Espresso Alchemy (如心廣場一期)

营业中

休息中

今日天氣咁好☀️但竟然冇人返工，搞到今日冇人同我食lunch🙈得自己一個又想好好享受lunch time，就落咗黎呢間喺公司附近嘅coffee shop❣️仲要比我霸到街景為位🤩天然嘅自然光穿透玻璃滲透入店內，望住街景享受自然光☺️ 淨係坐喺度已經覺得好relax🥰店入面嘅裝修華麗簡潔，乾淨企理👍🏻午市時間有lunch set供應🤩我點咗 ➡️自家製香草牛肉漢堡伴黑松露沙律醬 $108雖然成隻碟真係淨係得一個burger，冇薯菜伴碟，但個burger 真係勁大個呀😳❗️除咗一大塊香草牛肉漢堡扒之外，Burger入面仲夾咗多種生菜/沙律菜、蕃茄、洋蔥、芝士😍成件事超澎湃🤤麵包好鬆軟烘得好靚，微暖焦脆❣️Mix 埋大量香草嘅牛肉漢堡扒食落味道好特別，唔止少咗一份肉膩感👍🏻仲同酸酸地嘅黑松露沙律醬好夾☺️口感豐富，味道仲好清新👍🏻有別於一般平時食開嘅burger👏🏻飲品方面，我加咗$15 要個L size嘅milk chocolate🤓好彩要咗L size，唔係太細杯真係唔夠我飲😆杯朱古力嘅拉花拉得好靚🤩好有層次感💕仲係側邊灑咗啲朱古力粉，睇得出製作過程中有用心沖泡👍🏻朱古力味飄香☕️牛奶令入口更香滑☺️唔算

Espresso Alchemy 位於如心廣場一期地下G02號舖餐牌除了不同款式的咖啡，亦有輕食、手工茶、啤酒，另外仲有咖啡豆可以購買。自家製香草牛肉漢堡件黑松露沙律醬-來到嘩了一聲，好巨型的漢堡，一上台已經見到慢慢流出的黑松露沙律醬，厚厚的香草牛肉，大量的新鮮沙律菜蕃茄，非常吸引。漢堡一啖咬唔晒，自家製的牛肉加入了香草，香草味突出，牛肉非常厚身，有肉味，不會太乾，加了一層層的沙律菜，蕃茄，顏色奪 目，感覺新鮮，整個包都不會太膩美國牛肉洋蔥青椒蘑菇三文治-非常有驚喜，估唔到三文治份量十足，麵包烘到非常香脆，要襯熱食，三文治非常足料，有非常多的牛肉、洋蔥、蘑菇，味道非常夾，口感豐富，好滿足，另外沙律菜夠新鮮，清新開胃。Latte-鮮奶與咖啡比例剛好果紅紅茶-茶葉的苦澀化為甘醇柔潤的甜味，更多了提子清香氣味，味道柔和清新

趁着星期六放假 一於孖住媽咪一齊去食個早餐先路過呢間餐廳～雖然環境唔算好寬敞 勝在有自然光晒入嚟成個氣氛都好舒服喺櫃檯嗌完嘢食就拎個號碼牌仔 淨間職員就會送餐俾你㗎啦～仲要唔收+1事不宜遲即刻叫返兩杯熱飲先～一杯係我嘅拿鐵咖啡 另外一杯就係媽咪嘅mocha呢個係有檸檬汁煙肉雞肉水牛芝士嘅panini 啱啱整好嗰陣啲芝士溶擁地熱辣辣好滋味㗎呢一度係我最推介最驚喜嘅青醬雞柳沙律！！首先賣相好好唔再講 個份量仲比我想像中大好多好多 啲雞肉嫩得來仲好香好似有浸煙熏味 完全唔腥一定一定要去試吓！連平時唔太鍾意食雞胸肉嘅媽咪都大讚！左上角係一個blueberry loaf cake $28 不過不失啦可能因為其他食物更加更加好味店舖裏面仲有買佢哋嘅咖啡豆㗎 各位咖啡發燒友不妨買少少返屋企試吓

新年趕係6點前試下呢間cafe，飲品方面，第一杯叫左Honey earl grey chocolate🍯 (regular size only $42)，淡淡既伯爵茶香，不過吾係幾飲到蜜糖味；第二杯就叫左earl grey chocolate (large $44) 🍫呢杯伯爵茶同朱古力既味都好出👍🏻👍🏻食物方面，叫左個香草牛肉漢堡伴黑松露醬($108)，牛肉比想像中硬左少少同乾，食到尾聲－生菜個陣，男朋友突然見到有隻移動中既蟻係塊生菜上行走，頓時無哂胃口(๑‾᷅^‾᷅๑) 話完比侍應知，請示左上級經理後，只係換來侍應一句吾好意思，下次會叫廚房洗乾淨d🤢🤢🤢經理連基本道歉同更換食物都無，感覺顧客完全不受重視，對呢間餐廳好失望😔😔

之前經過如心廣場都留意左呢間cafe，餐廳採用左落地玻璃，天氣好既話，陽光超好。等左陣就安排左住窗邊，環境一流，好chill。先係cashier order 後，食物會由店員送上。火雞胸蕃茄三文治配希臘乳酪醬（$79）三文治份量好大，有點驚喜，絕對唔洗驚食完唔夠飽。麵包烘到香脆，每件有5-6件既火雞胸，再加埋蕃茄和沙律菜，好難一啖食曬。再配上微酸的乳酪醬，一d都唔會漏。伯爵茶鮮奶巧克力（$44，lunch set 以$10加配）呢個配搭好少地方見到～朱古力味好濃郁，但配左伯爵茶，減低左朱古力既油膩感。今次揀左平日既時間黎，唔算太多人，但都有限90分鐘的用餐時間。但店員於60分鐘後就開始收拾枱，並於75分鐘趕交回枱，這一點對cafe 來說絕對是不足。🔸🔸🔸🔸🌟價錢 - 7.5/10 🌟回頭指數 - 6/10

呢間cafe陽光超好☀️，食物同咖啡都好高質，仲要no service charge❗️btw午市有lunch set，+$10-$15就有一杯野飲啦🤣：-1️⃣「青醬雞排沙律🐔🥗($75)」-雞排超大份超嫩，應該係慢煮，好食到想偷師😂！沙律都唔會hea你，醬汁酸甜開胃，材料又豐富🍅🥬🫒🫐~Pesto marinated chicken salad is perfectly cooked. The chicken is succulent and tender, served with refreshing salad👍🏻-2️⃣「厚切意大利煙肉配卡邦尼意粉🥓🍝($88)」-厚切煙肉大粒又juicy🥓，意粉粗身有咬口，幾creamy幾香～Spaghetti carbonara w/ pancetta affumicata bacon is creamy. The spaghetti is al dente, with juicy and meaty diced bacons👍🏻-3️⃣「巧克力咖啡(L)🍫☕️(set+$15；$43)」-聽聞呢到咖啡超出色，一飲過然不錯💯🤤，可可味香醇，咖啡夠香濃，唔甜

鰂魚涌Espresso Alchemy結業真係好傷心，對煉金術既啡真係念念不忘，去到荃灣雖然有好多咖啡店選擇，但我都要揀佢作為我既第一餐荃灣Espresso Alchemy有個落地大玻璃，邊飲邊望街景，真係好chill呀，不過Cony 同Brown阻住左我既視線Flat white煉金術出品，信心保證，奶泡好綿滑，香滑既奶泡中又飲到espresso 既nutty，好好飲香煎虎蝦配蘆筍辣蕃茄汁意粉虎蝦煎得好香，辣蕃茄醬汁甜甜辣辣，好醒胃，雖然賣相唔算好靚但味道搭救青醬烤雞意大利三文治Panini 大大件的，入面有雞肉，蕃茄，青醬，醃製過既jalapeno同Mozzarella chesse, 雞肉都幾嫩，青醬同辣椒酸酸辣辣，個味幾夾Espresso Alchemy 價錢合理，咖啡又好飲，希望佢快d係港島區開返啦

好多時生活太忙碌，到左假日總想慢活一點，假日瞓醒了想同謙謙吃個豐富早餐再放下電，來一個美好的假期。謙謙要求食完早餐去荃灣西玩 scooter ，咁我就近新地係如心廣場食野啦！嘩見到 Espresso Alchemy 有位即去。⚛ 厚切意大利煙肉配卡邦尼意粉 ～ 謙謙叫佢鍾意食意大利粉，濃郁的醬汁沾滿每條意粉， 仲要每條煙肉都係厚切，煙肉帶一點咸香幾滋味。⚛ 如心全日早餐 ～ 我大愛的 All Day Breakfast ， 有焗到好香脆的牛角包，一層層好酥脆，滑溜溜的炒滑蛋， 細心的謙謙仲幫我加黑椒加哂分， 烤過的車厘茄好鮮甜， 兩條超脆煙肉，兩條腸，夠哂 juice的大啡菇， 薯仔粒有小小香料一齊烤過幾惹味， 食完咁豐富的早餐，仲有一件甜絲絲的哈密瓜做結尾超滿足。☕ 鮮奶朱古力 ～ 來親這間必點之選， 熱朱古力口感幼滑，濃郁的朱古力味，加上精美的心心拉花， 我會比 95分。慢慢食完check下手提，再出發玩真係好爽。

這間cafe一向冇晚市，所以只可以白天幫襯，上班族如我剩低假期可以去，但是假期好full，位子不多，往往要等好耐，終於趁今日平日放假，可以走落來一試啦🤩看咗餐牌，冇下午茶set，唔緊要，可以散叫。 🥪☕️ 美國牛肉洋蔥青椒蘑菇三文治+ Flat White (Large)☕️大杯Flat White $41,味道香濃回甘！三文治用Panini，開正我胃口，🥗如圖真是份量十足，牛肉更誇張，食包前已經撩咗好多牛肉食，否則真是夾唔到一齊放落口😋值得一提，是日寒冷得6.4度，上台時個包同牛肉係冒煙熱辣辣㗎，好感動的窩心暖意💖

呢間咖啡店呢，其實佢有好多分店嘅。之前呢啱啱拍拖嘅時候呢🥰我哋係去過葵涌一間工業大廈飲過佢嘅咖啡☕️覺得唔錯嘅。係戀愛嘅感覺，係拍拖之間嘅共同回憶之一。😍👍🏼其後呢亦都去過尖沙咀嘅分店度，食過pasta啦，亦係覺得幾好嘅。今次見荃灣如心廣場都有喎，亦都過嚟試一試啦。Rose Tea latte ，呢杯好有少女嘅感覺，好香玫瑰味，而且茶嘅比例啱啱好😍，唔太甜嘅，幾適合女仔飲🎀。朱古力咖啡☕️🍫👍🏼，呢杯朋友飲嘅，佢話都唔錯。如果冇咁接受到濃烈咖啡味嘅朋友可以選擇下呢杯☺️😬值得讚嘅係，呢間咖啡店你係可以幫你免費轉做脫脂奶嘅，Skim milk Latte👏🏼☕️，咖啡豆好濃好香滑👍🏼雞肉長通粉，呢個粉嘅份量好多，性價比好高。個汁呢都唔錯嘅，雞肉嫩滑，如果佢啲粉呢，可以再淋多少少呢，就完美啦。好好食嘅all day breakfast 🍳👍🏼，有心機嘅，唔係Hea。特別係蛋，煎得好滑。文青cafe ，好有時尚感，好啱年輕人，唔錯唔錯。

早排夜晚跑步經過荃灣如心廣場，見到Espresso Alchemy 荃灣店覺得落地玻璃好靚。於是去左食個lunch, 試左「青醬雞肉長通粉」，個醬其實都算幾濃味，雞肉反而係淡淡地，似我平時做gym會食既雞胸肉口感，「蟹肉味噌扁麵」，有驚喜，真係食到一條條既蟹肉絲，味道有食更和式意粉既感覺，我覺得都幾好味！然後叫左去cafe常點既「All day breakfast 」，炒蛋係做得最出色，唔會太熟，有流心！咖啡（Latte同Cappuccino)同其他Espresso Alchemy 分店一樣，保持到水準，飲到好香既炭燒咖啡豆味道，係高質既！環境都好舒適，好岩假日食返個輕鬆既晏晝！

Espresso alchemy荃灣如心廣場分店第二次黎喇，今日去開荃灣搵地方食野，帶朋友嚟左呢度，平日下午好多人啊。朋友第一次黎，佢都話環境好好啊❤️最鍾意既係蟹肉意粉，真係好好食醬汁唔會太heavy，份量又夠多女仔食就夠飽啦。食完又食都揀返呢碟🍝呢幾日凍冰冰 食呢碟意粉好暖呀❤️❤️Chocolate milk tastes so good 🍫🥛Lunch hour過左 我地慢慢坐傾到夠先走Happy meal 🙌🏻

今朝同男友有野要出荃灣買，我地想搵間cafe慢慢歎個靚早餐，就醒起好耐之前黎過既呢間espresso alchemy😀兩個人叫左個蕃茄大蝦露荀辣汁意粉，青醬烤雞panini走芝士，自家製香蕉蛋糕同埋一杯mocha～意粉好彈牙，蝦肉勁大隻兼爽口😋 蕃茄汁口感豐富因為食到好多蕃茄粒，而且唔會太酸👍Panini超大份超多料，雞肉嫰滑juicy，青醬夠香，三文治烘烤到好脆，岩晒我呢個麵包多士控😍 食半份都已經幾飽😂見到佢既蛋糕一盤盤整好左係度賣相好吸引所以想試下，男友揀左香蕉味， 口感比較濕潤同飽肚，如果香蕉味可以再濃郁啲就更加好，不過$28咁大件都係非常值得一試👍Mocha係比較易入口嘅咖啡😀 朱古力味中和咗咖啡嘅酸同苦，但係依然有咖啡香，係我比較中意既款式～呢間cafe真心唔錯👍👍 嘢食嘢飲即叫即整保持到水準， 無論係朋友傾計聚會定係一個人處理公事或者放鬆下都係好適合嘅選擇👏

2020年最後一個假期一大早便去到荃灣Espresso Alchemy享受一個豐富的早餐然後再瘋狂四處覓食😂.🥢青醬烤雞意大利三文治 $66意大利三文治烤至鬆脆，表面的網紋烤印令賣相加分不少👍中間夾層以蕃茄，烤雞和青醬為主餡料充足，口感豐富🥳蕃茄的清爽，烤雞肉碟細嫩青醬帶出獨特的清香，真是一試難忘😘還有半溶車打芝士，，加添層次感！.🥢青醬雞肉忌廉長通粉 $89選擇以長通粉為底確是明智之舉👍長通粉口感軟中帶彈，掛汁力驚人每啖都有濃香帶滑的忌廉混合清新帶微酸的青醬汁Juicy 而不覺膩感雞胸肉的份量幾乎佔菜式的一份.🥢伯爵茶鮮奶巧克力 $44有時想飲朱古力但又怕太甜這杯是最perfect 的選擇伯爵茶底，每啖茶香回甘配上濃郁朱古力，甜而不膩.🥢Latte每次來「Espresso Alchemy」Latte無疑是必點味道濃醇的咖啡配上溫潤的牛奶香奶香不會蓋過咖啡的味道細緻帶濃濃的咖啡香

放假約了好友聚一聚，大家都喜歡咖啡，所以揀了呢間咖啡店，商場內玻璃門旁，對出是睇到開闊嘅廣場境，店面細，白色主調很乾淨，牆上用了鏡子反射，不覺得細，揀了落地玻璃旁的三人枱，落單要去櫃枱，店員會跟號碼牌上菜首先要講喜歡這種灰色啞光餐具，簡約型格Long Black($36)很喜歡咖啡杯風格，黑咖啡入口順喉，很濃黑，味道微甘微酸（我接受到的範圍）Flat White($42)朋友飲，拉花靚煙三文魚沙律配檸檬醋醬（$78）很大一盤，煙三文魚厚切有咬口，羅馬菜爽口，蕃茄仔多汁，配上油醋汁開胃，好味火雞胸白蘑菇洋蔥意大利三文治（$66）雞胸火腿清爽唔油膩，菇頗香，洋蔥清爽，麵包烘過外脆鬆軟，唔落太多醬都不會乾，好味青醬烤雞意大利三文治（$66）朋友食美國牛肉洋蔥青椒蘑菇三文治（$79）朋友食藍莓麵包蛋糕（$28）很歐式住家風格的蛋糕，賣相是樸實，這種蛋糕不是鬆軟的，很厚實很飽肚，牛油味重，而藍莓夠多，酸味減輕了蛋榚嘅厚重感！甜味不重！整體ok食物幾好，喜歡餐具風格，幾次都唔係我去落單，不知落單時的服務，上菜收碟勤快！唯一缺點是廁所要行很遠，餐廳在地下，廁所在商場一樓，還要行頗遠搭電梯才上到一樓好