Fifty Fifty (已結業)

兩個女仔食30安士肉眼，好瘋狂的😲😲😲牛扒叫咗五成熟，都算幾生，唔食咁生建議嗌返六至七成熟。食牛扒當然配紅酒，跟餐嘅紅酒都算幾易入口幾好飲食嘢傾吓計啱晒，好relaxing🥰🥰🥰跟餐除咗有杯紅或白酒之外，仲有一杯餐飲。我揀咗熱嘅茉莉花水果茶，好清香，茶味濃度適中，配有淡淡水果味，好鍾意👍🏻👍🏻👍🏻其他沙律餐湯等等質素一般，環境都算舒適。餐廳夜晚都算多人，侍應只有兩位唔太足夠。係長沙灣想飲杯野傾吓計都可以黎。

長沙灣是一個公屋住宅區, 第一次遇到用手機看餐牌的餐廳, 店員提供一個QR code, 客人用自己的手機掃一掃, 就會見到餐牌內容, 適合潮客一族, 如果 在枱上或牆上放置都放置QR code, 客人便可隨時看到餐牌, 冇需要每次都要問完工提供QR code, 這樣會更有效率

晚上9點路過, 想吃過意大利飯做晚餐, 坐低見到隔離枱的牛扒非常吸引, 店長介紹吃紐西蘭30安士套餐, 只是488元2位, 包煙三文魚、沙律、生蠔、甜品、 兩杯抬酒和咖啡, 實在超值, 雖然所有配菜沒有驚喜, 餐湯最弱, 但主菜紐西蘭牛扒非常高水準, 牛扒質素高, 五成熟剛剛好, 值得推介！

去咗長沙灣探個朋友，佢話呢間餐廳 Fifty Fifty 都幾好食，即管去試下。去到未full house，都仲有2成位置。我地叫咗個蜜糖單骨雞翼、炭燒美國安格斯西冷扒、炭燒阿根廷天使粉紅蝦闊蛋麵。我地仲加$20 upgrade 咗一個餐。先上嘅係前菜單骨雞翼，調味幾好，少少甜，只係有少少乾身鞋口。跟住upgrade 嘅係龍蝦湯。較平凡，無龍蝦肉，反而我食到有好重洋蔥蔬菜湯味。牛扒都燒得好香，medium rare 剛剛好，筋嘅位置又少，肉味又濃。闊蛋麵嘅蛋麵好香，隻蝦好實肉。最後仲有餐嘅甜品同脆脆朱古力。甜品係檸檬芝士蛋糕，我覺得好食，唔太甜，尤其係食到咁飽再食呢個甜品都唔太膩。另外，我地當日隔離枱仲有人生日，除左有生日甜品外，餐廳仲會播生日歌，幾有誠意。

連續兩日光顧，但第二次就很失望，而且有點擔心。整盤食左一半先切開豬扒，發現中間唔夠熟。問四眼侍應是否唔夠熟，佢答唔出。之後一個四五十歲既廚師出來，話澳洲豬扒可以唔洗全熟，澳洲果啲豬肉七至八成都安全。我話豬肉黎架wor，佢好肯定咁答可以。廚師話你鐘意熟啲我幫你再煎多陣。塊扒表面焦而不暖，都係熟啲好，起初無留意已經食左兩口，心有餘悸。佢整盤拎左入去整左大概一分鐘，但佢拎返出尼果一半已經食唔落，其他都涼晒，加上之前豬肉都唔夠熟，免得交叉感染。建議豬肉類菜式，用餐前先切開。起初前一天週六中午，點左個便宜啲既A1全日早餐，咖啡豆同拉花都不俗，加餐湯才$81，覺得幾有誠意。食物材料不錯，炒蛋調味剛好，唔似其他餐廳咁食到味覺退化，長沙灣難得一間比較好。所以隔天才試貴一倍的烤扒全日早餐，可惜豬肉唔夠熟上碟，辯稱外地豬肉可以七八成熟，真係不了。

呢幾年長沙灣一帶開始有唔少有格調嘅文青cafe進駐。之前有次睇完醫生已經想入Fifty fifty試吓佢嘅下午茶，今日終於有機會嚟試一試佢嘅晚餐。呢間餐廳已經好電子化，冇用紙餐牌響應環保，只要簡單scan枱面嘅QR code，就可以一目了然睇晒佢哋餐廳有咩食有咩飲！睇咗一輪我哋最後決定叫個Set Dinner🥳頭盤個餐湯調味啱啱好，唔會太咸，爭塊法包就更Prefect池😂 前菜有煙三文魚沙律，沙律顏色鮮艷，集齊唔同顏色嘅蔬菜，好似食緊一粒天然維他命丸咁，感覺零舍健康！🥗主菜有兩個選擇，分別有阿根廷天使粉紅蝦同埋生蠔四隻！喜歡嘗鮮嘅我們就梗係揀咗後者啦🥰 佢嘅生蠔品種口感比較Creamy，一人兩隻，份量剛好，可以留肚食主角— 肉眼扒🤤主角紐西蘭有骨肉眼終於上場🤲🏻 一上枱已經俾炭香味吸引咗，非常厚切，仲好窩心地已經切好曬👍🏻第一次食有骨肉眼，燒得好香嘅關係，男朋友最後係連骨都啜埋，好誇張！😂 餐飲比較特別，有紅酒之餘仲有熱玫瑰花水果茶添😋 朋友聚餐一流，款式夠多，又迎合各人口味。全晚雖然餐廳坐滿人，但都好適合傾計唔會太嘈👻 最重要地點就腳，長沙灣地鐵站行過去8分鐘左右，好過岀旺區同人逼丫

如果你budget唔多，又想品嚐高質西廳，就來5050吧！優雅的西式廳餐裝修，適合朋友，家庭聚會，情侶約會，沒有時限，享受著美好的時光！巴拿馬火腿沙律配上清新爽甜的哈密瓜，作為前菜，十分開胃。香煎比目魚扒是有包裝又有內涵的，外皮脆，內層軟，充滿層次和口感的比目魚！水果茉莉花茶起初還擔心它是台式很甜的那種水果茶，驚喜的是這是無糖的，茉莉花的清香正正切合我心意。長沙灣真是一個臥虎藏龍的地方，用蔗渣的價錢感受燒鵝的味道！

假日同姐妹們去chill下放鬆一下，揀左宜間食個lunch。燒羊柳配蒜香汁 $88意粉配蒜香汁超好食，而羊就有啲韌。總體都好食，好快清完宜碟😋黑松露醬薯條 $48薯條好熱辣辣，入面薯仔好飽滿，上面放左啲香草。不過黑松露醬係凍嘅，本身覺得一熱一凍有啲奇怪，食食下又覺得幾好食🤣特濃朱古力沙冰，粉紅菲菲叫左兩杯飲品，粉紅菲菲其實係士多啤梨加香蕉打岀黎既，感覺好清新。朱古力雖然話係特濃不過我就覺得有啲淡。最後坐到叫多咗個Tea set炸麻辣雞翼+沙律 $39單骨上好細心，因為唔駛食得咁難😂炸得好香脆，有少少辣。叫多左個是日蛋糕—藍莓芝士蛋糕宜個真心Surprise! 平時去餐廳嘅是日甜品普遍都好伏，宜個係好食既！仲要好平！加10蚊就有。個擺盤都好靚。

朋友生日，預約了這間餐廳。我們約了六時，但五時半左右已經到達，餐廳非常好，讓我們先坐著等。餐牌的食物都非常吸引，我們叫了兩份主菜，+20元轉套餐（有湯、飲品）再加一個小吃、一個沙律食物不錯，餐湯喝下去的味道很豐富、芝士薯條的芝士醬很濃味、牛油果沙律略厭有點油、主菜的炭烤大蝦闊蛋麵非常有特色，未放入口已經聞到一陣炭烤味、甜品、水果茶也不錯。布姆酒提子芝士蛋糕吃下去的酒味剛剛好。我見其他人多數點牛排或大啡菇，相信是招牌菜吧？也要讚一讚服務態度，非常有禮貌，而且侍應會留意客人進食的速度，再去通知廚房準備上下一碟菜式，這是非常有驚喜的。希望這種高質餐廳長做長有。

好少機會過黎長沙灣呢邊食飯，今次接朋友收工就鎖定呢間望落唔錯既西餐廳試吓喇空間感都足夠三五知己去暢談薯條炸得普通唔夠香脆好少會有失手既沙律，食落都幾新鮮大啡菇唔錯，滿滿既芝士，而且價錢我覺得幾抵食牛拱我覺得唔錯既，肉味濃而且唔會太鞋口，幾推介的!呢個意粉質地夠彈，味道好出，我鍾意!整體我地都幾滿意餐飯，雖然係有少少甩漏，冇幫我地轉套餐，問佢拎茄汁同水都要再提，不過我地中肯D講，↑呢個價錢同食物都是合理而且好食的，只要服務改善一下，相信我地都會再提議去食!

估唔到深水埗嗰到有間幾唔錯嘅西餐廳，環境裝修都幾靚幾有feel，叫咗2個set dinner，配埋餐湯同甜品。可能之前去過啲同類型細細地嘅西餐廳，試過啲湯幾濃味，相對今日呢間嘅忌廉湯就覺得係正常發揮，唔算好意外好驚喜地好飲。叫咗一個廚師推介嘅阿根廷天使粉紅蝦闊蛋麵，好好食！一上臺就有好香嘅炭燒蝦香味，個汁幾特別又好味，出面未試過呢個味道，又唔會覺得膩，個蝦燒得都好味肉又夠爽。另外一set叫咗澳洲豬鞍架配蘋果汁，個扒肉非常juicy，肉又夠厚身，但唔會覺得要0趙好耐，如果一個女仔食會覺得可能有啲多，二人食份量覺得幾夠，薯菜嘅味道都好好，啲菜都幾索味。最後有個是日甜品，係藍莓cheescake，唔算好好甜野嘅我覺得cake size ok! 呢個蛋糕面頭有脆脆地嘅焦糖，蛋糕中間真係有啲粒狀藍莓，所以所落都唔會好漏。

自從朋友轉到茘枝角返工之後，大家也好難約到時間相聚晚餐。 難得公司補回我一天例假，就來一轉我較陌生地方，跟朋友過來長沙灣覓食。 大大個招牌，遠遠看見容易找到雖然是工業區，但餐廳內竟然也差不多滿座食物款式，也有很多選擇2人餐有30oz 紐西蘭有骨肉眼，好正啊包紅丶白酒松露什菌忌廉湯炭燒阿根廷天使粉紅蝦，燒至天使粉蝦半熟，蝦肉質鮮甜質感又滑。30oz真的好厚好大塊超厚有骨肉眼扒，燒至剛剛好5成熟，肉質鮮嫩帶微粉紅，超美味。藍莓芝士蛋糕，餅底香脆，芝士味香濃。

長沙灣最出名係咩?遊戲王卡(誤)行完天悅見到隔離有間睇落唔錯既西餐就入左去套餐跟既菌類湯不過不失黑松露牛肝菌意大利飯黑松露味道都幾香意大利飯口感都唔錯但唔知係咪我食唔慣味道有D酸牛柳+鵝肝,幾奢侈既配搭鵝肝煎得幾香,唔會有腥或騷味牛柳入口好鬆軟佢厚得黎唔會煎得韌,係好難做到既事因為要掌握個火候係好高技巧太熟會韌,太生會咬唔開依家岩岩好,令成個牛好JUICY配菜都唔錯蜜糖單骨雞翼雖然剪開左做單骨雞翼,但係雞肉都唔會乾而咁樣做就令佢可以更入味好食甜品係甜而不膩既芝士蛋糕

都唔係第一次Fifty Fifty，絕對係區內最抵食嘅西餐之一。雖然係以西餐為主，但係裝修就有啲似酒吧。薄荷青檸梳打 / 鮮奶香芋上次食都係飲咖啡，今次就試下其他嘢飲。 薄荷青檸梳打飲落好清甜，有陣陣嘅薄荷味，飲落好清爽。鮮奶香芋嘅香芋味唔會太重，反而以鮮奶味為主，飲落甜甜地又好香滑。香蒜片虎蝦墨魚圈香草白酒墨魚意粉一上枱已經聞到好香嘅蒜味。虎蝦好大隻，而且已經剝殼，食落啖啖肉又好有鮮味。 墨魚圈加上處理得軟硬適中嘅墨魚意粉，食落好有口感。法式燒春雞配巴黎牛油汁剛剛燒好嘅燒春雞，一上枱就聞到好香嘅雞油味。燒春雞唔會燒過龍，肉質鮮嫩而且唔會好乾。拌碟嘅薯蓉，應該加入咗牛油同牛奶，食落特別香滑而且甜甜地。甜品－芝士蛋糕雖然係跟餐送嘅芝士蛋糕，但係質素一啲都唔差。 算係較實身嘅芝士蛋糕，好重芝士味，食落唔會有太膩嘅感覺。

Fifty fifty 一直都係男友幾鍾意既餐廳，佢成日話得閒就要過去食晚餐。今晚就過來食晚餐了。點了兩個set dinner, 我叫咗香煎比目魚配黑醋汁。一上到台，比目魚煎得香噴噴，魚肉好鬆軟，食落一啲腥味都無喎，原來比目魚既清甜配上黑醋汁味道十分配合，鮮甜中帶點酸味味。男友點了炭燒豬鞍架配蘋果茸，豬鞍煮得剛剛好，切落去唔會實的的，好軟熟。感覺到火候拿捏得非常到位，蘋果茸酸酸地，加埋伴菜的薯茸，無得頂呀！