Fifty Fifty (已結業)

選擇餐廳之前喜歡欣賞店內設計裝潢，位於長沙灣美居終於有間西餐廳，已急不及待試一下，這間5050名字特別，不知代表甚麼意思呢？全店以工業風為主再配以微亮的燈光搭配出浪漫情調，門口都有點小擺設加添一份懷舊情壞。黑松露薯條: 厚切脆卜卜薯條好香好脆，而且份量都幾多。最吸引嘅係黑松露醬，充滿濃濃的黑松露味，點埋薯條的確一流。巴拿馬火腿配哈蜜瓜沙律: 巴拿馬火腿味道一般筋位較多難咬口，幸好蜜瓜份量多一定夠平均分火腿黑松露大菇: 上面滿滿的松露蓉加烤焦的芝士醬，雜菌配大菇，絕對適合菇類愛好者。焗香草牛油翡翠螺: 好大隻翡翠螺，螺肉好un 難咬口，不過賣相的確幾靚，相機食先雜菌蘑菇湯: 這個菇菇湯味道一流，不過唔明白沒什麼菇的味道而且跟菇顏色不同，但跟套餐價都抵，加少少錢連埋飲品。黑松露鮮蘆筍忌廉汁闊條麵: 女仔始終好鍾意食黑松露，黑松露配什麼都好食，鮮蘆筍好新鮮沒有渣，略嫌闊條麵晏了一點，而且本身味道不夠。熱鮮奶抹茶: 絕對適合一眾抹茶控，抹茶味好濃配上新鮮牛奶而成的。熱薄脆朱古力：上面有朱古力脆脆下面有熱辣辣的朱古力，糖都不用加已甜甜的。焦糖藍莓芝士蛋糕: 套餐加配的甜品，細細件剛好，不過表面的

今晚朋友推介長沙灣搵食，話有間cafe，裝修靚又舒服，最緊要仲話唔貴，所以黎試下。由長沙灣站行過黎，大約一條街距離，易搵，我未黎過長沙灣都搵到！入到黎，感覺好似銅鑼灣/尖沙咀既餐廳，同係街既街坊餐廳感覺好唔同！👆🏻想食香口野，當然要試下呢個薯條，即叫即炸，薯條粗身有咬口，個黑松露醬甜甜地，中和番薯條既油膩感，我個人重口味，食薯條仲鍾意加d鹽😝！👆🏻哈密瓜超甜，連我平時唔鍾意食密瓜/哈密瓜既人，都食左好多舊😆，火腿唔算好乾身，感覺應該唔係風乾左好多年。👆🏻翡翠螺好大隻下，用牛油焗好香，岩岩好熟，不過入面既肉無乜味。👆🏻又係黑松露😆，無計，我太愛黑松露，呢個意粉都幾多蘆筍同雜菌，又唔會太多汁，整體感覺唔錯！👆🏻跟餐甜品，估唔到焦糖醬同cheese cake咁夾，不過就會有少少搶哂d藍莓味。👆🏻 夜晚都係唔敢飲咖啡，怕眼光光到天光，所以飲呢個，綠茶襯埋個杯，成件事好綠😂，面既綠茶泡沫對我黎講有d苦，整走左後就無咁苦。2個人食飯，因為想邊食小食邊傾計，所以只叫左一個set dinner，但份量好足夠，食到我地好滿足☺️☺️☺️

周中黎左呢間長沙灣既西餐廳鋸扒,耐無食羊扒叫左份羊扒,另外心情好叫多份鵝肝拼牛柳。鵝肝比一般西餐廳既薄,但係出奇地可以覆蓋曬成舊牛柳，兩樣鋸黎一齊食個口感真係不得了，第一啖食個牛覺得有少少淡味，但溝埋鵝肝黎食先發現兩者係咁夾，而且味道時濃時淡，十分立體。另外羊架有三舊，十分足料，仲有肥膏群邊，對於唔怕肥既人黎講簡直係一個獎賞。最後甜品只需要加十蚊，仲好濃芝士味，食得出佢落足料。侍應服務亦都唔錯，整體上係一個好好既用餐體驗

長沙灣快閃相眾在fifty fifty，依頭除左有D2同工廈，大街都出現多了小西餐廳！叫左一個dinner set，另外散叫一個意粉。雜菜湯橙橙紅既顏色，一望覺得應該不錯！有小胡椒帶微辣，好似肉醬味既雜菜湯，好結好入味！入味既原因係好多碎菜，同我仲好好運食到粒蜆肉？好海鮮既口味！香煎太平洋鱈魚柳配黑蟹籽蕃紅花忌廉汁 $118配菜多種類，翠肉瓜、三色辣椒、洋蔥同薯泥。翠肉瓜最多咁，又係佢最爽，洋蔥都無煮到好軟，仲食到d佢既草味。邊邊黃色係芥未汁，點薯泥幾好味。薯泥有少少香草在內，淡口d，但都軟既。好彩有芥未汁點，生色少少。鱈魚柳有點涼左，可能食遲左。份量都適中，肉質都不過不失，少d魚鮮味。+$8 意粉香草意粉，咸咸地。佢既質感比虎蝦墨魚圈香草鮮茄茸墨魚汁意粉無咁特別，係平時食既意粉質感，勝在有微蒜味！虎蝦墨魚圈香草鮮茄茸墨魚汁意粉 $108意粉係用墨魚汁整，比後加墨汁個d少左鮮腥味。佢有點似手造個種，爽硬帶口質，高質！多鮮茄茸，食到蕃茄肉外，仲有好多蕃茄汁包住意粉，like呀！好開胃。虎蝦有成5隻？比墨魚圈多，虎蝦爽口厚肉，蕃茄強勢包住！驚喜有帆立貝，小小一個，都幾有肉。星期二都好旺場，

到了接我好姐妹收工的日子，大家又可以成晚傾個不停，去了佢公司附近一間幾有feel 的西餐廳。忌廉湯質地好滑，飲了幾口先發現係預先加左啲黑椒，在濃滑的湯之中，俾咗少少刺激的作用。看似平凡的嘢飲，凍檸茶，都真係要讚一讚佢，首先個杯好靚，又能夠保持杯凍檸茶嘅溫度令到佢好夠凍，個茶底好好飲，夠味得來一啲都唔苦澀，檸檬又大大片，夠Juicy，唔算勁大杯但相當高質的凍檸茶！朋友叫了的嘢飲(好似係rose latte)，上面啲奶泡又香又滑。朋友叫的春雞黎左先，我都有食幾啖，啲雞肉都幾香，而且個sauce 好特別，好惹味。好驚喜！個三文魚扒比我想中細緻好多！點解話佢細緻呢，因為佢面頭嗰層係煎得幾香，但係裏邊原來係食落好軟滑，呢個魚扒都幾厚身，煎得咁均勻不是意外吧，而是有技巧的表現！

成日出街食飯，今晚突然唔知食乜好，最終用左錦囊50/50幫幫手晚餐有A-H款選擇，價錢由$88-148揀左D餐燒西非紅魔蝦意大利飯意大利飯用左超濃郁既芝士，芝士控必食。飯粒外軟內硬，口感煙韌，富嚼勁。而且沒有糊狀感覺，粒粒米都清晰可見。燒紅蝦，大隻又新鮮，肉質彈牙，燒得剛剛好，沒有燒焦既味道 fifty fifty小食併盤（2人份）$68有蠔，雞翼，蝦，魷魚圈各2件。全部新鮮炸起，熱辣辣，尤其是蠔，小心燙口。最欣賞雞翼，香草味很入味咁多炸物，肯好有沙律菜做中和，減少油膩感沙律菜亦很鮮嫩。粉紅色個杯飲品叫粉紅菲菲，即係士多啤梨加香焦沙冰。士多啤梨味較重，唔酸。香焦味反而唔多覺。但可能有香蕉關係，質感較濃稠，所以很飽肚。士多啤梨和香焦均含豐富維他命，能增強身體的免疫力和代謝，加快身體收復。美味健康又消署呢度仲有海鮮拼盤，份量夠晒2人，但有限日子供應。喜歡手工啤酒既呢度都有～呢類型餐廳，係長沙灣區唔算多，始終舊區關係。所以，難得有間坐得舒服，環境具格調，食物也很滿意的餐廳。不過可能人多關係，餐廳漏了上餐湯。而我打呢篇食評，先發覺點解冇左餐湯既😂😂😂真夠戇居🤦🤦🤦🤦

琴日同朋友放工去深水埗睇電腦野, 睇完就諗食咩, 因為黃金附近好多間餐廳都試過, 而朋友又話想搵間坐得舒服D,所以就上網搵下咩食, 搵到一間喺深水埗同長沙灣間既西餐廳, 叫FIFTY FIFTY, 見近近地, 所以就行去睇下!原來真係幾近深水埗, 黃金行過去只係5、6分鐘, 餐廳門口仲裝修得好有格調, 見到門口餐牌D野食都OK, 所以就二話不說入去坐喇晚餐既選擇都唔少, 不過今晚同朋友都唔係咁大胃口, 所以只係叫左兩個主食首先有個餐湯, 係意大利海鮮湯, 飲落蕃茄味幾濃, 有D似羅宋湯, 都幾好味跟住就上主食喇, 首先有個燒西非紅魔蝦意大利飯, 係SET DINNER之一! 睇落份量都唔少, 有兩隻燒蝦喺上面, 好鬼香! 除左燒得香, 食落口既味道都唔錯, 蝦肉夠JUICY! 而個意大利飯煮得岩岩好, 唔會太淋/太硬, 而個汁既味道有少少似忌廉汁, 都幾CREAMY, 岩我口味!而朋友叫既係燒天使粉紅蝦忌廉汁闊條麵, 都係有兩隻蝦, 不過燒法有D唔同, 佢果個係已經腿左蝦殼, 可以直接擺入口, 啖啖肉, 佢話都燒得好夠味! 而個闊條麵睇落就少左DD汁, 不過食落又OK喎, 個忌廉汁調教

第一次幫襯，因為午餐黎譾佢唔算平，亦無咁嘅心情慢活，不過今次約好耐無見嘅朋友，就慢活一次。大家不約而同叫左呢個鱸魚，不過要晒3個款，意粉，飯同薯菜。講真係算高質嘅，不過超健康，淡左D，個白汁又係淡嘅。而個薯菜可能真係要健康啦 我espect嘅薯條變左薯仔片，強調，係薯仔片唔係薯片，有薯仔味囉。個意粉質地係我鍾意嘅爽身，唔林都幾好味。飯就無試，不過應該唔會差嘅。玫瑰花奶茶 凍朱古力+$8。好普通，係有cream係面囉。整體平均水平，好似健康餐，不過飲左朱古力成件事就已經唔再健康。如果想健康，就要黎幫襯下，因為茶記健康極都。。。。。不過平均好似$80左右，lunch黎講就唔太抵。

朋友住係長沙灣，咁啱約食飯，佢帶jor我去佢屋企附近既西餐廳。估唔到長沙灣都有西餐廳！佢個位真係好啲夾洩，所以無人介紹都好少會去我地一行四人嗌jor四個set；分別係佢既牛排、曹魚、仲有黑松露寬條麵同埋香辣銀魚柳醬雜菌意麵我地仲嗌jor孜然雞翼同黑松露薯條～佢啲黑松露薯條上黎仲係熱辣辣！新鮮炸既薯條真係正，配以黑松露醬好味。而且set仲有個雜菌湯跟～落雨天飲好正朋友仲嗌jor兩杯啤酒🍻啤酒既presentation都好靚，好適合影相呃like牛排我地嗌jor 5成熟，剛剛好，好嫩唔會老；曹魚就有個類似mayo既醬點，酸酸甜甜都唔錯成個dinner好滿足，最後食完嗌jor杯熱朱古力同朋友吹jor好耐水。朋友都話自己住得近，有時想食西餐都可以唔使再去尖沙嘴，而且價格亦算合理唔錯。

聽朋友介絡佢屋企附近有一間好食既西餐廳，於是放工就約佢去lee間餐廳試下。啱啱去到既時候，無咩客人，但之後keep住full house，睇黎係長沙灣一帶都好有名氣我地一行4人叫左2款小食做前菜，黑松露薯條、香辣單骨雞翼，佢個醬好重黑松露味，加埋薯條好好食食得辣嘅，要試下佢個雞翼，可能因為單骨唧關係，好方便我地食，唔會食得好狼狽。我地一人叫左一個dinner set 去share，有牛扒、盲鰽魚、銀鱈魚意粉，黑松露闊條面，佢塊牛扒都幾厚，4個人食都嫌佢好飽闊條面整得好亁身，口感唔會好濕盲鰽魚肉都幾彈下，我都係第一次食盲鰽魚，感覺好新鮮餐廳仲有手工啤酒，啤酒杯賣相好吸引

今日去完深水埗買野，陳生提議係附近食埋野。上openrice見到呢間睇黎不錯，於是過黎試試。由長沙灣站行去，不用5分鐘地理位置十分方便。餐廳環境好優雅，座位都算闊落。喜歡呢個角落，復古味道。陳生揀左個dinner set，香煎盲鰽魚。魚煎得好香口，魚肉好嫩仲配埋薯蓉，薯蓉幾滑，好濃忌廉味。如果熱d會更好！我自己想食意粉。所有無叫set，叫左個炭燒阿根廷天使粉紅蝦忌廉汁闊條面。蝦有兩隻，而且都幾大。呢個面除左醬汁足夠外，值得一贊係，面上灑左d芝士片，所以食落好香，口感亦好豐富dinner set 包餐湯和20元內的飲品。加左錢飲忌廉朱古力，好濃整體來說，是一間舒適，味道不錯的餐廳。

今天到長沙灣食lunch,同事泊好車後，看到有間西餐廳，裝修好像不錯，看看門口的餐牌，價錢合理，款式也啱口味，所以大家一致決定在這餐廳吃午餐。走進餐廳，裝修形格，座位舒適，待應清一色穿著黑色tee shirt 和黑圍裙的男待應。set lunch 有8款，種類多元化，相信總有一款合適自己的口味 我選了香煎雞胸配檸檬牛油汁，而同事就選了香辣虎蝦肉腸蕃茄意粉。先選上的是周打魚海鮮湯，單看賣相，也看得出頗有心思。海鮮湯味道不會太濃，喝後也不會覺得口渴，如果能rich一點就更完美。香辣虎蝦肉腸蕃茄意粉$58賣相又是有驚喜，實在想不多五十多元就能吃到這麼精緻的意大利麵。虎蝦爽口彈牙，意粉煮得恰到好處，味道酸酸甜甜，醬汁份量剛好，juicy開胃 香煎雞胸配檸檬牛油汁$68雞胸可選配薯菜，意粉或飯，我選了薯菜。伴菜是薯仔和我最喜愛的脆肉瓜，薯仔厚砌香煎，質感光滑綿密，清甜可口。脆肉瓜爽口美味，健康清新。雞胸肉份量很大，香煎後外表香脆，內裡的雞肉嫩滑多汁，蘸上檸檬牛油汁，口味創新！餐飲我選了凍咖啡，味道香濃。加$10就有甜品一客，今天是朱古力綠茶cheesecake,我們點了一客，味道帶點茶的澀，且不

與朋友在長沙灣覓食，發現了這間與深水埗別樹一格的西餐廳，於是一試。餐廳位置不算太偏僻，算是易找到的。餐廳環境舒適，燈光柔和，每張枱都有一個燭台，令全餐廳都籠罩著一股浪漫的氣息。食物方面，我們叫了2個dinner set 。☝🏻Dinner set 我們點了燒春雞配巴黎牛油汁及虎蝦意大利飯。以上的套餐會包一杯$20飲品及是日餐湯。我們叫了熱鮮奶香芋及熱鮮奶綠茶，餐湯是南瓜湯。燒春雞的汁香，亦有薯角做配料，雞的味道質感不俗。意大利飯味道濃郁，蝦亦很大隻，不錯🦐不得不提的是鮮奶香芋，奶味和芋味香滑，又不太甜整體而言，fifty fifty 是一間很浪漫又抵食的西餐廳🍴

同好友去完深水埗買電子野，就係附近搵食喇。深水埗通常都係食小菜打邊爐多。但得兩個人好難食到咁多野。走過青山道見到有間西餐廳，感覺好似幾好咁。吸引左我地入去喇！6點幾入去，人流未算多。可以揀個舒服既位享受下喇。餐廳有dinner set 選擇。餐廳都好大間，環境裝修都唔錯。最重要係每張枱唔會話好接近。唔會話好逼。叫set 會有是日餐湯同一杯野飲。今日個餐湯係：海鮮忌廉湯。都幾大碗。味道都幾濃郁，唔會話好稀。湯裡有一粒粒的煙肉同肉粒，飲落更有口感👍炭燒阿根廷天使粉紅蝦忌廉汁闊條麵🦐見個名咁特別，天使粉紅蝦。賣相好靚咁！天使紅蝦都幾大隻。煎得好香，好大陣蝦鮮味。食落個闊條麵好似會有d一粒粒既蝦粉咁，味道鹹鹹地，都唔錯。碟闊條麵都幾大碟！另外再叫左：香煎盲鰽魚柳配番紅花忌廉汁出面好少有煎盲鰽食，所以試下。賣相又係好靚咁，有啲番紅花同d瓜作配襯.個底下仲有d薯蓉。盲鰽魚都煎得幾香，幾大塊。肉質都唔錯，滑滑的。食完都會夠飽。最後叫左杯餐飲： 熱華田。☕

呢日約咗朋友食飯，上網見到fifty fifty 評論好似唔錯，地點係長沙灣，係正中心點，就約咗朋友嚟食啦~我哋約咗七點鐘，餐廳入邊坐左一半人，靚靚地氣氛都唔錯，裝修方面仲幾vintage 添👍餐單方面呢就唔係話超級多選擇，不過價錢適中😽我哋兩個人就嗌咗兩個set，首先就嚟咗個餐湯先啦，個湯唔會太稀，仲幾creamy 添😍跟住就梗係主菜啦，頭先嚟咗個芝士菠菜意大利雲吞，唔到份量都幾多，雲吞加埋芝士唔會話好漏，同個汁都好夾👍跟住係燒羊架配薄荷燒汁，因為朋友鍾意食生啲嘅所以我哋今次嗌咗medium，即使係medium都唔會好大陣蘇味👍而且分量一樣都幾大，兩個人都未食晒主菜就開始飽啦🤪最後餐飲方面都幾有驚喜👍我嗌左個熱嘅玫瑰咖啡，本身對玫瑰都冇乜期望，因為出面好多餐廳玫瑰只係一個噱頭，但估唔到嚟嘅時候杯咖啡真係有玫瑰味，非常之意想唔到，玫瑰加咖啡味都可以咁夾！而朋友就嗌咗個茉莉水果茶~總括嚟講，餐廳靜靜地，人唔多，上餐速度都唔需要等太耐，同朋友放工嚟食飯放鬆下就啱晒啦！