Espresso Alchemy (海港城港威商場)

营业中

休息中

嚟到海港城嘅Espresso Alchemy，發現呢度空間感十足，環境佈置非常舒適，雖然枱與枱之間距離有啲近，下午時分過來人流幾多，不過店員其實唔會催趕，可以坐好耐，坐得非常舒服！虎蝦配蘆荀蕃茄汁意粉🍝嘅質感煮得好爽口，麵條非常掛汁，每一條都沾滿咗香辣的番茄汁🍅加埋剝殻嘅大蝦，肉質爽彈，甜酸味道非常香濃，超級好吃！！！煙三文魚沙律配檸檬醋醬沙律🥗嘅口感超級豐富～我最喜歡係一片片嘅煙熏三文魚，好像玫瑰花瓣一樣精緻，加埋餐廳特調的檸檬醋非常好食！！！西多士拌鮮漿果及雪糕配自家製海鹽焦糖醬 好正！估唔到呢個甜品的賣相咁吸引，份量勁大份，味道超級有驚喜！！！西多士外脆內軟，食落有微微蛋香，中間搽咗一層肉桂醬同一層牛油，加埋雲呢拿雪糕一起食，真的好好食！Iced Latte嘅賣相好靚，飲一杯即刻提神曬！🧡📍尖沙咀廣東道3-27號海港城港威商場地下G104號舖

週日和家人去海港城逛逛、順便到了Espresso Alchemy吃晚飯。是一家自助形式的餐廳，簡潔優雅的圓拱門設計、座位舒適、除了意粉、三文治、咖啡、還有burger 、甜點、蛋糕等。坐下先點杯冰凍的鮮奶巧克力、朱古力味都幾濃郁。煙三文魚沙律面檸檬醋份量比想像中大得多、足夠我們四人share食、三文魚配上檸檬醋、味道非常清新。檸檬汁烤雞肉芝士三文治 — 裡面半溶的芝士夾在烘過暖暖的panini、味道也很不錯。香煎虎蝦配蘆筍辣蕃茄汁意粉酸甜中帶微辣、虎蝦啖啖肉。試了很多人推介的厚切意大利煙肉配卡邦尼意粉、果然厚切煙肉鹹香煙燻味道跟奶滑的carbonara 好夾、唔會太膩～甜品方面有驚喜！點了西多士伴鮮漿果及雪糕配自家製海鹽焦糖醬、剛炸起的西多士好夠熱又香脆，搭配著士多啤梨、藍莓等水果和雪糕，還有自家製的海鹽焦糖醬，好好味～

同事兼好友生日，當然要食餐生日飯慶祝。她跟我一樣也很喜歡遊咖啡室，所以揀了在這間咖啡室吃她的生日飯。開放式的設計，分了兩個用膳區，一邊是下單處和一張長枱，另一邊就設有吧枱、圓枱、二至四人枱和卡座，地方闊落。以橙棗紅色為主調，一個個圓拱形圍繞，裝潢優雅，環境很美，感覺舒適寫意。晚上全日單點，分別有Feature Drinks、Coffee、Chocolate、Tea、Salad、Sandwich 、Toast、Dessert、Special 、Burger、Panini 、Pasta和Risotto 。****************************先上一份牛肉三文治伴蘑菇及沙律配檸檬醋醬 Beef Sandwich with Sautéed Mushroom, Salad and Homemade Lemon Vinaigrette Dressing ($92)，又香又足料，賣相吸引，讚！麵包烤烘至外脆內軟，香脆可口，中間夾滿肉嫩油潤的肥牛，還有爽口兼滿有菇香的三種菇菌，烹調入味，相當美味！旁邊配了一大堆的雜沙律菜和一些車厘茄，新鮮清爽，拌入份量剛好的檸檬醋汁，酸咪咪，開胃醒神

之前好鍾意去呢間餐廳嘅荃灣分店，因為嘢又好食，環境又舒服，但始終地點相對比較遠。見到佢喺海港城新開分店，所以又走去試吓。雖然呢間分店冇荃灣嗰間咁好陽光，但勝在地點便利，餐廳嘅位置亦比較多同寬闊。同朋友叫咗一個青醬雞肉忌廉長通粉同忌廉黑松露配雜菌芝士意大利飯share 。本身睇個賣相冇乜特別，但識落好驚喜，因為夠creamy，味道又夠香濃，長通粉口感剛剛好，夠煙韌，份量都好大，兩個人食都有啲飽。但令我最欣賞嘅係佢嘅西多士伴雪糕，我揀咗自家製海鹽焦糖醬。佢個西多士入面搽咗果jam，即叫即整，熱辣辣又夠脆，又唔會太甜，喺辛勞嘅一日裏面有呢個作結，好滿足。我哋仲好貪心，叫埋個藍莓核桃蛋糕，性價比好高， $31大大件，又足料。

去海港城行街總會路過呢間裝潢別緻嘅咖啡店，佢哋除咗有咖啡同糕點之外，亦有提供主食，無收加一。👉🏻青醬雞胸沙律 平日唔係放假，收工做完運動，好多男士女士都鍾意食番啲輕食。濃郁嘅青醬為雞胸增添風味，令沙律味道無咁寡，雞胸份量多之餘又唔會凍冰冰。👉🏻忌廉黑松露醬配雜菌芝士意大利飯呢個combination(松露醬+雜菌)永遠係絕配，Risotto煮得啱啱好，米飯唔會太軟，煙韌有咬口。👉🏻Iced Mint Chocolate平時嚟飲開咖啡，不過配合晚餐，即管試吓其他飲品。朱古力表面打咗奶泡，口感唔錯，除咗裝飾塊葉，無好重薄荷味。👉🏻生酮意式芝士卷見到生酮二字，食完似乎會無咁guilty。芝士卷外皮實在，內裡滿滿嘅cream打得滑溜細膩，有朱古力碎，甜度剛好。🐷🛎️必試指數：8/10🔆

Beef Sandwich with Sautéed Mushrooms, Salad and Homemade Lemon Vinaigrette Dressing牛肉三文治伴蘑菇🍄及沙律配檸檬甜醬 92經典的西式快餐，其內餡由烤牛肉、蘑菇搭配而成，肉味香濃，🥗味道清新，非常適合當做午餐。Spaghetti Carbonara with Pancetta Affumicata Bacon厚切意大利煙肉配卡邦尼意粉 102🥓煙肉、蛋黃、🧀芝士等製作嘅意大利麵食，口感豐富，味道濃郁。Pesto Chicken Penne in Pesto Cream Sauce香醬雞肉忌廉長通粉 102

海港城呢間咖啡店除咗飲咖啡仲可以食意粉、輕食等等。同朋友傾吓計食少少嘢唔錯。今日我哋嚟食晚餐、落完單之後店員會送餐。揀咗個大蝦意粉，意粉份量幾多，而且夠多醬汁。大蝦都幾爽口。意粉酸酸地幾好食。叫咗個牛肉三文治，入邊充滿肥牛，餡料夠多，仲有好多菇。另外仲有大量沙律菜，食得幾均衡。飲品揀咗一個熱朱古力咖啡☕️鍾意咖啡味夠香夠濃、而且朱古力咪唔會太甜。另外揀咗個香蕉蛋糕一齊食、香蕉蛋糕軟綿綿，而且香蕉味濃厚幾好。

今晚揾左間地點好方便的意大利餐廳，間格 open，裝修及擺設都幾舒適，可以輕輕鬆鬆食番餐。煙三文魚沙律 (HKD88) 羅馬菜、小番茄、火箭菜，伴以檸檬醋，配搭不俗又開胃。 檸檬汁烤雞煙肉芝士意大利三文治 (HKD72)芝士味濃郁，烤雞新鮮，檸檬汁減低了油膩感，多士烤得剛剛好，皮脆內軟。厚切烟肉配卡邦尼意粉 (HKD102)厚切烟肉够咬口，意粉軟硬度適中，卡拜尼醬力十足，推薦給喜歡 Creamy 口感的顧客。冰朱古力鮮奶(48)餐中一杯清涼飲品亦不可少，濃厚朱古力加上新鮮奶味相當夾。

生酮巧克力卷是一款適合健康愛好者的甜點，🍰由杏仁粉、可可粉、奶油等食材混合而成，凍食口感有啲似雪糕，😙可以食到脆脆朱古力粒，綿密細膩，味道濃郁，而且不含糖分，非常健康。烤雞菠蘿漢堡配檸檬乳酪醬及焗薯 $111菠蘿烤雞漢堡是一款口感豐富的漢堡，🐤其中的有兩塊烤雞，肉質鮮嫩多汁，搭配上新鮮的🍍菠蘿、生菜、🍅蕃茄等蔬菜，味道非常清爽。漢堡的麵包都鬆軟，👍整個漢堡口感豐富。鲜奶巧克力熱巧克力是一款經典的熱飲品，🍫高品質的巧克力和鮮奶混合而成，🔥味道濃郁，適合暖身享用。

今日放假同朋友約咗嚟呢度嘆番個brunch😊環境舒適，岩晒慢慢傾偈👍👅牛油果碎蛋貝果配沙律朋友最近開始試下食素😅呢個牛油果加雞蛋嘅組合正正符合佢要求👍而且仲好高飽足感～👅烤雞煙肉Panini (no cheese)呢個烤雞幾香口，肉質未算好嫩～不過搭配煎香過既bacon一齊食真係好香同幾飽😂👅自家製香蕉蛋糕香蕉蛋糕對我嚟講有種魔力，我覺得佢比起其他所有水果更加溶入落個蛋糕，成件食落都好香香蕉味👍呢款蛋糕外層微暖略帶脆口，望落實淨但口感煙韌兼鬆軟，幾出色😋👅 朱古力咖啡轉燕麥奶朱古力味幾濃郁，入口順滑，跟餐轉性價比高😊

高檔風Coffee Shop😍 店舖開放式設計，環境闊落舒適，裝潢雅致，是獨自放鬆 品嚐美食的好地方，適合情侶或閨蜜約會🤗 食物方面提供西式菜，擺盤精緻，質素高🥰 晚市二人消費：$318 🫧不設加一服務費🫧食評青醬雞肉長通粉 ($102)✨嫩滑雞肉和濃郁的青醬，讓整道菜色更加豐富和美味。青醬的香氣和味道非常獨特，加上長通粉Q彈口感，回味無窮😍檸檬汁烤雞煙肉芝士意大利三文治 ($72)✨有驚喜！新鮮的烤雞肉和煙肉的鹹香味與檸檬汁的酸甜味相得益彰，再加上濃郁的芝士和意式麵包的口感，好美味😚西多士伴鮮漿果及雪糕 配自家製海鹽焦糖醬 ($72)✨賣相好吸引😍 鬆軟的西多士搭配新鮮的漿果和香濃的雪糕，再淋上自家製的海鹽焦糖醬，甜味十足！讓整道甜點的味道更加豐富和鮮美👍🏻自家製藍莓核桃蛋糕 ($31)✨大件厚身，質感鬆軟又有彈性，混合了新鮮的藍莓和香甜的核桃，令口感變得非常豐富☕️黑咖啡 Long Black ($41/Ice)✨

假日去左海港城shopping因為去到都十二點幾就揀左一間開放式cafe食brunch慢慢地品嘗著咖啡，chill住咁放鬆心情🍝 厚切意大利煙肉配卡邦尼意粉呢度 Carbonara嘅特色之處係煙肉厚切飽滿有嚼勁🥓個人比較鍾意硬身少少嘅意粉但呢度就偏淋不過啖啖意粉都有濃郁嘅奶油醬汁，蛋黃香加埋creamy嘅忌廉令味道好豐富🥚食到最後就比較乾身有少少漏同過鹹🙊🦐 虎蝦車厘茄意大利飯虎蝦有兩大隻，燒得十分之香肉質札實夠爽口彈牙意大利飯就吸晒蕃茄汁，味夠香濃蕃茄仔亦好新鮮，酸酸甜甜令人十分開胃🍅

海港城舒服Cafe: Espresso Alchemy同另一半行完街，佢嗌餓，就搵了一間Cafe坐。食物種類多，飲品都齊各種咖啡，服務就主要自動，環境舒服。食物方面嗌咗一個All Day Breakfast $142，係少見會有煎薯仔的All Day Breakfast，對於男仔來講會飽肚多點，很好。煙肉煎得很香脆。牛角包鬆軟好食。仲有炒蘑菇炒得很香，夠乾身，不會太濕。煎蕃茄夠Refresh！基本都很好吃。另外再叫了一個香蕉蛋糕，好大舊呢，只需$31。香濃嘅香蕉味，不會假，很鬆軟，性價比高，推薦。好似還有朱古力味。飲品嗌了一杯Americano，咖啡豆香氣足夠，有點傾向深焙。可以當日問問店員，應該是可以知道更多有關最近咖啡的資訊，按口味再點。

📍尖沙咀海港城 Espresso Alchemy📍行完一輪街，想搵個地方坐低食嘢飲杯野抖下，留意到呢間Cafe，環境舒服闊落，嘢食都睇落不錯，所以就試下。👍🏻墨西哥夾餅🌮配慢煮豬肉 $89有三塊！份量都多，夾餅夾住滿滿嘅慢煮豬肉碎。呢次因為怕辣，所叫咗醬汁另上，可以自己因應份量，不過都會令到啲肉整體上乾啲，但都好好食。個Source係靈魂，一定要落，會有啲辣，有心理準備就OK。👍🏻生酮抹茶卷 $59生酮Style嘅Roll Cake，唔會甜，但都味道唔會假。賣相好靚，有金泊喺面點綴，係睇得又食得！👍🏻熱牛奶朱古力 $39好靚嘅拉花😋！整體來講，食物同環境都好好👍🏻，值得行完街搵地方抖嘅時候去下😋。

星期日同好姊妹去尖沙咀行街食Brunch🥣地點方便真係好重要呀✔️我地揀左係大商場既Espresso Alchemy📍-由於時間尚早，所以位置都好多同闊落呢🔎係自行去點餐，然後再由店員安排送餐的🔖我地決定叫幾款一齊share! 我揀左墨西哥夾餅配慢煮豬肉及莎莎醬🌮仲會有辣醬可以按需要落🌶滿滿既餡料，真係有好足料既豬肉同醬汁🌮食到辣既朋友要落埋辣醬，更惹味😋呢個taco好岩唔鍾意澱粉質既我😆-朋友點了厚切意大利煙肉配卡邦尼意粉🍝好creamy！ 煙肉真係厚切的！🥓而且意粉份量都幾多！ 岩鍾意奶油口感既朋友🍴-最後我同朋友點了西多士伴鮮漿果及雪糕配楓糖漿🍯真係好食！ 夠甜！🍇🍓而且西多士中間仲有少少果醬， 無禁膩😍配埋雪糕🍦真係女生必食呀💗-飲品方面我地點左杯鮮奶巧克力🍫夠濃既朱古力味！ 食飽飽就岩晒去行街作戰😆呢間絕對係輕鬆之選✅