道更有層次。童話中，跟你享用這溫馨的晚餐多好。😘

一到放假就想食好d，想搵個地方可以chill下食下all day breakfast🤤見呢間餐廳都好多人推介，食物同環境好似都唔錯，就去試一試.入到餐廳已經見到好多裝飾品同埋花，每張檯都有好靚既瓷磚，呢到既午餐供應由12點到5點，我3點幾去到都仲有得叫🤣每人最低消費一個set，當日去到冇左肉眼扒點，好似好受歡迎，有沙律、意大利飯、意粉、鯖魚同英式早餐可以揀.英式早餐 $98 8/10早餐一上菜真係非常吸引🥰其他地方好少見有焦糖香蕉，成個餐有齊甜點同咸點，滿足哂兩個願望！牛角包真係好好食，好鬆軟之餘入面仲有我最愛既芝士😋層次分明，外皮鬆脆唔油膩，其他配菜味道都唔錯，會想再去多次～

今日又去太子搵野食，之前都有介紹過不錯既酒吧餐廳，行過西洋菜北街見到一間好靚既CAFE，門前放左小花盆栽，裝潢以白色為主調，天花加左花藝作點綴🌺每道牆都有花心思去設計，都係打卡位之一，而桌子更鑲有色彩繽紛的瓷磚，好有歐陸風格，好舒服自在👍🏻－－－－－－1. 流心芝士牛角英式早餐 $98 8.5/10英式早餐真係好豐富😋有兩件流心芝士牛角包丶黑松露炒蛋丶煙三文魚丶牛仔腸丶焦糖香蕉丶什菜沙律，一開始比焦糖香蕉吸引住，焦糖薄脆口感，咀嚼時食到淡淡香蕉味，口感唔會過於軟爛，而炒蛋好嫩滑，黑松露味道濃厚，最後一定要介紹牛角包！新鮮熱辣，入口酥脆帶鬆軟的口感，入面仲有軟融既芝士餡，真係好好食🤤2. 香煎刺身帶子青醬意粉 $78 7.5/10意粉烹調時間拿捏得不錯，入口彈牙，掛滿青醬，食到清新香草味，而且不會很油，感覺輕盈健康，而帶子鮮甜爽口，不過比較細隻同埋得兩粒3. 朱古力 8/10選用法國朱古力豆去打磨，飲到有碎朱古力粒，好香濃，上面仲有cream，我非常喜歡🥰

今日行完花墟都已經夜晚七點，所以就到附近的太子吃晚餐。餐廳內擺設別有風格，枱上有特別的瓷磚復古的優雅。我地嗌左兩個套餐，一個蒜香醬燒一口和牛粒，一杯鮮果士多啤梨檸檬薄荷梳打和一杯熱治抺拿鐵。日本帶子黑松露雜菌意大利飯，帶子外皮煎得金黃，入口肉嫩鮮甜。而意大利飯煙韌有口感，與迷迭香的配搭非常合襯。鮮雜菌配牛肝菌汁意粉亦煮得相當有水凖，意粉煮到恰到好處。牛肝菌香濃突出芝士的配合好好味，食曬整整一蝶，好味道。士多啤梨檸檬薄荷梳打消暑一流，非常足料，是用新鮮的士多啤梨和檸檬薄荷口感一流飲後精神煥發，十分舒暢！

星期日等左半個鐘先可以入座，食物一般，不過鵝肝多士不錯，最大問題係服務態度同清潔不足，由於安排坐門口位，面對落地玻璃門口，所以等位期間見到餐廳情況，侍應只係求其清潔枱面，行到座位聞到枱面有一陣味，應該係清潔枱面塊巾唔乾淨，枱面留有之前顧客嘅食物殘渣，大扣印象分，肺炎肆虐絕對不能求其清潔，而且座位地下都好污糟，有待改善。

今日嚟到太子一間唔太多人嘅餐廳，成間餐廳都好悠閒。一入去就覺得佢嘅裝修好特別，有色彩繽紛嘅磚瓦，同牆上立體嘅食物畫。店內好多都係年輕人，店面光亮而乾淨。呢兩碟賣相差唔多，但我偏好龍蝦汁意大利粉多啲。佢嘅龍蝦汁融入意粉入面，暖暖地都幾入口。而且每一碟份量都適中，唔會唔夠飽。意大利飯喺比較下就較為失色，汁同飯夾得無咁合適，但配料都多，幾夠食。見幾好食，就叫多個甜品！我係第一次食蛋白脆餅，感覺好似食空氣咁但甜甜地。呢個蛋白脆餅有埋好多生果，感覺好fresh，食完咁濃嘅意粉再食呢個甜品都唔會滯。甜品配個貓形嘅匙羹，好cute! 會再想食其他野！

又一間旺角一帶好味舒服既黃店！今日晚上喺太子附近買嘢，於是搵個地方落腳食飯。我哋理大比較多酒吧，但係行過一條街就發現有間好靚嘅餐廳，叫做Hami Harmony, 仲要係黃店嚟㗎，梗係即刻入去食～餐廳環境好多花，仲有啲畫，啲枱面仲有啲瓷磚咁樣，我覺得個環境好靚～真係都幾多選擇，二人餐都好吸引，今次我哋就叫咗個黑松露意大利飯仲有櫻花蝦意大利粉，仲叫咗個忌廉煮青口做前菜，仲有兩杯嘢飲。首先嚟嘅係黑松露醬忌廉意大利飯，勁！好！味！應該係我喺香港試過數一數二咁好味嘅黑松露意大利飯，呢隻味真係未到好立體，所有調味都啱啱好，非常惹味，米粒嘅質地都好啱心水，非常推薦！隻帶子都好大隻，好味！櫻花蝦意大利麵其實佢係餐枱上面叫蝦米意大利麵，因為覺得呢個配搭好特別，於是就叫咗黎試吓。第一下有啲驚訝，因為唔係好似意大利麵，食落都真係唔似，口感比較硬，不過只要你唔當佢係意粉咁樣食嘅話，其實就冇咩問題。呢碟嘅調味都好出色，鹹鹹地有少少胡椒既辣辣地，雖然我鍾意另一碟多啲，但係呢碟都幾惹味～嘢飲都幾驚喜，因為我呢杯朱古力唔係就咁用粉沖出嚟，佢係有寫明係法國嘅朱古力豆，飲落相信係即磨，真係感覺到陣朱古力豆嘅香味，呢款朱

之前上網見到E間餐廳好多好評👍🏻, 所以今晚收左工就去試下, 7點幾鐘已經full哂, 不過小妹同朋友係出面等左一陣好快都入得去, 餐廳唔算好大, 走休閒田園風, 感覺幾舒服幾chill!☺️菠蘿哈蜜瓜梳打🍍🍈🍹小妹好喜歡飲梳打, 所以今次叫左e杯兩溝梳打試伏😂, 最特別之處竟然有菠蘿哈蜜瓜茸，飲落去幾有口感😍😍熱朱古力🍫☕熱朱古力係用左法國朱古力豆嚟沖泡的, 口感濃稠, 味道濃郁帶點回甘幾好飲!😋👍🏻炸甜薯條🍠🍟份量唔算少, 薯條炸得幾脆身, 甜甜地連茄汁都唔洗沾😋日本帶子黑松露什菌意大利飯🍄🍛帶子煎香至外層微微金黃, 肉質鮮嫩, 意大利飯外軟內韌, 幾creamy, 份量剛好, 唔會好膩!原隻開邊虎蝦配自製鮮茄寛麵🦐🍅🍝虎蝦燒得好香, 蝦肉口感彈牙, 鮮茄醬汁幾多, 酸酸甜甜而且覆蓋哂d寛麵, 整體味道唔錯!😋

裝潢走田園風格，環境悠閒寫意，感覺輕鬆舒適。流心芝士牛角英式早餐 ($98)(流心芝士牛角包/黑松露炒蛋/煙三文魚/牛仔腸/焦糖香蕉/什菜沙律)香蕉上有層焦糖薄脆，入口香脆軟滑，口感豐富！炒蛋嫩滑富蛋香和奶油香，黑松露份量不少，味道芬馥濃厚。牛角包芝士餡澎湃，味道濃郁，層層分明，入口鬆軟，富牛油香和空氣感，口感蓬鬆，吃來酥脆。美國安格斯肉眼扒(7安士)配薯蓉 ($108)肉質鮮嫩軟腍，入口嫩滑無渣，肉汁豐富，而且脂肪比例平均，牛味馥郁帶有脂香，又不會吃到滿嘴都是油花，一點也不膩口，反而留有餘香。

今日同媽咪兩個撐枱腳兼慶祝母親節，揀咗間近地鐵站附近嘅Cafe，內𥚃滿滿田園氣息，雅緻又清新，以卡位為主，木系風格，坐落舒服。媽咪不好肉類，所以我地以海鮮為主，揀咗一飯一麵，味道各走不同路線，用料精緻又矜貴。愛好炸物的我，先來了份小吃，黑松露醬薯條，剛炸好滿滿 一籃子，灑上薄片芝士，香氣四溢，而黑松露醬另上一杯，每條薯條也能沾上豪氣份量來吃，又香又脆，過足黑松露癮。cafe另一必然，便是飲品，我哋點咗哈蜜瓜菠蘿梳打同埋焦糖拿鐡，食完熱辣辣嘅薯條，再飲杯凍飲就更透心涼，焦糖拿鐵甜度適中，帶有小小甘香，入口順滑。而哈密瓜菠蘿梳打標榜用鮮果現制，酸酸甜甜，與梳打水融為一體，消暑解渴之選。飯類我地揀咗日本帶子黑松露雜菌意大利飯，大大粒帶子煎得金香又嫩滑，意大利飯煙韌有咬口，索滿芝士和黑松露的精華，加上洋蔥丶彩椒和爽口的菇菌，色香味俱全。而麵類揀咗一個開胃款，原隻開邊虎蝦配自製鮮茄寬條麵，味道有D似肉醬意粉，但沒有它的濃茄醬味，而是鮮甜清新的茄甜味，而寬條麵仲係自家制，帶橙色，口感軟滑，鮮茄味濃，而開邊虎蝦烤至微焦，灑上辣粉調味，令鮮味更出眾，鮮甜配茄甜，再有微辣提鮮，愛好蕃茄控不能錯過~呢度好

收工諗住近近哋係附近食飯，誤打誤撞見到呢間cafe，見到係黃店，一定要入去試下。白汁忌廉煮青口份量都幾多，個白汁好creamy，仲配咗少量沙津菜。日本帶子黑松露什菌意大利飯好香濃的黑松露味道，飯又不會煮得太淋，有咬 口，而且飯中仲加咗青口粒😋原隻開邊虎蝦配自製蕃茄寬麵虎蝦肉質夠結實，而麵亦用上自製的蕃茄寬麵，加上蕃茄醬汁，好香濃的蕃茄味，鍾意食蕃茄必點之選🍅🤤🤤🤤右邊 鮮果士多啤利檸檬薄河梳打左邊 粉紅石榴香檸檬梳打

雖然住在太子附近，但一直都不知道附近有這間cafe，幸好有朋友介紹，帶我到這間cafe試試。門面很漂亮呢！白、金的設計簡約又得體。店內的裝飾也很不錯。雖然時間尚早，但已經有很多食客了，幸好我們有訂位不用等。餐牌本想試試招牌的自家製蝦米意大利粉，豈料當晚已經售罄，唯有下次再試吧！主菜點了另一款自家製的意粉——原隻開邊虎蝦鮮茄寬麵（$128）和帶子黑松露意大利飯（$145）另外還點了一款小食—鵝肝多士（$73）食物熱辣辣地送到，與其他cafe最大的不同是食物的香氣是撲鼻而來的，已經令人食慾大振。帶子黑松露意大利飯（$145）帶子煎得很香，而且沒有雪藏味，配合芝士、香蒜，還有濃郁的黑松露，口感確實非常豐富，意大利飯口感煙韌。原隻開邊虎蝦鮮茄寬麵（$128）可見真材實料確實是虎蝦，蝦煎得生熟適中，保留蝦的鮮甜，鮮茄寬麵加了辣椒粉調味，又酸又甜又香辣，味道非常豐富。鵝肝多士（$73）黑醋汁是畫龍點睛的配搭，提升了鵝肝的油香之餘又中和了它的油膩，是令人難忘的味道！

母親節👸🏻就當然要陪媽媽出去食餐好讓她好好休息返一日🙈加上最近呢幾個月媽媽都好少出去食嘢所以就決定帶佢去食下佢鍾意嘅西餐👏🏻餐廳頗為小清新🌱帶有慢活的感覺好適合慢慢坐低享受生活💆🏻‍♀️傾下計🤭休息一番芝士醬雞翼由於雞翼是用炸的😜所以外脆內嫩雞翼裏面亦都充滿肉汁💦並無炸太耐而乾醬汁濃厚芝士香味🧀分開上可自由衡量份量當作餐前小食一流👏🏻原隻開邊虎蝦配自製鮮茄寬麵虎蝦非常鮮香彈牙🦐開邊夠哂方便食用另外寬麵是餐廳自家製的頗為有口感同時又夠煙韌💕最正係佢哋用上鮮茄而非茄膏來製作👍🏻整個配搭酸酸甜甜夠哂開胃🍝日本帶子黑松露什菌意大利飯帶子夠大粒又鮮甜😱煎得剛剛好Juicy意大利飯軟硬適中 又夠Creamy👅而且啖啖都有好濃郁既黑松露香氣另外 值得一讚嘅係呢個飯有好多配料除咗什菌之外仲有好多洋蔥🧅特別惹味美式咖啡,伯爵茶食完豐富嘅一餐就係時候嘆番杯☕️為母親節飯畫上完美句號❤️

食過呢間小店幾次，每次個意粉都唔會令我失望🥰.燒一口鵝肝多士 $73鵝肝好大塊，燒到好香，入口即溶，多士又脆，同埋黑醋汁係perfect match!.意式海鮮配龍蝦汁意大利粉 $125海鮮份量好多，龍蝦汁好濃郁好creamy.日式帶子黑松露什菌意大利飯 $145帶子新鮮爽口，黑松露好香，同忌廉汁好夾，食得出係意大利米，好好食呀！.宇治抹茶拿鐵 $42飲到好濃既抹茶，甜度適中，不錯！.鮮果士多啤梨檸檬薄荷梳打 $48見到個底係新鮮果蓉，唔係就咁溝糖漿，仲有啲新鮮水果，好飲又足料.德國檸檬芝士餅 $42好厚實既檸檬芝士餅，有芝士之餘有淡淡清新既感覺，中間仲有蛋糕冇咁漏

上個禮拜吃貨小妹收到母親大人既order要去花墟做買花的小女孩💐買完花 突然諗起離花墟唔算好遠既Hami Harmony 正好可以慰藉埋失落左一排既味蕾賣相好吸晴既白酒忌廉煮青口青口既份量都頗多 除左配左黑醋沙津做side dish仲好貼心跟多一隻碗仔for裝殼用日本帶子黑松露什菌意大利飯帶子煎得香香的 黑松露什菌汁好creamy 配合煙韌有咬口既意大利飯 恰到好處原隻開邊虎蝦配自制鮮茄寛麵 呢個絕對係吃貨小妹杯茶 超濃郁既蕃茄同蒜香味自制寛麵亦比平日食開既意粉更掛汁 好味開始踏入炎夏 飲埋兩杯唔同口味既鮮果梳打 夠晒fresh🌷