FooDo

营业中

休息中

朋友大推喼間專賣手作意粉同薄餅嘅Foodo❤️餐廳裝修行簡潔路線，白色為主調，簡單明亮食物選擇都唔少，主打手作意大利粉同Pizza😆日式薯仔沙律🥗前菜係日式薯仔沙律。經典既日式前菜，薯仔蓉得黎會保留到粒粒薯仔👏🏻有薯仔既口感得黎又有軟滑既感覺。加上青瓜、紅蘿蔔同埋洋蔥，口感更加豐富。味道亦都做得唔錯，生洋蔥既香味雖然幾勁，但都係經典既配搭❤️我地跟餐加左蘑菇忌廉湯蘑菇忌廉湯既份量唔算多，但勝在夠濃郁忌廉味好香，而且食到粒粒蘑菇😋忌廉落得夠，湯既質地夠滑，加埋蘑菇既口感，飲落有滿足感👏🏻我哋先嚟嘗試咗佢哋嘅忌廉汁煙肉日本生雞蛋配手作闊麵賣相已經十分吸引😍佢哋用忌廉汁同生雞蛋去炒埋條條麵，再加上啲煙肉，味道好濃郁🤤煙肉嘅鹹味同埋忌廉嘅香甜味相輔相成，令味道更加豐富鮮美而手作闊麵就更加令人驚喜，因為佢嘅口感好似卡邦尼意粉咁煙韌，真係好好味😋呢道菜係我哋今日嚟到嘅最愛👏🏻👏🏻👏🏻之後，我哋又試咗佢哋嘅煙肉菠菜葉車打芝士手作薄餅呢道薄餅好特別，因為佢加咗啲菠菜葉，令味道更加清新。而芝士嘅鹹味同濃郁味道非常突出，兩者同時混合喺一齊好好食👍🏻而手作薄餅就更加出色，餅底薄身香脆芝士量充足，拉絲感強，真係一

今天開會不停，工作忙碌，下班想要吃好一點點，唯已經糧尾。。。。於是妹妹帶我到旺角捐窿捐罅晚餐去😂醋漬青瓜細碟香脆，開胃精緻。凍奶茶無冰，卻冰凍可口，比想像的要幼滑，茶奶比例不俗，比平時的西餐廳來得較濃縮。忌廉汁日本魷魚菠菜葉配手作意大利意粉忌廉意粉相當濃滑，醬汁有魷魚鮮味😳用了黑胡椒調味，菠菜葉煮得剛好保留到少少菜甜，魷魚跟手製麵條也彈牙，有咬口，賣相亦夠吸睛。醃肉蕃茄片車打芝士乾辣椒碎手作薄餅薄薄的脆餅，盛著蕃茄片幾健康，少少辣的醃肉，再加上芝士帶些少咸香，令薄餅加添了幾分邪惡。焦糖脆脆配雲尼拿雪糕雲尼拿雪糕的奶香頗突出，質感細緻，不會很快溶化，配上脆脆，增加香甜口感，滋味相映成趣。食後感：從未發現這家西餐廳，氣氛好，客人都是年輕人多，食物有質素，不設加一，價性中上。

行經女人街俾哩一間嘅🍝自家製意粉同薄餅吸引咗，就即刻入嚟試下原來佢哋除咗主食之外，甜品都有好多選擇！🥰主食方面啊，🇯🇵我叫咗日本魷魚忌廉汁菠菜手作意大利粉。魷魚嘅份量都幾多🦑而且仲好煮得啱啱好。濃郁嘅忌廉汁，👍伴住手作嘅意粉真係好正，意粉會俾平時食嘅更加粗身，同埋挺身嘅口感，我覺得幾好食。會建議會推薦加埋佢哋嘅忌廉湯，滑。烤焗芝士雞塊，似炸雞，🧀芝士可以再濃啲。焦糖脆脆雪糕。🍨雲哩拿雪糕夠香滑。配上粒粒嘅焦糖脆脆，勁滿足。

行左入女人街，見到呢個餐廳白色做主色，仲有個好可愛公仔係個門面，環境簡潔明亮可愛，畀個公仔吸引咗，就入左去避雨兼食野。🍝手作意粉套餐：忌廉汁醃肉日本生雞蛋配手作闊麵（堂食only）餐廳主打手工意粉，無味精！意粉每天新鮮以人手製造，還用上日本雞蛋及麵粉，更用全蛋黃，連蛋白都沒有用，意粉集煙韌、香及滑於一身！忌廉汁夠多，意粉掛汁，每一啖都好creamy，好食！其他地方手工意粉至少都$1xx-3xx估下呢個餐幾錢？$67咋！！超抵食呢！！仲包野飲！🥞班戟套餐：日本雲呢拿雪糕、自家製蘋果果醬配班戟$712pm-530pm 先有呢個pancake套餐！要食就要留意時間喇！呢度既手作意粉、手作薄餅、手作班戟，全部都選用日本麵粉、日本雞蛋，品質材料講究。班㦸唔係普通圓形，係魚型嘅班戟🐟🥞班戟有兩件，每款班戟都配兩小球薯仔沙律。兩個人share都好方便喎！一口pancake加雪糕，一口pancake加蘋果醬，一口pancake加薯仔沙律（ 薯仔沙律都好幼滑好味），多重滋味！套餐都免費配嘢飲，可以揀凍水果茶/凍冷泡玄米茶，熱奶茶都不錯！最後試埋佢另一個招牌：🎂焦糖脆脆蛋糕$54成個蛋糕一上台散發著濃郁的

藝人林秀怡有份開的日式手作餐廳，幾年前新開張有食過，之後好多時見到要等位就去左第二間餐廳食。今次再食，回憶返晒黎！餐牌選擇唔多，手作闊麵以及自家製作麵團所烤焗的薄餅是餐廳招牌。① 忌廉汁鳳尾虎蝦、菠菜葉配手作闊麵 $104三隻虎蝦都算彈牙，手作闊麵有厚度有嚼口，仲有陣蛋香味，我幾鍾意呢種質感。食物上枱時見到好多黑椒碎，我覺得有少少蓋過了忌廉汁，不過撈匀後我又幾喜歡呢個味道。② 醃肉、菠菜葉、車打芝士手作薄餅 $96 長方形Pizza分為四份，菠菜葉佔了很多位置，下面有醃肉，味道偏鹹，但夾埋一齊食啱啱好，批邊都幾脆口，餅底中間有啲煙韌，幾有咬口。朋友捲埋一齊食好似食緊捲餅咁，呢個創新食法幾正！主食奉送凍水果茶或凍冷泡玄米茶，冰凍清甜，啱晒夏天飲。③ 烤焗芝士雞塊 $48四件雞塊都幾大件，芝士在表面包住雞塊，烤焗過後有陣鹹香，咬開熱辣辣，肉嫩有汁，好食。④ 焦糖脆脆蛋糕 $54蛋糕好綿好軟，焦糖脆脆堅係脆口，夾埋一齊食味道唔會過甜。.雖然食物份量唔算大份，但兩個人叫兩份主食，加份小食其實都夠飽。

飯未必個個鍾意食，但西餐就個個女仔都一定食，自己一個食飯就過左黎旺角通菜街，呢間日式西餐唔太貴又光猛企理。好，坐低睇下有咩好食先。忌廉蘑菇湯，菇肉粒粒，仲有洋蔥蓉，個湯比岀面既一般濃稠，湯仲好夠熱。加配薯仔洋蔥青瓜甘荀沙律，好多蔬菜，令到薯蓉唔單調。忌廉汁日本魷魚、菠菜葉配手作意大利粉，魷魚好肥厚，咬落有肉又煙韌。配菠菜葉，醬汁係帶微酸忌廉汁，顏色帶橙，同一般忌廉汁唔同。意粉做到硬身得黎又有口感。果茶味道清新，果味特岀。

最初先留意到位於女人街 foodo 係因為有我喜歡 焦糖脆脆 蛋糕 小店食物選擇唔多，主要係數款不同食材配搭 手作意粉 及手作薄餅 套餐～手作意粉套餐忌廉汁醃肉、日本生雞蛋配手作闊麵 $96手作意粉比較像闊條麵，所以非常掛汁，忌廉同蛋黃拌勻味道豐富好多，有dd似食緊卡邦尼手作薄餅醃肉、蕃茄片、車打芝士、乾辣椒碎手作薄餅$104 長型薄脆批底，醃肉採用腩肉部分，芝士底蕃茄片好鮮好juicy,乾辣椒碎都幾辣下～套餐免費加配凍水果茶 有淡淡果味唔太甜！烤焗芝士雞塊 $48 用麵包糠做炸衣，咬落酥脆而且juicy 焦糖脆脆蛋糕 $54甜品時間，軟綿綿濕潤蛋糕配淡忌廉同焦糖脆脆，絕對係無得輸讚讚嘅係本以為係焦糖脆脆都會「痴牙」，係呢度做到脆身而又無痴牙感覺，出色！焦糖脆脆可單買喔！

女人街有好多食肆，但可以好似呢間西日式手作意粉店咁能營業超過六年的食肆，真係不多。幾年後的再次回訪，店面依然是白色的、簡約的。晚餐餐牌上有意粉套餐、薄餅套餐、小食和飲品，每個類別有4-5款，不是太多，可是每一款都係長久以來最多人點嘅美食。🍝 忌廉汁鳳尾虎蝦、菠菜葉配手作闊麵 (HK$104)．即日手作闊麵口感比較煙韌啲，蛋香濃味啲雖然厚身一啲．撈勻後，每條闊麵都好會掛忌廉汁，creamy．2隻鳳尾虎蝦，爽彈鮮甜．菠菜葉，大片，綠油油，新鮮🍕 菠菜葉、車打芝士、日本太陽蛋手作薄餅(HK$104)．手作薄餅，薄得來脆口，也不失一些厚實的飽肚感．上面鋪滿芝士和多塊新鮮菠菜葉．太陽蛋超正，有點不捨得篤穿佢😙🍹 凍水果茶(跟餐的)🍹 凍冷泡玄米茶(跟餐的)．2款飲品因為是冷泡的，走冰都好夠凍，好濃味🧁 焦糖脆脆蛋糕 (HK$54)．由開業至今的招牌蛋糕👏🏻．焦糖脆脆，脆卜卜，甜蜜，但一啲都唔黏牙！．忌廉裡是輕巧的忌廉蛋糕，不會覺得膩

出左旺角幫老公整嘢，路經通菜街俾間餐廳門口先俾個得意公仔吸引到，然後望入去見店鋪小小但個環境同食物款式都唔錯，所以就入去食個午餐啦~真係要俾個 “like”餐廳職員，雖然我都係食set lunch，但店員姐姐都耐心咁同我介紹食物~餐廳主打係純自家製手作意粉，咁我就叫左份 忌廉汁日本魷魚及菠菜葉配手製意大利意粉。手作意粉麵團係每日新鮮製作，而意粉就更加係..即叫..即壓..然後去煮，所以個意粉彈牙又有蛋香，而且食落又好有咬感，而且個忌廉汁份量剛剛好，總之就係食到最尾嗰啖意粉都係有汁包住，當然唔少得惹味嘅日本魷魚，再加埋微微嘅辣椒粉，真心覺得係好好味~我就叫左杯凍港式奶茶，由於係無冰關係，所以唔會因為溶左啲冰而影響到茶味，而佢個茶味唔錯，而佢又唔會太甜，飲完都真係令我好回味~雖然主菜都食得好飽，但見到啲甜品都好想食，尤其見到有我至愛嘅蕨餅都係忍唔住，叫左一份蕨餅配抹茶粉及黑蜜。蕨餅入口煙韌，味道濃而不苦不澀，再加埋味道清甜，好味~另外，我見佢地可以有包裝焦糖脆脆賣，咁我就買左一包俾阿仔食，粒粒香脆而又有少少焦糖嘅燶烤味，甜度又適中，所以話咁快就俾阿仔單食同加落雪糕一齊食KO晒啦~

今晚同老公去了旺角這間食手工意粉及薄餅的Foodo食晚餐，餐廳款式不算多，但勝在食物質素不俗。薯仔洋蔥青瓜甘筍沙律薯仔幼滑，中間拌入了甘筍及洋葱等，帶點爽脆。烤焗芝士雞塊雞塊以烤焗代替油炸，比較健康，雞肉外脆肉juicy。醃肉、菠菜葉、車打芝士手作薄餅Pizza底又薄又脆，表面舖滿了芝士及菠菜葉，醃肉的咸味令pizza味更濃郁。忌廉汁菠菜葉、芝士配手作闊條麵手製闊條麵麵質較粗而且彈牙，每條闊麵都沾滿了忌廉汁，加上半溶芝士令整個闊麵更creamy。焦糖脆脆蛋糕蛋糕不會太甜，亦都不算太多cream，焦糖脆脆有焦香，入口溶化。最後還送上水果茶及冷泡玄米茶。

🍴忌廉汁醃肉 日本生雞蛋配手作闊麵 96 蚊🍜🥚上面放左日本生雞蛋 忌廉汁好香滑 闊條麵自家製 好夠煙 un彈牙 用蛋撈埋更顯香滑 而佢既醃肉有 d似豬腩肉 整得好爽口彈牙 連埋忌廉汁都好入味🍴菠菜葉 車打芝士 馬蘇里拉芝士手作薄餅96 蚊🥬🍕薄餅整成長身 外皮薄身但香脆 芝士好香咸 帶 d拉絲 上面既菠菜新鮮熟程度剛好 正🍴烤焗芝士雞塊 48 蚊🐥配有馬馬臣芝士粉 放喺雞肉上面 芝士味好香 帶 d烤香味 雞肉入面好夠彈牙 好正🧀🍴焦糖脆脆蛋糕 54 蚊🍰首先焦糖脆脆 好多好香脆 帶 d燶烤味 蛋糕有 d cream好香滑 蛋糕軟熟度適中 帶 d咖啡香味 好味#焦糖 #蛋糕 #芝士 #炸雞 #忌廉 #pizza #菠菜 #闊條麵Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#foodo 旺角通菜街1A至1L威達商業大廈地下 c號鋪~~~~~~~~~~~~

旺角通菜街Foodo小店，店面小小，食物款式唔多但精緻，必食自家手作意粉同pizza。忌廉汁日本魷魚、菠菜葉配手作意粉（$126）意粉屬於自家制好有口感，蛋味亦十足。忌廉汁濃厚而不膩，魷魚亦夠彈牙。手作pizza：醃肉、番茄片、車打芝士、乾辣椒碎（$101）pizza厚薄適中，配料唔多但互相配搭到，辣椒碎令pizza帶微辣，好開胃。套餐跟凍水果茶及冷泡玄米茶，無冰一樣夠冰凍，cool。套餐另加薯仔沙律（$13）小巧精緻仲有甜品都係自家制，可惜當日焦糖脆脆蛋糕已經賣完，改叫日系風味十足嘅蕨餅配抹茶粉及黑蜜（$52）一樣有驚喜，味道甜甜地加抹茶味的微甘，為呢一餐晚飯劃上完美句號。

餐廳主打純自家製手作意粉、pizza, 全用日本產雞蛋，味道濃郁，食得又安心。今次同朋友試咗兩款手工意粉，忌廉汁醃肉、日本生雞蛋加菠菜葉(+$10) 配闊麵 同 忌廉汁日本魷魚、菠菜葉配意大利粉。意粉質感彈牙，食落去好有咬勁，唔會腍膩，食得出係handmade ，比一般大量生產嘅意粉感覺新鮮好多。忌廉汁份量啱啱好，唔會少到覺得乾，又唔太多。相比下，覺得日本魷魚意粉比較香口惹味。意粉、薄餅跟餐送自家製水果茶或玄米茶，或加錢轉其他飲品。我地揀左水果茶同冷泡咖啡，水果茶味道唔會太甜，cold Brew咖啡味道唔會酸，同唔會淡，加錢都值得飲。最開心係全部凍飲都係走冰，成日叫凍飲想走冰嘅我真係覺得好滿意。甜品試咗自家制手作蕨餅配上抹茶粉同黑蜜，蕨餅入口粉嫩煙韌同日本啲味好似，好味！餐廳嘅價錢唔算好便宜，但係考慮到佢哋嘅位置喺旺角、優質食材、純自家制、整體性價比都好高，一分錢一分貨！如果想食一啲自家制手作美食，呢個餐廳係一個唔錯嘅選擇

Foodo 係通菜街其中一間小店， 餐廳以白色簡約裝修為主， 閒日Lunch 黎食唔會好多人， 好寧靜舒適。 🍳 忌廉汁醃肉、日本生雞蛋配手作闊麵 HKD67 呢個係Foodo既Signature dish，只限堂食。 醃左既豬肉片薄切得黎有咬口， 底味好夠，因為個麵比較淡味， 撈埋一齊就岩岩好！ 手作闊麵彈牙，有蛋香； 溝埋生雞蛋食， 成件事好滑 😋 呢個份量都岩岩好 ～ 🍝 ⁡Lunch 包埋飲品，揀左凍水果冰茶， 雖然佢冇果肉， 但果香好自然，有淡淡茶味，唔會好酸， Pigbee 都好中意！ 🫖

諗住支持下本地小店。兩個人叫兩個set好正常。店員開始黑面。跟住啲野食等極都無。最後起碼等咗20分鐘，個pasta終於都到。嘩，碟pasta細到冇人有，仲要水汪汪，真係3分鐘食完。但仲有個pizza未到，於是問問，個店員竟然話「要焗𠺢嘛!」好似係我錯咁。最後個pizza 又要等20分鐘。成個pizza得幾塊腩肉同幾條沙律菜，仲要一咬啲料就跌曬落嚟，唔多似焗咗，但個pizza底又太硬，不知個所謂! 樣樣都話即叫即做，但都不能前後等成個鐘，仲要比人黑面😡 真係冇下次