Espuma (M88)

营业中

休息中

響openrice 見到咁高rating, 去開中環即刻要試試星期六，晚飯時間唔洗等位，仲可以坐窗邊。環境不錯，幾寧靜由於滿心期待，Menu上好多都好吸引，兩口子叫左都幾多野食，仲擔心會食唔曬。（好彩！？）佢d portion 好細.... 最後我地仲可以叫埋甜品我地食左：焦糖單骨雞亦 （唯一好食既野）魷魚筒生薑飯 （勁細碟，味道冇驚喜）龍蝦湯 （勁咸！！似意粉汁多d）煙燻安格斯肉眼牛扒 （本來最期待就係佢，可惜最失望.....我地叫左medium, 5成熟，黎到完全係well done全熟....又鞋又難咬，得咸味冇肉味.....）兩個花茶 （不過不失）綠茶窩夫 (Moffle) （非常的硬！唔好食 ）結果賣單成800 兩個人.... 比多少少錢去酒店食buffet 冇咁嬲

今日同朋友黎中環食個早晚餐蜂蜜生薑柚子茶，朋友說很不錯香芋紅豆冰，好似沙冰咁嘅質地，味道唔錯西班牙黑毛豬火腿薯蓉，呢個我好鍾意呀!!金黃色嘅薯蓉球，加一片薄薄嘅黑毛豬火腿，外脆內軟鵝肝伴鴛鴦梨，鵝肝配埋鴛鴦梨即刻完全冇晒油膩感，整體感覺不俗煙薰烤安格斯肉眼牛扒，嚟到主菜嘞，一見到煙薰牛扒就覺得好吸引用一個木盒上菜，好有氣勢，打開木盒仲有煙飄出嚟，真係好吸引牛扒肥瘦剛好，冇筋!!一嚿牛扒一嚿肥，再加埋牛油真係好香，值得一讚煙薰雜莓乳酪慕斯，賣相同味道都滿足到嘅甜品，慕斯裡面有雜莓同雜莓醬甜甜酸酸咁食完都唔會滯雜果拿破崙，食埋呢個甜品啱啱好之前已經食過兩次，今次有驚喜，下次再同朋友食先

星期五Long weekend 前夕和密友到Espuma撐枱腳訂好無敵靚境枱位是常識吧一隻食肉獸加一隻甜魔, 本來就是兩雄相遇的英雄飯局但氣氛往往於迅息間轉化成笑到標眼淚。所以我永遠都話同枱食飯各自修行的飯聚沒趣,　飯腳往往是飯局成敗的關鐽。鮮奇異果茉莉綠茶 $38茉莉綠茶較奇異果味強，甜度不高，冰涼解喝。朋友點了　紫羅蘭咖啡 $45普通沙律已經不能滿足我，所以我選擇了材料豐富的「精選沙律」＄108基本新鮮沙律菜以外，還有「煙燻三文魚、吞拿魚、熟鷄蛋」等，簡單地配欖㐅油已經夠健康又清新的前菜。我們吃過沙律清味蕾後，接著要迎接重頭戲。其實我們來Espuma 也是為了「煙燻烤安格斯肉眼牛扒」$328身為食肉獸的好他，當見到一大箱的安格斯肉眼牛扒放在眼前時, 我是感受到他不自覺地吞一吞口水, 所以我今晚決心為了他放介，和他放肆地大啖大啖吃。12安士七成熟安格斯牛扒，鹽味牛油在牛扒上除除地溶化著, 外層帶點焦香肉香富有嚼勁，油香四溢肉味濃郁，微微的煙燻味十分誘人。肥膏位入口相當美味, 充滿罪惡感。我每次吃扒也不會放過配菜部份，由其是甘香外脆內糯的粗薯條，烤蔬菜也保持水分，超美味。甜呂方面我們決

週末的長假期過得相當充實, 除了提早吃母親節飯, 拿著相機到處拍, 其中一項就是嘆個下午茶. 聞說Espuma推出了二人下午茶餐, 價格不高, 於是就去消磨了兩小時.男友第一次到Espuma, 雖然不是海景, 但也對光源充足、接近落地玻璃的設計作出讚美, 這般的用膳環境很悠閒.下午茶當中, 甜點與鹹點的比例大概為7:3, 感慨他抽空陪我吃, 因為男生始終對甜點沒有大喜好. 等了大概10分鐘, 一個以英文字母e 的層架出現了, 很有心思, e就是espuma啦~傳統的甜點和鹹點應該分層擺放, 鹹點放下層, 甜點就放第二層和上層. 由下至上去吃, 不過吃貨都沒有太跟這準則了, 就選自己喜歡的先吃.11款食物之中, 最吸引我目光的是君度忌廉紅莓朱古力脆餅, 紅莓和朱古力都是我喜愛的組合~ 酸甜的紅莓與君度忌廉好match.紫薯泡芙都好美味, puff唔會太軟身, 紫薯好幼滑, 甜度適中, 男友都覺得好吃.雞尾酒蝦沙律, 醬汁是重點, 少少茄汁味, 而蝦肉算彈牙, 再沾上羅勒葉碎, 清新是也! 這件是絕對可以多來一件.鮮果蛋沙律, 簡單製作, 但好味, 沙律醬汁不會太嗆喉, 喜歡沙律之中有粒粒

近排真係好忙, 忙到無咩時間放假, 今日就同朋友放半天假諗住去3D館影SANRIO的CROSSOVER, 所以就想吃個下午茶, 咁岩知道之前有吃過的餐廳近期推出下午茶, 還要是 $228 + 10% (二人份), 感覺好像蠻抵吃, 所以就來試一下!!!下午茶時間為2時至5時半, 我們訂了座所以不用等就可以安排入座了, 2時的時間, 中環還有很多上班族在吃午飯, 當然之後就返晒工, 但雖然是平日的日子, 坐坐下都有幾枱的客人來吃下午茶, 我們被安排在近玻璃窗的位置, 陽光很充足!! 看了餐牌先選擇飲品, 再看看下午茶的種類……貴妃荔枝茉莉茶 (熱) (+$15)~~~朋友的飲品先來, 我之前已經飲過幾次, 當然推介給朋友, 荔枝味清香和暖, 配吃TEA很不俗……薄荷朱古力瑪奇朵 (熱) (+$15)~~~今天想喝咖啡, 所以就點了, 這是三層混合式, 第一層是泡沫, 中間是薄荷, 最底層是朱古力, 表面再灑一點朱古力粉, 喝下去會有濃濃的朱古力及少少咖啡味, 再混合清新醒神的薄荷味, 幾fresh~~等左一陣, afternoon tea set就來了, 用一個英文字母 “e” 的透明架

睇到吸個tea set好吸引，又唔貴，於是同朋友一試！食乜呢，睇下先：嘩！同張相一樣咁靚我擇左fruity tea:草莓烏龍茶一開始飲時覺得淡淡地，但原來越煲越濃草莓味！！正！柚子蜂蜜薑茶跟住開食。。。d咸點真係好good!!三文魚脆多士-真係估你唔到！塊煙三文魚係好大塊！好味！！！雞尾酒蝦沙律--味道比較清，隻蝦好爽 野菌酥盒好香，你睇！！野菌好多！！對於我呢個“菇菇怪”係件超興奮嘅事，好好味！！！(想食多件...haa)鮮果蛋沙律-鮮果切細細粒，無論係口感定味道都同d蛋沙律配合得剛剛好！甜品方面，就無咸點咁驚喜，比較喜歡嘅係呢個好睇又香滑嘅綠茶布甸仲有呢個：君度忌廉紅苺朱古力脆餅--脆餅有香濃朱古力味！其他甜品嘅味道就普普通通。整體上，呢個tea set 嘅咸點好出色，果茶好正！！如果甜品可以再好味d就perfect!!

周末的傍晚，走到中環>>>Espuma<<<，在輕鬆舒適環境，悠閒地享受一頓晚膳。餐廳除了供應很經典的西班牙餐飲，也有crossover他國的菜式，選擇甚豐。裝修設計閑適十足，營造滿滿空間感，非常寫意。先吃頭盤煙三文魚配西班牙蕃茄脆多士 (HKD78)。以鮮甜煙三文魚包裹著帶辣的西班牙蕃茄，既醒神也開胃。蕃茄的辣香來自蒜蓉、橄欖和羅勒，刺激得來容易入口，調味調得恰到好處。多士烘得微微香脆，不會過乾或熱氣。份量略少，兩人分享的話，每人只得一件，少食多滋味。飲品是冬日特飲蜂蜜紅棗杞子茶 (HKD38)，香甜細潤，口感豐盈，但杞子容易塞著壺咀，加添傾倒難度。這是一人份，故侍應只會奉上一隻玻璃杯，給你倒一杯茶，方才離開。魷魚伴生姜銀魚柳飯 (HKD118) 的魷魚薄身位置煮得脆口，沒啥調味，比較淡口，可佐以碟上的橄欖油或沙律醬。米飯混有日式鰻魚汁，但仍以清淡為主調。以主菜來說，份量很少，一人份也未覺飽，好處是仍可再點甜品吧。茉莉茶焦糖燉蛋 (HKD48) 上面配以雜莓，為甜美幼滑的creme brulee添加酸度。茉莉香氣四溢，絕不欺場，色香味俱

難得喺呢個市道，男人升職加人工，咁開心一定要慶祝一下食餐好今晚黎到中環呢間espuma,環境氣氛好適合情侶黎談心，窗外雖然無海景，不過半山嘅燈火做點綴，或多或少都增添左啲氣氛小妹揀左雜菌湯，而男人就揀咗干邑龍蝦湯，雜菌湯清香得黎又菇味，又有雜菇碎喺湯度，連忌廉嘅香滑，口感一流相反龍蝦湯個湯底夠晒濃郁，擺明足料，如果配啲麵包或者酥皮，應該會好夾再無咁膩，鐘意濃味湯就一定要試！主菜煙燻烤安格斯牛扒，待應捧上枱係一個木盒裝住，一打開啤煙四散，同個擺法好精緻，滿足咗小妹嘅視覺，煙燻嘅牛扒熟度岩岩好，有牛味有咬口之餘都唔un...唔使點醬，牛肉原汁原味好juice,份量岩岩好，唔會好肉膩感黑松露醬炒鮮雜菌寬條麵，香濃白汁加埋雜菌，不嬲都係絕配，再加上黑松露直頭錦上添花，黑松露嘅香味刺激到味蕾，真係色香味俱全主菜食完當然唔少得甜品，是日精選係紫薯窩夫配雪糕 (半份)新鮮熱辣即叫即整，所以制作需時，但睇得出材料豐富，有粒粒紫薯喺窩夫中間，脆身嘅窩夫配合香甜嘅紫薯，口感一流，加上一球movenpick，為呢個美妙嘅晚上劃上完美句號！

一個星期忙足六日，終於等到星期日，可以放假抖吓。喺 IG 見到 Espuma 又推出咗好多新菜式，梗係想去食吓啦，即刻約咗兩個朋友，一齊去中環嗰間，食番個 Lunch，跟住順便再去 shopping。下晝一點幾，過咗食飯時間，唔算好多人，好開心，有個好正嘅 window seat 等緊我哋，望住又靚又開揚嘅 view 食飯，胃口自然會好D啦！先叫咗個花茶飲住先，我哋三個人，分別叫咗，山楂士多啤梨茶、生薑蜜糖柚子茶，同埋蜜糖蘋果茶，大家可以 share 試晒三款唔同口味，花茶好快已經送到，用個熱爐 keep 住熱，等佢唔洗飲飲吓凍晒，味道失晒真，加埋個細細個嘅茶杯，確保你每啖飲入口嘅茶，都係暖笠笠嘅，而且，D花茶用個透明玻璃壺熱住，個樣零舍靚過人㗎。先飲杯士多啤梨山楂茶先，除咗有好香嘅士多啤梨味之外，仲有酸酸哋嘅山楂，感覺幾開胃。再試蜜糖生薑柚子茶，有好多生薑，同埋好大嚿嘅粉紅西柚，心諗可能會又酸又辣，飮落口原來甜甜地，感覺清新又暖胃。再試埋蜜糖蘋果花茶，茶色好清，入口又甜又香，感覺好滋潤。再叫咗個雜菌湯，有一塊好脆口嘅多士伴碟，將D忌廉攪勻之後，個湯質地好 creamy，仲有好多好新鮮

自從上次到訪灣仔分店~試過麻糬窩夫，可以稱得上一試傾心~試盡其他窩夫亦無一間比得上佢~男友見我久不久，就將Espuma掛上嘴邊~~減肥期間，放我一次監~~黑松露薯條可以稱得上Espuma名物之一~上台份量好足，而且即點即炸~~要讚下薯條炸得乾身~外層香脆~ 一咬開粗薯條，滿滿粉薯在內~再配上惹味松露醬~~真係忍唔到口~~香辣海鮮意粉份量有點不足~2人分享的話，每人只有2、3啖~不過辣度控制得好~小妹一向係無辣不歡~辣度滿足到我，而且唔係死辣~令人想一啖接一啖~海鮮有蝦、青口、尤魚~~除左蝦肉有少少霉，唔太新鮮之外~其餘2款海鮮都好出色~意粉口感亦彈牙~煙燻烤安格斯肉眼牛扒一上台好有份量，一整個木盒~待應拉開木盒，一股香氣四溢~餐廳加入了rosemary再煙燻~視覺、嗅覺都好滿足~~原本點了5成熟的牛扒~但切開相當血紅，相信只有3成熟~牛扒脂肪甚多~ 牛味略厭不足~ 氣勢登場，總令人期待~但入口表現唔算太理想~香芋麻糬窩夫最後就係我最期待一環~~外皮香脆，咬落去煙煙軔軔~滲出淡淡芋頭香~配有香芋味忌廉 & 香芋醬~~每樣都帶天然芋頭香~起碼唔係一種化學芋頭味~~今次專登揀番雲呢拿雪糕~~

週末的晚上，固然要相約佳人共進晚餐 夜中環往往給人一種浪漫氣息。一間優雅的餐廳，更會為此氣氛錦上添花。 於17樓俯瞰中環景緻，而內在裝潢亦別居用心，令人心擴神怡，放鬆心情，準備迎接美食 黑松露芝士薯條 ($68) 小食點了這份黑松露芝士薯條。很有驚喜的一份薯條！炸得香脆的幼薯條，佐以份量十足的芝士粉，以及微酸開胃的黑松露醬，簡單，卻足以令人滿足 鵝肝黑松露意粉 ($128) 先形容一下意粉。汁料煮得很入味，突出的黑松露咸香，單是意粉已經令人欲罷不能。在此之上，還有香煎鵝肝 味道濃厚可口，跟入味的意粉相互映襯 煙燻安格斯肉眼扒 ($328)店員手捧著一個木盒放上台，徐徐打開木合盒，只見一縷輕煙散出，過後，呈現眼前便是這份medium的ribeye 受熱均勻的牛扒，令每一寸肉質都剛好鮮嫩又juicy。smoky的味道，倒令人有新鮮感，使味道的層次添了多一分色彩 The Devil Eats Oreo Brownies ($128)推砌的很用心，亦很小心的水滴狀waffles，佐以用test tube盛載的配料：朱古力粒、綿花糖粒、朱古力syrup、vanilla sa

之前去過尖沙咀espuma吃過甜品覺得不錯，今次知道中環出了tea set便去試試看。e字型的tea set絕對是用來打卡吧？食物㮔類及款式以這個價錢是很好的性價比，而甜點及咸的比例是8：2左右，加＄15元可以升級特飲選擇多很多！絕對超值！而我點了蜜桃柚子苿莉茶，味道不太甜，吃過甜點再喝，感覺清新。 雞尾酒蝦沙律 很爽甜，醬汁亦很配合！酸酸甜甜的，很喜歡這一個！紫薯泡芙 滑滑的紫薯料味道不俗，配合鬆軟的外層，口感不俗 。忌廉紅莓朱古力脆餅 是我最喜歡的一個，一來紅莓迎合本身最愛生果的我，最特出的是脆餅是香濃的朱古力，而不是甜耶耶的。最後一提抹茶布甸，趣緻的容器已加分不少，布甸軟質感亦軟滑

在中環蘭桂芳Street Food Festival逛了一下後，決定到附近尋覓晚餐。威靈頓廣場的食店，種類繁多；今晚決定到17樓「Espuma」已經第二次到此店。上次食tea 時已經覺得很舒適又可以遠眺中環景色。焦糖單骨雞翼$68 首先師傅將雞翼切開一半，客人不需要拆骨而且進食方便。焦糖雞翼經過單骨之後，焦糖味慢慢滲透在雞翼內，肉汁juicy ~ 香烤牛柳粒配黑醋汁$118 店員遞上這道菜是已經夠特別細細粒的牛柳粒配上黑醋甚開胃，令人津津有味。鵝肝黑松露醬意大利麵$128 鵝肝煎得夠香，入口即溶。意粉夠creamy，入口質感覺得好滑，硬度適中。同埋一d都唔乾，大量雜菌同埋黑松露既配合，味道得以再提升。即使食完，個味道都仲留係口腔！煙燻烤安格斯肉眼牛扒$328 安格斯牛扒上枱既時候利用盒子奉上。神秘感得來又有氣勢，仲會噴煙添。打開後安格斯肉眼牛扒都係好有份量上面放有牛油，令牛扒入口更滑溜。五成熟的關係，清晰可見肉質略帶紅。牛扒入口都幾淋身，咬既時候有肉汁流出，又夾雜著牛油香！ 招牌水果茶$42 招牌水果茶內含火龍果，青紅蘋果及橙，顏色已經相當鮮豔。而且味道不算太甜，利用小蠟燭令到水果茶保

最近媽媽常說我四處去食好東西又不帶她去，一直都想找個機會向她介紹我喜歡的餐廳呢！看見Espuma的Facebook張貼了最新推出的Afternoon Tea Set，馬上就想到要和媽媽去試～過去都分別去過中環及灣仔分店品嚐晚餐，都覺得水準出色，所以對這次下午茶都很期待！結果果然沒有令我失望，不單賣相吸引，連味道都有高水準的表現，Espuma一直都是我心目中最喜愛的餐廳中的Best 3啊！店員安排了我們坐上了靠窗的4人座位，太好了！因為想到食Tea Set都會佔了很多空間，能夠有4人座位正合我意呢～餐具一如以往的刷到閃閃亮亮，很有好感。桌面上還放有Afternoon Tea Set的Menu，我就是衝著這個而來的啊！因為怕Afternoon Tea Set在假日供應緊張，所以我還是預先預約好了。本身套餐配上Cafés Novell的優質咖啡或精選的紅茶，但加$15可以升級特飲呢！因為一直都很喜歉Espuma的水果茶，所以我們決定要轉特飲～下單後沒多久就送來了美美的Afternoon Tea Set！大家有留意到層架是個大大的「e」字嗎？它正正是代表著Espuma的「e」呢，很有心思～提子

近排天氣陰情不定，忽冷忽熱、時晴時雨，實在讓人好生納悶。老公非常識趣，提議陪我去吃頓下午茶，以驅走悶氣。事緣早前友人到訪了中環 M88 的《Espuma》，一試店子新近推出的春日下午茶，用餐期間更  whatsapp 我得意洋洋地說：「可惜你要上班，否則一定預埋你」，真令人氣煞。回家後同老公講起，想不到向來不嗜甜的他，竟然把此事記掛在心，還特意訂了座，說要陪我來品嘗，真窩心。雖然出門口時看過天氣報告，說今天密雲有雨及狂風雷暴，但入座後，從餐廳落地玻璃往外望，見出面天朗氣清，加上對住服務員已端上的一大份 afternoon tea set，心情之愉快，真是不言而喻，一於坐下來慢慢嘆！先介紹一吓這個層架呈「e」字形、代表餐廳名字 espuma 的 tea set，原來定價頗親民，只是 $228 + 10% (二人份)，就已經包括有 4 款鹹點、6 款甜點及提子鬆餅。此外套餐還會配上 Cafés Novell 的即磨咖啡或精選紅茶，另加 $15 更可以升級至其它特色飲品，既經濟又實惠。先每人點杯飲品，筆者向來是凍飲粉絲，安頓後已第一時間點了杯凍蜜桃柚子茉莉茶 (+$15)，入口蜜桃味不濃，反