FooDo

营业中

休息中

女仔都食唔飽，使唔使咁孤寒，成碟嘢得3啖食完。。。想點。。。仲要多多規矩，得60分鐘咁3啖食完係咪expect要再叫？又唔畀加單。店員態度差，真係唔使旨意有下次。

最近發現左間新鮮人手搓製既意大利粉 同 薄餅食落真係明顯係手作唔係機打既質感菠菜葉、車打芝士、馬蘇里拉芝士手作薄餅($96)呢個超級推介芝士控一定好鐘意佢一啲都唔會油膩味道偏淡啲一送到黎就好香芝士味番茄汁鳳尾虎蝦、 菠菜葉配手作闊面($104)食落好有口感但麵既份量唔算好多比較精緻蝦既數量係有三隻計返起CP值都高因為係大大隻自家製水果冰茶見到全店既人都係飲呢個FOODO 旺角通菜街1A-1L號威達商業大廈地下C號舖

睇完戲搵嘢食，見到呢間好似係新嘅，又唔使排隊，就入咗嚟坐低呢間餐廳主打手工意粉同薄餅，咁就一樣一個試下忌廉汁鳳尾虎蝦、菠菜葉配手作寬麵 🌟3/5份量好少，幾下就食晒，味道正正常常，手工寬麵幾有嚼口，但冇話好驚艷醃肉、菠菜葉、車打芝士配手作薄餅 🌟4/5睇得出係啱啱焗好，芝士仲可以拉絲，餅底唔會太薄太脆，又唔會太厚，我幾鍾意👍🏼主食都有附凍水果茶/冷泡玄米茶，叫其他就要再加錢兩個女仔叫咗兩個主食都係餓，份量真係少味道係唔錯嘅，但上菜慢、份量少、性價比低，手工意粉/薄餅嘅缺點佢都齊晒😂，應該唔會有下次見佢嘢食唔錯，店員都幾客氣，又有heart sell啲甜品（雖然我冇試），希望佢地可以有進步啦，至少份量多啲都好

忌廉汁醃肉日本生雞蛋配手作闊麵環境闊落，燈光光猛，感覺舒服乾淨，但留意番用餐時間60分鐘。手工意粉食得出口感真係唔同嘅，醬汁好滑而且掛身，因為闊麵食落口都好有口感，味道方面係唔錯但份量少，價錢都唔係大眾化，性價比太低。

係旺角行街去搵食，見店寫住手工意粉，又見環境經好就入去試下小店.我同朋友坐低一陣都未諗好食咩，店員就話你哋諗好嘢食啦咁落單；算數我就當你店細人手少，落完另一檯客順便過嚟落單…食物到咗，我同朋友係share食物，問店員攞2隻碟，佢黑口黑面拎到過嚟唔講嘢都算，仲要掉落檯😡眼見成場得4檯客，但每檯客人食完面前嘅食物，店員係即係上前收走，雖然係60分鐘用餐時間，但咁樣嘅態度完全令人感受唔好店舖仲要規矩多多，裝著餐具的盒上寫住用餐時間60分鐘/唔可帶外來食物，呢幾點都可以理解，但係寫住‘繁忙時間熱食只可點一次，不可後加’，如果客人係唔想浪費食物，有可能食到一半時發覺唔夠想多叫一份小食？係咪唔做生意…最一個規矩可能未必大家會見到，都係朋友付款後收到找贖時見到，找贖小碟上寫住：紙巾請客人自行處理！理解疫情關係怕紙巾有病菌，但食嘢用紙巾抹咀好基本，連呢樣嘢都話要客人自己處理，不如做外賣算啦食物方面分量細，我哋2個女仔叫一個意粉一個pizza都唔夠飽，如果係男仔食一定唔夠！我哋食嘢已經唔重口味，但都覺得食物淡如無味，對手工意粉特別失望，完全無可能幫襯第二次；食完之後見到IG有人曾經幫店舖告急，但食完後完

忌廉汁鳳尾蝦菠菜配手製闊麵：係每日鮮做，好好味呀😋😋😋，忌廉汁做得濃，唔會覺得滯👍🏻👍🏻焦糖脆脆蛋糕：甜品好好味唔會太甜，自己好鐘意清蛋糕配糖粒粒🍰🍰🍰🍰，所以一試傾心💓💓💓水果茶都係，唔會甜，好清新，今日係蘋果加橙紅茶，無冰嘅港式奶茶都係，唔會覺得甜，都唔錯茶味，都係無冰，所以唔會因為凍而影響到茶味職員都好好人，耐心介紹食物。雖然鋪頭細細，每個位都有儲物兜，方便放袋同隨身物品鋪頭簡約設計，係最鐘意嘅白色🥰🥰

因為想食pizza, 喺OpenRice見到呢間就入左嚟點餐留意返*每人最低消費一個套餐，並只有現金付款我哋叫咗兩個餐，每個餐免費配一杯飲品，我哋點咗一杯水果茶同玄米茶，飲品味道淡淡地，冇咩特別沙律嘅份量就…….係隻杯嘅一半左右😅蘑菇湯味道幾好飲，份量正常送餐速度正常，闊條麵味到正常，份量就……一個人唔夠食（細食者例外）芝士雞塊正常有4塊，芝士味唔太特出薄餅個份量…都有啲少，薄餅個底好薄，味道正常食嘅過程中，我地有期待下款食物會唔會再好味啲，或者個份量正常啲，係失望嘅，中間張枱食完嘅碟無主動收起，CP值唔高，份量少，但價錢貴，食完有種唔夠飽同無滿足嘅感覺😔結果要去第二度最填飽個肚😮‍💨😮‍💨回頭再食指數：0 /5分滿分希望店舖見到會改善一下食物味道同增加返個份量

༊ 忌廉汁菠菜葉、芝士配手作闊麵 $96忌廉汁菠菜葉、芝士配手作闊麵食落幾彈牙 感覺唔錯😋 可惜忌廉汁味道單調又重油膩感😟 加上略為進取既價錢配迷你既份量真係唔太推介😮‍💨Homemade Fettuccine with Baby Spinach and Cheese in Cream Sauce was quite chewy😍 while the cream sauce was not rich enough and super heavy😩 It’s definitely pricey with its small serving size🥹評分: 3.5/10🌟༊ 忌廉汁醃肉、日本生雞蛋配手作闊麵 $96忌廉汁醃肉、日本生雞蛋配手作闊麵賣相吸睛🤩 可惜味道同味道就唔成正比🥲 就算係撈完蛋汁後成個闊麵都係好淡味😵‍💫 仲要一個飯旺好少既人食(me)都覺得唔飽真係勁誇張🤯Homemade Fettuccine with Marinated Pork and Japan Raw Egg in Cream Sauce looked delicious and attractive🤩,

旺角通菜街越開越多小店，質素比較參差，而且轉鋪轉得好快，今次經過發現到原來有間手工餐廳。FooDo 標榜無味精、無添加，主打手工意粉🍝、手工薄餅，全店採用日產🇯🇵麵粉。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 忌廉汁醃肉日本生雞蛋配手作闊麵 $96闊麵每日新鮮製造，手作闊麵韌度適中帶嚼勁，每條闊麵掛滿Creamy忌廉汁，加上醃肉，鹹香味十足，唯一不足係冷氣太大風，吹到闊麵好快凍。✨溫馨提示：一定要趁熱將雞蛋拌勻先食♥️ 菠菜葉、車打芝士、馬蘇里拉芝士手作薄餅 $96暫時食過最出色既手工薄餅🍕，餅底出色👍🏻邊邊位香脆，中間位置超鬆軟，雖然配料唔算好特別，但係食落一啲都唔單調，芝士熱辣辣果時可以拉到好長，岩哂我依個芝士控🤤。♥️ 烤焗芝士雞塊(4件) 新鮮即焗，上到枱總熱辣辣🔥，淡淡芝士味，咬落好Juicy。♥️ 焦糖脆脆蛋糕 $54 ✨必食推介軟軟海綿蛋糕外面有一層細滑輕盈鮮忌廉，蛋糕唔甜配上甜甜焦糖脆脆，甜度岩岩好。- - -

📍旺角手工意粉小店‼️• 甜品都有驚喜🤩 -- Foodo🍝😻•Follow @pigfoodiexhk for more food!🐷💛•#pigfoodiexhk_旺角#pigfoodiexhk_西餐#pigfoodiexhk_黃店 ======================Bookmark咗呢間手作麵小店好耐啦!!前排終於同咗朋友嚟試🥰呢到主打收工意粉同埋pizza，仲有dinner set供應👍🏼今次就order咗兩個意粉同一個pizza😍------------------------------⭐️忌廉汁醃肉·日本生雞蛋配手作闊麵 $96 (4.4/5)呢個係店舖嘅招牌菜，見到好多人都有order😆而且仲係只限堂食㗎～忌廉醬汁creamy，加埋生雞蛋令味道更為香濃😆手工麵條煙韌有咬口，掛汁力強🤩👍🏼醃肉鹹鹹哋有啲似m記豬柳強隻味😂•⭐️番茄汁醃肉配手作闊麵 $96 (3.9/5)正常發揮～番茄汁酸酸甜甜幾開胃🍅加埋啲黑椒都幾惹味！·⭐️菠菜葉、車打芝士、馬蘇里拉芝士手作薄餅 $96 (4.1/5)Pizza批底較軟身，如果煙韌同脆一啲會更喜歡～面頭嘅芝士份量慷慨，頗有鹹香，加埋菠

超水準cafe小店 FooDo！我係第一次嚟，聽朋友講尼間小店食物製作認真又有心思，對食材亦有要求！一進舖，我已經好like 啲裝修怖局，簡樸而幽雅。雖然食物選擇唔太多，但勝在各樣食品都係用心製作，美味可口！招待亦客氣有禮。坐得舒服，食得開心！而且價錢合理，可以話係中環/尖沙咀水準，旺角價錢，性價比極高！最愛招牌焦糖脆脆蛋糕，真係冇得輸👍👍！惟一就係離開mtr站有小小遠！不過我都認為值得有機會一定同朋友再幫襯！

蕃茄汁鳳尾虎蝦配手作闊麵（辣） $76改配熱齋啡 +$8加配 薯仔洋蔥青瓜甘荀沙律 +$13熱咖啡或許在沒有糖奶之下才能飲出它真正的味道咖啡豆香濃非常 沒帶酸味再喝幾口依然能品到豆香👍🏻薯仔沙律 微帶點粉做得很乾身 而裡面的蔬菜又同時保持到應有水份只是味道似乎沒很濃郁沒有薯仔的香味 沒有青瓜的清新沒有洋蔥的生辣或熟甜味不過有著洋蔥和甘荀的口感食物即點即做需要小小時間等待但也沒有在下想像中那麼久或許是因為剛剛玩了下遊戲快樂不知時日過吧闊麵一吃就知道是手作那種蛋香和口感就是跟機器製作的大有分別不過就沒有想像中的彈牙（人家沒說自己的麵賣點在彈牙啊..）反而小小的蝦肉居然咬下去有彈牙感如果是冰鮮材料他們真的做得很好如果採用新鮮食材在下欣賞他們對食物的講究..吃到一半時感覺食物份量似乎不太大而且不辣呢（根本是自己沒有辣感啊）最後吃光把盤子舔乾淨後再坐了一下舌頭慢慢有些微辣感滲出把咖啡喝掉後飽肚感也開始浮現整體而言很不錯啊店舖顏色黑白分明今天給在下有一種舒適鮮明的感覺服務態度良好如播上背景音樂就更捧了😊

同住旺角嘅老友食lunch，去咗女人街呢間人龍店。下午3點過咗午餐高峰時段唔使排隊，所以朋友話要去食。雖然係我今日第一餐，但係兩個人都唔太肚餓，所以叫咗1個手工意大利粉套餐+小食套餐share食。呢個忌廉醃肉手工闊麵只限堂食，係Signature items，闊麵Al dente做得好好，醬汁唔會太厚，撈勻雞蛋之後掛麵掛得好好，食完唔會太膩，啱啱好。套餐可以揀薯仔沙律或者青瓜或者糖心蛋，我揀咗薯仔沙律，再單點糖心蛋。薯仔沙律正常發揮，糖心蛋睇樣就知火候控制都做得好完美，有蛋香，好食。小食套餐係芝士焗雞塊，呢個真心驚喜，雖然芝士味唔係好濃郁，但係雞胸好少能夠做到咁Juicy，咁好味又一啲都唔柴口，必須堂食熱辣辣最正。我差啲想再嗌多一客嚟食😆。最後叫埋呢一個焦糖脆脆蛋糕，蛋糕同忌廉完全唔甜，配上焦香味嘅焦糖脆脆一齊食，perfect match！就係咁喺一間小店度食咗一個Perfect lunch，價錢亦都好合理。呢一個係夜晚嘅Main Menu，冇影到午餐嗰個，侍應話午餐手工闊麵同飯類會平少少，抵食好食～

旺角的食物種類好多， 多到都揀唔到，唔知自己想食啲咩🙈 咁岩想食意粉， 又唔想是但搵間咖啡店入去食，竟然俾我搵到間有手作意粉同埋價錢唔平的小店，食落又幾好食喎😝忌廉汁醃肉，日本生雞蛋配手作闊麵 $67入到餐廳見好多人麵有叫呢款意粉🤓，羊群心理就覺得呢款意粉一定唔差就叫左黎食啦🙈 落左生雞蛋的意粉，撈勻晒之後，食落同平時的忌廉意粉好唔同，好濃厚同creamy，簡簡單單的意粉，佢地都整得好好食😋食完一啖會想接住一啖咁食😚番茄汁鳳尾虎蝦配手作闊麵 $$76呢款意粉🍝對比起岩岩果款生雞蛋，我就覺得生雞蛋意粉比較出色😳 呢個汁唔會過酸，係平時都食到的番茄味黎的🙈 手工意粉食落比較有口感，同平時食到的快熟意粉好唔同，喼個價錢食到手工意大利粉我又覺得幾抵😊FooDo (旺角)旺角通菜街1A-1L號威達商業大廈地下C號舖

Foodo手工意粉聽過好多朋友講都話好食，今次終於有機會去試。叫咗個蕃茄手工意粉配虎蝦，意粉爽口彈牙蕃茄味道重，依度嘅手工意粉比起出邊街嘅手工意粉更加好食，聽講係用日本麵粉同埋雞蛋整，口感一流，樸實精巧。唯一不足之處份量有啲少，但係嗌多個炸雞，熱辣辣脆皮肉嫩滑，超好食。最後嗌多個甜品焦糖脆脆蛋糕，焦糖味爽脆配上軟林林嘅蛋糕，味道一流。職員服務態度良好，我哋一行八個人，佢幫我哋夾枱，落單上菜快，服務周到。