Flames (黃埔天地)

营业中

休息中

疫情稍為緩和，於是就約了一位住在黃埔的朋友吃晚飯。我們大約6:30入座，被安排在卡位，坐得相當舒適。入座時還有好幾張空枱，但不一會兒，整間餐廳已經坐滿。先上菜的是一個前菜小食，香辣炸雞，口感相當酥脆，口味相對較為香辣，再點上餐廳特製的辣醬，更是惹味，而且份量十足，一口接一口，非常美味。Cheese Cake Shake，材料非常豐富，飲品的基底是雲呢拿奶昔，口感順滑綿密，toppings 配上威化餅、Oreo、百力滋棒，以及一件芝士蛋糕，芝士味濃，但質地相對鬆軟，吃起來不會太膩。這款奶昔不但打卡一流，而且將飲品和甜品結合，口味相當多元，絕對是不錯的選擇。燒大蝦三文魚籽龍蝦汁扁意粉，作為主食，這碟意粉相當令人滿意，有兩隻大虎蝦，蝦肉彈牙鮮甜，充滿燒烤香味，意粉上面灑上大大粒的魚籽，每條扁意粉韌度剛好，都掛上濃郁的龍蝦醬汁，非常creamy。葡式香辣燒春雞配薯條，燒春雞非常大隻，外面烤得金黃皮脆，內裡肉質嫩滑，非常juicy多汁，雞肉味道香辣入味。另外，再配上厚切薯條，炸得香脆，整體而言性價比頗高，絕對值得一試。

放工去左黃埔覓食，搵到間高質既西餐廳！ 真係要大推😋 環境好chill，燈光昏暗有情調！我地叫左..🐚香草白酒煮青口配薯條(半kg)超大盤！真心靚！青口來自紐西蘭，好大隻好鮮甜！白酒汁都好好味，飲哂佢或點包食都正😆 估唔到跟青口配既薯條都有驚喜，竟然係有黑松露！好惹味！..🦐燒大蝦三文魚籽龍蝦汁扁意粉好juicy既扁意粉！勁濃郁既龍蝦汁，有埋三文魚籽增加左卜卜脆既口感，燒大蝦好大隻，肉質好爽甜！..🥖香草蒜蓉包完全無諗到有咁多片😱 烘得好脆好香！仲灑左大量芝士粉，好食！..🍰自家製朱古力蛋糕上面係朱古力mousse，好濃郁🍫 夾心有d果仁咁，好正口感，最下有餅底，好好食呀😻..☕️Iced Mocha最後叫返杯mocha作結，很不錯！..成餐飯勁滿足，無野彈，好開心🥳 呢度都幾旺下，勁受歡迎，差不多滿哂！

個Salad so amazing! 擺碟和菜好靓好新鮮,完全有驚喜.而個扒煎得超好,外和侧有少少crispy,肉質好好.2位外藉服務員super super nice, 佢哋嘅smile 係會 warm my heart. Must come again!

今日同男朋友去左紅磡食西餐，餐廳氣氛幾好，圓梳化座位設計，朋友聚會的話都份外親近。加上店員都好主動親切，有熱情既推介，好快會幫手換碟，同查詢客人對餸菜滿唔滿意。南瓜忌廉湯$48味道濃郁、南瓜蓉好甜又滑身，非常開胃。蟹肉巴馬臣芝士脆脆蕃茄忌廉汁通粉 $138蟹肉碎同蕃茄忌廉汁非常夾，配上大量芝士碎唔會覺得膩，通粉軟硬度剛好，好有咬口，每條通粉都掛滿醬汁，好滋味，值得再次品嘗。照燒汁金獅魚柳$198呢個一定要讚，非常惹味，煎得好香脆，皮脆得黎完全冇燶冇苦，魚肉鮮甜嫩滑。即叫即燒再上菜，入口都有陣陣燻香味。魚柳下面放滿薯菜，軟熟既薯仔，爽脆既翠肉瓜，吸收左魚汁嘅鮮味，真係非常推薦。巴馬火腿凱撒沙律$118巴馬臣火腿味道濃郁而突出，沙律菜新鮮，芝士粉及醬汁分量充足。朱古力蛋糕$68面頭嗰層朱古力暮絲非常幼滑，朱古力味濃郁，中間一層脆脆，再夾多層朱古力先到餅底，口感豐富好有咬口，一層軟夾一層脆非常好食。

今晚同老公去咗黃埔Flames食西餐，依間餐廳環境舒適、特別有情調，入到餐廳，都有幾多人食，但係唔會有嘈吵嘅感覺，氣氛好好～我同老公order左我脆皮乳豬西蘭花配黃薑番茄飯及葡式香辣燒春雞配薯條燒春雞賣相非常吸引配有少少沙律菜加醋薯條脆卜卜，香脆可口，上面有少少辣粉，好惹味配埋茄汁及秘製辣汁， Yummy燒春雞十分Juicy， 肉質皮脆內嫩脆皮乳豬配黃姜蕃茄飯，乳豬係乳豬脾同樣皮脆肉嫩，食到唔停得口以為黃薑飯會有少少辣，但反而冇乜辣味，幾好食配埋依杯Fruit punch, 味道啱啱好，唔會太甜，非常滿足今日過咗一個好愉快、好有情調嘅晚上

很久沒去黃埔食飯，現在有地鐵去已方便很多了。所以今晚專程去了黃埔覓食，見有人等位應不會差，所以進這間西餐廳。食西餐多數會點扒類，今次特別叫了半kg青口配薯條。有驚喜是青口來自紐西蘭，很大隻和都幾多，肉質鮮甜，加上用白酒煮，加添香味，非常好食。另配有薯條，放了黑松露，很惹味加分。再點了燒大蝦三文魚籽龍蝦汁扁意粉，龍蝦汁加魚籽做醬汁味鮮甜香濃，魚籽均勻鋪滿意粉上，醬汁配得合到份量，不會覺得很肥膩。最後甜品是自家製朱古力蛋糕，頂層是朱古力mousse,中層有脆脆和果仁，餅做底層。有幾個層次，十分好味。-香草白酒煮青口配薯條-燒大蝦三文魚籽龍蝦汁扁意粉-香草蒜蓉包-自家製朱古力蛋糕-凍朱古力咖啡

堂食開返啦！好朋友相約見面聚下，佢住喺黃埔，約我去附近嘅Flames餐廳食晚餐，朋友喜歡餐廳食物質素好，坐得舒服。葡式香辣燒春雞配薯條，春雞燒到顏色金黃，雞皮非常香脆，因為選用天然香料醃製，令肉質香濃嫩滑。而且重好入味又多肉汁！薯條香脆。配上芥茉醬和茄汁，增添美味！蟹肉巴馬臣芝士脆脆蕃茄忌廉汁通粉，粗管通粉煙靭，每粒通粉都裏滿忌廉汁，鹹香惹味，再配上蟹肉和巴馬臣芝士脆脆，口感層次豐富。燒大蝦三文魚子龍蝦汁扁意粉，大蝦彈牙，配上亮晶晶的三文魚子，令意粉更加吸引！扁意粉沾滿忌廉汁，口感creamy!

疫苗通行證需然實施，但不會影響和舊同事的相聚，因為大家都打齊三針；還記得上次去黃埔Flames西餐廳吃脆皮豬手是慶祝他新居入伙，今次相聚是回味一番！餐廳客似雲來;四週環境舒適，廚房區、酒吧區和造餅區都是開放式，食客可一覽無遺，可吃得安心！今次試吓紅酒燴羊膝配忌廉薯蓉燒蔬菜 ；羊膝肉質煮得腍嫩，綿密creamy 的薯蓉襯托少許翠綠西蘭花苗、翠玉瓜、紅蘿蔔、矮瓜和薯仔。灑上很多芝士碎和麵包粒在面的咸香巴馬火腿配爽脆凱撒沙律菜。分量十足的炸魚薯條配他他醬、金黃香脆，外脆內嫩，蘸一蘸點他他醬吃另有一番滋味！

黃埔一帶出名多好嘢食架啦！經過見到呢間燈光柔和好有feel嘅西餐廳…都幾滿座喎…入去食個晚餐先😊😊甫入店面覺得裝修好簡潔時尚！以英文落柯打嘅店員都親切有禮呀！喺度嘅用餐感覺都幾輕鬆舒服！我哋兩個人點咗幾款嚟share食！份量都足夠呀👌🏻.✨12安士美國安格斯肉眼扒配忌廉薯蓉肉眼厚切嘅關係😌所以睇落唔係好大塊！但啖啖肉夠實在！！叫咗medium rare 肉質剛剛好！肉汁鎖住得嚟又冇韌👍🏻好有牛味👍🏻不得不提好香牛油味嘅忌廉薯蓉打得勁香滑！！.✨燒大蝦三文魚籽龍蝦汁扁意粉兩隻大蝦已經好吸睛🦐🦐醬汁好rich好creamy！！扁意粉彈牙且掛汁程度高分！三文魚籽令整碟鮮味提升上咗一個層次！好食！.✨牛油燒蔬菜好有驚喜嘅一道🥕🥦🥔🌶️有多款各式各樣嘅蔬菜如薯仔, 紅蘿蔔, 菜, 翠肉瓜…色調豐富奪目🤩🤩而且經過烤焗之後！鮮味更出眾！好推薦！！.✨自家製蛋糕是日蛋糕係Matcha Cheesecake🥧淋上咗朱古力漿令賣相更吸引！味道唔錯！芝士味幾濃郁！不過質地比想像中無咁厚實！如果再紮實啲會更高滿足度！

12安士美國安格斯西冷扒配忌廉薯蓉牛扒嚟講，其實好多地方都差唔多，但係最特別嘅係佢嘅調味。你見到有兩行斜斜地嘅黑椒粉同埋粗鹽。牛扒切開之後，肉質鮮嫩不特止，加埋呢兩個調味，食落口嘅衝擊力好大，直程係一試上癮！蟹肉巴馬臣芝士脆脆蕃茄忌廉汁通粉呢個真係好抵食，除咗份量好足夠之外，佢下面嘅調味係10分足料。食落口齒頰留香。醬汁係龍龍嘅芝士，我呢啲芝士愛好者就真係覺得10分滿足！是日餐湯今日係南瓜湯，唔係好特別，但係龍龍嘅湯，令我都覺得可以一試，雖然呢個價錢你可以叫杯嘢飲，但係嚟到，見到佢餐通上面寫咗餐廳嘅名，用嚟打卡都唔錯㗎！士多啤梨芝士蛋糕有驚喜！我以為士多啤梨味會好濃。點知唔係太甜，啱晒我口味。佢嘅芝士味都襯托得唔錯，總括而言係一個好好完美嘅收尾！最後忍唔住叫咗杯咖啡，不過不失！

📍Flames呢間餐廳喺香港有三間分店，今次去咗黃埔呢一間，佢哋嘅梳化係半月形式咁坐，幾特別仲幾舒服，仲要嘢食都唔錯😎👅 香草紅酒汁薈牛面肉配香草黃姜蕃茄飯 $118紅酒汁好香濃，牛面肉亦都軟林林，除左牛面肉，隔離嘅蘿蔔同埋翠玉瓜都索哂汁，仲要每舊都好清甜😋如果鍾意薯仔有啲咬口嘅朋友仔就一定要試吓呢一個😛個黃姜蕃茄飯口感類近意大利飯，都可以試下～👅香煎魚柳配黑松露蘑菇忌廉汁燒蔬菜 $138魚柳外層煎到金黃色，淋左忌廉汁仍然食到魚柳嘅香脆，入面肉質仲係滑捋捋🤩隔離嘅燒蔬菜全部都好新鮮😎👅 Flames Cale Shake $98呢個奶昔真係超級邪惡，蛋糕同奶昔我全都要！！😍勁厚cream，加埋個蛋糕，仲有威化餅，百力滋同埋oreo，夠晒滿足，睇得又食得👹👅 Mocha $40咖啡同埋朱古力比例幾好，偏nutty既口味。

据扒据扒据大塊牛扒，係紐西蘭安格斯肉眼牛扒，肉汁鮮嫩牛肉味香濃開心大豐足。😋幸尼今晚帶我去紅磡 「Flames」食晚飯。🥰這裡裝修舒服優雅時尚，梳化位獨立度高坐得舒適。服務態度好好啊！又主動又快捷。👍睇完一輪餐牌套餐非常抵食，不過我不太肚餓就由幸尼決定散叫了！🥣$48 我的南瓜忌廉湯粒粒幼滑有口感，甜甜地又香滑。👍🍞$48 蒜蓉香烤多士，配忌廉湯就最一流，加上面層芝士碎鹹香加蒜香，香脆可口越食越好味😋！🥩$298 幸尼今晚大快朵頤，見到大大塊牛扒我都忍不住吃了二口，係紐西蘭安格斯大肉眼扒，厚切富有質感，我唔客氣喇！內層口感嫩滑，外層微脆帶點焦香，肉汁鮮嫩牛肉味香濃超好味😋，幸尼今餐簡直係開心大豐足。🍝 $138 幸尼越食越滋味，仲加多碟蟹肉蕃茄忌廉長通粉，甫上檯陣陣香氣四溢我又忍不住，酸酸甜甜又有蟹肉，粒粒通粉咬口十分豐富，最後我竟然食咗半碟。😋🤣🤣🤣🍹$38 士多啤梨茶，勁多士多啤梨生果🥰🥰。I ‘ll be back

1. 是日餐湯今日係忌廉南瓜湯，飲落口好滑，淡淡嘅南瓜味。2. 黑松露磨菇扁意粉好香黑松露味，個醬汁好creamy，意粉煮得啱啱好，唔會痴埋一舊，好味。3. 8安士紐西蘭肉眼扒燒大蝦配薯條肉眼叫咗medium，燒得幾香，切開仲係好juicy，大蝦就有兩隻，正正常常，薯條好好食，外脆內軟，放耐咗都一樣咁好食。4. 避風塘雞翼份量都幾多，呢個幾有特色，辣辣地，雞翼配避風塘脆脆夾埋好好食，仲有豆豉，好有風味～—————————————————————————Flames (黃埔天地) (紅磡)📍紅磡黃埔花園2期錦桃苑地下G10B號舖

疫情下幾乎都沒有朋友了啦，趁放寬了堂食，大家都急不及待補祝生日，希望我親愛的朋友們都健康可愛，有你們在吃什麼都超美味的。Crab Meat Penne$138我也很喜歡這個Penne，看上去的確不太吸引，但味道可是不錯的，夠味和好濃蟹味，又不會很膩的感覺。Penne軟硬煮得剛好，我們兩個人share這碟也不覺得少。Roast Peri Peri Chicken $188這個雞，剛好一人一隻，不用分，肉質鮮嫩，皮香肉脆，啖啖肉。配的薯條都很香脆，不用沾茄汁也夠滋味，其實足夠二人的份量的，但我們還是要搶吃，真的好滋味!Nuts Bout Tella不得不讚這個milk shake，簡直大愛，雖然非常邪惡，沒想過榛子醬也可製成飲料，而且不會很甜很膩的感覺。

乘港鐵到紅磡很方便，今天到黃埔天地逛百貨公司與大型超市購物，順路在「Flames」吃午餐，西餐廳裝置簡潔，一系列玻璃外牆，很有光亮、空間感，餐廳提供多國菜選擇，我揀英國國菜~炸魚薯條配他他醬，家人選擇~照燒汁豬梅頭扒配薯條。我的特濃咖啡，輕輕地每呷一小口在口腔裏迴盪著，享受著其濃郁回甘，點點滴滴都十分回味；家人的美式凍咖啡。炸魚薯條配他他醬，很軟滑的魚肉與脆卜卜的炸漿，非常感受外脆肉嫩的美味，加入少許鮮檸檬汁後、再蘸他他醬吃，更提升食欲。照燒汁豬梅頭扒配薯條，豬梅頭扒很亮麗，整體造型很吸引，扒肉鬆軟可口，和帶微甜的照燒汁味道很配合。兩款芝士蛋糕甜品，我較喜歡草莓微微的甜酸味道，另一款芝士味道較濃，喜愛芝士的家人感覺滿足。