FooDo

营业中

休息中

本想同朋友去呢間慶祝生日，打去問過唔比book，本身想食8點，於是我提早，6點半就walk in，想店家幫忙預留個焦糖蛋糕作甜品，無理由生日都無個蛋糕架，我願意先付訂金，但受到拒絕，原因竟然係一陣可能晚上會多客人來食，但當時店家只有一枱客人，大大個客人企你面前仲要比埋錢都可以話唔做你生意既感覺，你又知8點會多客？店家就話行內都係咁做法喎。咁我朋友想食呢間餐廳，所以我都無所謂，咁問可唔可以出面買蛋糕過來，店家收返切餅費，店家一口拒絕，話唔接受係店內食其他餐廳食物，我就澄清唔係正係過來食蛋糕，一定會係店內消費。咁既服務態度，各位幫襯前真係諗清楚啦簡直離晒大譜 不知所謂 可以等執粒

旺角一向有好多好嘢食😍朋友好中意食手工嘅意粉！於是就試呢間有手工意粉同薄餅嘅小店🤤蕃茄汁鳳尾虎蝦、菠菜葉配手作闊麵✨ $104 4.2/5😋麵嘅粉量唔算好多～不過手工嘅特別煙靭同香😍而且唔會有好重麵粉同糊口嘅質感🤤味道可以揀辣同唔辣！我地揀咗辣～會有少少辣到流鼻水🤣調味有啲似辣肉醬嘅意粉～不過會有啲蝦嘅鮮味！蝦嘅粉量得三隻但都幾大而且入味😍有少少腥🤏🏻醃肉、蕃茄片、車打芝士、乾辣椒碎手作薄餅🍕 $101 4.5/5😋未試過食pizza咁中意食個邊！因為手工嘅關係有啲位會薄啲有啲厚啲～薄嘅邊位食落脆口😍厚嘅都好有驚喜！係超鬆軟！撳扁會自己漲返嗰種！而且同樣係好香🤤啲料雖然唔多但好出色！醃肉帶啲鹹香同辣再加埋芝士一流！蕃茄又可以中和膩感同埋令口感唔會好乾😍整體好夾！焦糖脆脆蛋糕🍰 $49 4/5😋 好靚好打卡able嘅蛋糕都係自己整！面頭嘅焦糖脆脆會比較甜～而蛋糕本身唔太甜，配埋一齊就啱啱好！不過比起薄餅就覺得海棉蛋糕有啲乾～如果中間多啲cream會更好！ 仲免費配指定飲品揀咗水果茶～味道有啲淡同水～整體嚟講覺得好有心思！雖然食物款式唔會好多但每樣都唔錯😍而且仲唔收加一！埋單都好平！

旺角女人街兩旁嘅餐廳 好似每半年一年就吾同左咁😂每次去都總會有啲餐廳結業同時又多左啲新餐廳🤓而今次再去嘅時候 一直冇為意到原來有間專整手作意粉 手作薄餅嘅餐廳🤩我同朋友叫左個手作意粉套餐包一杯凍水果茶 或者凍冷泡玄米茶🥤咁就人均消費大約 $105😛忌廉汁鳳尾虎蝦·菠菜葉配手作闊麵忌廉汁好濃郁 吾會太稀🤣所以令到闊麵可以黏住啲汁 每一條都好夠味🥰闊麵好有咬口 吾會煮到淋晒 好好食☺️虎蝦夠彈牙🦐 忌廉汁菠菜葉·芝士配手作闊麵 + $13 醃肉同樣忌廉汁夠晒濃郁 都係配菠菜葉🤤咁我就加左醃肉 食嘅時候發現係腩肉片🐷幾好食😋 同個闊麵幾夾😉

後尾做番功課發現成間鋪頭賣既飲品同食品都係手工製同新鮮為主❤️❤️由於係女人街隨便簡一間黎食既意粉同埋太肚餓 所以個正餐無影相得個蛋糕有相 #忌廉汁芝士波菜葉配手製闊麵芝士落得好多 但食晒都吾會濟岩晒鐘意食芝士既朋友個手工闊麵其實同普通既闊麵黎講吾會太軟身同埋一定小d化學野因為出面買既一定會落防腐劑等等#晚餐價錢：$91#番茄汁鳳尾虎蝦菠菜配手製闊麵由於叫左個吾辣 所以無咁好食建議簡辣味黎食 應該都係Tabasco叫辣之前最好問下蝦方面 我無食 但朋友話幾好食 應該吾係雪蝦❤️❤️#晚餐價錢：$99#自家製凍水果冰茶味道吾會好甜 同埋無冰岩晒吾飲凍野既朋友🧃#價錢：免費配#焦糖脆脆蛋糕本身食個之前諗住食抹茶紅豆卷蛋點知又係賣晒 睇黎我同佢無緣🤣🤣所以先簡焦糖脆脆蛋糕本身諗住佢係個面上面用火噴燒2下個種點知黎到覺得佢好有趣 外型似珊瑚礁既焦糖吾知製作者係咪對大海有情意結呢食落去個cream吾會膩 吾會好甜蛋糕吾乾身 新鮮製作焦糖吾會太燶 似乾身固體既糖😋😋分開食都咁好味#價錢：$45 .*溫馨提示**午餐價錢大約$60左右，會比較平d** 店舖仲設有-手工pizza-自家製湯品-是日甜品款式

🔹旺角// FooDo 🔹人均約$110🔹▫️蕃茄汁鳳尾蝦 菠菜葉配手作闊麵 $104有辣有唔辣任君選擇🔥味道嚟講我覺得算正正常常，辣嘅比唔辣嘅好食！特別嘅係佢手工意粉比較煙靭係肥身嘅闊條麵，反而覺得佢飲品有驚喜，呢個套餐價係可以配埋水果茶，係嗰種冇糖既🤣因為我平時飲開無糖，飲落去有種酸酸地淡淡水果味都唔錯㗎！🔹好飽評語另一個食咗蕃茄醃肉闊麵，唔推介😂😂味道係差唔多嘅，但係佢既肉真係好普通🥲因為條街附近有好多嘢食，但大部份都要排隊😹呢間其實唔係好洗排隊🤞🏻🤞🏻如果經過都可以試吓嘅～如果唔係唔使特別食😹💩🧠回頭指數：2️⃣🧏🏻‍♀️打卡港女：2️⃣🌬冷氣溫度：7️⃣🚽廁所評價：⏹🧾性價比呢：5️⃣

呢到嘅手工意粉好出名🍝終於去咗試✨嗌左個忌廉汁腌肉日本生雞蛋手工闊條麵 麵條好煙韌有咬口🤤生雞蛋撈埋啲忌廉汁 有啲似卡邦尼嘅感覺😂味道好濃郁又杰身 麵條掛滿晒汁 再加埋啲軟腍入味嘅肉 真係好好食💯

每次經過哩間餐廳都總有人排隊，所以令我每次都卻步，因為附近都好多美食。咁啱有日大雨時行過，終於唔使等位了🥹入到去已經見到店員同食客有講有笑，感覺不會好焗促。由於之前已睇過餐牌很多次，所以都不用多看就叫了a1 忌廉汁醃肉、日本生雞蛋配手作闊麵+水果茶$96。聽到隔離食客講超級推介哩度嘅蛋糕，我都即時同職員講：咁我都想要一件！誰不知蛋糕賣晒🥲唯有下次啦！手作麵質地好特別，不軟不硬，口感好好，個麵撈埋生雞蛋一流，仲有忌廉汁一齊口感超級滑，仲有醃肉*豬 咸咸香香，估唔到又夾到個麵，真心推介大家要試！！另外水果茶唔甜，食完忌廉手作麵唔多唔少都會有啲膩，飲埋杯水果茶完全解除膩嘅感覺，超讚！

-{旺角手工意粉🍝}依間係兩年前save嘅餐廳😂😂😂但一直塊唔知點解冇去試 誤打誤撞入左黎食到平日嘅午市套餐🤣🤤忌廉汁醃肉及日本生雞蛋配手作闊麵🤤 ($67）豬腩肉好多😙😙意粉做到爽彈嘅口感🥰🥰🥰加埋生蛋啲汁會稀咗少少 不過生雞蛋味道都已經好重🤓超值👍👖褲評: 8.3/10🤤忌廉汁菠菜葉及芝士配手作闊麵🤤 ($67）忌廉汁潔身好多！海量芝士👍的確食落好香😉不過食到最後會有啲膩👖褲評: 8/10🤤芝士炸雞塊🤤 ($48）有4塊 係自家製雞件唔係雞塊😂😂😂份量好多而且啖啖肉🥳最後用咗忌廉汁肉個汁黎點特別好味🤣👖褲評: 7.8/10雖然環境唔會特別靚 但店員嘅服務同解釋都好好 食物質素又高😜平日嘅午市真係平$30有多☺️性價比: 8.5/10服務: 8/10環境: 7/10🚩 FooDo 🚩地址: 旺角通菜街1A-1L號威達商業大廈地下C號舖 #fuudjai #fuudjai西餐 #fuudjai旺角

2021 vs 2022一值喜歡支持小店上年食過2次確實好食💛覺得價錢小小貴 但絕對可以再食今天路過再食的時候 很失望意粉比海水更咸水果茶沒有上年的好喝明白經營不容易 但好品質的食物才有回頭的客人

焦糖脆脆蛋糕 $49FooDo自家製蛋糕🍰而且數量有限佢係偏向輕盈嘅日式芝士蛋糕，蛋糕質地比較濕潤頂層嘅脆脆我覺得好似懷舊小食叮叮糖咁，無論口感定係味道都好似，脆脆焦糖味好重好甜，所以好建議2-3人一齊happy share👐🏻忌廉汁自家製腌肉、日本生雞蛋配手作闊面 $96腌肉好食，佢唔似煙肉咁鹹，又切得比較大片，大啖食肉好滿足😋手工闊面好煙韌，亦都好掛汁，如果份量可以多啲就好啦😜肥仔2啖食晒😌菠菜葉、車打芝士、馬蘇里拉芝士手作薄餅 $96薄餅餅底介乎厚薄批之間，一向都鍾意食手工薄餅貪佢夠煙韌有咬口，FooDo 嘅薄餅果然冇令人失望👍🏻雖然配料種類唔算好豐富，但係個薄餅食落一啲都唔單調，個人覺得CP值好高💯p.s 芝士可以拉到好長嘅絲🤣薯仔沙律 +$13配料有洋蔥、青瓜、甘筍 配上蛋黃醬好清爽好好味！但係份量真係太少喇，得1個雪糕球咁大🤣蘑菇忌廉湯 +$18：味道不錯水果茶：正常發揮FooDo (旺角)旺角通菜街1A-1L號威達商業大廈地下C號舖

旺角戰士💛 - 重現👼🏻蛋糕嘅味道 用心製作手工意粉🎈忌廉汁自家製醃肉及日本生雞蛋配手製闊麵 $62 🌝🌝🌝🌝🌚🎈日式家常薯仔燉肉配飯 $54 🌝🌝🌝🌚🌚🎈焦糖脆脆蛋糕 $48 🌝🌝🌝🌝🌚FooDo闊麵個名咁長～～～正因為佢都將成碟意粉嘅精髓放曬落個名度🤣首先忌廉汁同個自家醃肉唔會太膩太咸🤤醃肉都唔似其他店嗰啲煙肉咁一粒粒✨而係一塊塊，能夠增加口感☺️職員都好好係落單時有問過我地要唔要生雞蛋🥚👷🏻‍♂️頭盔仔同朋友食完都覺得撈埋一齊食令成個意粉更滑😋最後到個麵🍝果然係手工麵 一食落口就好彈牙好煙韌🤪烚麵嘅時間亦都岩岩好 完全做到al dente 整體可以太好味有啲唔夠喉🥲如果份量再大翻少少就完美啦💛家常燉肉飯個味道就家常到有啲似家鄉雞牌白汁雞皇飯嘅味道🙊只不過係變左豬肉版本🐷我就麻麻地識欣賞🤒自從年青人「被放棄」之後，都冇得再食天使蛋糕👼🏻🍰 而家仲於搵到代替品💛💛個本身蛋糕份量好好 兩個人當飯後甜品啱啱好😆味道方面都唔太甜 唔會好到好溜 焦糖脆脆份量亦都好夠❗️唔會死甜 食落口真係會有陣焦香味⭐️ 美中不足嘅係👷🏻‍♂️頭盔仔覺得食落口未算係食落口最鬆軟嗰款蛋糕⚠️但整體嚟講已經可以做到天使重現

難得外出，當然想食得好啲，旺角有好多食肆，但有部分暫停營業，有部分坐得太迫，可能人多才有水準？或是價錢平所以多人？沿著女人街一路行，見到FooDo，朋友話食過值得推介，就這間吧！時間尚早，我哋係第一枱客人。點了兩份午餐。這店招牌款式：手工意粉🍝味道真好👍🏻👍🏻👍🏻份量較少，適合女士啊！餐飲配水果茶，滋味🍹朋友點的茄汁烤雞飯🐥好無試味，未能評論冷泡咖啡☕️非一般凍咖啡用心製作👍🏻接近午飯時間，陸續開始多人來了。其中有外藉人士，相信是慕名而來，可見食店有一定的口碑呢！

好評：今日第一日試 朋友帶我去的 好有驚喜😍見到係手工意粉 所以都覺得價錢算係咁～嗌咗個A1同C1 一碟意粉🍝 一個Pizza🍕同埋焦糖脆脆雲呢拿雪糕🍨and蕨餅share 食 食物賣相都好好👍🏻闊麵：首先講吓意粉 店員細心提醒趁熱攪拌👍🏻咁我哋就嗱嗱聲影幾張相就食因為嗰度冷氣都幾涼 驚好快吹涷味道上 麵條唔會太薄 唔會太厚 恰到好處而且食得出同平時嗰啲唔同同埋好少食到黃色嘅醬汁 通常一係白汁一係紅汁醬汁偏稀 唔係嗰種好濃稠 唔會漿口但係都掛到汁 肉好軟 而且唔會太鹹整體有味道 得來又唔會話好重口味分量就 兩個女仔share食 如果淨係食一碟面就一定唔夠 但唔大食-正常食量嘅女仔 自己食一碟嘅話 足夠 會食得晒pizza:之後講吓pizza 賣相非常好 份量兩個女仔剛剛好一人兩件 如果鍾意食薄批嘅話 一定好鍾意個人唔鍾意厚批 個餅批好脆！😍又係我鍾意食嘅簿批 係我心目中已經贏曬pizza hut pizza box paisano’s pizzaeria….我嗌嘅嗰一款 配料有菠菜 芝士同煙肉有一款係有兩種芝士 雖然我嗰一款得一種芝士但係都多到拉絲 好滿足 煙肉同意粉嘅肉一樣都係好

叫了一個忌廉汁生雞蛋意粉, 份量只佔價錢的一半, 忌廉汁好稀, 不濃, 麵條比較適合作湯麵, 性價比低, 少肉。和叫了pancake餐, 賣相牽強, 如若炒埋一碟的餸, 得兩舊鯛魚, 不值$71。大家千萬不要幫襯,會中伏!

叫左個忌廉魷魚手作麵$126，再加$13薯仔沙律及免費冰茶，結果個薯仔沙津份量少到嚇死人，一淡仔就無😧😧😧，重點係埋單收我$32，話係當小食，明明餐牌寫住加$13有薯仔沙律，但下面又寫$32同樣既野薯仔沙律，就當我係叫左小食，但個份量少到等於兩粒花生既size，完全唔知食左d咩，至於個魷魚手作麵，完全唔值呢個價錢，個麵煮到出黎仲係硬，份量係女仔食就差唔多，比左$158，唔知食左d咩野！😡😡😡😡