FLIPPER'S (已結業)

間野開左咁耐都仲係大排長龍，食飯後黎到排左差唔多一個鐘😢下次真係要避開食飯後時間黎！🍴士多啤梨藍莓香蕉班戟 hkd119 + Flipper’s Punch hkd49賣相同menu一樣，唔同水果顏色非常配合，十分吸引。Pancake真係空氣感十足，超鬆軟，蛋味濃郁，忌廉唔會好稀，同pancake好夾。配料士多啤梨同藍莓雖然好多但就好酸，令到碟pancake扣分，所以都係應該食番原味！而飲品Flipper’s Punch不過不失，飲落好fresh。整體雖然要排好耐隊同偏貴，但都值得一試。

超出名嘅flippers 梳乎厘pancake 💋果然係蛋味十足🐔全部都即叫即做，上碟嗰時熱辣辣脹卜卜好吸引呀😍😍😍仲要非常之足料，絕對可以當正餐🤤原味 $99 配搭簡單嘅鮮忌廉，令口感更加細滑🥚但今次我更加鍾意榛子朱古力 $119， 大愛焦糖香蕉🍌配上朱古力醬同榛子鮮忌廉，入口一瞬間簡直醉倒了🌈

長期要排隊，以為好好食，一食入面好似食泡咁，唔太中意，不過係好香蛋味既，但唔值得等咁耐去食佢，同埋好多遊客，應該係旅遊書介紹，所以好多分唔到係內地人定韓國🇰🇷既女仔排隊

好掛住Flipper’s 既原味pancake，又忍唔住黎食啦～今次無特登早去攞籌，所以要排成45mins隊，排到我地岩岩好下午茶時間，而且上一餐又岩好消化左🤤大家唔好以為咁梳乎，應該似食空氣咁唔飽肚，記得第一次攞籌食2點，咁就食個lunch先，結果食一塊pancake已經飽到想嘔，為左唔浪費，𡚒戰左好耐先食晒，所以大家唔好睇少個pancake 既份量，要食先晒先好叫呀😉廢話唔多講，入正題啦～原味pancake 一直都係我大愛，原因無他，就係因為佢個帶有焦糖味既cream，但又唔會太甜，超鐘意😍配上震騰騰又好有空氣感既pancake，入口鬆軟又蛋味夠香，超好味😋今次想有少少新意思，就叫左期間限定既宇治抹茶味，整體抹茶味好香，唔係啲人工抹茶味，可惜只有2塊，性價比唔高。最敗筆係佢個抹茶大福同抹茶牛奶朱古力，（我覺得係明治Meltykiss抹茶朱古力），實在係太甜啦，粒士多啤梨又好酸🥴，口感同pancake好唔夾。如果唔鐘意食太甜既朋友就唔好抱太大期望啦⋯⋯以後都係繼續支持原味😬

I have tried all the pancake outlets in Hong Kong and this is def the best one. The pancakes are consistently very tasty and well cooked. My favorite is the plain one. Milk tea is delicious as well. It would be perfect it they had reusable straws and it they gave a little bit more maple syrup and whipped cream. Otherwise, these pancakes are simply THE BEST

最近好像又再次興起了 "梳乎厘 Pancake" 的熱潮 .... 不過 , 熱潮這回事 , 我懶得去理最重要是吃到好東西 ~當晚再次去到 Flippers 食 Pancake ~Menu ~Kiseki Pancake 士多啤梨藍莓香蕉班戟 : 賣相精緻 , 梳乎厘熱香餅的質感鬆軟輕柔 , 氣味芬芳 , 味道甜蜜鬆軟好味 , 伴以鮮忌廉、藍莓、香蕉 , 一切味道都很匹配 , 如此夢幻一般的味道既豪華又飄飄然 , 吃入口一刻的感覺 , 彷如置身仙界 , 要人回味無窮 ~吃美味的 梳乎厘 Pancake 又怎能缺少一杯 Iced Americano ~本篇完 ~

香港依家梳乎厘大行其道，但講到邊間最好食，我相信呢間一定係三甲之一！每次黎到希慎6樓，flipper's門外都大排長龍，今日都唔例外！今日係星期日，都預最少要排一個鐘，排隊時聽人講，如果星期六黎係要兩個鐘！可想而知幾多人慕名而黎！皇天不負有心人，終於等到！先叫飲品再慢慢等食！呢壺玫瑰花茶浸耐少少已經花香撲鼻，舒緩一下都市生活帶黎既緊張神經！終於等到Ｄ梳乎厘黎啦！分別叫左原味、綠茶紅豆同埋榛子朱古力焦糖味，Ｄ梳乎厘鬆軟有口感，切落去同食果下都好治癒！香蕉榛子果個好甜，嗜甜同大食既話必選！而抹茶就有少少苦澀，原汁原味！

難得機會由鄉下嚟到城市 路經銅鑼灣見到無人排隊時間係中午12點 平日 傾非常軟熟低糖雖然要等20分鐘但係非常之值得 我係第一次食冇得比覺但係已經非常滿意 價錢都算合理因為呢度係銅鑼灣 期間限定係奇蹟之芒果班cake 連埋一杯迷你嘅芒果雪糕上 芒果非常新鮮雪糕好好味 因為有芒果配搭所以覺得個班戟冇咁流

突然想喺cwb食甜品，但又唔想食啲太普通嘅，所以就諗到不如試下食pancake。排隊都等咗45分鐘，算耐。不過好彩有凳比我地一路坐一路望下佢地嘅製作過程，如果唔係排隊個陣都幾無聊下。睇完menu之後就開始落單，侍應多數後生仔，態度都唔錯，因為我地係慶祝週年紀念，所以諗住開下侍應有冇蠟燭比我地插上pancake度做下樣haha 點知侍應哥哥都好有禮貌咁快速送上比我地，非常多謝！

食過幾次，每次都幾好食。但係印象最深既都係plain版本！原汁原味濃厚既蛋味同埋輕巧既甜，食落口係空氣半，pancake半，太好味了。價格偏貴但係食呢啲嘢其實都冇得話平㗎啦。最出色係佢嘅外皮，有少少咬口得來又幾好味。個忌廉感覺上係即日手打出嚟好新鮮。之前試過其他味都冇呢一個咁出色，嗰啲將純粹係點綴嚟嘅咋毫無作用可言，要食呢種pancake建議大家一定要點原味😂但係記住食啲重嘢就係食空氣食完係唔會飽肚嫁。另外因為我哋兩個人所以點多杯flat white, 普通野啦不過不失。杯咖啡來講其實係幾抵。個花都拉得幾靚。

男朋友一直話好想去食梳乎厘班戥🤓就走咗去Flippers 食啦星期日嘅兩點去👶🏻等咗四個字就入得，都算幾快先叫咗一杯嘢飲兩份share 🌸叫咗Cookie frappe 成杯嘢好足料😛曲奇味好濃郁👍👍👍每一啖都咬到曲奇好開心🌸不過就有啲過甜飲咗半杯已經好滯班戟入口即溶乎哇乎哇咁唔會好甜但係食得耐都幾滯唔算小鳥胃但係食咗一個半都投降😂綠茶cream 配紅豆加班戟都幾夾👌淋上面嘅抹茶醬少少苦澀都好match男朋友叫咗朱古力榛子班戟焦糖香蕉好出色！！！加晒分😋😋😋最後佢要幫我食埋我嗰碟😂

次次經過都見到好多人排隊，所以放棄冇食（可能放工時間關係吧）。不過終於有一日得閒，又咁啱係銅鑼灣行街，於是順便行下希慎同再望下Flipper’s 多唔多人啦，點知都係要等，不過好彩今次只係要等兩三個人就ok 。大約10-15分鐘😁 難得可以入到去坐低食，一口氣order 咗兩份。🤣 試下有幾好食同睇下有咩咁吸引。點左一份原味同一份士多啤梨藍莓香蕉味，食落去第一啖，口感確實幾得意，好似食咗空氣咁。味道唔會太甜，唔錯。就算食咗兩份都唔會感覺太飽。不過成一百蚊一份，有啲貴。唔會成日食。

日本人氣班㦸嚟到香港梗係要試下啦 ， 今日去食之前都擔心要等，可能開咗一段時間，去到就馬上有位，唔需要排隊 。而味道方面 ，但係始終唔夠日本當地嘅班戟好食。無論喺新鮮度喇蛋味喇都差一點點，份量亦好似細一點， 但價錢就貴得多。剛剛呢段時間就有宇治抹茶班戟， 我哋就試下啦， 但係呢款班戟只有兩塊， 味道只係一般，但好在就係宇治抹茶味道。另一款係士多啤梨藍莓香蕉班戟， 呢款味道配合都唔錯，士多啤梨都好新鮮。 但整體嚟講cp值唔係咁高。

次次去Flipper's都會見到一條長長嘅人龍。 想食又唔想等？唯有嗌外賣啦。可惜外賣無辦法買到佢人氣嘅空氣班戟, 有少少失望。 唯有退而求其次, 試下佢嘅班戟批。<原味班戟批$32> (好味: 4.5/5) (抵食: 3/5)兩層鬆化嘅千層酥皮, 夾住一塊軟熟嘅楓糖吉士味班戟, 層次非常豐富, 淡淡嘅甜味係口腔徘徊, 一試難忘, 好想再食。大食妹推介: 各款班戟批

晚上逛街時看見門口只有幾個人排隊，馬上拉著媽媽👩一齊等位！🍽 Mixed Berries Souffle Pancake賣相十分美麗，藍莓、草莓和香蕉的顏色配搭的很好，令人未吃已經覺得心情很好☺️水果都很新鮮，配上蛋香味重的pancake簡直一流！雖然個人覺得pancake過份空氣感，所以每一口很快就吃完，裡面也會比較濕潤而不是平常美式pancake的蛋糕口感，可是味道很好吃。這款pancake只能說並不是每個人都會喜歡...