難得放假, 梗係想食餐好嘅 朋友介紹呢間越南野幾抵食, 一於去試吓 Lunch有set可以比大家揀 仲免費配埋柑桔蜜 亦都可以加錢要特飲 食物款式都多選擇 基本越南菜有既菜色都有 我哋叫咗一個三餸湯河 可以用優惠價加配小食 三個小食都好吸引呀 最後呢我哋就揀咗蒜蓉牛油雞翼 另外再叫咗豬頸肉，馬拉盞炒通菜黎share 先講吓碗三餸湯河 牛骨湯好味，配埋生牛肉就最fit啦 個加配嘅雞翼啱啱炸起 熱辣辣送上黎 正! 豬頸肉份量啱啱好，味道都唔錯 馬拉盞通菜好惹味 同朋友食到好飽 果然朋友冇介紹錯 係性價比高既一餐 另外見佢餐牌仲有越式撈檬粉同埋越南法包 下次一定會同朋友再搵日嚟試吓 另外要講一講就係佢環境充滿越南feel 雖然間店細細間但係都裝修得幾靚 坐得都算舒服

今日收工之後，約咗朋友嚟到荃灣搵嘢食，經過見到呢間冰室裝修懷舊，食物亦都幾吸引，就入咗去試吓，果然有驚喜。 我哋兩個人叫咗番茄米線配瑞士雞翼，滑蛋叉燒飯，仲有芝士西蘭花，嘢飲就叫咗紅豆冰同埋阿華田脆脆，最後大家都食到飽飽，好滿足。 蕃茄湯好足料，茄味濃郁，好開胃，值得一讚。而瑞士雞翼亦都好入味，啲雞肉好林，呢度嘅瑞士雞翼係雞全翼，感覺更為滿足。 而滑蛋叉燒飯份量對我地兩個女仔來講就好大，啲蛋夠滑身，啲叉燒亦都好腍，好味。 芝士西蘭花嘅份量亦都唔少，啲芝士有少少拉絲嘅效果，亦都做得唔錯。 嘢飲方面，阿華田脆脆唔會落得太多水，唔似平時其他嗰啲餐廳落得太少粉，味道會太淡，呢度就冇咁嘅情況。 總結來講，食物質素唔錯，會再嚟幫襯。

成日喺open rice見到啲人話呢間好好食，抱住試一試無妨嘅心態約咗朋友去呢間食🤪 一入到去就見到甜品區，有好多款甜品🤤 鋪頭入面好多人，因為有預先預約，所以都算快比到枱我地用餐👍🏻 呢間嘅日式放題好多選擇，有刺身、壽司、手卷、炸物...... 如果想食熱食仲有牛肉鍋同粥個類揀🤤 唔好睇佢所有野都細細舊，其實係可以令顧客再不停叫其他野食😆 不過呢間大滿喜半個鐘前就last order，會有侍應行埋黎提顧客落單，為免同時間太多單，建議大家係last order前要叫定曬啦

同朋友嚟到旺角買化妝品，順便喺附近食晚餐，上網搵吓附近嘅Cafe，就決定咗試吓呢間。 晚餐揀咗黑松露帶子雜菌飯，朋友要咗煙鴨胸意大利飯，小食叫咗蜜糖雞翼，再加啲錢要買個套餐包沙律同埋甜品。 黑松露帶子雜菌飯超好味，帶子細細粒，有好多粒帶子，配埋黑松露個味超正。 煙鴨胸意大利飯好大碟，每塊煙鴨胸大細適中，食到好飽。 蜜糖雞翼甜甜地好好味， $40有六隻，價錢都算合理。 甜品揀咗朱古力芝士蛋糕，平時係街都係食開紐約芝士蛋糕，今次嘅朱古力芝士蛋糕唔會好滯，朱古力味濃，唔錯。 另外呢度嘅飲品都相當有特色，有唔同特飲同埋花茶，我揀咗一杯叫女王嘅特飲，好重玫瑰味。 另外值得一讚嘅係呢度嘅服務態度，朋友叫咗花茶，店員好樂意為我地嘅花茶加水，成間餐廳整體感覺唔錯，有機會會再嚟幫襯。

星期五放工，諗住同朋友食好啲，就嚟咗呢間十分近觀塘地鐵站嘅韓式餐廳。 望吓餐牌，發覺個二人餐都幾啱食，就叫左呢個，朋友想飲人蔘鴿湯，就加埋呢樣嘢食，最後食到十分飽，滿足。 先來一個炸雞沙律，炸雞辣度適中，配埋沙律菜，好開胃。 跟住係水冷麵，麵條彈牙，蝦亦都十分大隻爽口，唔錯唔錯。 主菜有雞翼芝士炒飯，雞翼味道唔錯，甜甜地，呢個飯充滿芝士，有拉絲效果，飯亦都夠熱，好味。 小食我哋揀咗燒花膠，燒花膠所配嘅醬汁味道幾夾，食多幾塊補充骨膠原。 朋友叫嘅人蔘鴿湯會配上一小杯酒，客人可以因自己嘅喜好落鍾意嘅份量，侍應亦都會幫客人用鉸剪剪開鴿，方便客人食用，服務唔錯。 飲品我哋嗌左檸檬藍柑梳打，好大杯，賣相靚，有微微漸變色。 總括來講，食物質素唔錯，會再嚟幫襯。

同朋友嚟到呢間西餐廳慶祝生日，一入到黎，環境非常靚， 十分有格調，今晚唔算多人，所以喺度慢慢坐傾計，好正！ 叫咗個香芹牛油蜆，一上碟，就比佢啲蜆嘅大小吸引左，好大隻呀！食落啲蜆鮮甜，又有少少牛油味，唔錯！ 跟住就係帶子墨魚汁意大利飯，帶子亦都係好大隻，配埋個墨汁意大利飯，味道好夾 肉類叫左榖飼豬配菠蘿沙沙，有d雜菜同埋薯角伴碟，菠蘿沙沙令成碟餸既感覺唔會太滯，味道仲好清新 黎到女仔最鍾意既甜品放題，價錢真係超級抵，甜品亦都有好多款選擇！ 我地試左芒果拿破崙，芝士蛋糕，焦糖燉蛋，意式奶凍，同埋tiramisu 芒果拿破崙最好食，十分脆，配埋酸甜芒果肉同埋吉士，十分唔錯 試左咁多款甜品已經好飽，唔能夠挑戰試曬全部甜品不過食埋個甜品放題真係好滿足，係一餐完滿既生日飯！

為咗去觀塘海濱嗰邊行吓，所以決定行下工廠區嗰邊會有咩好嘢食。就係咁我哋搵到呢間特色漢堡小店。 一入門口，佢地個老闆親自帶位。講番間鋪頭嘅環境，全部都係吧枱位黎嘅，咁岩撞正有英超，氣氛真係一流呀。 至於餐牌方面，佢哋有漢堡、沙律、特色薯條、仲有特飲。係樣樣嘢食都咁吸引嘅情況底下，我哋就叫咗老闆推介下，老闆介紹我哋食經典漢堡同埋熱帶漢堡，仲有芝士肉醬薯條，我哋就叫咗呢三樣嘢食再加一杯蜜桃紅茶同埋香蕉奶昔。 啲嘢食放好晒係一個餐盤度送上黎，望落好吸引，漢堡包入面塊扒新鮮煎起，熱辣辣又夠厚，好食！加上漢堡包嘅醬味道好夾，熱帶漢堡入面嘅菠蘿都有輕輕燒過，亦都令個包更加好食! 薯條亦都係熱辣辣送上，配埋芝士同埋肉醬，真係十分邪惡啊！ 另外兩杯嘢飲味道都唔錯，絕對會再嚟幫襯！

今日我阿爸阿媽嚟到會展食自助午餐，一入到去已經見到維港嘅靚景，環境非常唔錯，坐得好舒服 食物方面首先去沙律吧自己砌沙律，啲菜都好新鮮，亦都有唔同嘅醬汁俾你選擇。 今日嘅主菜有喇沙同埋卡邦尼意粉，喇沙味道唔錯，有啲海鮮例如好似係蝦同埋蜆喺度，個卡邦尼意粉就味道正常咁啦，另外個西式湯都幾好飲。 黎到甜品，有好吸引嘅任食movenpick雪糕，都有幾隻味揀，唔錯唔錯！ 總括黎講呢個價錢有呢一個靚景同埋啲食物都唔差，絕對係抵食嘅！

自問唔係譚仔嘅擁躉，反而間唔時會來呢一間小店食米線，發覺都有唔少人鍾意幫襯呢一間小店。 我一路食開佢嘅蕃茄湯米線，個番茄湯夠濃，配菜就有豬肉碎同埋生菜雲耳咁，食落去都比較清新開胃。 男朋友第一次黎食就食咗個拌面，配咗個紫菜湯，呢間小店標榜冇味精，但係我一飲個湯就覺得味精比較重，有啲失望喎，如果再有下一次黎食就唔會揀呢一個啦。

呢間小店座位唔多，所以有時都要等一陣位先食到。 嚟咗幾次都係食佢個紅燒牛肉麵，今次試吓新野，叫咗個鹽酥雞肉燥飯，野飲例牌叫咗珍珠奶茶。 D鹽酥雞熱辣辣，配埋個肉燥飯，仲有隻滷蛋，好味 杯珍珠奶茶個味就正常，間唔中黎食下感受下台灣風味都幾好嘅。