Fifty Fifty (已結業)

由於在附近返教會，便試一試這家網評不俗的店。忽然想吃素，便選了午餐牌上唯一的素食：黑椒雜菌天使麵，餐飲要了瑪奇朵。餐湯是蘑菇湯，有不少的蘑菇碎，足料。意想不到天使麵頂端有一小撮黑松露，味道頗佳。意粉味道偏淡，有淡淡的橄欖油味，可算是有一點點油膩。雖然有黑椒、紅椒，但數量極少，因此一點兒也不辣。我本人口味偏清淡，才不用添加調味料。餐後的瑪奇朵是一小杯，似比Espresso更濃，咖啡豆質素還是挺不俗的，應該屬於中度烘焙吧！略帶酸，適合港人口味。整體上，老闆是有誠意的，可以再幫襯。

同朋友行經附近，見唔洗等位，環境都幾舒適，就決定入去Fifty Fifty食晚飯 星期六唔算太多人，位置鬆動，好適合朋友聚會 野食選擇算多，加$20可以轉set，有餐湯同甜品。不過朋友比較細食，所以我哋5個人叫咗4個主菜加1個小食，味道都相當唔錯，朋友們都話正！黑松露醬薯條熱辣辣，黑松露醬好香，作為前菜好開胃！炭燒澳洲豬鞍架配蘋果茸豬鞍架肉質厚身，好味！香煎三文魚柳配檸檬牛油三文魚柳煎得好香，但略嫌容易整散炭燒阿根廷天使粉紅蝦闊條麵闊條麵味道幾好，蝦就普普通通黑松露醬日本帶子野菌使麵黑松露味好香

朋友推薦屋企附近有間餐廳每晚都好多人幫襯 咁我哋都一於試吓呢間咁受歡迎既西餐廳啦餐廳環境唔錯 燈光偏暗 好有氣氛 有情調 好放鬆因為唔係太肚餓 所以我哋兩個人就淨係叫咗一個set同兩個小食share蘑菇忌廉湯好滑 唔會太膩 而且又可以食到一片片蘑菇主菜係巴馬臣芝士意大利雲吞野菌忌廉汁 第一次食意大利雲吞原來係咁嘅樣 扁扁地又薄皮 入面包住一層芝士 芝士好滑味道香濃 啱晒芝士迷 加上外面嘅野菌忌廉汁令味道更加幸福跟餐甜品raspberry 奶凍同樣好高水準 原本以為只係普通奶凍加raspberry醬 估唔到奶凍入面有埋果肉 真係好驚喜 酸酸甜甜作為今餐嘅結尾 唔錯唔錯雖然餐只係包$20以下飲品 但我哋都加咗$20升級左呢杯玫瑰水果茶 真係物超所值水果茶加上淡淡的玫瑰香味 好清新 好解渴 味道天然推薦黑松露醬大啡菇同樣好高水準 好juicy 一切落去就留啲汁出黎 加上上面既芝士真係好夾 一次品嚐多重滋味小食拼盤有炸蝦 炸蠔 炸魷魚圈同埋雞翼 整體水準都唔錯架特別鍾意炸蝦同蠔 炸粉唔厚 而蠔好新鮮 大蝦都好彈牙哈哈

台風來臨前的晚上約左舊同學食飯，餐廳系佢介紹比我，因為佢響呢區返工的關系，所以佢系常客。餐廳裝修富有情調，室內的燈光較暗，營造出浪漫的氣氛。室內擺設有少少懷舊風，7點未到已經開始多客。野食選擇十分豐富，加20蚊就可以轉套餐，有湯，餐飲，同甜品。是日餐湯系我地鐘意的磨菇湯，質素很高。主食我地點左法式油封鴨脾配焦糖熱情果汁兩隻鴨脾好大隻，肉質厚實，口感相當不錯，唔鞋，嫰滑，出乎意料的好味！最令人驚喜的是配上焦糖熱情果汁調味，令鴨肉不單調，令整道菜的味道即時昇華。另外配有沙律菜同薯蓉，份量滿足，夠晒飽肚。另一份，我地點左香煎比目魚配黑醋汁比目魚糸我最鐘意的魚類之一，呢間餐廳將呢道菜做得好好。首先佢既擺盤都好靚，比人耳目一新的視覺享受。而且將比目魚的細膩完美保留，入味之余火候都岩岩好。甜品方面：意大利藍莓芝士餅同朱古力泡芙。我比較鐘意意大利藍莓芝士餅，而朋友就比較喜歡朱古力。芝士餅入口即溶，口感綿密。甜度岩岩好。朱古力泡芙，朱古力流心，蘸上糖粉，朋友大大贊好。

餐廳提供的食物選擇很多，有頭盤、小食、全日早餐、沙律、海鮮、扒類、意大利麵、意大利飯、飲品及甜品，總有一款岩心水！選擇主菜後，可以加$20跟餐！跟餐有是日餐湯，餐飲及是日甜品！餐飲可揀任何一款$20以下飲品，轉其他都喺只需補差價！絕對物超所值，所以我地兩個都加$20跟餐！巴馬臣芝士意大利雲吞野菌忌廉汁 $108 意大利雲吞皮薄身帶蛋香，內裏的芝士餡料細滑，芝士味香濃！加上新鮮的野菌同忌廉汁，整道菜配合得宜，的確美味，十分推介！芝士控絕對不能夠錯過！黑松露帶子野菌天使麵 $108鮮甜帶子有兩粒！黑松露味香濃，亦有香草同野菌作配搭，天使麵吸收了所有食材的精華，好味道！焦糖紅莓芝士餅 （是日甜品）Cream cheese 味道濃郁，加入了酸酸甜甜的紅莓味，而且質地厚實！配合埋表面甜甜既焦糖醬，大滿足呀！南瓜忌廉湯 （是日餐湯）帶有淡淡的南瓜味！凍鮮奶抹茶 （補差價$14）厚身忌廉加上淡淡的鮮奶抹茶，清新解喝!凍檸茶

做完嘢，終於可以休息下啦。想食西式嘅tea，就入咗黎呢間。環境一般，無咩特別。我麻麻地木櫈，去嘅時候人唔算多，可以揀。Tea set係2點半至6點，價錢算平，$28至40一份。香辣銀魚柳醬汁雜菌意大利麵，又唔算辣，我覺得係可以接受。菌都幾多，味道一般，如果汁可以多小小會好啲，朋友話ok。焗芝士鴨肉薄餅，芝士都幾厚，無拉絲效果，好味就得。我都第一次食鴨肉版嘅薄餅，本身鴨肉偏咸，厚度都ok，呢個我覺得不錯。有叫到飲品，玫瑰咖啡同榛子咖啡，正常，各要另加8元。

朋友住附近，於是約了夜晚係呢度食😛嗌左set dinner, 包湯及飲品。先上湯，是牛肝菌湯呢牛肝菌味道香濃，不過有粒粒未溶得曬，減了少少分跟著泥了2個主菜，一個係燒春雞，一個係黑松露露荀忌廉闊條麵💖燒春雞好大隻，2個人最後都食剩dd😂肉好嫩，夠曬入味😋不過冇咩配菜好似好單調😖意粉就不過不失，冇咩汁，不過闊條麵好彈牙，口感唔錯😛飲品要左朱古力脆脆，呢個好濃味好好飲！面頭cream唔係假果隻味泥，係鮮忌廉😻好邪惡啊！朋友要了類似熱情果的沙冰(?)味道酸酸甜甜的蠻清新最後加了10蚊要提子lum酒芝士蛋糕，抵食！

今日我和朋友相約到長沙彎共進晚餐，預先book了枱，七點到，一到餐廳便可入座，不用等候。餐廳環境優美，寧靜，給人一種輕鬆的感覺， 十分合適三五知己相聚聊天。我和朋友二人order了一個小食拼盤，一客燒春雞和一道魚的料理。小食拼盤份量合理，包括有炸蝦，炸雞翼， 炸生蠔，魷魚圈，小食鬆脆，好吃。燒春雞味道不錯，惟有點過熟。魚的料理擺盤十分精美，最適合拍照打卡，呃like。朋友order了奶茶，味道尚可。晚餐加10元還可加送是日甜品有機會會再嘗試

去完深水埗買皮革用品後，就黎到長沙灣呢邊，見到有間餐廳個名好特別，環境又靚，決定食個午餐~ 跟餐先上個南瓜湯。燒春雞配野菌燒汁 ($78)隻春雞都幾大份，燒得好靚，皮脆肉嫩，係燒香雞界黎講確實不錯。燒澳洲肉眼扒配巴黎牛油汁 ($88)肉眼扒牛味十分濃，煎得較熟，冇血汁，但食落好鬆軟。再加埋呢個巴黎牛油汁真係好正，有牛油味，令牛扒味更岀！焗香草牛油翡翠螺 ($68)6粒超大隻翡翠螺焗到熱辣辣，用手掂會辣親一扯舊螺肉，超級juicy，牛油味好香~ 好煙韌好有咬口！蜜糖單骨雞翼 ($38)呢隻係炸雞翼，食落比較脆身。蜜糖味都好岀，甜甜地，令人一隻又一隻咁食~ 但如果變焗既做法，肉質更鮮嫩，應該都唔錯！飲品都好正~ 粉紅菲菲 (+$18) 係士多啤梨同香港既奶昔，好滑好重果香！爆谷咖啡 (+$18) 唔知點解叫爆谷味，覺得都係好似焦糖既味道~

跟男朋友一起放假，睡到下午才起身，在家附近找東西吃。看到fifty fifty 裝潢獨特，決定進去試試。餐廳裝潢很有格調，很乾淨企理，座位很寬敞，不會很擠逼，很適合與朋友來聊天。男朋友點了F餐黑松露露筍雜菌天使麵。而我點了香煎阿拉斯加比目魚柳配黑醋汁。南瓜湯，顏色是金黃色，口感細緻綿密，味道濃郁，很好喝。黑松露露筍雜菌天使麵男朋友最近keep fit,這道菜適合他吃。味道適中，不會太多調味料，而雜菌加上黑松露更惹味。香煎阿拉斯加比目魚柳配黑醋汁有驚喜，魚柳煎得很香口，跟黑醋汁很配。而魚柳很新鮮，沒有臭腥味道。總括而言，休閒舒適環境，食物質素不錯。

服務行業如果無心招呼人客就唔好做。你地D飲品名又難估,問兩句就比面色人客,平常飲架啡都會加架啡糖有乜奇怪?! 我點知你個唔知乜東東架啡唔駛加糖?! 問你又好似我錯。(當時祗有1/4客人)我朋友問焦糖分開上可以嗎?佢又輕蔑地笑話"焦糖係糖分水唔可以分開",又面黑兼離檯,真係唔知你地點解要做餐食。

聽說長沙灣有間不錯的餐廳，今日就和同事一齊去食lunch。餐廳裝修都不錯，燈光昏暗，class 高過一般的茶記。中午有set lunch 供應， 價錢由五十元起，在這環境下，價錢都很合理吧！近日不想吃肉，所以我點了我最喜愛的牛肝菌野菌黑松露意大利飯，而友人就點了燒豬仔肋骨配焦糖蘋果汁。Set lunch 包餐湯和冷熱飲品，下單一會後，待應就送上周打魚忌廉湯。周打魚忌廉湯品道不算濃烈， 喝下全部也不會太飽滯，十分合適我的口味 。牛肝菌野菌黑松露意大利飯$68吃下有著陣陣的松露幽香， 意大利飯又rich又creamy， 牛肝菌又有營養又好味， 吃下有每口飯都有著牛肝菌的濃烈香味，令人回味。燒豬仔肋骨配焦糖蘋果汁 $78豬肋骨又淋又滑又入味，配上焦糖蘋果汁甜甜酸酸又幾特別！加十元就可以有一客甜品， 是一的甜品是綠茶朱古力蛋糕。這款蛋糕茶味夠重，而且不會太甜，吃下一件不會太飽滯。午市不需要加一，整體來說，味道和環境也不錯，價錢合理，值得推介！

好耐冇見舊同學，趁大家仲未搵到工好得閒既時候，約出黎傾下計吹下水。因為我地住得比較遠，所以揀左佢屋企附近既餐廳食lunch。餐廳係小巷入面，距離地鐵站大約要行5分鐘左右，幾方便。裝修幾西式，坐得幾舒服。🐟比目魚配黑醋汁 配意粉($78)比目魚好味😋意粉口感唔錯，如果調味再重d會更好食。🐮燒澳洲肉眼扒配香蒜燒汁 配薯菜 ($88)肉眼扒質素尚可，呢個價錢唔會expect係高質扒。性價比黎講可以接受。🍼鮮奶香芋 有d香芋鮮奶味道淡而冇味，不過呢杯香芋味好重👍🍸深海冰藍菠蘿加藍莓果汁，飲落開胃清新。🍤fifty fifty小食拼盤 ($68) 二人份量有炸蠔，魷魚圈，蝦，鷄翼。炸蠔幾juicy，蠔肉唔會太乾。魷魚圈彈牙唔硬。單骨鷄翼食落方便，唔洗驚太冇儀態😂

住喺長沙灣附近嘅朋友推薦有間好吃西餐，放工後就跟左佢搵食！來到了位於青山道的Fifty Fifty是一間悠閑舒適的西餐廳，晚上七時來到已坐滿了不少食客呢晚市設有Set Dinner，種類廣泛，價錢適中點餐後便送上南瓜忌廉湯湯質感濃稠，南瓜味重且香滑前菜點左焗香草牛油翡翠螺有六大隻，香草牛油非常香濃惹味可惜翡翠螺口感偏硬香煎太平洋鱈魚柳配黑蟹籽蕃紅花忌廉汁賣相不錯！鱈魚外皮煎得金黃香脆，魚肉嫩滑，毫不乾身。配上黑蟹籽蕃紅花忌廉汁一同食用更加美味炭燒豬鞍架配蘋果蓉豬鞍架燒得剛好，肉質軟林，配上蘋果蓉感覺清新，消減了肉的油膩感！旁邊的翠玉瓜新鮮爽脆，還有一大球很香滑的薯蓉，頗重牛油味，好味道玫瑰鮮奶面上的奶泡很細滑，鮮奶帶淡淡清雅的玫瑰香味，感覺好清新

今日同同事放咗工去長沙灣覓食，呢間餐廳裝修好有氣氛，帶點懷舊feel,燈光暗暗地，而且有埋吧枱，感覺好舒服，好relax. 好啱幾個朋友一齊嚟食嘢，一齊Chill我哋2個女仔，叫咗三樣嘢食，已經好夠飽，因為啲嘢食大份，仲要係套餐，包埋餐湯同嘢飲餐湯係蘑菇湯，賣身好靚，湯上面仲有啲香草點綴，睇到都好想飲，而且湯入邊有好多蘑菇粒，真材實料我哋叫咗太平洋鱈魚柳，當侍應攞過嚟，我同同事都哇咗一聲，因為師傅整得好靚，好有藝術感，我都忍唔住狂影相。鱈魚口感香滑，而且師傅將鱈魚皮煎得幾香脆，而醬汁又唔會太咸，配埋就啱啱好另外鱈魚下邊仲有薯蓉，口感好豐富燒春雞賣相都好靚，見到已經好想食份量好大，一個女仔都未必食得晒！隻雞燒得啱啱好，配埋啲汁食，味道更加豐富！而且仲有薯蓉同埋翠玉瓜作為配菜，令到口感更加清新！我哋仲叫咗海鮮拼盤，種類好豐富，例如：蠔、魷魚、蝦、單骨雞翼等等，各有特色，炸蝦好嫩口，有鮮甜味，另外蠔都好好食，外脆內軟，食唔停口！最後仲送埋餐飲，我同同事都因為太飽，所以冇叫到其他特色野飲，下次再嚟食，一定會試吓！