Fifty Fifty (已結業)

之前係長沙灣路過見到呢間Fifty fifty係走文清風局，已經想去試吓，今日終於有機會黎試吓啦。同女朋友兩個人坐低，室內氣氛環境唔錯，寧靜舒適。睇完一輪Menu之後，最終就揀咗呢個有紐西蘭有骨肉眼嘅set dinner呀。餐湯係南瓜湯，清甜鮮味，味道不俗。而煙三文魚沙律嘅醬汁調校得唔錯，食落都幾refresh到個人。前菜嘅海鮮就可以揀新鮮生蠔或者炭燒阿根廷天使粉紅蝦。我哋兩個當然就揀咗最鍾意食嘅生蠔啦。生蠔係屬於比較creamy嗰一款，食落都幾新鮮，每人有兩隻，作為前菜來講份量都剛剛好。嚟到主菜，當然就係重頭戲嘅紐西蘭有骨肉眼30安士。呢個肉眼嘅size真係分量十足，我覺得足夠三到四個人食。我哋叫咗五成熟。佢都好好咁樣幫我地切開晒，見到係皮脆肉嫩呈現粉紅色，真係令人流晒口水。果然食落除咗皮脆有肉汁之餘，仲有好豐富嘅牛肉味。真係令人食到停唔到口，我連骨都損埋。女朋友就叫咗熱玫瑰花水果茶，佢都話杯玫瑰花茶清香解膩，大家都好滿意呢餐，如果想食有骨肉眼嘅話，下次都可以再嚟試過。

同久違嘅朋友出黎食飯，揀餐廳方面都有啲心思。行過見到呢望落幾chill嘅西餐廳就蠢蠢欲動最後決定一試。餐牌方面已經電子化，只要scan下QR code就得🤟🏻同朋友嗌咗一個小食、兩個main dish，仲加左少少錢轉set，包餐湯，甜品同基本野飲黑松露醬大啡菇，有拉絲芝士喺面，所以基本係冇得輸。菇嘅厚度好足，入面仲配埋其他雜菌，增加菇味同口感。是日餐湯係番茄湯，微酸開胃帶子海膽意大利飯好有咬口，醬汁creamy，帶子嫩滑，天然嘅鹹鮮味仲保持到！燒春雞配牛油汁，雞皮烤得好香脆，但肉質仍然保持鮮嫩。薯蓉雖然係伴菜，但味道口感都好好🤤cheesecake入口順滑，食晒成嚿都唔覺得膩😆香芋鮮奶入落舒服，唔會死甜菠蘿梳打清新！

今日去探朋友，順便食晚飯，朋友住長沙灣，話帶我去 Fifty Fifty，這裏係佢嘅地盤，我當然冇意見啦。長沙灣一向畀我嘅感覺都係舊區，所以我諗住都係去食一啲街坊菜，點知去到 Fifty Fifty，佢嘅裝修格局又令人幾舒服，簡潔，配点点裝飾嘅點綴，加上柔和燈光，喺度食飯傾計都唔錯。侍應向我哋推介二人餐，有餐湯、沙律、二選一嘅小食、主菜、甜品加埋飲品，簡簡單單嘅menu，幾好。先來個雜菜海鮮湯，佢應該將所有材料打溶，雖然食吾到海鮮，但係你會飲到海鮮鮮甜味。煙三文魚正常水準，加上新鲜沙律菜配了少許沙律醬，帶点酸，醒胃。二選一是4隻生壕或炭燒阿根廷天使粉紅蝦，我們選了蝦，共有6隻，辣椒蔥加佢嘅醬汁炒成，清淡的汁冇蓋過蝦嘅鮮味，而且蝦有一隻手掌長，算大隻。主菜是紐西蘭有骨肉眼，嘩！未食都好有睇頭，好大份，有成吋厚，差唔多一把餐刀咁長，原來塊肉眼扒有30oz，大塊得黎都要看味道啦。我要求5成熟，切開不錯，5成熟，肉身有水份，呈粉紅色，外皮外crust，有肉汁，咬落較霖身👍還有甜品，雪糕迷你班戟和芝士蛋糕，不論賣相、味道都正常，我就偏愛芝士蛋糕多些。加埋杯飯後latte，完美。我見有些客人飲白酒

話說想同男朋友近近地食過靚飯，而大家都想食西餐低下，就發現左Fifty Fifty。餐廳環境同平時嘅西餐廳分別唔太大，尚算企理不過野食同服務質素都幾有驚喜，同埋唔算貴。如果大家到長沙灣，可以一試!!

收工拍拖拖👫今次去到長沙灣搵食試新野。佢地餐廳好得意，問佢地攞menu時佢地話係台面，但又見唔到，原來間餐廳用緊QR code menu，scan完直接係上網睇。我地揀左2個主菜，一個沙律，揀主菜時，waiter問我地使唔使轉餐，加$20就有湯、餐飲，甜品，抵到喊，真係無理由唔揀餐我地無問咩湯，是日係蘑菇忌廉湯，湯好濃郁，份量唔多唔少，岩岩好。跟住上田園沙律🥗，諗住食下菜，沙律係單點既，都幾大碟，上面既醬汁應該係柚子醋汁（雖然唔肯定）都淋得好多，不過唔會好酸，仲有陣果香味，好正然後佢叫左個法式油封鴨脾配焦糖熱情果汁，佢真係水果迷（水果通常易伏），但呢個唔伏！鴨脾係我其中一個最愛，佢個鴨脾煮得夠冧，肉有啲咸，但個醬好濃郁，酸酸甜甜既口味，同個鴨脾極配！呢個真係值得一試，同埋兩隻鴨脾好大隻，都係$108，好抵。跟住就係我叫既意大利飯喇。個飯充滿住磨菇既香味，佢既醬汁好濃厚，每粒飯都吸滿左精華好彈牙，唔會軟身，同埋雖然濃，但一啲都唔漏，係出色既甜品係包埋係20入面既，佢地當晚仲可以另外加$13要pancake/tiramisu, 我地都鍾意cheese case所以唔加喇。原本以為20蚊貨仔

好少黎長沙灣呢邊，今日同男友去開買野行行下見到呢間西餐廳。睇到門面都幾靚。而且價錢仲要唔貴。可以一試呀！👍🏻👍🏻👍🏻由於小妹好鐘意食黑松露同菇菌，所以見到有「黑松露牛肝菌意大利飯」就二話不說點了。黑松露味道好濃，意大利飯亦好有嚼頭。當中好似落了唔少酒同洋蔥，導致有少少酸。---「燒美國牛柳加香煎鵝肝」牛柳好嫩滑，而且多汁。小妹就最鐘意食鵝肝啦。鵝肝煎得岩岩好，入口即溶。正👍🏻---我地仲點了「蜜糖單骨雞翼」。單骨雞翼真係好方便，唔駛食到咁麻煩。而且份量都唔少，蜜糖甜甜地增添了雞翼既香味。最後上埋甜品。

我同朋友都係第一次試呢間，叫左個5成熟的美國安格斯肉眼扒($208)，不過不失，呢個價錢有少少失望，但配菜既薯條好香口、好好食，薯蓉同蕃茄都唔錯，伴碟比主菜好食。另外，order左個卡邦尼意大利麵($98) ，意粉好出色，意粉軟硬度剛剛好，調味好出色。暫時係我食過最好食既卡邦尼意粉加左$20轉set dinner，有杯野飲，餐湯同埋甜品。甜品係檸檬提子芝士蛋糕，中規中矩。整體來說，可以一試意粉其他就普通。

法式鴨髀呢度係大碟夾抵食，而且質素仲好好，肉質鮮嫩而且唔會好乾。牛肝菌意大利飯平時食嘅risotto份量都唔多，有好香嘅松露味同埋足料嘅菌類！比目魚比目魚煎得香噴噴，魚肉好鬆軟，食落一啲腥味都無喎，原來比目魚既清甜配上黑醋汁味道十分配合，鮮甜中帶點酸味味羊架紐西蘭羊架夠厚肉，入口肉厚夠油香，夠大件，煎得啡金帶油潤。蜜糖單骨雞翼非常香口惹味。單骨雞翼進食非常方便，用刀叉都可以食到乾乾淨淨。雖然剪開左做單骨雞翼，但係雞肉都唔會乾，而咁樣做就令佢可以更入味藍香芝士蛋糕雖然係跟餐既芝士蛋糕，但係好有芝士味，香濃既芝士蛋糕，有原粒藍莓喺蛋糕入面! 餅底香脆，食落唔會有太膩嘅感覺。質素一D都唔差。意式薄班戟（香蕉）薄而脆既班戟，入面包左好多細細粒既香蕉，食完哂真係好滿足。

星期天晚餐，六時可能比較早，人不多。主菜，意粉大概HKD 110-130,價錢算是相宜。點了虎蝦墨魚墨魚汁麵和粉紅蝦蛋濶麵，份量味道均不俗。唯獨跟餐黑松露蘑菇湯淡而無味，有待改善。

長沙灣呢頭日頭雖然係工廠大廈， 但夜晚嚟嘅話啲嘢食實在都幾好食， fifty fifty就係其中嘅代表今次叫嘅第一個主菜係肉眼牛扒配炸薯條， 牛扒嘅肉質鮮嫩多汁， 叫五成熟煎得啱啱好， 牛扒嘅脂肪分佈亦都好平均， 唔會有啲地方過肥， 亦都冇一啲一大啖食落去全部都係脂肪嘅情況， 至於薯條就炸得非常脆， 上面都灑上適量嘅鹽， 好有口感第二個主菜叫左豬鞍， 好欣賞豬鞍上面嘅醬汁， 係一個甜甜酸酸嘅蘋果蓉醬汁， 同豬肉嘅味道好夾， 豬肉嘅都唔會煎得太韌， 感覺好鮮嫩值得一提嘅係， 佢加20蚊鬆啲就有一個set, 有週打蜆湯同埋飲品仲有甜品， 週打蜆湯味道濃郁，仲有一陣陣忌廉味非常好飲， 甜品就係朱古力蛋糕， 為晚餐畫上完美句號

路經這裡見到這間西餐廳，估唔到深水埗有這種咁grand嘅西餐廳，睇過餐牌價錢又ok喎，入去試試好特別，無menu俾我哋，枱上有張紙有個QR code，用電話掃一下就可以看到menu，好high tech是日餐湯-雜菜海鮮湯，頗特別，忌廉湯加入海鮮同雜菜，有少少番茄的酸味，但又很creamy燒牛肉意大利麵包-意大利麵包烘過再加入燒到半熟的燒牛肉，沙律醬同生菜，簡單的食材，但組合起來就成為頂級美食炸鱈魚全日早餐-炸鱈魚柳，炒蛋，番茄，煙三文魚，大啡菇，意大利麵包，沙律菜，好豐富，好大份炸鱈魚柳，外脆，內嫩滑，超好味炭燒豬鞍全日早餐-除左由鱈魚柳換左做炭燒豬鞍，其他東西是一樣的，豬鞍唔韌又多汁，勁juicy芒果梳打- 有原粒芒果🥭檸檬荔枝梳打- 同樣有原粒茘枝，而且個荔枝糖漿超好味是日蛋糕：士多啤梨芝士蛋糕- 質感有點像紐約芝士蛋糕，硬身而芝士味濃，當中夾了少許士多啤梨果肉，同餅面加了焦糖醬，令味道很豐富

住喺荔枝角嘅我，周不時都要發掘附近有咩好嘢食，無辦法啦，個人為食。今次黎左長沙灣嘅哩間，真心唔錯！哩度個環境cozy，幾好坐。488嘅2人餐好似好吸引咁，所以就嗌左黎試。先黎沙律同餐湯，沙律嘅三文魚一啲都唔吝嗇，沙律菜亦奶新鮮，配埋啲沙律汁酸酸地咁樣，好醒胃！二選一嘅小食我地揀左蝦黎食，面頭有啲辣辣葱鋪喺面，幾香。炒左嘅蝦食落新鮮得黎又有少少辣辣地，而且蝦都幾大隻，有6隻，抵食主菜肉眼扒大大塊，有30oz，亦好厚身，咬落軟熟，亦有肉汁，五成熟煮得 arm arm 好。最好跟餐甜品都好有heart，一個係迷你雪糕pancake，一個係迷你 cheese cake，賣相同味道都好最後配埋latte，係一個完美嘅總結

平日上班午餐很多時也吃茶餐廳，偶爾也想吃好一點慰勞自己😋今天去了深水埗天悅廣場附近的Fifty Fifty，坐位闊落，十分舒適。每天的set lunch 有a-h 8款，選擇很多。我選了紐西蘭肉眼扒配白飯，今天的餐湯是雜菌忌廉湯，味道較清淡，不像一般茶餐廳的罐頭味精湯，不錯！主菜肉眼扒有牛味但肉質有點韌，配菜有洋蔥炒翠玉瓜、三色椒，跟飯吃味道不錯。值得一讚的是米飯煮得特別出色👍🏻跟餐飲品叫了熱奶茶，味道正常，不過不失。P.S.同事叫了熱鮮奶抺茶，味道不錯，可以一試。味道：8/10服務：7/10環境：8/10性價比：6/10（深水埗區不算便宜）

今天在長沙灣覓食，眼見四周真的有許許多多的餐廳。朋友推薦我去一間冰室，我在門外看看，發現全都是很飽肚的食物，而且質素不高。於是我便決定自行尋找想吃的，發現這家餐廳的食物級數較高，但價錢卻10分公道。最後我發現這個選擇10分正確，因為所有食物都有中等以上的質素，而且座位10分舒適，人也不算太多。我叫咗一個三文魚沙律午餐，有好多三文魚🍣但生菜不夠新鮮，餐湯都幾好味，有好多新鮮嘅蔬果包括蕃茄、薯仔、洋蔥，檸檬水檸檬很乾。

青山道一帶無大型商場，街舖小店林立，一於幫襯食評最一面倒嘅… 香煎巴馬臣芝士脆片呢個菜式只有一種食材 - Parmesan Cheese… 簡單，但非常好食。芝士香味充分發揮。蜜糖單骨雞翼非常香口惹味。單骨雞翼進食非常方便，用刀叉都可以食到乾乾淨淨。香煎銀鱈魚配香檳忌廉汁魚油非常充足，無需要過多調味都已經好好食。香煎鵝肝雜菌意大利飯鵝肝外脆內軟，油香爆棚。意大利飯生熟到拿捏得剛剛好。提子冧酒芝士蛋糕真材實料... Cream Cheese 味道非常突出。