Feather & Bone

营业中

休息中

行過西營盤 ，從外看感覺feather and bone 不錯 就入左去試呢度order 有點兒特別 有手4個step. 先去肉檔位 選擇想食既牛排 可以睇到牛排既狀態再order 感覺很好 因為自己唔係好熟牛排 、 可以睇左擇可以擇到自已想要既牛排。而且個staff 非常友善 比到唔少意見 選擇左牛排之後第二個step就可以揀幾成熟。第三個step 就係揀伴菜 有幾樣可以選擇 我就揀左炸薯 我朋友就揀左西洋菜 不過都感到奇怪 西餐原來會咁樣配西洋菜 不過個西洋菜都幾油下第三個step 就係揀sauce. 我要bearnaise 朋友就要pepper 揀完就返埋位 我地仲order左bolognes 其實佢地既其他選擇真係唔多 可能真係專攻牛排啦牛排都唔錯 我要左grain fed hanger steak medium well. 牛味都有 sauce都好味 而且無血水 medium 就係medium. 唔錯友人就要左grass fed tenderloin, medium well 都好好味感覺黎食牛排都幾唔錯 唯獨上菜時間真係有少少耐 等左30分鐘先有第一道菜出

又到星期五同同事食豪啲黎到呢間叫左2 course, main+dessert雖然呢間出名牛排但同事覺得好一般反而我叫既經典carbonara mushroom linguine 就好好味Cream sauce唔多唔少 而麵條煮得剛剛好 外軟內硬 有口感甜品係 chocolate brownie 無nuts, 朱古力味好皇一小舊既飯後甜品份量剛好而set lunch drink order 左杯 caffe Americano 係偏酸 唔岩我口味或者下次有機會再試下晚市既牛排

間野開左喺屋企附近咁耐都未食過，今日終於有機會試下啦...!!!Lunch time 去，基本上都full house咁滯。Lunch menu有大概十款選擇，點左呢個肉丸，上枱原來就係咁，得兩個meat ball，以為會有啲包或者餅乾配添，味道還好，但有啲唔抵食。牛肉漢堡，味道不錯，麵包烘得香脆，牛肉有肉汁！最後點左塊自選嘅牛扒，呢塊大概3百幾克嘅肉眼，$48 100克，每塊加$60 additional fee，二百零蚊一塊扒唔算貴。牛扒有炭燒香味，但比我地點選嘅medium rare過熟，口感悄差。

是一餐慶祝飯，絕對唔失禮。食物質素一流，自由度非常高，價錢超值，環境地區都一流，係絕對會encore 再 encore. 另讚，員工都好有heart & passion! 只要你食牛，喜歡steak 我建議你嚟至少一次，MTR 嚟方便，另外我朋友食開跑馬地分店...食Pasta 一樣係狂讚 !可想而知，兩間店出不同食物都maintain 到高水準，要講好食二字唔難。但可以令一個普通人寫一篇文章去形容讚美，佢真係值 爭d 唔記得，薯蓉一定要配；p

Very terrible service and extremely slow. The staffs there are quite rude. Won’t go there anymore.肉質在下降，並沒有宣傳那麼好。上菜速度極慢，而且服務生只想找藉口，為他們糟糕的服務辯護。

位於西環既呢間西餐廳玩味十足，餐廳特別之處係好似超級市場咁有貨架賣乾貨同凍肉櫃。-超級市場係賣外國嘅乾貨，好多選擇。主打健康飲食。-客人要起凍肉櫃揀自己想要既扒，師傅都會向你介紹唔同既肉類，再按照你嘅人數去安排份量，廚師會依你既選擇去煮，你仲可以指定煮法，醬汁同配料。即買即煮，我地揀呢塊最後都係百幾蚊。-我地仲叫左一個青口配薯條，青囗好新鮮！-性價比好高，鐘意食牛就要黎試下，分分鐘仲平過自己買肉煮！

餐廳一邊提供早午晚餐，另一邊廂則是小型超級市場，產品大多來自國外。 這裏更設有各式凍肉專櫃，顧客可以購買回家或由餐廳廚師即場烹煮。環境：一甫進店便看見開放式的水吧及廚房，餐廳裝修設計帶點工業風。食物：午餐可選擇2道菜或3道菜（每日提供不同菜式），我光顧了兩次。第一次：頭盤：Mushroom Soup 蘑菇湯熱辣辣的蘑菇湯，十分creamy。 餐廳用料十足，每一口都充滿蘑菇蓉。主菜：Tomato Risotto 蕃茄意大利飯意大利飯口感適中，吸收了所有蕃茄精華，加上帕馬森芝士，這配搭簡直天衣無縫。Grass-fed Ribeye 草飼牛扒（5成熟）另加$40換來又乾身又堅硬又overcook的牛扒，實在令人太失望。第二次：頭盤：Leek Tamato Soup 香蔥蕃茄湯依舊熱辣辣，但略嫌湯頭不夠濃郁。主菜：Roasted Chicken 烤雞雞肉用上特製香料醃制，烤焗後肉質軟腍，配上營養豐富的小米，有著強烈的中東色彩。 個人比較少接觸中東菜，但這道菜十分美味，酸忌廉配上中東香料，確實起了化學作用，令人對這道菜欲罷不能。Grass-fed Ribeye 草飼牛扒（5成熟）再一次挑

Went for brunch. We ordered the all day breakfast menu.Poached eggs, chipolata, bacons, beans, peppers and sourdough breads. Not very English but tasted alright. Portion was small though.Usual combination but not enough dressing.The goat’s curd was tasteless. So it’s a basic avocado on toast. Pricey.In general, comfortable place for family gathering but don’t expect high.

星期六的下午，同女朋友想搵一間寧靜的餐廳，結果搵到呢間幾有特色嘅扒房。呢間餐廳採用落地玻璃，光線充足而開揚，感覺就似係戶外茶座。呢一間餐廳其實係半間超市，售賣唔少黎自英國、澳洲、美國嘅食物。餐廳其中一個特色，係佢提供即買肉即煮服務，客人可以前往凍肉櫃，選取喜歡嘅肉類，之後去收銀處落單，選取喜歡的熟度。今次我地兩個無揀到肉，只係揀左餐牌嘅兩款午餐菜色-Lamb Burger 同Steak Sandwich。兩款熟度我地都要求Medium-Well。首先評一評Steak Sandwich，份量算大份，薯角喺比較薄嘅一種，所以幾脆。至於Sandwich 方面，烘得好脆，所以好香口，配上生洋蔥和熟洋蔥，的確不錯。牛肉方面，廚師一早已幫食客切得很整齊，肉質不錯。之後就是Lamb Burger，羊肉漢堡混合辣醬，所以有一些辣香，可惜喺肉質偏硬，唔夠新鮮，估計叫番凍肉櫃嘅扒質素會較好，而個包放左好濃既芝士，唔錯不過有少少咸。

同朋友食飯，佢介紹呢間餐廳，話可以自己揀肉拎去煮。聽落幾得意，就去試下啦。環境氣氛不錯揀肉的地方負責人感覺專業同nice青口不錯，有70分牛扒over cook了少少，冇乜肉汁同牛味，亦不香口，個人喜歡表面炭燒到脆脆地的，65分吧羊架肉質不錯，然而烹調沒有特別出色，個人喜歡厚切一點的薯蓉較清淡不夠creamy ，沙拉合格，跟扒的醬汁如之前其他食評提及認真非常麻麻，我主要點黃芥未食算呢款紅酒$360，易入口，不錯總結而言，呢間餐廳食物不過不失，有得揀肉幾得意，環境氣氛亦不錯，價錢亦算較便宜，服務友善，當晚用餐愉快，是一個不錯的gathering 地方

Prosciutto and fig 無花果沙津好美味的沙律🥗！新鮮的無花果帶有濃濃的果甜，吃得出成熟度剛好。配有意大利風乾生火腿，帶有不太濃的鹽味，加上意大利軟芝士和新鮮的火箭菜。淋上意大利黑醋，酸酸甜甜，十分開胃。再加上脆口的榛子，口感和味道豐富，推薦！//Smoked lemon chicken//雞肉十分入味，有陣陣檸檬香和香草味，微甜而香口，十分美味，雞肉完住沒有冰鮮味。而半隻雞肉配上粗麥粉分量剛剛好，粗麥粉的淡淡麥香起了像白飯的作用，不會喧賓奪主，也能飽肚。//自選西冷牛扒//可到餐廳內的售肉地方選用，會有專人為你介紹各種肉的特色，十分專業。師傅亦會按人數幫你決定分量。我們只需要選肉的成熟度、汁、要不要配菜，另外肉亦可選吃草牛或飼料牛，口感亦有不同，之後便可以舒服坐下等吃大餐。所謂買完即煮，鮮味十足！我們選的是吃草牛的西冷牛扒，不會太有多脂肪紋理、五成熟，剛好，手掌大的分量，只需百元多，味道亦不錯，絕對推介愛肉之人來試一試！//Apple pie & vanilla ice cream//Apple pie 較甜，皮亦較乾身，味道一般。

Reservation preferred!!唔book位就可能要等耐啲啦。話說去嗰日係星期五，人真係好多。排左隊一陣，但係無損我哋食牛嘅心情。一坐埋位，侍應就教我地點樣點餐。首先一出到去，就好似街市買餸咁，有個肉佬斬定啲肉俾你揀，要肥要瘦要大要細任君選擇。難得去一次梗係揀最邪惡㗎啦，咁先夠juicy。揀埋肉汁同配菜，個肉佬就會係你面前送過去廚房咁就包保唔會俾人如假包換。嗰日呢由於我哋坐吧枱，所以可以感受到嗰個爐係幾咁足火喉。雖然一班廚師都要同時煎幾塊扒，但係佢哋一啲都唔馬虎，而且5成真係五成熟呀。另外我哋都開咗支餐酒送牛扒。好啦到真係食啦，塊扒真係入口即溶，肉味好夠，建議可以揀紅酒汁，呢個配搭會係唔錯嘅選擇。配菜我哋揀咗薯蓉，係幾creamy。呢間餐廳環境氣氛都唔錯，建議可以係紀念日，慶生之選

朋友生日，作為食肉獸嘅我哋就絞盡腦汁諗下邊度可以滿足幾位牛魔王。咁啱同事介紹西營盤Feather & Bone有靚牛食，於是就用Apps訂咗位，依家訂枱電話都唔使打，真係非常方便。OpenRice話的喺西營盤站出閘，但好似香港大學站比較近。因為喺月台行上路面要成9分鐘先上到去。可能因為早訂枱嘅關係，侍應安排左我哋坐喺近玻璃角落嘅一張長枱，自成一角原來傾計就更自在，因為餐廳坐滿人嘅時候都幾熱鬧㗎。望吓Menu，佢有兩種選擇，1: 每位$300廚師發板，2: 就係我哋自己出去肉櫃到根據肉嘅重量同埋品種黎計錢。我哋三個就揀咗後者，因為可以依照自己嘅喜好去揀好似可以試多啲唔同嘅嘢。我哋揀咗安格斯和牛牛柳，貪佢脂肪比例少。仲有hanger beef 同埋肉眼。全部都叫咗五成熟，再加配手切薯條同埋沙律菜。一上枱已經俾佢嘅賣相吸引，配上佢自家製嘅自選醬汁，我哋都忍唔住相機食先影咗好多相。三款扒入面其實有兩塊都真係做到五成熟，其中一塊就煮得過火左少少，但香濃牛肉味同埋豐富嘅肉汁已經加曬分！不得不提佢嘅手切薯條，女朋友食到唔停口，除咗香脆嘅薯味之外，佢嘅茄汁亦令我哋讚不絕口，因為唔係死甜酸味嘅茄汁，而係

It’s almost 20:30. I had been craving for some lamb chop since the afternoon. Walked into feathers and bones to have these guys cook for me. There were tons of other people having the same ideas. the staff sat us down at the only bar seats available. I actually love sitting at the bar for most restaurants. That’s a front row seat to all the actions. You would also get the best service and best handling of your food!We went to the meat counter to pick out specific pieces of meat that we want. One

之前行過Feather and Bone見到佢既落地玻璃好有外國既感覺，終於得閒去試一試。不過真係有啲失望。因為平日關係，店內只有兩、三枱客，所以可以坐到窗邊位置，感覺係寫意。但當落單時，d staff只是顧住傾計，見到都扮睇唔到咁，等左好耐先有人肯過黎落單，感覺不良好😥叫左個Classic burger,味道一般，牛肉太乾身，一啲都唔juicy,薯條都係唔好味！另外再叫左個mocha,跟埋個rocky朱古力，味道不錯👍🏼係不錯配搭總結雖然野飲ok,但相比Burger咁既質素，令人失望！另外Staff只顧住傾計，當客人透明！服務真係要再改進！