Espresso Alchemy (如心廣場一期)

营业中

休息中

一間bookmark左好耐嘅coffee shop終於搵到機會黎試😎不過當日5點多啲先到，原來佢地6點要清場🥲所以都食得幾臨急臨忙🙈但呢道無論咖啡同食物都相當唔錯，下次都係午餐時間黎黎可以坐耐啲🤦🏻‍♀️coffee shop並唔算太大，裝修以米白色為主調，簡約清新～◾️青醬雞扒沙律 • $79 呢度嘅慢煮雞胸肉係我食過最好食嘅雞胸🤤質感嫩滑，亦保留到肉汁同埋雞肉嘅彈性，青醬清新同雞肉100%夾🤤比著我真係會成日食極唔厭，減肥恩物🤣沙律菜新鮮爽口，油醋醬汁唔會太酸，調配得非常好🤤◾️厚切意大利煙肉卡邦尼意粉 • $88 呢度嘅卡邦尼意粉應該加左鮮忌廉，醬汁濃厚creamy，意粉比起平時食到嘅粗身，軟硬程度適中，每一柱意粉都能夠包裹到醬汁，厚切煙肉份量十分多👍◾️Cappuccion • $37佢地用嘅係自家烘焙嘅咖啡豆，帶有堅果香，奶泡細緻！◾️Matcha Latte • $37拉花好靚😹值得一讚！抹茶味較奶味重，入口微甘但唔會苦澀，如果再細緻啲會更好◾️藍莓合桃蛋糕 • $30磅蛋糕嘅質感厚實濕潤，藍莓🫐酸酸地，都幾好食

在青衣做完運動順便上青荃橋(又稱青衣北橋)跑回荃灣，這條是連接青衣及荃灣的行車天橋，旁邊設有行人路，步行只需10多分鐘，便可以橫跨藍巴勒海峽。到了荃灣西站附近又想起係時間食個午餐，做完運動要吃得健康一點。Espresso Alchemy 有個「青醬雞扒沙律」是很好的選擇。青醬雞扒沙律($79)青醬是我喜愛的意粉醬料，它也可適用於海鮮、雞肉、蔬菜等等。青醬有着多種香料、蒜、芝士、果仁、橄欖油等做成。今天吃的是青醬配上嫩滑的雞胸肉，經醃製的雞肉保持濕潤，跟青醬好配合，富營養又健康。旁邊的沙律蔬菜種類很多，有小蕃茄、羅馬生菜、火箭菜...還有黑橄欖和意式醃製風乾蕃茄配檸檬醋醬，好豐富，好新鮮。天氣太熱點了一個凍咖啡 Ice Cappuccino ，這個配餐另加 $18，這兒的咖啡一向保持水準，回甘不錯。

今日去荃灣做嘢, 對呢度附近唔係好熟, 都係喺openrice睇吓附近有咩好嘢食 見到呢間cafe有好多嘅好評, 一於試吓叫咗個set lunch: 青醬雞扒沙律🥗🍗用雞髀呢個emoji絕對唔會過分 - 雖然應該係雞胸位置, 但係可能用慢煮嘅關係, 雞肉一啲都唔鞋, 加埋啲青醬嘅調味, 非常滿足💓 沙律菜亦非常新鮮, 仲有蕃茄乾, 車厘茄等等, 一啲都唔會單調🥰整體份量足夠, 感覺亦都好健康🥰套餐會包普通咖啡, 我同朋友都加咗錢要flat white (細杯加$10, 大杯加$15, 我哋都叫咗大杯) 如果oat milk加兩蚊🥛 我冇加到, 後尾先知佢係用oatly, 好後悔🥲 咖啡味道濃郁, 好好飲😚明白點解有咁多好評, 因為真係好味, 同埋性價比真係好高, 下次會去尖沙咀分店🥰

🇭🇰Espresso Alchemy·我超級鍾意呢間cafe個環境 佢係有落地大玻璃 望住出面飲咖啡傾計真係超開心 不過佢中午時間就開始多人 所以我哋坐到1點幾見有人等就走左luuuu😙😙·青醬雞排沙律$79我本身就係比呢個吸引 佢係慢煮嗰種雞胸黎既 所以真係好嫩 配少少青醬已經超好味😋係頭頭尾尾嗰兩舊稍為熟少少 而且佢有海量既沙律 超健康🥗不過我覺得佢入邊實在太多火箭菜 而且佢啲火箭菜無咩汁 真係比較澀🤭🤭·雜菌扁意粉配芝士及黑松露醬$89佢啲雜菌炒得好香 而且有超多款 口感好好🍄不過個意粉就有啲煮過左龍 佢係一夾就斷 所以口感真係麻麻而且唔知係咪因為佢冇落忌廉 所以佢整體都比較淡味🤭🤭·sparkling black $45 l honey lime soda $46佢個sparkling black就係americano加梳打 我男朋友話都幾好飲😌之後我嗌嗰個梳打都唔錯 佢青檸味超濃 而且唔會好甜😎·#rbyeat#rbycafe#rby荃灣 #rby尖沙咀 #rby葵芳·📍荃灣楊屋道8號如心廣場一期地下G02號舖📍尖沙咀彌敦道132號美麗華商場B1層B116號舖📍尖沙咀廣東道3

位於荃灣如心廣場的「Espresso Alchemy」，係一間設有落地玻璃的咖啡室，自然陽光能夠穿透進餐廳內，感覺好舒適午市時段設有Lunch Set Menu，選擇好多元化呢青醬烤雞意大利三文治Panini烤得微微金黃香脆，麵包塗抹上美味青醬，夾着厚切烤雞肉片、芝士及蕃茄🍅餡料極充足，味道同口感都好豐富呢火雞胸蕃茄芝士意大利三文治意大利三文治配上清新火雞胸肉、蕃茄芝士🧀外脆內軟，啖啖肉，好好食呢咖啡合桃蛋糕加入特濃咖啡製作而成嘅咖啡合桃蛋糕，帶有濃濃的咖啡香自家製香蕉蛋糕蛋糕本體頗鬆軟，帶有濃郁香蕉味，唔會太甜，味道唔錯藍莓合桃蛋糕表面加上合桃碎粒，蛋糕內滿載新鮮藍莓肉，質感微微濕潤，甜甜的，好好食泡沫咖啡咖啡拉花精緻有心思，奶泡質感細膩，大滿足呢鮮奶咖啡入口順滑，咖啡味濃厚醇香，非常出色

難得平日放假，約左舊同事食LUNCH，就返佢係荃灣做野，揀左如心廣場既Espresso Alchemy。簡約純淨裝潢令人感覺舒適寫意。Lunch set都幾抵食，包一杯咖啡亦可加錢轉其他飲品。青醬雞肉忌廉長通粉濃郁青醬配香滑忌廉，口感非常滑溜creamy，實在令人百吃不膩。慢煮雞胸肉肉汁豐沛好軟滑，配煙韌彈牙有嚼勁長通粉，正。雜菌扁意粉配芝士及黑松露醬一上枱就聞到香濃黑松露獨特香氣，雜菌份量頗多，菇香十足又爽滑，扁意粉軟硬適中，爽口煙韌。Lunch set包Black Coffee，味道清爽唔會酸澀。悠閒地歎左個Lunch，咖啡、食物、環境都唔錯，值得推薦。

自從上次食完Espresso Alchemy既青醬雞排沙律，一直都好想再食，今日咁岩要去荃灣整D野，約埋朋友仔一齊黎歎返個晏就先!白色主調配雲石檯，仲有落地大玻璃有自然光，裝潢好靚好岩打卡。Lunch set都幾多選擇，價錢唔貴，仲包杯咖啡，係一個唔錯既選擇。青醬雞排沙律一字排開慢煮雞排好吸引，食落軟嫩又多汁，完全唔會乾爭爭，加以適量青醬，豐富味道層次。沙律菜份量十足，健康之選，加入蕃茄仔、蕃茄乾、橄欖等，再淋上開胃醬汁，清新開胃。自家製香草牛肉漢堡伴黑松露沙律醬手掌咁大個既巨型burger超有份量，麵包鬆軟有牛油香，夾著厚切牛肉漢堡，煎得非常香，咬落牛味濃郁，肉汁豐盈勁JUICY~配半溶芝士，入口雙重滋味!仲有爽脆生菜、清甜洋蔥、蕃茄等，配埋黑松露沙律醬就勁惹味。厚切意大利煙肉配卡邦尼意粉意粉煮得剛好，煙韌有嚼勁，醬汁濃稠充滿蛋香，芝士味濃郁，厚切煙肉好有咬口，帶點鹹香。最後飲返杯醇香Black Coffee，好滿足。

荃灣西難得集食物品質和環境於一體的cafe, 性價比非常高，以新鮮和簡單的食材烹飪出美味和健康的食物，值得經常幫襯！烤雞菠蘿burger很有特色，而且份量十足，好值得一試；另外，青醬雞沙律非常健康，有大量沙律菜，有驚喜，健康人士或keep fit嘅朋友都可以找到適合自己的食物。Cafe好適合三五知己一齊享受brunch 或下午茶，咖啡好出色，好香，伯爵mocha 都好特別；除咗咖啡，還有中式手沖茶，提供多元化的選擇！

天氣有點悶熱，人也有點懶洋洋，那最好就是嘆杯好咖啡，來個有營養的早餐。如心廣場的Espresso Alchemy 是我喜歡的一間cafe，有很大的落地玻璃看到街景，再慢慢品嚐你喜愛的咖啡和食物。早餐選了「煙肉芝士奄列」及 大的Flat White，跟餐加$10 可以有一杯regular size的，加$15便能享受一杯large size的espresso based coffee ，每次都會選大杯的，滿足一下自己。Flat White 蓋著一層幼細的奶泡，入口順滑，飲著也感回味，好的咖啡是一種享受。煙肉芝士奄列 外觀很結實，裡面有香脆的煙肉，半融化的芝士，蛋皮還是濕潤有蛋汁，還有一件法包，一頓豐富早餐，開始一天的工作。

Espresso Alchemy (荃灣)假日chill一chill係荃灣行下商場，係Espresso Alchemy 食下野飲下茶/咖啡。雜菌扁意粉配芝士配黑松露醬 $89扁意粉比其他意粉軟身，醬汁creamy。有好多菇類同面上有一大坨黑松露，上枱時香味撲鼻而來。清清淡淡既白汁加稍為濃味嘅黑松露，唔錯呀。伯爵茶鮮奶巧克力 $43原本以為朱古力味會比較重，但原來伯爵茶先係主角，伯爵茶味突出，帶輕微朱古力味，口感細滑。順帶一提拉花真係好靚，賞心悅目。火雞胸蕃茄意大利三文治 $68超級厚身又多肉肉，一口咬落大滿足。荃灣楊屋道8號如心廣場一期地下G02號舖

經過見到很多位置都封了原來因為這裡不做晚市堂食所以只能2人一枱朋友見到就說想幫襯我當然贊成 Flat White奶味濃郁 薄薄的奶泡加上大量鮮奶 濃縮咖啡 比例剛剛好Rose Tea Latte不喝咖啡也有很多選擇玫瑰拿鐵口感清新 煙肉卡邦尼意粉非常掛汁 煙肉是有厚度的條狀更能吃出煙燻過的油脂香氣黑松露野菌寬麵濃濃的野菌香氣配上芝士粉的咸香再加黑松露的霸道 刺激味蕾黑松露醬牛肉漢堡明明已經很飽 還是要點這個黑松露味道不太突出但牛肉漢堡厚度十足 肥瘦相宜配上大量生菜洋蔥蕃茄吃起來不會太滯又滿足

約朋友去荃灣行下兜兜下見到原來如心廣場都有我地嘅愛店落地大玻璃 採光都幾好可以坐下放鬆下位置相對其他分店比較細Rose Tea Latte好香玫瑰花味 味道幽香奶泡幼滑English breakfast tea朋友減肥 叫左杯英式茶黑松露雜菌寬條麵大量菇類 味道香濃再加上勁大匙嘅黑松露醬寬條麵似係手造食落彈牙有咬口青醬雞肉沙律雞胸用慢煮方式 係食過最嫩滑嘅雞胸食落juicy 同青醬好match沙律菜新鮮 調味帶點酸健康之選

味道：⭐️⭐️⭐️⭐️⭐️餐廳最特別嘅地方 莫過於採用開放式設計🚪坐在落地大玻璃旁 望住外邊嘅大街🏘嘆一個brunch飲一杯咖啡 特別寫意☺️❶青醬雞排沙律🥗$79採用慢煮方式烹調既雞排 份量係超多🐔每一片都好嫰 完全唔會鞋口🤤入口有濃濃嘅青醬味🌱本身雞排係低脂又低卡嘅食物🍽減肥人士都好啱食🏃🏻‍♀️連埋清新既沙律一齊食真係好有飽足感🌕❷青醬雞肉忌廉長通粉🍝$89雞肉味道其實都係相同🐔不過呢個就係配搭忌廉長通粉✔️長通粉軟硬度適中 而且具有坑紋🦷每一條長通粉都沾滿醬汁⚡️食落又幾creamy🫕❸Iced Mocha (skim milk)☕️$45咖啡飲品都可以免轉skim milk🎖低脂之選相對健康🩺不過咖啡香味就會較用全脂奶遜色🥛由於選擇凍飲關係 多咗一冰涼爽快感🌬❹Mocha ☕️$38朱古力與咖啡既比例恰到好處🍫加上朱古力濃度較高 味道更香醇🍭比大型咖啡連鎖店更出色🛒Ps:尖沙咀、荃灣都有分店😋

一定一定要推介［青醬雞排沙律］因為用慢煮方式煮出來的雞排非常之嫩滑，再配上已調味的沙律菜，入面仲有用意式醃製的蕃茄，呢碟根本叫醒了我😄［如心全日早餐］正常發揮，炒蛋份量很多！牛角酥，炒菇，香腸都好味［火雞胸蕃茄芝士意大利三文治］三文治內的配料根本冇得輸［咖啡白朱古力西多士］淡淡的咖啡西多士，每食幾啖再配一口咖啡 Flat white 好chill 呀！ 同行朋友飲品：［藍莓核核蛋糕］，［青檸梳打］，［伯爵茶鮮奶朱古力］

全日早餐 $128份量都唔少而且好豐富，有煎蛋、煙肉、牛角包、腸仔、薯仔、菇、蜜瓜、牛油果同番茄仔。牛角包仲暖暖哋，外脆內軟好好食，煎蛋好嫩滑，煙肉就略嫌乾硬咗小小，香腸好香口惹味，番茄仔酸酸哋好開胃，配埋蜜瓜同牛油果，好滿足。青醬雞排沙律 $79豐富嘅沙律菜，新鮮爽脆，醬汁酸酸哋好開胃，值得一提嘅係油漬番茄仔，鹹鹹酸酸咁味道好特別。雞肉份量幾多，雖然係胸肉，但一啲都唔鞋，口感唔錯而且好入味。火雞胸番茄芝士意大利三文治 $68外面嘅薄麵包香脆，火雞肉又腍又入味，加埋香濃嘅芝士同番茄，味道豐富有層次。自家製:藍莓核桃蛋糕 $30外皮脆口，蛋糕鬆軟煙韌，上面有粒粒核桃，底下有一層藍莓，甜味適中。咖啡白朱古力西多士 $45三塊香脆嘅多士夾住兩層咖啡，咖啡味都幾濃，上面洒滿白朱古力粉，香甜可口。伯爵茶鮮奶巧克力 $45朱古力味濃郁，伯爵茶清香，甜而不膩。澳白咖啡 $43蜜糖青檸梳打 $46夠汽夠fresh，唔會太酸或太甜。