Fifty Fifty (已結業)

次次經過fifty fifty ，都感覺好特別，可能同區少有咁似樣西餐。 今次約朋友吃飯，當然第一時間打電話訂位留座。 原來訂6點半，點知今日工作好順，未夠5點半就搞掂放工。 去到餐廳6點左右，餐廳未太忙，所以早到咗也有位。 見到門口有二人餐牌，有紅/白酒、有湯有沙律丶主菜是紐西蘭有骨肉眼丶甜品及餐茶。 我這個食肉獸，一見咁大塊扒，當然即柯打啦。 餐湯丶沙律味道一般，粉紅蝦又大隻又鮮甜。 最震撼有骨肉眼扒，真的十分大份又燒得十分好。 燒至剛好5成熟，外層表面帶少少焦香，內裏肉質嫩滑仍帶肉汁，好美味。

家住長沙灣，成日都經過東沙島街去營盤街食雲南米線。總係會見到一間西餐廳，氣氛好好，經常滿座。今日收工終於有機會試啦，佢就係fifty fifty。訂咗位，見到都差唔多滿座，心諗好彩訂咗位。先叫杯house white wine暖暖身，只賣38蚊咋。真心抵飲。飲住酒點送我最鐘意。胃口本來唔係話好餓，叫咗個炭燒阿根廷天使粉紅蝦闊蛋面和炭燒澳洲豬鞍架配蘋果蓉汁，其中一個加20蚊轉套餐，有湯，嘢飲同甜品。(後來又加咗13蚊轉tiramisu)先到天使蝦濶面，擺上枱，真係好香蝦味，係明顯用咗好多蝦頭煮個汁，汁呈淺啡色，一睇就知係蝦膏煮成，面質好食，蝦身好肉，但最欣賞始終係個蝦汁。真係好好好正!豬鞍到喇，真係厚切，有圖有真相，唔姑寒。我食過唔少厚切豬，其實都好搵笨，但依間餐廳係來真的，豬鞍燒得剛剛好，嫩滑，一啲都唔鞋，配蘋果醬好味。依間餐廳俾人好感。同枱叫咗杯荔枝檸檬梳打，高於標準，唔錯。Tiramisu稍為太凍，但都香滑，有rum 酒味，一個甜品兩份些牙，滿足。以後多咗個食堂!

星期五晚約了好友相聚，揀左這間近大家屋企附近既餐廳，我們預先book左位，所以去到唔使等就入得去坐。 這餐廳位於長沙灣，環境不錯，服務員態度有禮，但位與位之間就迫左少少，不過好在沒有用餐時限，我地食完野坐係度傾計都沒有被趕走我地叫左炭燒美國安格斯西冷扒和日本帶子海膽意大利飯share一齊食，加$20 可轉為套餐，有餐湯，飲品及是日甜品。湯面用cream寫左50 50 字樣，代表間餐廳個名Fifty Fifty, 幾有意思；意大利飯既帶子煎到外表金黃，好香口，飯也不會太腍；西冷扒我地叫9成熟，外表燒得焦香，有少少乾，但內裡都還有肉汁，配埋個醬汁食好好味；甜品係芝士蛋糕，都幾好味。

下午時間經過甚有格調嘅餐廳，就決定入去試試～見到menu有慢煮日本優質豬豚肉就已經心動，因為覺得只有慢煮，先可以令豬扒整得最好食～二話不說就叫左餐前黎左個蘑菇湯，小粒小粒嘅蘑菇粒，飲飲下主角就黎～～賣相不錯～紅紅綠綠嘅點綴，配上蜜糖芥末燒汁～一切之下，就知無揀錯一啲都唔靭，切開重見到嫩嫩嘅淺粉紅色肉質，唔好怕係未熟吖！靚嘅慢煮豬先會咁齋用低溫慢煮d肉會鞋口，要先用鹽糖水醃幾個鐘先可以煮，花時間不過好健康盡見師傅心機～最後黎左杯藍梅梳打～～飽飽餐廳上嘅休閒，店員同街坊嘅好感情，令人甚有親切感～

係附近整完牙🦷餓左成朝，記得呢頭有間餐廳🍴唔錯，好彩比我搵到😬就係呢間「Fifth fifth 」，門面裝修OK架，位置又方便👍🏻裏面格局都好歐陸feel，環境都唔錯，中市時段都好旺埸👍🏻Lunch Set 都係五十元起，已經包埋餐湯和熱飲，呢個價錢都好經濟😬香煎魚枊配香草醬，我選擇左薯蓉，賣相唔錯，魚枊煎得表面好香脆，啖啖肉，啱哂我整完牙食😋澳洲肉眼扒配意粉，雖然塊扒唔算好大，但勝在肉質鮮嫩，好有牛肉味，而且仲係鮮嫩粉紅，配埋燒汁好惹味，正！轉特色飲品Mocha 都係補返十零蚊就可以，如果係啲咖啡專門店，齋飲杯野都可能要六、七十元，埋單每人都唔使$100，真係好抵，唔錯👍🏻

朋友最近搬咗嚟附近，成日話深水埗、長沙灣區好多穩世小店，食物質素好好價錢都唔會太貴，今次佢帶我嚟食西餐撐檯腳Fifty Fifty門面係落地玻璃，英倫風格，裝修感覺唔錯店內亦算舒適主菜+$20可以轉餐，有一客餐湯+飲品+甜品，扺！食西餐一定要啤一啤 呢度嘅啤酒係手工啤酒，店員推介呢杯Kwak，麥味重帶有微甜，好飲！朋友唔飲酒，佢點咗杯朱古力沙冰都唔鑤。黑松露醬大啡菇，焗得啱啱好，味道清新唔太濃烈。美國安格斯肉眼扒，估唔倒咁大份！美中不足嘅係我地叫5成熟，但係呢塊扒嚟到卻9-10成全熟...... 不過足以証明佢塊扒都幾靚，因為竟然接近全熟都唔鞋，肉質仲唔錯，味道好好，所以我地無叫店員換走佢。煎鵝肝雜菌意大利飯，個飯味道比較清淡，啱我朋友。而我就比較鐘意較濃郁重芝士味嘅意大利飯🙈 跟餐甜品- 蜂巢雪糕配pancake，好味每人埋單大約$290，價錢都算抵

😊下午茶☕️四五知己聚一聚，傾一傾，可以來呢間餐廳，環境設計優美，打卡影相都一流☺️☺️☺️我地叫個下午茶餐5份，每份野食都好特別好美味，咖啡蛋糕都有特色，薄荷朱古力咖啡，每日不同的特選甜品，當天揀了雜莓芝士蛋糕，唔錯，不太甜😉我叫左辣味雜菌天使麵，唔係辣到食唔到，味道ok,但份量比較小，男士未能食得飽😟最欣賞就是多款多元化野飲，藍莓梳打水，芒果梳打水，玫瑰咖啡，特色酒精類....飲品都有！可以俾人客長坐長傾，當天，我地坐左成兩個鐘，都冇趕客，服務ok🤪

今日決定去試間無試過嘅西餐，鋪頭細細，但食物都唔錯。坐低睇吓餐牌，選擇都唔少。點一款主菜，加$20可以轉餐，咁就有餐湯，飲品同甜品。南瓜濃湯幾creamy，如果有埋餐包就更加理想主菜好快就出現！炭燒阿根廷粉紅蝦闊蛋麵上枱已經聞到好香嘅蝦味，有兩隻中蝦，蝦肉都算爽，最讚係連個汁都好有蝦味第二個主菜係鮮黑松露片牛肝菌意大利飯 平時食嘅risotto份量都唔多，但呢度係大碟夾抵食，而且質素仲好好，有好香嘅松露味同埋足料嘅菌類！是日甜品係藍莓cheesecake, 如果轉Tiramisu就另加$13，我地決定一人試一款Tiramisu 賣相好好，酒味好濃，啱晒鍾意rum嘅我藍莓cheesecake 有原粒藍莓喺蛋糕入面，texture亦整得啱啱好，唔會太實或者太腍飲品我地加左錢揀特飲！爆谷咖啡 - 雖然食唔到爆谷，但咖啡入面有焦糖爆谷嘅香味，第一次飲，幾得意香芋鮮奶 - 香芋味唔算好濃，但都幾好飲！整體都唔錯啊，性價比高！最滿意係加$20已經有埋甜品

同兩個朋友仔放左工好想食個下午茶 行過附近就入左黎呢間fifty fifty 入到黎好闊落好光猛好開心五點半仲有Tea timeTea set 供應時間: 星期一至五 下午兩點半至六星期六，日及公眾假期 下午三至六佢個tea set menu都有12個選擇我地一人揀左一個開心shareT2 香辣雜菌天使麵 $33都幾大碟 可以做得lunch嘅份量都有好多種唔同菌類 呢個完全岩晒素食者食得辣之人都覺得佢偏辣 幾刺激不過辣辣地都幾過癮如果變做香蒜或者芝士 應該更加適合大眾口T10 炸魚薯條 $43下午茶食炸野是常識吧新鮮熱辣炸上枱 粗薯條份量👍🏽都有兩塊大魚柳 脆漿唔太厚 不錯仲有啲沙律菜加醋伴碟T6 炸手羽芝士雞翼 (3隻) $39邪悪之選 雞翼冇骨 肉嫩 值得一讚略嫌芝士味唔出 好似冇芝士咁如果咬落去係拉絲芝士 應該會好正下午茶餐會有埋野飲可加錢轉特飲 或者加錢要餐湯同蛋糕下午茶黎講 算唔錯但我地諗住叫All day breakfast 已經冇晒

經朋友介紹長沙灣有間平民版高質嘅西餐廳，裝修仲好精緻，好有氣氛，決定同另一半去試試佢。一去到裝修擺設真係好靚，如果夜晚去食一定好有氣氛！我地揀左Set S-燒日本活水性飼肉豬眼肉配薯菜，同埋all day breakfast ge A3-炭燒豬鞍架。個炭燒豬鞍架超超超超超推介！好好食！好嫰口好juicy！完全唔鞋口！真係好高質！完全係超水準！認真好想encore多塊！！而Set S嘅肉眼豬都唔錯，煎到脆口，醃得入味！可以一試！餐飲方面加左錢嗌左薄荷朱古力同埋茉莉花水果茶，都ok，不過不失！最後再要講多次，炭燒豬鞍架真係一定要食呀呢度12:45前埋單仲會有八折，好抵食！

我今日同阿媽食cafe 嚟咗呢間好耐之前已經想食嘅 fifty fifty 食lunch 咁主要我哋就嗌lunch set 阿媽揀咗香煎阿拉斯加比目魚柳配黑醋汁 食落完全係高質嘅比目魚 佢個醋汁亦調教得非常好味 少少甜少少酸 拿捏得恰到好處 阿媽本身係比較驚腥味嘅人 而比目魚嘅魚味亦比較濃烈 但係呢個執嘅協助之下 佢亦都表示話好食 值得一讚至於我就叫咗燒澳洲肉眼扒配巴黎牛油汁 一食落去真係心心眼 高肉扒超高質 好大塊 咬落去差唔多係入口即溶 一啲都唔韌 而且個牛油汁好香 簡直無可挑剔多餐亦包咗一個餐湯 係蘑菇湯 飲落味道唔咸 但好香蘑菇味 係真材實料 另外亦都分別加咗20蚊 同埋18蚊 飲凍玫瑰花水果茶同埋凍薄荷朱古力 超值得一提嘅係個玫瑰花水果茶 以前出面飲開嘅都係冇嚟聞味 又唔甜 又唔香 嘅茶 但係今次個香味簡直係一擺落呢就撲倒過嚟咁 而且係有甜度嘅 得呢係啱啱好 恰到好處 very good

Popped in here on a Sunday afternoon while waiting for my laptop to get fixed at Smiling Plaza round the corner. Had an hour to kill so looked online and saw this place serves Belgian beers. I wasn’t hungry so just had a couple of Kwaks ($50). The staff spoke perfect English and very attentive. Someone near me ordered what looked like ribeye and it looked fantastic. Tea set prices looked fantastic and this bar feels like it should be on the island. Will come back for tea set one day.

經朋友多番介紹，說是很划算同時有水準的西餐，而且地點離我不遠，這天便和三位朋友一起試菜。我們這天很早吃晚飯，約6時15分，客人不多，所以即使我們沒有預約也不用等便有位。 餐廳環境算是頗舒適，但只是枱子小了點。 侍應也有禮。 我們看了餐牌，決定點兩客主菜再加一個小吃便夠了。  朋友想試試少見的本地手製麥啤，所以也點了一杯。先說前菜- 肉醬芝士粟米片，這個配搭是很難不好吃的，只是份量方面覺得有點太少。主菜是炭燒美國安格斯西冷扒和鮮黑松露牛肝菌意大飯。 先說西冷扒，燒得外表焦香，內裡還有肉汁。 我們點的七成熟還是可以做到的， 伴碟的薯蓉也不錯。 接著便是松露痴的在下所點的鮮黑松露意大利飯，每逢見到松露菜式都躍躍欲試的我，怎會放過此機會？ 老實說，香味和平時吃的黑松露醬不差很多，只是視覺上看到鮮松露所以心底裡給它加了分，risotto不會太硬，而且吸收了汁料的味道，好吃。 跟餐的蛋糕已忘了是芝士蛋糕還是別的，只記得碟子很漂亮。問朋友手工麥啤味道如何，他說：ok啦！

平時都比較少去長沙灣一帶，因為工作關係去了附近，餐廳好近地鐵站，門口望落好吸引就入咗去食呢！餐廳菜單款式好多，基本上想食嘅嘢都有齊，可以單叫主菜，或者再升級做套餐，套餐的話就會有湯,餐飲，和甜品，所以感覺叫套餐比較化算和抵食！同朋友叫咗兩個套餐都食到好飽。餐湯南瓜湯好好飲唔會好油膩，主菜食了意粉和羊架，再加了小食黑松露大啡菇，好味有驚喜。最後食埋個甜品芝士蛋糕是大滿足，本身對跟餐甜品冇乜太大期望，但蛋糕出奇地好味道,必食！

情人節前夕相對地難搵地方食野，今日放工去接女友，剛好在青山道嗰頭，我就諗起同事有講過既呢間fifty fifty。好在我醒，中午打去book定枱，因為7點去到真係幾乎滿哂，要喺門口等位，估唔到呢啲小區西餐廳在平日都咁多人，睇黎口碑唔錯。餐廳入面排滿枱，代價就係座位會迫少少，不過都好四正同乾淨。佢冇特別既dinner menu，但主菜類都可以加20蚊轉餐，有餐飲餐湯同甜品，咁真係好抵。我地就撚左意粉同燒春雞再轉套餐。女友見openrice多人推介蜜糖單骨雞翼咁我地都試下。落單後好快就黎左兩客蘑菇忌廉湯同單骨雞翼。蘑菇湯有啲熙，唔算好濃，但佢入面都有好多切粒蘑菇。以加20蚊轉到餐有湯，呢個都合格有餘。蜜糖單骨雞翼果然好食！個雞翼炸得好香脆，有淡香既蜜糖味亦有少少自然分味，令到個雞肉更惹味。佢啲配菜都幾有心思，同樣沾左一啲有蜜糖味既汁，令到碟雞翼好睇又好食。餐飲方面我地叫左菠蘿梳打同薄荷青檸梳打，起碼唔係溝糖水，有真菠蘿同薄荷葉，起碼唔係hea你😂主菜的Carbonara 意粉好正宗，個忌廉汁好香，濃度剛好，又沾哂喺每一條意粉，亦有少少碎芝士喺面，一撈起就會有啲香味但又唔會好杰。份量都剛剛好