Flames (黃埔天地)

营业中

休息中

行開經過俾佢個買一送一飲品吸引左，佢哋有Set Dinner都幾優惠。我哋因為有個別菜式想試所以就單點。前菜叫咗個避風塘雞翼，可惜味道好一般，得個咸字，仲要雞翼唔係炸嘅。而且仲要上咗個牛扒先上。輪到12oz Rib Eye，個牛都幾嫩口，係有少少位有根。牛味唔算太重，不過不失。最後等左20分鐘，終於見到乳豬飯，無諗過佢係成大塊俾你，份量好夠，而且好脆好入味。 唯一係無切細件同冇俾把鋒利嘅刀，所以淨係可以切到表面嘅皮同肉，舊骨要成塊攞手食。整體嚟講會俾3粒半星，食物味道偏鹹，不過份量夠大，價錢都合理！

今天約了好姊妹在紅磡行街食飯，呢間新開，座位又新又靚。呢間的套餐好抵食，大約$100 ，加錢就可以有飲品、甜品及餐湯等。10安士紐西蘭肉眼扒配燒蔬菜🥬肉眼扒肉質爽，好入味，燒蔬菜令我咁唔鍾意食蔬菜嘅人都好有食慾。鮮蝦🦐香草蕃茄忌廉扁意粉🍝呢個意粉真係出奇地好食，忌廉汁配搭得好好，有蝦味又creamy，我哋兩個秒速食光😝鮮奶咖啡☕️咖啡味濃郁，就算不加糖也好好味，好易入口。自家製蛋糕🎂抹茶芝士+檸檬🍋芝士這兩款蛋糕質地軟，檸檬味好出，好清新，正👍🏻抹茶那隻味較淡！

Flames Lunch set 包汽水或茶+$25 有咖啡 +$15南瓜湯或沙律 +$35蛋糕南瓜湯幾creamy味道好濃沃！😉 沙律上面有杏仁片及芝士 ， 生菜都好fresh同juicy，亦都有沙律醬配 👍🏻 炸魚薯條配他他醬炸魚皮薄肉厚， 外脆內滑， 脆卜卜，好抵食！😋薯條已調味， 有他他醬茄汁及檸檬，薯條嘅份量都好多熱辣辣，非常吸引， 好食過一般餐廳嘅薯條！🥰 魚柳配黑松露蘑菇忌廉汁和蔬菜魚柳非常大件， 肉質嫩滑，與上面嘅醬汁係用咗蘑菇醬，  非常喜歡這個汁👍🏻 配有翠玉瓜紅蘿蔔及薯仔！份量適中😋 朱古力蛋糕面層嘅黑朱古力非常濃郁， 純黑朱古力味味無窮， 食完之後呢就甜在心頭， 入面香滑可口🥰 抹茶蛋糕抹茶芝士味清新薰香， 賣相都相當吸引，食完齒頰留香！ 🥰值得一提係員工態度友善！

Flames 在黃埔開了新分店，裝潢時尚有味品以白灰黑為主，環境燈光柔和坐位也舒適，餐廳除了有開放式廚房還有酒吧飲品。而且還有出售自家製調味料，有興趣都可以買回家。之前試過九龍灣分店食物也不錯，今次都試了一些不同新菜式。餐牌款式提供不同的菜式選擇，如牛扒、沙律、特式飲品、自家製蛋糕及甜品等。今日兩個人點了兩個主菜一起share。是日例湯是南瓜湯，香濃滑口的南瓜濃湯口感好 creamy。葡式香辣燒春雞配薯條，原來春雞以獨家方法醃製的，烹調更長達至24小時，再配上餐廳自家製的葡式辣醬，讓味道更加豐富及有層次，唔怪之得雞肉入口嫩滑而且香脆。照燒汁鱈魚柳配芝麻油燒粟米，鱈魚煎得外酥內嫩，帶有醬油味道和淡淡甜味，與甘香鮮美的魚肉融為一體加上芝麻油粟米吸收了精華。最後嘆番一杯熱Flat White作完美的一餐。

前幾天約了朋友去紅磡黃埔一間新開張的西餐廳Flame，餐廳室內設計非常有格調，但同時帶一種chill 而且舒適的感覺。七時剛入座的時候人流不多，但不一會兒就已經滿座。香脆魷魚圈，魷魚用上薄薄的炸粉，油炸至金黃酥脆。炸粉非常脆口，完全沒有油膩感，魷魚新鮮爽口，加上沙拉醬更加美味，作為前菜，實在十分驚喜，令我對餐廳的食物充滿期待。香煎帶子魚籽龍蝦忌廉扁意粉，帶子肉質結實，吃得出用料非常新鮮，煎得十分鮮美。扁意粉也非常彈牙有口感，而且非常掛汁，每條意粉都附有濃厚creamy的龍蝦忌廉醬汁，灑上香草，並拌著鮮味又略帶微鹹的三文魚籽，十分滿足。葡式香辣燒春雞配薯條，燒雞賣相非常不錯，外皮燒至金黃，略有微微的焦脆，並且足足有一隻全雞的份量。雞肉的質地嫩滑，帶有肉汁，而味道則偏香辣。想要再重口味的話，更可以沾上餐廳特調的香辣醬汁，令味道再更加豐富。Nuts Bout Tella，我倆也點了一杯榛子朱古力奶昔，表面噴上忌廉和朱古力碎，並放上了Orea餅乾和榛子朱古力威化，裝飾之餘，更是多重口感的享受。榛子奶昔非常香甜幼滑，杯沿沾滿了朱古力醬，令味道更加濃郁。

一路都好想試Flames呢間餐廳🤩終於有時間試下黃埔分店😙佢有好多食物都好吸引,特別係佢嘅牛扒,所以一定要試試😛🐮12安士安格斯肉眼扒配黑松露薯蓉牛扒好大塊,本身都鍾意生少少所以叫咗三成熟😎煎得好靚,口感啱啱好唔會好韌😍另外會跟埋黑椒汁,點埋一齊食都好味😋黑松露薯蓉好creamy,牛油味好濃,再帶陣陣黑松露味🤩🍅香煎半熟吞拿魚車厘茄沙律配青檸青瓜薄荷汁佢個沙律以呑拿魚同車厘茄為主,幾特別同平時好多菜嘅沙律唔同🥗青檸青瓜薄荷汁食落去係酸酸地好開胃😝半熟呑拿魚口感入口即溶,同車厘茄一齊食都好夾🥳🐙香脆魷魚圈望落去有啲似洋蔥圈,咸咸地炸得好脆口,跟埋沙律醬可以點黎食,係唔錯嘅餐前小食😛🍰士多啤梨芝士蛋糕配蘋果玫瑰果凍佢有好多款蛋糕都好吸引,最後我揀咗士多啤梨芝士蛋糕配蘋果玫瑰果凍🍓整得好靚😍第一層係蘋果玫瑰果凍,食落似啫喱,而第二層就係士多啤梨mousse,第三層就係芝士蛋糕,不過口感似海棉蛋糕,唔係平時果種芝士蛋糕,但都好好味😋

最近天氣時晴時雨 所以為了方便起見 今天去了有人屋企附近的餐廳吃飯朋友選擇了這家開張了不久的Flame 主打特色西餐餐廳內環境有小清新的感覺 餐廳中間放置了幾棵小樹 光線充足黑松露薯條 $48薯條是餐廳即叫即炸 所以口感是外脆內軟薯條上加了黑松露醬 甘香之餘帶出薯條香味12oz Angus Rib Eye Steak $298主菜方面 小編點了12安士的安格斯肉眼扒由於小編食量不是很大 所以覺得這12安士可以跟朋友分享分量剛剛好小編點了五成熟 牛扒中間呈現粉紅色牛扒的生熟程度適中 將肉汁鎖在肉中心餐廳選用的牛扒肉質鮮嫩 口感juicyScallops Linguine $158這道菜是小編最喜愛的菜色意粉軟硬程度適中 加入香濃的龍蝦汁味道非常美味意粉上加了煎至金黃食的帶子 口感嫩滑 味道鮮甜最後點了一杯飲品Tropical Punch $58 作為晚餐的總結總括而言，小編十分喜歡餐廳的裝潢簡單得來別具特色而且食物製作方面用心 味道美味小編必定會再次光顧

早左放工 6點左右去到紅磡就黎左Flames試下Staff好nice 同埋餐廳暗暗地燈光好舒服所以一坐低點左杯mocktail呢杯Lemonada 好fresh 好好飲佢7點前有個early bird menu包starter同drinks不過一心想食乳豬既我就揀左乳豬點左脆皮乳豬配西班牙飯西蘭花蘭仲有蟹肉芝士蕃茄忌廉汁通粉2人份量剛好佢個半開放式廚房 睇到chef煮呢個粉既過程見到賣相已經加分好掛汁同creamy 一口接一口芝士味配蕃茄味道好吸引而乳豬賣相都好靚西班牙飯吸左乳豬既油 好惹味豬件入口鬆化 富油香 豬皮脆卜卜。。。總括價格合理 服務很好我會為左呢個乳豬再黎的。。

自從多咗黃埔站之後，我都成日嚟呢頭食嘢，呢邊啲fine dining價錢比中上環價格優惠，而且質素都非常OK，見到新開左有間flames，就試試佢先！蟹肉巴馬臣芝士脆脆番茄忌廉汁通粉👉🏻又闊又長嘅通粉食起嚟煙煙韌韌口感很好👍而且長通粉勁多坑紋，每一片都可以充分咁掛滿晒香濃嘅蟹肉蕃茄汁，加上蟹肉味道夠鮮，so yummy!香煎帶子三文魚子龍蝦忌廉汁扁意粉🍝👉🏻巨型特級帶子睇見都開心，而且煎香左兩邊，中間仲係半生質感，食落口感軟綿綿好享受！最鍾意意粉配龍蝦汁，食落特別香甜，而且龍蝦汁好濃郁呀，好好味😋香草紅酒汁燴牛面肉配薯蓉👉🏻 打成泡沫嘅薯蓉也是亮點，而入口即溶嘅牛面頰認真冇得彈！可能用紅酒🍷燴過嘅關係，食起來還有少少果香，面頰肉零脂肪全瘦肉食多多都唔怕肥，要煮到這麼軟綿綿嘅口感，完全感覺到這個菜式當中嘅心機！真係好正！

屯馬線剛剛開通到紅磡，在何文田站轉一個站就可到黄埔站，所以约了朋友去黃埔FLAMES試試。位置是在黄埔地鐵站C1出口附近，步行3分鐘就到，交通十分方便。 我們太约7點左右到，那時差不多坐滿了。我們做足防疫的步驟後，一坐底就點了'Set for two'套餐，包頭盤，2個主菜及甜品，飲品就要散點。 頭盤南瓜湯或沙律，我們點了一個南瓜湯及沙律分享試試。南瓜湯濃郁而甜味適中，容易入口而帶有香味。沙律的疏菜新鲜爽口，配合沙律醋味道也不錯。 主菜我們選擇了12安士安格斯肉眼扒配忌廉薯蓉及香煎帶子魚籽龍蝦忌廉扁意粉試試。肉眼扒非常入味，煎得剛剛七成熟，不用燒汁也牛味十足，可見食材非常新鮮。至於薯蓉口感香滑，應該加上鮮奶一齊煮。至於帶子扁意粉，除色相好看外，龍蝦汁加上帶子非常鮮味，帶子面舖上少少咸的魚子，十分匹配。 甜品跟套餐是松露朱古力蛋糕及抹茶芝士蛋糕，我們各點一個試試。份量很大，兩個味道都是我的至愛，朱古力蛋糕就比較甜，濃濃的朱古力配上鬆軟的蛋糕 ，滋味十足，至於抹茶芝士蛋糕就軟而香，兩個食落非常好味。 飲品我們點了Flames Lemonada及Mocha試試。Flames Lemonada

見新疫情緩和，就快快試下間新餐廳。裝潢不俗，屬型格設計。地方乾淨!午市12點幾已滿座，人太多有些嘈同個裝修唔多夾。可能想流轉快些，今次職員下落單、上菜、執檯都快。食物上檯，我有一點驚喜。個presentation依這個價賺喇，不過唔知係唔係期望太高，食落有丁丁落差。春鷄切落有肉汁，皮算乾身，就係肉味、肉質差些些，淡了些，皮的醬調配不見心思（KFC仲好些)薯條係炸得可以，但又太咸。卡邦尼意粉，軟硬可以，配料多，個醬有cream味，但不creamy，太thick喇!總的説，不是差，就係唔滿足(唔係飽唔飽問題)，攪到唔想叫desert就走喇!

今天又到黃埔區拜訪商業友好，在 T&E budget 不太充裕的情況下在這間餐廳吃個商務午餐的性價比非常之高。新開張，裝修靚地方乾淨，和細心有活力的服務團隊（有些只能講英文）已經加了印象分。前菜點了個 ham salad, 如果以淨加$15來講呢個係絕對驚喜。以百幾蚊來講肉類或者意粉主食的套餐，食物新鮮度，材料選擇，賣相分量完全是無懈可擊。始終口味各有唔同，好唔好食係因人而異。為了完整整個用餐經驗已經好飽都再叫多個甜品，甜品大概是 greyhound 或 simplylife蛋糕的水準。 餐廳開始越嚟越受歡迎，所以如果 walk in 午餐要在12:15前到呀！會再來。

黃埔自從地鐵開通左，不少名牌食店進駐，近期又有一間餐廳Flames 開分店，剛好同事生日，佢又好鍾意食Flames 嘅燒雞，今晚我就請佢去黃埔食飯慶生吧！餐廳裝潢時尚，燈光柔和。脆皮乳豬即叫即做，內香外脆的乳豬上枱熱辣辣，乳豬皮脆卜卜，肉質鮮嫩入味，另外還有炒飯，飯吸收了豬的肉汁及油香，連同香脆乳豬同食，非常惹味。葡式香辣燒春雞配薯條，春雞用咗秘製葡式醬汁醃製，燒至金黃色，雞肉超嫩滑又入味，一啲都唔鞋口，雞皮也香脆可口，少少辣好惹味！薯條也很香脆。香草車厘茄蘑菇蕃茄汁扁意粉，蘑菇食落爽口，特別有菇的香味，扁意粉有口感，香草車厘茄蕃茄醬汁好濃郁，沾滿每條意粉，越食越好味！

本來好有期望點知不知所謂！叫了兩個燒春雞餐啲肉都是生的，廚房再做過兩份，一份正常另外一份又係生的仲有血水點食呀？餐廳係都要再將已經比我切開晒嘅血水春雞再焗，之後唔駛講梗係焗成一份比沙紙更難食的燒雞。真心食唔到，放棄了，大家都無心情，朋友連飲品都唔叫。埋單時，他們只收一份餐錢。真係多謝晒呀！成個Sunday mood 都無晒啦！免費都唔會幫襯！

一進入紅磡黃埔天地的 Flames 店子，便發覺其裝修陳設已能給食客一種舒適的感覺。看過餐牌，最欣賞的是這店的「是日套餐」，由食客因應自己的喜好和食量，自由揀選配搭，不會做成浪費。～10 安士紐西蘭肉眼扒配薯菜🥩廚師煮三四成熟的肉眼扒時間掌握得剛好，切開見紅色肉汁。吃起來肉質軟淋適中有𡁻口，啖啖滿足，特別一提的是牛扒帶有濃烈的燒烤味，特別剌激味蕾，令人食慾大增。更不可不提的是那些即炸的滋味薯條，條條外脆內軟，椒鹽味道剛剛好，卻又不奪薯仔的原有香味，令人不其然一口接一口地吃掉整杯。～鮮蝦香草蕃茄忌廉汁扁意粉🍝扁意粉軟硬適中，配上香滑的香草蕃茄忌廉汁，滋味無窮。鮮蝦雖然不算很大，但隻隻爽口入味，與扁意粉的汁醬十分配合。～泡沫咖啡 ☕️ / 薑汁汽水咖啡拉花清晰可見，奶和咖啡融為一體做成了一杯綿密味美的熱飲。淡薑味的凍碳酸飲料，味道清新透心涼，是配搭牛扒的理想選擇。～抹茶芝士蛋糕 🍰 / 松露巧克力蛋糕兩款蛋糕們賣相都十分討好，入口更是美味，作為飯後甜品，吃畢真教人超滿足。抹茶味不算濃的滑滑芝士蛋糕清新可口，完全不會膩，而軟滑的濃朱古力蛋糕更能完全滿足一眾朱古力控的要求。