Fifty Fifty (已結業)

長沙灣有好多餐廳都好好食，只是裝潢可能不太起眼，有時候會比人忽略了，今日就俾我遇到一間好有heart、又有質素既西式咖啡店。諗諗下呢間餐廳好似我之前都一直想搵個機會試下。今日終於有機會了，接完朋友放工，就可以食個晏仔啦！其實一直想試既原因係因為呢度裝修是我喜歡的工業風，餐廳有多處既裝飾都係可以比你影相，隨處都是個影相位是不是呢來不到長沙灣完來都有呢種風格的餐廳呢！餐廳有梳化位，無限時食幾耐。成個環境都好舒服！餐廳食物選擇好多，看了餐牌後發現自己有選擇困難症，一直都有.........「又有頭盤、又有小食 西式湯、沙律、意大利麵、意大利飯、是日蛋糕」最後我俾朋友發板，由她選定食物！那就不用苦惱了。去到餐廳大概14:30應該是剛好下午茶開始，最吸引到我的是炸魚薯條順道也點上了麻辣雞翼配沙律、香蒜雜菜雜菌天使麵、還叫了最期待的All Day Breakfast！她還未說下去....我大概也能猜到朋友叫什麼！外邊太熱了，首先不得不說是餐廳飲品，沙冰系列的名字好特別 ，試了「粉紅菲菲」她的名字絕對能俘虜不小少女心包括我也是其中一位，朋友們也叫了一款，實穩陣的「特濃朱古力沙冰 」「粉紅菲菲」是士多

今日朋友帶我來左哩間餐廳，係長沙灣A2出口行幾分鐘就到，都幾方便，來到既時候入邊都坐滿曬人，不過我地等左一陣就有位啦。我地嗌左一個法式燒春雞配巴黎牛油汁（半隻）HKD108仲有一個黑松露醬日本帶子野菌天使麵HKD108加HKD20就可以轉為套餐啦，有配餐湯、飲品同埋是日甜品，都幾抵食喔，個燒春雞餐仲可以加HKD8加一份米飯或意粉添。落完單無耐就上左牛肝菌湯啦，個湯既溫度我俾100分呀，因為好多類似既餐廳哩D湯都只係常溫，哩個就唔同啦！夠曬熱，食落口仲好香濃，味道唔錯。我地仲點左個小食拼盤，二人份HKD68有炸蝦啦、雞翼啦、炸生蠔同埋魷魚圈。炸到卜卜脆，外脆內嫩，好味！哩個天使麵都唔錯，帶子好鮮甜，黑松露味道也很香濃，配埋D野菌，味道好香。個燒春雞味道都唔錯喔，有D紅蘿蔔同薯仔伴碟，肉質非常鮮嫩，好嫩滑，大家值得一試。凍檸茶唔會太甜，茶味唔係特別濃。是日甜品士多啤梨芝士蛋糕，好邪惡呀，蛋糕面有燒過，入口涼涼地，滿口芝士味，雖然食到好飽，但係都係忍唔住食曬！正

長沙灣一直係美食林立的地區，鋪租相對較旺區便宜，所以能夠接納不同的特色餐廳自由發揮。英倫風格裝潢，牆壁上擺放了不同年代的小擺設，亦選用了不同款式椅子，成功營造出隨意而悠閒的時尚感。坐位之間不會過迫，能保持足夠的私人空間。餐牌大約8頁，乍看發現全部食物加埋只有4頁，再望一望大廳，心諗：「嗯....咁大個bar枱，應該係主打飲品既。」，男朋友非常了解我諗咩，同我講：「嗯。可能款款精彩呢～」結果俾佢講中曬！哈哈！的確每款熱食都好精彩！炭燒美國安格斯肉眼扒份量勁，切開看剛好5成熟，熱度掌握非常好。在未點任何醬汁時只切一口牛試食，肉味非常非常濃郁，帶有淡淡的香草味。值得欣賞的是配菜也意外地出色，調味恰到好處，炸薯條有少少海鹽，不用沾醬，新鮮蕃茄多汁，連平時不吃生蕃茄的我地都覺得很好吃。因為和店員溝通誤會，餐廳誤試傳了一小碟香草意粉。基於衛生原故，店員堅持上錯了便不會回收的良好態度，我地有機會一嘗這裡的意粉類。有時候不添加額外的調味和食材反而可以嘗到師傅的功夫。非常欣賞這次的意粉，屬偏硬質地，剛好煮熟，配上簡單的香草和海鹽已經可以令人難忘。很久沒食到這麼對胃口的意粉了。Kwak Pauwel Aw

今晚朋友接收工話帶我去食西餐，去到先知間餐廳就係嗨東沙島街嘅Fifty Fifty。原以為係因為落雨所以嚟接我，但原來朋友一早就Book左枱😅，真係夠細心😍入到去我哋被安排嗨靠近門口嘅位置，空間夠寬落，加之柔和嘅燈光，令我成個人放鬆哂。我哋點左個海鮮拼盆2人晚餐，個套餐好豐富，價錢好抵食當晚嘅餐湯係我仲意嘅南瓜湯😋個拼盆有半隻龍蝦，生蚝，八爪魚，青口，翡翠螺，准備食之時餐廳個靚仔經理行埋嚟話隻龍蝦煮到五成熟，希望我哋會啱食。食完個拼盆真係覺得唔夠喉，夠鮮甜，龍蝦煮到啱啱好，好難得😋😋😋七成熟嘅美國肉眼，加上佢哋嘅秘製醬汁，平時少食肉嘅我都忍唔住食多幾啖😬最後上埋個蘑菇天使麵，成個套餐嘅份量兩個人真係食唔晒。埋單只係$570☺️

經過見到Fifty Fifty門口嘅餐牌，木板上寫咗好多食物嘅套餐，見到都幾吸引，有我最想食嘅海鮮拼盤。餐廳空間位置寬敞，而且座位舒適。其後餐廳職員更非常體貼，俾咗幾杯溫水我哋。餐牌上嘅食物分門別類列明，好多都想試吓，見到有個二人套餐當中，有我最鍾意食嘅海鮮拼盤，即刻Order咗先。海鮮拼盤嚟到好宏偉，而且賣相好吸引，驟眼見到有六款海鮮，配以海鮮汁調味。波士頓龍蝦半隻都已經好大隻，好多肉，食落去龍蝦肉爽口彈牙🦐，好味道。之後就食新鮮嘅牛油果金文筆芝士沙律，同埋非常香嘅香煎鵝肝配焦糖蘋果。主菜我哋揀選左蘑菇天使麵同埋炭燒美國肉眼扒野菌燒汁。炭燒美國肉眼扒野菌燒汁有我兩隻手掌咁大，我們叫了七成熟，切落去中間呈現粉紅色，煎得啱啱好，有外脆內軟嘅口感，牛味香濃美味，再加埋一些蕃茄仔、薯仔同埋蔬菜沙律，非常豐富。甜品芝士蛋糕上面有朱古力醬，芝士味道香濃，而且餅底好脆。最後三個人埋單都只係$700左右，每人平均消費$300有找，最重要係食物質素高，價錢合理，值得一試。

朋友推介長沙灣一間有質素的西餐廳，就特意去試一試。餐廳門口非常開陽，大大個招牌寫住Fifty Fifty，非常當眼。裝修主要以黑色為主，富有神秘華麗感覺，而且有氣派。店員隨即安排我哋坐四人枱嘅位置，餐廳嘅枱櫈以木為主，富有休閒時尚Feel。首先叫咗我最鍾意嘅Green Tea Latte，賣相非常吸引，而且拉花拉得好靚，飲一啖落去抹茶味濃郁，帶點甘苦味道，大愛！！除此之外，餐牌仲有多款飲品任君選擇，朋友們就叫咗熱好立克同埋熱檸水。前菜分別叫咗牛油果金文筆芝士沙律價值同埋香煎鵝肝配焦糖蘋果。香煎鵝肝賣相非常吸引，而且遠處已經聞到好香嘅煎香味道，鵝肝食落去一啲都唔油膩，反而好Creamy，有外脆內軟嘅口感，面頭仲有一些配料，食落去更加滋味。見到餐廳推介海鮮拼盤，而且餐牌上海鮮拼盤嘅圖片非常吸引，我哋就叫一個套餐試吓。當中嘅法國生蠔非常大隻，直情有我手板咁長，食落去非常鮮甜 Creamy，忍唔住一口氣食咗兩隻。套餐中嘅主菜-蘑菇天使麵忌廉味道濃郁，天使麵好入味，蘑菇非常大隻，食落去軟綿綿嘅口感，非常特別。另外炭燒美國肉眼扒野菌燒汁，肉質鮮嫩，好味道。最後仲有套餐中嘅甜品芝士蛋糕，為呢一餐豐富

好耐冇同舊朋友聚舊，就揀選左朋友住嘅地區-長沙灣，搜尋下有乜嘢特色嘅西餐廳。由於揸車，所以都要搵位泊車。見到大馬路有一間西餐廳叫做Fifty Fifty，門口仲可以泊車，而且餐廳入面嘅落地玻璃可以望到出面環境，非常方便。我哋揀選左近門口嘅位置坐底，可以一邊食，一邊睇到架車，唔使心掛掛。隨即我哋就叫咗一份沙律醫下肚先。牛油果金文筆芝士沙律價值$78賣相好吸引，好大盆，當中嘅配料非常多，包括有我最鍾意嘅大大件嘅牛油果🥑，夾雜埋啲菜一齊食，好match之餘，亦都好開胃。除此之外，我哋仲叫咗一份香煎鵝肝配焦糖蘋果，鵝肝煎得好香口。一向鍾意食海鮮嘅我們，隨即叫咗一個海鮮拼盤二人晚餐，套餐中包括海鮮拼盤、兩款主食同埋甜品加飲品，只需要$468就有兩人份量，絕對超值。不得不讚海鮮拼盤非常新鮮，當中包括有波士頓龍蝦半隻、翡翠螺兩隻、藍青口六隻、天使粉紅蝦兩隻、法國生蠔兩隻同埋八爪魚四片。每一款海鮮同埋刺身都非常新鮮美味，特別係翡翠螺，好大隻！用竹籤吉佢出嚟，然之後點小小海鮮醬汁食，質感爽口彈牙，非常滋味。除此之外，仲有蘑菇天使麵同埋美國肉眼扒，食完真係非常飽肚。總括而言，我哋三個女仔一邊傾計一邊食飯都

朋友介紹嚟間餐廳話好正，七點幾到，已經人山人海，通常人多食物質素會一般…有點怕…攞起餐牌，第一次黎，唔知點揀，搵個waiter介紹下，好nice好有耐心，介紹左炭燒豬鞍配蘋果茸汁同煎鵝肝海胆risotto，難得两樣都係餐牌上中價餐，佢話係餐廳嘅signature，唔似其他餐廳，都會推餐牌最貴嘅嘢，daily soup係松露什菌湯講真，湯係送，唔會好得去邊！試一下…得！好重黑松露味！真系黑松露獨特香味！到豬鞍架…中間切開，中間仲有點紅，炭燒最難係火侯，真系掌握得剛剛好！肉味濃加上炭燒嘅苦味， perfect match！ 可惜得两個人，無法叫多份！跟住risotto…係外國食，飯偏硬，係半生咁，亜洲人食唔到 ，嚟個就淋d，應該係Chef為左識應香港人而煮淋d，真系好有heat！仲有甜品，加餐飲…check bill！都係三百幾！超！值！

星期一的晚上，同一班教會好友聚舊食飯。預先在 openrice訂枱有沙律送。送嘅沙律算大碟，酸酸甜甜，好好味，蔬菜好新鮮爽口，阿女最鍾意食車厘茄。加 $20可轉套餐包餐湯，餐飲同甜品，好抵。所以我們全部轉套餐。餐湯忌廉雜菜湯，好飲。跟餐甜品係芒果芝士蛋糕，芝士同忌廉味超香濃，口感幼滑，原先以為芒果放面，原來將芒果切粒，混喺蛋糕中間，幾特別！另外，跟餐加 $8可以加多一碟齋意粉或飯，若果胃口大嘅朋友就啱晒😁我們叫了五個主菜，兩個黑松露醬日本帶子野菌天使麵，一個炭燒阿根廷天使粉紅蝦闊條麵，一個法式油封鴨髀配焦糖熱情果汁，一個法式燒春雞配巴黎牛油汁。法式春雞一般，煮嘅時間太長，雞肉太老，難入囗。醬汁平平，無特別。但加左少許鬼佬豆苗同紅椒，賣相算 ok。$108當喺個 menu見到天使麵，我其中兩個朋友好開心，話宜家越黎越少餐廳可以食到天使麵，又真係幾好食！麵身幼，易入口，兼彈牙。日本帶子有幾粒，兩粒大，幾粒細，鮮甜彈牙，配埋黑松露醬，真係好正！$108天使粉紅蝦闊條麵賣相好靚，兩隻炭燒蝦新鮮，亦好有 BBQ味道😋闊條麵軟硬度剛好！醬汁香濃，好 creamy! $108最好食係鴨髀，髀肉很嫩，

當晚是平日，餐廳雖未滿座但都頗為旺場。上菜速度比我們吃的快，而餐碟較大隻，所以整晚要借隔離二人枱才夠位置用。餐廳氣氛很好，多是幾個人的小飯聚，加杯啤酒小酌，很是不錯。點了個牛肝菌飯之後才知道是日餐湯是牛肝菌湯，晚餐都是滿滿的牛肝菌呢。牛肝菌湯端上枱時香氣撲鼻，但真正入口時又未及聞到的香味濃郁。湯中的菇菌粒極多，充滿口感，味道天然，卻稍稍偏酸。鵝肝與蘋果均帶點焦苦味，伴碟的蘋果蓉則味道不錯，但略嫌太少沒法伴着整個鵝肝吃。如果客人沒特別要求，餐廳會把豬鞍架燒至七成熟。豬鞍肉鬆軟可口，不必過多的咀嚼，肉汁混與油香四溢，是讓人欲罷不能的美味。至於鮮黑松露片其實無甚作用，意大利飯幾乎沒有黑松露味。飯質是正宗的意大利飯硬度，所以如果是不習慣吃硬飯的人，食其他主菜會較好。甜品有芝士蛋糕，蛋糕面微微燒過，配上焦糖醬是好吃的甜點。但吃撐了的我們表示，如果飯後甜點是更輕盈的甜品就更好了。為了超美味的豬鞍架一定會再來。

友人們係附近上班唔熟長沙灣有咩好食經朋友介紹fifty fifty 又望過下openrice既圖 決定一戰！友人遲左收工 所以先到既我點左杯flat white 始終係餐廳 對咖啡本身無太大寄望點知黎左杯畫左unicorn既flat white好驚喜又好開心 因為太靚了從未見過咁有心機畫花既咖啡真係要讚一讚！之後我同友人們一行三人點左個海鮮二人套餐個套餐包兩碗餐湯，一個海鮮拼盤，兩個自選既main dish，兩個甜包同兩杯野飲 咁多野食先$398海鮮拼盤有生蠔，有凍蝦，有龍蝦，有螺個賣相真係好吸引！呢個價錢真係好抵main dish 1 - 墨汁意粉係友人話要叫既 本身以為係墨魚汁會食到成口黑哂 原來唔係！係墨汁整既意粉再蒜炒真係好好食個意粉有墨汁香味蒜炒得好香唔會太濕身我地三個都一致好評main dish 2 - 肉眼扒 (7成熟)好香好有牛味好juicy既扒愛肉既人兄一定要試試！甜品- 朱古力芝士蛋糕好好好好好好食！無諗過蛋糕都唔馬虎！好香芝士同朱古力味食落又唔會太濟只能說呢餐太好食了由咖啡到甜品我地都好滿意！值得為佢寫一篇好評介紹比大家愛吃之人

今日放假同男朋友去長沙灣做正經嘢 忙碌完一個早上 肚子開始餓了 喺附近搵咗間西式餐廳食午餐餐廳做緊個優惠 午市時段堂食 12點45分前離座即享八折優惠或者早上11點至下午3點外賣自取亦同樣有八折優惠餐廳格局西式化 感覺休閒又寫意 相信晚上氣氛會更好更有情調 亦有酒類提供 適合情侶及朋友用餐把酒談心嘅好地方午市套餐由50蚊至88蚊不等總共有八個選擇嘢飲方面亦有多種選擇 竟然有我最鍾意飲嘅沙冰我同男朋友各點在一個套餐E，香煎魚柳配蟹籽忌廉汁$68H，燒澳洲肉眼扒配牛肝菌汁$88是日餐湯係南瓜湯南瓜湯色澤亮麗 又甜又香滑香煎魚柳配蟹子忌廉汁魚柳確實煎得非常香口 有少少燶邊 我最鍾意魚皮脆卜卜 魚肉則細嫩 鮮味 非常出色意粉有咬口配上忌廉汁 這個組合無械可擊 完全吃光光燒澳洲肉眼扒配牛肝菌汁肉眼扒份量驚人成塊面咁大我男朋友形容呢塊肉眼扒係佢食過以嚟煎得最好味嘅一塊扒 中間切開仲係粉紅色 但係入口唔會好生 非常多汁 而且冇雪藏味廚師推介紅粉菲菲(士多啤梨加香蕉)賣相100分 味道200分有新鮮嘅水果香味 味道唔會太甜 感覺健康 沙冰打磨得非常細滑 入口即溶鮮奶綠茶 亦同樣好飲 奶味香 忌廉滑

今日收早，去左一間新餐廰到食TEA。間餐廰離地鐵站都有段距離，大約10分路程，但去到門口，遠遠已經望到佢。門口裝修係工業風裝修，喺啲老舖隔離特別突出。因為午餐時間岩岩過，所以無咩人，好大好舒服～ 但仲有午餐選擇。我同朋友叫左兩個TEA SET。辣肉腸雜菌芝士薄餅($39) + 是日蛋糕(跟餐+$10) + 香芋鮮奶(+$8)TEA SET黎講PIZZA大小岩岩好，茄汁味好濃，夠開胃，好多芝士，拉絲冇難度, 辣肉腸係細SIZE, 唔係平時食開個隻, 幾特別。蛋糕係Tiramisu，外觀漂亮, 酒味比較濃, 有層次, 味道不錯。杯香芋鮮奶正常拉花款, 但我第一次飲香芋鮮奶, 覺得超好味！香芋味一啲都唔假, 又唔會太甜，推介！另外再叫左個是日蛋糕($28) + 玫瑰花水果茶(+$18)蛋糕係紅莓芝士蛋糕，嘩!!個碟好靚!! 蛋糕好香，唔會好甜，香滑入口。上面仲放左小小焦糖, 同紅莓勁MATCH!! 不過佢每日蛋糕款都唔同，下次應該會其他款。玫瑰花水果茶入面有2大片香橙, 仲有奇異果, 橙味好香，入口又有淡淡既玫瑰味, 飲得出絕對冇加糖, 好清新健康, 而且器皿都好靚, 好中意。可以待係度整個

今日專登去長沙灣接奶奶收工，順便帶佢黎呢到食下野坐下傾下計！！我地6點幾到黎到，剛好只有幾枱客人係到，環境寧靜唔會太嘈。地點亦算方便長沙灣a2出口出，過兩個街口已經到了！坐低左之後望望menu，我地又唔算話太肚餓，所以就只點左4款小食，冇點到正餐主菜！！店內環境偏暗，每枱都會點起蠟燭營做出1⃣️個比較浪漫既場境來🤭🤭大🦐沙律$88大蝦有4大隻，全部爽囗彈牙配合埋沙津菜，食落十分清新可口小食併盤（2人份量）$68內有炸蝦、雞翼、炸生蠔、魷魚圈全部都炸到脆卜卜，又唔厚粉，好好味黑松露醬大啡菇$48大啡菇都幾大件下，上層濃濃芝士加黑松露醬咬落去好有口感😍😍😍焗香草牛油翡翠螺$68Total有6隻，岩岩好1⃣️人3隻螺肉咬落去好彈牙，唔會話好韌每1⃣️隻都好香香草牛油味估唔到食完4款小食都已經夠曬飽肚埋單連加1⃣️$300 價錢合理又坐得舒服 不錯🤗🤗

當日放工，好忙好攰。自己去試一試真正正宗意大利闊條麵, Fettucine...以我所知道意大利正宗的闊條麵在香港不多, 能夠做到意大利人口中所說及的 'AL DENTE', 我認為祇有這一間餐廳做到。AL DENTE 的意思是, 闊條麵做到口感軟硬剛好, 不但能帶出鮮蝦的香味, 最重要是有炭燒的口感。這款海蝦是非常特別, 入口滲透濃濃的海鮮味, 我相信去過意大利都食過這款名菜。另外因為芝士味比較重, 所以我點一個海鮮拼盤沙律。這款沙律，用料新鮮，沙律醬人是意大利當地獨有pomodoro, 入口充滿南方意大利風味。本人極力推薦。😊 buono per tutti!