Essence

营业中

休息中

一月訂位 佢話最快ge星期六要 三月份但始終友人說要一試這價錢buffet感覺外頭有更多選擇不知道何解 當天冷盤魚生 螺 龍蝦仔總之感覺食物種類實太小 唯獨是酒店始終提供有禮服務

"聽聞"全年爆滿,,"聽聞"要3個月前BOOK位,,"聽聞"好高水準,,,但我可以話未食過1餐想退錢既飯囉,,真係離哂大譜$188 +10% = $206.8/位環境服務都費事講啦,,食物真係差到無人有,,,沙津:反而最多款式,,但好多都係現成,,SMOKED SALMON超平價貨,,超市買果D仲好食,,,湯得2種,,中OR西,,個湯我覺得係唯一叫做正常既野,,,海鮮$188無蠔可以接受,,但佢D質數都5洗咁差,,,粉紅色既TUNA,,有根近腩既SALMON,,細過手指公既青口,,,5熟同韌過像根既八爪魚,,有多沙同有碎殼既螺,,真係火都梨,,,HOT DISH數埋都5夠10隻手指,,上海粗炒都竟然有,,,咁就叫東南亞美食?ROAST BEEF + LAMB一般,,真係好一般,,GRAVY個爐熄左都無人理,,,即煮意粉個PAN都5熱,,個COOK都無心機煮,,推下推下玩煮飯仔咁,,,唯一係佢個TOMATO PASTE睇落真係叫靚D,,,湯粉最有水準係依個,,選擇雖然5多,,但至少叫食得落肚,,,甜品我女朋友形容為小朋友玩泥沙,,5係獨立一件件,,個個係咁叉落去,,,全部變到一PATPA

上月去了趟旅行，回程剛好於周日中午前返抵赤臘角機場，為了延續旅途中的歡樂，待航機一降落未刻下機時團友便即時致電 Essence 訂枱，相约一起吃過自助午餐才分別。 我早聽說東涌 Novotel 内的自助餐食物質素很高，但取價就遠低於市區的高级酒店，據傳媒報導這處的自助晚餐要預訂三個禮拜才可拿到枱，今天正好順道來先試一試它的自助午餐水準如何 。 自助午餐時段由十二時半至下午二時半，我們由機場坐車剛好十二時半前抵達，侍應見我們拖着一大堆行李，便安排我們坐進内面一張靠近落地玻璃的小圓枱，由於靠着高台邊的欄干，旁邊留有足夠空間放行李，服務夠細心值得一讚！這裹面積不少，座位可容納二百多人，據說這餐廳是名師設計，餐廳像劇院一樣刻意分成一级级臺階，而食物的吧枱及厨房就位於中間的位置，所以大部分客人都可看到厨房及食物，而且令到客人不用走大段距離取食物，設計果然有心思，我們坐近窗的位置更有天然光照射，令人充滿渡假中的悠閑感，在這種環境下用餐真的惬意，希望食物也同樣能令人惬意吧！安頓好後已感肌腸轆轆，富然立刻開動引擎馳呈食場，讓我先四周看一偏有甚麽食物再取食，食物種類認真不少，中、西、日、印、星馬菜也

apr 06, 09,3人來dinner buffet,我揀咗 : 1) 頭盤-放棄咗好似有4款已調好嘅沙律-我先揀了煙3文魚,再+新鮮沙律菜同車厘茄(好清甜) 2) 湯-有中湯同西湯,揀咗淺嚐呢個大蒜薯蓉忌廉湯-有薯仔味,都不錯 3) 魚生-只供應4款魚生,唔要8爪魚,拎咗3文魚,吞拿魚同油甘魚/鱆紅魚-喺3文魚可取d,另外2隻有少少筋 4) 貝殼類-只有翡翠鏍同小青口-隻青口就麻麻地新鮮,隻翡翠鏍就肥大肉厚 5) 熱盤-大部份嘅熱盤都拎咗少少-有專人切嘅羊架最美味,又腍又嫩,又有羊脂,仲有羊味添-其餘嘅羊脾,錫蘭橙茶鴨胸,荔枝菠蘿蝦,豬頸肉,鮑片菇香菜都合格-另外仲有牛,炒麵,烚菜芯,炒飯我無攞到試 6) 即炒意粉-我揀咗墨汁濶條麵+白汁+磨菇,煙肉碎同洋蔥粒-要求唔好將濶條麵煮得咁熟,同少汁-全部做到-個磨菇同煙肉碎最惹味 7) 甜品platter-呢碟咁雜亂嘅當然喺我嘅自選啦,集合咗大約14款甜品-有黑森林,啫喱,朱古力3重奏,芒果mousse cheesecake,tiramisu,芒果pudding,士多啤梨mousse,咖啡profiterole............-

今日一家大細嚟食Lunch Buffet因為抵過去飲茶,之前都嚟過4-5次出品都OK不過今次較失望魚生及生蠔都唔夠新鮮熱食好似比之前少咗種類.好彩羊架同牛扒無失準,為有食多幾件甜品無之前買相咁靚及偏甜係好鬼甜果隻.唔知厨房係唔係轉咗師傅.我諗近牌都唔嚟住喇.

好失望, 食咁多次酒店Buffet, 最失望都係今次,山長水遠入到東涌, 食品款式好少, 蔬菜只得烚芥蘭一款, 魚只係得秋刀魚, 蒸魚都無條,煎炸食物又唔見, 龍蝦湯又難飲, 最慘臨尾的餐飲都無。須然係平, 但係平都唔係咁架!

今日同男朋友提早慶祝情人節,已經第4次黎呢度食,原本呢度次次都要早成個月訂位,但今次竟然早幾日已經訂到,訂位時問左係無生蠔同龍蝦仔...唔怪得有位啦~~入到去唔係太多人,食物款式同之前幾次差不多,係差左生蠔同龍蝦仔,不過魚生刺身就變左厚切同任攞(以前要排隊等師傅切幾片比你),咁D刺身都好新鮮同甜美跟住食左D意粉,係師傅即煮,都OK,係份量多左DD,下次一定要早D叫師傅份量少D,另外食左牛扒同秋刀魚都好味。最後食甜品,食左木糠布甸同窩夫加雪糕,雪糕就真係差D,無咩味,但係木糠布甸就係我既至愛,黎呢度有一半都係為左佢總括黎講,以200蚊既價錢,我覺得算係咁,比起聖誕節去尖沙咀500蚊位食左D唔係咁好既自助餐,呢度好超值架啦!!

凍冰冰的年初一的家庭樂*環境舒適, 高樓底給人一種開洋的感覺, 體貼之處是洗手間是提供暖水洗手,美中不足之處是兩張二人檯變成六人檯, 比較擠壓, 大概是新年的關係吧. 食物水準尚可. 魚生新鮮且厚切, 印度咖哩和墨西哥牛肉都不錯. 羊架和牛扒都可以. 甜品則較遜色, 款式少, pancake 竟然冇cream芒果同香蕉.以188+1 的新春價, 確實抵食.HAPPY CNY!

今日1家4口去食自助晚餐...每位$188+1冷盤都係沙律,菜,通粉果d..都有煙3文魚ge..熱盤真係冇咩好食..烏冬,炒飯,魚,咖哩牛腩,炒薯仔,有得切羊架,同西冷,煮麵食,,刺身有三文魚,魷魚,sushi賣相唔多好...味道亦一般般..魷魚刺身太厚太厚...好似食緊橡皮..甜品總類相對地就算多...都有10款以上...但味道就真係...得兩3款好食..未坐爆但都算多人...野食雖然會refill....但refill ge野係一樣..所以總類唔多...但環境同服務都ok..但就唔會食第2次...

計劃左好耐要試呢間buffet，因為真係好難book位，呢次我係個多月前book落的，認真要試下點解咁多人黎食以食物質素來說，真係幾好，但種類是比較少，特別是熱盤，沒有太多選擇，當日我只好主攻魚生，羊架及甜品，但以$188這個價錢來說，實屬物有所值 刺身: 好新鮮，仲要件件厚切，好味沙律: 有多款選擇，都幾特別，味道不錯雞肉串燒,羊架: 我覺得好好味，食完又去攞，特別推介佢d羊架，好正甜品: 款式不多，不過幾好味道，切到細細件，可以試多d都唔怕太飽，不過唔係咁滿意既就係，雪糕冇得自己攞，要排隊等人幫你"筆"另外仲有蟹，粉面，燒味，生果.......咖啡同茶就任飲讚: 服務態度一流，當日我朋友生日，見我地攞住件cake係度講happy birthday, 女侍應主動問我地要唔要candle，仲點著埋，幫我地影埋合照，好多個侍應行過仲會同我朋友講生日快樂，真係好親切

12月24號平安夜，novotel酒店有聖誕節package一晚酒店+2位自助餐都係HK$1,488~D食物OK! 魚生唔係太好，羊架同牛都唔錯!長腳蟹都新鮮，但唔夠甜，會展果D好食D!

比二百幾食呢一餐我覺得唔值, 二百幾可以食得更好。今次係第二次黎呢度, 第一次食覺得唔錯所以再黎但今次食物種類少左,例如冇左生蠔同龍蝦仔等, 沙律也少了選擇青口好似唔同上次, 難食左, 好腥-.-最好笑就係其中一隻東風螺入面係冇螺, 而係有隻死左既寄居唔知蝦定蟹, 都幾嘔心熟食冇乜特別, 甜品也是, 唯一覺得唔錯係佢嗰啲意粉,我叫左個白汁意粉, 雖然料唔多, 但加埋芝士落去真係幾好食~另外羊架都唔錯, 肉質很淋~魚生也可以~雖然食到好飽, 但下次應該唔會再黎...希望佢有所改善啦, 最少多返啲野飲, 連野飲都冇, 得水同奶茶-.-

考完試了，　又是時候要鬆一鬆於是在自修室時，　已經約訂了這個午餐聚會。選址東涌是因為聽聞這裹的ｂｕｆｆｅｔ　抵食，　而且鄰近ｏｕｔｌｅｔ　又可以去行街街。１２８再加一的午餐ｂｕｆｆｅｔ，　如果不是聽聞了它的名氣，　定不會抱太多期望。於是我們都帶有一絲盼望前往。結果是：符合預期，　但又算不上是很驚喜。ｂａｓｉｃ　ｉｔｅｍ　做到了。服務沒有其他人提及的差。waiter 都是禮貌和服務周到的, 連雪糕也是專人替你舀的,印象中即使我吃那個900 多元和800 多元buffet 的那一次也沒有這個服務。有刺身和煙三文魚，　有熱盤，　有甜品. 選擇不是非常多, 但樣樣都不錯。而且老實說, 即是還有那些印度式的什麼什麼我也不會在吃buffet 時吃。比較ｓｕｒｐｒｉｓｅ的是甜品類有幾多都頗出色。ｐａｎｃａｋｅ　和窩夫也是即叫即製。值得無聊時再來．用作朋友聚會地點也是不錯的選擇！！

"食物味道不是難食, 但不是酒店級水準"a sentence to sum upLimited choices for Starters and Sides, Pasta, Main Dishes and Desserts.Nothing special.No soft drink.Service is fine.Noisy Environment.帝京酒店花月庭 and 美麗華商場Todai are preferred.$188 + 10% service charge

本人住在東涌,好清楚這區的食店.自助餐最出色就係甜品,三文魚都好新鮮,不過食物方面少d選擇,如果百幾蚊一個自助餐都算唔錯,好多人去,booking都要三個月,低食,乾淨,好味.所以我每個月都會去一兩次食.