Error 19 (已結業)

係Cafe關注組最近見到有人介紹哩間餐廳，星期六一於帶朋友黎慶祝生日兼一探其魅力，餐廳佈置成一股粉紅少女花花系列，月亮、鞦韆、羽毛及不停旋轉的芭蕾舞音樂燈，我地由一位年輕男侍應帶領入餐廳坐低，朋友巳按耐唔住四圍去打卡，我就一於望下個Meau睇下有咩好食先，是日晚餐有A-G選擇，晚餐包左餐湯及沙律，想有飲品就另加$18，我選左F餐加飲品，朋友興奮地打卡回來，佢選左E餐加飲品。點完餐，我地見門口無咩人即刻把握機會去影相，影完返黎，枱上巳放了沙律、飲品、牛油法包配甘筍忌廉湯。飲品1：彩虹梳打，由紅漸變成紫紅色，味道似士多啤梨又似提子橙汁，幾種味道層次感，好特別。 飲品2：桂花烏龍茶，茶面打左層泡，望落似杯啤酒,飲落就係桂花烏龍茶。甘筍忌廉湯: 比較少西餐會用哩款餐湯，嗒落無咩草腥味，甘筍味微淡。F餐，卡邦尼意大利麵：由兩款煙肉、芝士、香草、香菇混合，賣相吸引，食落啖啖芝味。E餐，香煎盲鰽伴青醬素菜麵/意大利麵，朋友唔知素菜麵係點，於是就選左品嚐，素菜麵原來係由意大利黃瓜和青瓜切絲而成，吸收左盲鰽既油香，食落魚味無窮，盲鰽魚有兩塊，煎到金黃芳香，魚皮香脆，魚肉嫩滑美味，餐廳配埋新鮮檸檬比客人自

聽朋友講旺角開左間打卡一流既健康西餐廳🍴，位置系彌敦道726號大廈19樓，個名叫ERROR 19 ,不禁令我諗起當紅偶像團體小妹一向早食飯，呢日6點就黎到，好快就有位坐見到粉紅色心心同雲彩燈，相信手機鏡頭一定超級忙碌小妹都忍唔住係咁影走得少女市場路線，菜色都係以健康清新+特色甜品為主呢晚小妹就揀左個A餐：跟餐餐湯+沙律首先上既係蕃茄濃湯，味道無想像中咁酸，沙律菜幾新鮮，有黑醋伴食，幾開胃三文魚尖通粉主菜以三文魚做主角，面頭有塊卷到靚靚既煙三文魚，而粉內則為切粒煎三文魚，係唔同嫁尖通粉配上煮到好林既車厘茄同茄汁，索哂所有蕃茄精華，滿足哂鍾意蕃茄同三文魚既小妹宇治抹茶十勝紅豆窩夫🧇三塊窩夫烘得岩岩好、唔會燶，切開細細舊點抹茶粉+紅豆食，絕對係有幸福既感覺，當然仲有微甜既cream ，鍾意再甜d可以倒埋maple syrup 返工咁辛苦一定要獎勵下自己能夠系一間咁舒服又賞心悅目既餐廳食一餐幸福既晚餐，呢個價錢都相當親民推薦比一樣愛健康鍾意影相打卡既你

今晚同fd黎到mk試下新野，雖然本人不是error的fans, 不過見呢間野幾好坐咁不如試下啦~見到呢度女性比例比較多，現場環境好pink pink, 仲有公仔轉圈好fancy, 啱曬少女心的妹妹s~~~可能開左唔太耐，晚市唔太多人，如果想靜靜地食飯，呢度都真係幾好。我地一行4人，佢menu有分正餐同埋小食/沙律，叫正餐+18蚊就會有野飲。咁我叫既就係黑松露野菌飯，個飯都煮得唔錯，都有松露味，份量比我想像中大。如果幾個人叫多一個或2個就會冇咁溜啦。呢度d野食即叫即整，都需時，所以出黎既野都好夠熱。野飲我就叫左桂花烏龍茶，食完d 比較溜既野要balance 下，因為係跟餐，所以叫一壺同一杯係冇分別，咁梗係叫一壺。佢有支蠟燭係下面keep住佢比較暖，仲有得加水~yeah下次會再黎食！

🌈假日同朋友去左一間pink pink夢幻cafe🎀食港女high tea🥰成間cafe都係粉紅色❣️❣️餐廳佈置、枱櫈餐具全部都好夢幻💖少女心滿滿💜🧡💛💚好中意佢張貝殼形既櫈😍餐廳入面仲有幅心心牆💕💕打卡一流📸包保所有女士入到餐廳都會勁開心👯‍♂️👯‍♂️🐽食物方面，$298一set二人份下午茶，八道菜再加一壺花茶🍵份量唔多，但味道不錯，唔會淨係得個樣😋我比較欣賞佢嘅甜點，每樣都幾好味，唔會太甜或死甜🧁🍡🍰🍩假日下午茶時段都幾full, 最好就訂定檯，walk-in未必有得入🤭臨走仲可以響出面花花corner位影相🌸🌼🌸🌼🌸🌼🌸🌼📸

📍𝐄𝐑𝐑𝐎𝐑 𝟏𝟗 Error19係一間新開嘅粉紅色Cafe，上網見到佢有$298/2嘅八婆下午茶🫖店內環境全部都係粉紅色同寶藍色主題，會張凳嘅箍臣仲係蝴蝶結形狀🎀 充滿少女心。 門口有月亮打卡位🌙應該識得變色❤️感覺上白色影得最靚。大家嚟嘅時候記得提早預約，最靚嘅打卡位😍 建議大家着白色衫黎影得會靚啲。店員嘅服務都好好👍🏻，主動問洗唔洗加熱水落茶壺，非常細心。💰下午茶價錢為$298/2，我哋仲加錢嗌左杯朱古力🍫因為下午茶淨係返一壺茶😮‍💨💖法式鵝肝多士，一啖食哂，鵝肝嘅面頭上面有柚子醬，食落嘅感覺咁fresh，未試過咁樣食，感覺都幾新鮮👍🏻鵝肝好香，煎得非常好😘💖龍蝦草莓沙律杯，er⋯⋯唔睇返張Menu都唔知原來入邊有龍蝦🦞，呢個沙律杯入邊嘅感覺就好似搵啲cream同龍蝦打埋一齊，有少少龍蝦嘅口感，免頭放啲士多啤梨就算，食咗幾啖好似空氣咁🤣同埋餐廳內冇比一隻細啲嘅匙羹，如果要食杯入邊嘅食物都有啲辛苦🥶💖迷你和牛漢堡，呢個漢堡牛肉味濃厚，包皮脆口，令人想食多一舊😏💖炸芝麻雞翼，呢個芝麻雞翼同茶餐廳食到嘅一樣，非常香脆，不過表皮就唔係好見到有小芝麻，但係未到唔會太咸，非常好👍🏻💖玫瑰泡芙，

第一次來到旺角敦道726號覓食，樓上原來好多餐廳選擇呢！今次為就揀左充滿粉紅色少女心的打卡餐 Error 19，午市晚市都有抵食套餐，仲有非常誘惑的甜品選項，環境幾適合女仔聚會架。升降機到19樓，一打開門就放眼粉紅色，餐廳門口仲特設吊椅花花打卡位添。餐廳整間都以粉紅色為主調，中間又有霓虹吊燈非常矚目。其中一角設有粉紅心心打卡位。19 樓的景觀都幾開揚，坐窗邊可以望下天空。午市套餐有六款，包餐湯、沙律和指定飲品。也可以散叫小食，跟朋友分享也不錯。甜品有梳乎厘和窩夫，製作需要可以預早落單。飲品有咖啡有梳打。也有一整壺的熱茶。萬聖節有非常配合氣氛的蛋糕仔。黑松露炒雜菌 HK$48炒菇份量比想像中多，吃到黑松露香味道也不錯，略略偏油。黑松露芝士薯條 HK$48這個薯條也需要點時間焗好上桌，芝士份量多幾療癒，黑松露醬都算好食。仲可以拉絲添。404肥仔重朱古力窩夫 HK$78樓高三層的厚身窩夫，口感鬆軟而非香脆那種，中間朱古力忌廉超級多，還有草莓、奇異果、藍莓和焦糖香蕉可以食下。桂花烏龍茶 HK$58/壺熱茶原來成壺上，仲可以加熱水，如果約朋友傾偈的話可以飲好耐。旺角樓上原來有咁特色的餐廳，約朋友

旺角新開樓上樓下粉紅打卡cafe😍😍超粉紅，少女心爆發.一入門口已經有靚靚打卡位，因萬聖節將近，佈置上加入了萬聖節🎃的原素，打卡椅發著綠色光，晚上來時好有氣氛😚😏cafe 都好大間，還有一個心心牆打卡位，也是深受女士歡迎的位置👏🏻到訪全是女生😂餐廳有下午茶tea set 供應，果然是吸打卡而設😂前菜有野菌湯配蒜蓉包及沙律菜 🫕🥖🥗蒜蓉包浸完野菌湯味道好好食😋湯份量剛好，不多不少.💠香煎大蝦配西冷紅酒汁 🦐🥩🍷 $268Grilled Prawn w/ Sirloin Steak & Red wine sauce 牛扒肥美厚身，肉汁多，淋上紅酒汁後可以食到它的酒香☺️大蝦好大隻😱而全全部也是肉，爽口彈牙，廚房好細心將大蝦切開了少少位，好方便不需要直接用手就能輕開脫去蝦皮😙💠Error 19 Burger 🍔 $128（牛肉，生菜，芝士，蕃茄片）配薯條薯條幼身，炸得好香脆，漢堡堡都算大份，重點是牛排，好厚好有份量😳超香肉汁也多，肉質好鬆軟，牛肉味好濃郁，芝士是以熱溶形式滲入牛肉，豐富了其味道和口感.飲品跟餐 + $28🔹Rainbow Soda 🍹好夢幻的漸變色，底層是暖暖的，而上面是凍的，

附近餐廳19樓，無比附近建築物擋住曬個視線，景觀都算開揚，可以望到天空由藍變橙再變黑嘅靚景。沙律/湯/蒜蓉面包前菜幾高質，沙律菜新鮮爽脆，同個醋好夾。蘑菇湯好creamy好足料，有大量蘑菇粒。鮮蝦帶子紅花意大利飯意大利飯138蚊，飯係用正宗方法，而唔係電飯煲去煮，食落有濃郁高湯味，有咬口。配料有4-5隻蝦＋帶子，size正常，唔算大。不過蝦新鮮彈牙，帶子鮮甜。同個飯幾襯。Tiramisu 梳乎厘梳乎厘好重蛋香，空氣感重，好好食。面頭加左tiramisu同咖啡味嘅手指餅。好鐘意tiramisu個pat cream，好香好滑，係靈魂。😂臨走前發現佢個蛋糕櫃有幾個寫住happy birthday嘅生日蛋糕。賣相非常之靚，可能可以同餐廳訂做❤️

鍾意粉紅色（成幅牆都係粉紅色同心心） 鍾意error(講笑) 鍾意食西餐，鍾意打卡。呢間cafe好適合大家去。餐廳有set lunch, set dinner, 亦都有好多種甜品選擇。set lunch由68蚊至138蚊，set dinner由98蚊至218蚊，包沙律，湯，蒜蓉牛油多士，都幾抵食。蟹肉露荀意大利飯 118蚊呢個意大利飯令我超驚喜，估唔到呢個價位可以食到蟹肉味超濃郁/超多蟹肉嘅意大利飯。調味適中，加埋切碎左嘅蘆筍，呢個飯1啲都唔漏。前菜整體幾高質，特別係個湯，滿滿切碎左嘅蘑菇加落忌廉湯度。1上枱，碗湯熱辣辣，飲完好滿足❤️ 襯埋個意大利飯，係一個圓滿高質嘅西餐晚餐。 一路食飯，仲會一路播住啲mirror error嘅歌，真係好鬼正😂😂

啱啱做完facial，諗住搵個地方食嘢近近地，係726呢度，全棟都有嘢食，見到呢間新開靚裝，就食呢度啦！上到黎，有超靚打咭位，食裝修都已經夠正！好，坐低睇下有咩好食先。香辣檸檬海鮮意大利麵，意粉炒得好夠乾身，食落有咬勁，海鮮有蝦、墨魚、魷魚，辣味充足，仲用左蒜片去爆，好香口，蒜片冇左強烈嘅味道，可以食埋添！叫餐自動跟湯同沙律，好抵食，個湯好濃稠，好飲。飲品叫左芒草洛神花，顏色有層次好靚，搞匀之後味道酸酸甜甜。宇治抹茶十勝紅豆梳乎厘，暫時係我食過最好食嘅梳乎厘，有空氣感，軟綿綿，又食到蛋白香，上面個忌廉，重奶油味，好creamy。配角蕨餅、抹茶啫喱、紅豆都係無得輸。

呢間餐廳係新開無耐，係8月尾先開～～餐廳主打粉紅色少女心系🥰，場內有好多位置可以打卡影相，而家有好多塊大大既玻璃窗，晏就黎可以影到自然既日光效果🤩，夜晚黎都有好多霓虹燈同室內既場景可以影😜一去到門口，就有第一個打卡影相嘅地方，等緊位嘅同時，已經可以喺度影相📸，邊等位邊影相就唔使怕嘥時間👻因為咁岩我地好早到，所以未有好多人，仲可以自己簡位坐餐廳好大間😽，每個位與位之後都有適當距離👍🏻，夜晚主要都係食set dinner，跟沙律同餐湯、餐包🍲🥪⋯我地都一人叫左一個set跟餐有沙律、餐湯同餐包。餐湯好好飲，係忌廉磨菇湯。仲有細細塊餐包可以點住個湯黎食😋🍔Error 19 牛堡 $128牛堡份量都幾大份🍔，仲配左薯條🍟。薯條仲係熱辣辣，係即叫即整，又脆香又軟熟😻。牛堡材料有生菜、蕃茄、醬料、牛肉同埋一層芝士，食落去仲有好多肉汁😈，口感好好。🍗香煎大蝦配西冷扒紅酒汁 $268餐廳好貼心，大蝦已經一早已經剝好殼，一打開個殼就可以好快食到🥺，唔洗自己用手剝👍🏻。西冷牛扒都幾大塊，叫左七成熟，肉質口感岩岩好，唔會太淋、火喉適中🥳。加$28可以有杯特色飲品😽😽🍸彩虹梳打 +$28有幾隻果汁既味道，分左幾

估唔到呢間cafe嘅食物都幾好食，叫左set dinner 加1個甜品，外觀同味道都幾好。🥩燒肉眼扒配紅酒汁 208蚊肉眼扒好大塊好厚身，order煎至七成熟，火候掌握得幾好，肉眼質素唔好期待a4和牛質素，但絕對對得住個價錢。紅酒汁唔太咸。 配菜有少少油，包茄子薯仔蕃茄。🦑炸魷魚圈 68蚊炸魷魚圈嘅炸粉唔會太厚，鹹鹹香香，份量足。🍹薄荷青瓜梳打（ 原價50蚊跟餐價加18蚊）好清新嘅一款飲品，薄荷同青瓜出奇地夾😳 飲品甜甜地，再加埋少少薄荷味，解渴消暑。跟餐加18蚊，超抵！😍整體體驗唔錯，餐廳侍應年輕有禮貌 ❤️❤️ 坐位寬敞，不過有啲凍，女士去嘅話記得著多件褸😂 以呢個價錢嚟講，性價比幾多。❤️😊😊

餐廳環境非常之少女夢幻。牆壁，擺設，都非常之少女心爆發。門口有一個花花牆, 加一個千秋。一出lift就可以打卡啦。食物方面選擇唔多。價錢亦都偏貴。三人行，叫咗一個最安全嘅漢堡，三文魚長通粉，同埋煎魚。價錢分別100至200左右。上菜非常之慢，等咗差唔多45分鐘先至可以全部上晒。可能因為想俾多啲時間客人傾偈。好似啲外國餐廳咁。味道方面，我只可以話差。不過唔緊要，來得呢啲餐廳都唔係諗住食嘢嘅。純粹係想打卡。所以建議叫啲最安全嘅餐，例如漢堡包。漢堡包配薯條非常正常。三文魚長通粉，難食。三文魚粒係臭㗎。非常之腥。完全冇三文魚嘅味。剩係得魚腥味。質感非常之鞋。煎sea bass肉質非常之實。雖然呢個冇魚腥味，但亦都唔可以話係好味。未食過咁硬同埋咁實嘅魚。以呢一個質素，$200 ，感覺偏貴。份量亦都非常細。都幾失望。不過如果去呢一度同朋友傾吓計唔錯。唔太多人，環境舒服，服務好。都係嗰句，呢一種Cafe，主要係影相，傾偈，朋友聚會。對食物質素要求高嘅話，呢一度唔適合。

食過咁多次港女tea最差嘅一間🌚🌚港女tea呢樣嘢真係一分錢一分貨，奉勸大家真係唔好貪平，食返啲中位價起碼人均二百幾一位都好過食百幾蚊一位-尋日同男友去食，平時都唔會同男友食呢啲嘢，一心諗住平得來幾靚，試吓同埋打下卡睇啲宣傳片仲話可以影到海景，但成間餐廳落晒簾影唔到，算啦呢個唔係重點。坐低冇耐，staff就上咗個餐牌俾我哋，又係例牌啦，揀茶。我開頭唔知仲懶醒以為係一人揀一款，好彩最後問一問先，因為男友見到隔離枱兩母女都係得一壺茶。-之後覺得開始出事啦😑唔係啲茶嘅問題，係佢哋啲服務速度同態度好有問題！雖然冇睇鐘唔知用咗幾耐時間，但呢次係我食過五次港女T有史以來等得最耐嘅一次！🌚開頭男友仲話唔使急啦慢慢嚟，食完之後都唔知去邊，想消耗下時間就覺得唔使咁急order住。所以我哋坐咗可能都有10分鐘先嗌茶。然後等咗應該起碼有三四個字先上，平時啲港女T 邊使咁耐先上到菜？我懷疑佢啲食材有啲係即叫即整。如果係即叫即整得來好食嘅係OK，但最弊唔係呢🙄通常坐梳化位靠牆嘅角度會睇到晒廚房出餐位，見佢哋係將一個個半月式鳥籠放晒喺冇客嘅枱面，跟住喺廚房行出黎先將啲嘢食砌上個架度再拎俾客人。唔知正常係咪都係咁做

旺角新打卡cafe!! 有朋友介紹，話呢到好岩我，一出lift 已經係全新世界，我既世界都係粉紅色！呢到有帶比人開心既魔法！粉紅主題配上紫藍色既座位真係我摯愛！除左色調以外，呢到仲有閃粉公主燈，真係令人好賞心悅目！喜愛薯條既我就黎試下黑松露芝士薯條，幾個要求都達標：黑松露醬要足夠，唔會有汽油味；薯條脆而不膩，入面唔係空氣，夠薯味！之後叫左個飽肚既肉醬意粉，真係好耐無食呢樣野但想留番d錢食呢到最出名既甜品就叫左，都無令我失望！佢大量既香草將意粉層次提升！脆炸魷魚🦑係過下口癮之選，一方面有宵夜大拍擋既鍋氣質素，另一方面呢係佢既魷魚啖啖肉，一d都唔係出面既油炸炸粉，如果喜歡真材實料絕對建議叫！（因為本人我食慣炸粉🤣）之後重點推介佢哋個甜品，分別叫左宇治抹茶紅豆梳乎厘同埋肥仔雙重朱古力窩夫，兩個都份量十足同埋超級高質！梳乎厘唔係重蛋白果種，而係較輕身同易入口果種，無好鹼既味道以為好實，而係軟心入口即融！佢既周邊絕對係值呢個價，有chewy 抹茶麻薯、十勝紅豆同抹茶啫喱，信我，以上呢幾樣野都有好難食既版本，但係呢到全部都高質濃味！朱古力窩夫就好有心思地落左幾樣版本既朱古力，有碎有醬，有苦有甜，非