Error 19 (已結業)

Error熱潮下，係旺角彌敦道726號都開左間叫Error既餐廳,一個人行完街悶悶地，於是上去一探究竟順便睇下有無甜品食先，一步出lift門，就充滿住少女+夢幻感覺，佈置走清純可愛路線，周圍都係打卡位，門口位置有個釣索圓形秋千櫈同花花牆，轉入去餐廳景觀開揚，粉紅色的花邊椅子配襯金邊白枱，華麗得黎充滿住夢幻，今晚唔算太多人，我選坐在充滿心心裝飾的牆壁旁邊，方便selfie，出面有個透明玻璃凍櫃，放滿餐廳新鮮製作的各式甜品供客人望完落Order,於是我點左個三色筒兼叫左份清酒煮蜆細味品嚐。清酒煮蜆用個黑色小鐵鍋盛裝上枱，面頭有些蒜片，聞到酒香飄逸，忍唔住即刻拎一隻黎啜，嘩，蜆肉感覺似剛熟狀態，火喉控制得岩岩好，肉質鮮嫩無比，清酒與蜆肉汁既混合，啜到啖啖Juicy味道。甜品三色筒望落巳非常吸引，用牛角酥皮包做脆筒包住紫薯、士多啤梨、朱古力cream,食落唔會好溜，揸住食覺得有種年輕既味道出哂黎。

呢間餐廳嘅賣點係以粉紅色為主，門口已經有一大個打卡位，可以坐喺度慢慢影。入到餐廳粉紅色係主調，有一個位有好多粉紅色心心牆，所以打卡相當好。夜晚有晚餐，價錢$98-$288，有沙律🥗、餐湯。湯熱辣辣，味道都唔錯，沙律夠新鮮，有甜醋汁。仲有塊小小蒜蓉牛油法包。我揀咗鮮蝦帶子紅花意大利飯$138，賣相唔錯，份量都唔少，有三隻大蝦，味道幾爽口。意大利粉煙煙韌韌有口感。飲品酸酸甜甜唔錯。呢度仲有多款甜品，見到隔離枱有叫，相當吸引。下次嚟要試吓。

旺角既726經常都有唔同既高質餐廳進駐,今日朋友又帶我黎到726一間新開又充滿少女心既cafe.成開cafe都以粉紅色為主調,門口有個好靚掛滿粉系顏色花既背景同吊椅既打卡位 西班牙蒜片蝦蝦肉肉身大隻又厚身,肉質彈牙又夠爽脆.底下以橄欖油浸泡蝦肉,呈金黃色既蝦肉沾上橄欖油後更滑而且帶一陣香而不膩既橄油.再配上少少辣椒及蒜片帶點香辣感,令味道更有層次感.將蝦肉及蒜片放上烘香既多士上,多士吸收左帶住蝦香既橄油味道濃郁惹味.番紅花帶子意大利飯意大利飯被番紅花染上天然又華麗既金黃色,相信吸引.意大利飯面上帶有大蝦仁及煎香左既帶子,蝦仁及帶子同樣鮮香及彈牙令意大利飯更鮮甜.意大利飯creamy帶淡淡既芝士鹹香.飯質又唔會過硬帶飯骨,入口軟糯又唔會過淋而變得糊.冬瓜益力多梳打冬瓜茶口味既益力多梳打呢個配搭特別之餘又出奇地夾,味道清新,酸酸甜甜開胃又解膩.

想食西餐咁啱search到呢間新開嘅餐廳就係去試吓！電梯一打開門口已經有一種粉紅爆燈嘅感覺，仲有特別嘅打卡位，少女心到不得了！落地大玻璃令人有一種心曠神怡嘅感覺，lunch人流唔多，坐得都幾舒服。我地order左香辣檸檬汁海鮮意粉，跟餐湯、沙律同餐飲。雖然得三枱客，帶位、落單、送餐、餐飲、甜品、收銀全部由兩位侍應生handle，所以由落單到出餐湯沙律都要15分鐘。味道方面，忌廉磨菇湯有粒粒磨菇口感，意粉一般般味道較淡。整體感覺食物一般，裝修係重點，比較適合鐘意粉紅色嘅朋友打卡，但一試無妨。

Error mirror 迷必到🤣一路食一路聽住佢地嘅歌😍而且成個餐廳設計好啱打卡，女仔啱唒！！有pink有閃閃，真係好有心思呀👍🏼👍🏼今晚唔算好餓，所以叫咗一set dinner算🤣肉醬意粉，有湯同沙律！湯係一大碗粟米湯，好多粟米蓉好味👍🏼👍🏼跟餐有得加18要飲品，好多有得揀，咩飲品都得！正！叫咗百香果烏龍，酸酸地好醒胃！意粉唔會好粉好淋！好好食🤣而且食得出唔係用茄膏，所以有蕃茄嘅酸👍🏼炸魷魚圈 $68好新鮮啱啱炸好！！點醬食一流！！梗係有我最愛嘅黑松露薯條喇🤣🤣好多醬，但都最後比我地食唒全部🤣🤣薯條係炸完再焗有芝士係面！！好少見！！不過成晚最精彩嘅重點係甜品！應該係新鮮整，所以要多啲時間預備🤣宇治抹茶紅豆疏乎厘 $95正呀！！好濃好甘嘅抹茶味！！疏乎厘亦空氣感十足！佢嘅配菜都好好食咼！！有個似jelly嘅超濃，好似食緊綠茶粉咁樣🤣👍🏼高質！！404朱古力窩夫 $78一上菜就wahhh，好快要影相🤣打卡必叫！！！窩夫唔係好薄唔好食，佢好正！少有有chewy感覺，而且仲要好多cream 同生果！！好食呀！！

朋友喺cafe關注組入面見到有人分享呢間餐廳。我哋畀餐廳粉紅色嘅裝修主調吸引左。上星期即刻去左打卡🕹去到之後發現餐廳除咗裝修得好靚之外，佢嘅定價都唔貴。我哋夜晚去set dinner嘅價錢由98至288不等。最抵嘅係 set dinner包沙律/湯/麵包。我哋只要加18蚊就可以order餐牌上面嘅飲品。而啲甜品呢就會比正價再減20蚊。香煎鱸魚配 意式蕃茄橄欖醬汁 138蚊超級推介嘅香煎鱸魚，分量足，配料一流。講講個鱸魚先：條鱸魚有兩片，好大塊，煎到好香脆，肉質鮮嫩。至於個汁呢：用 茄汁/蕃茄粒/橄欖粒/蘑菇粒/黃椒粒/香草炒香伴碟， 好正！！！黑松露炒雜菌-小食 48蚊黑松露炒雜菌好大碟。個黑松露醬剛剛好，唔會太濃味。用橄欖油加黑松露醬炒香嘅菇好好味！

尋日係tapnow 買左個error19 promotion high tea然後間野真的有點error😂成個場有20張枱但得兩個staffscan左coupon code之後又忘記左我地搞左一個鐘個tea set 先到好彩我同朋友兩個多野傾快樂不知時日過😂咸點芝麻雞翼，鵝肝多士同和牛漢堡都好好食！但個龍蝦草莓沙律杯只見mousse不見沙律（係咪我有咩誤會左？）然後甜點竟然冇咩特別🥺(除左雪糕，因為係movenpick😂）個set份量超級輕盈 如果原價$498就不了～不過咸點出色的話呢間野應該晚餐會幾好食😀成間餐廳都粉紅色打卡好開心❣️#折左之後每位都係$174(加一收原價）#promotion只收現金#tapnow有晚餐優惠

旺角新開左間打卡Cafe Error 19，同viutv Error冇直接關係🙈餐廳門前設有花花牆配搭發光韆鞦，客人可以先打卡後入座，內部裝修風格都係行粉紅色系列，滿滿少女心🦐西班牙香辣蒜片蝦｜$88西班牙菜中尤其愛用橄欖油，視之如同甘露一般的，這道菜就完美呈現這種特色因為金黃亮澤的蒜片蝦就浸在事先用蝦頭和蝦殼預先熬煮的油當中🍞蝦肉爽彈惹味，但最吸引的是帶有濃濃鮮香蝦子的橄欖油，還有辣味混在其中，用麵包蘸吃一流。 🐟香煎鱸魚柳伴香草車厘茄沙律｜$138兩大塊鱸魚柳夾雜著十多顆車厘茄，非常足料，經過煎封後，鱸魚皮很香脆，內裏肉質細緻嫩滑，感覺綿細。旁邊的黑醋醬汁甜香帶有點莓味🍒加上車厘茄的酸甜開胃配搭很好。 🐓香煎雞胸配野菌燒汁｜$128由於同行友人也是健身愛好者，所以偏好白肉，除了魚肉，還有雞胸這類恩物😍雞胸預先經過調味，鹹香味道更突出。還加上薯角野菌等配料，令整道菜口味不單調👍

上到error 19，立刻被它驚豔，事關門口擺設好靚，粉紅色羽毛好有歐洲名媛感；側邊設有月亮打卡位，後悔自己冇着到一字膊雪紡上衫加仙氣飄飄裙出場！Main course有沙律、餐湯同餐包跟，送埋野飲~好抵！另外都可以+$18叫特飲沙律對我而言份量剛剛好，只有幾塊菜，我呢啲唔食菜嘅人，淺嚐即可~餐包搽了牛油，而餐湯味道有點似羅宋湯，估計加咗番茄、紅蘿蔔做配料，濃稠一點，飲落酸尾尾，好開胃！主菜嗌咗香煎三文魚配荷蘭汁，煎得岩岩好，唔會太過太少，三文魚肉質鮮嫩，魚肉味濃郁；其他配料如荀、烤薯仔都好好食，完全滿足我口腹！：D見到甜品menu心動了，超卡路里quota都要嗌紅粉梳乎厘~oh my god!!!好靚呀，少女心爆發！粉紅色的果肉係水蜜桃，香甜無比；梳乎厘空氣感十足，超軟超動L，入口即融，配埋糖霜同粉紅色忌廉，嗜甜人大愛 🤤close up畀大家睇~飲品嗌咗彩虹梳打，係黃昏的顏色呀！飲落偏柑橘味，應該係用柳橙、檸檬之類調製而成~btw要讚下呢到嘅燈，超有心思，完全配合大家影女神相同食物照！大家可能留意到，前面啲相張枱都有啲光圈，超靚，就係上頭嘅燈同鏡投映而成！

一出lift，就比重重既粉紅色包圍住。門口可以係粉紅花牆度打個卡，入到餐廳坐低，由座椅到牆壁都用上夢幻少女粉色，連擺設同餐具都配合住呢個色系，入到嚟真係少女心大爆發。前菜晚餐嗌一份主食，跟餐配埋餐湯、餐包及沙律。沙律加左少少醋，幾開胃。多士則焗得好香口。蘑菇湯份量雖然細啲，不過味道都幾濃郁。香煎鱸魚柳伴香草車厘茄沙律魚柳比想像中出色，魚皮煎得香脆，魚肉軟綿得嚟無比調味掩蓋本身既味道。底下既車厘茄份量都幾多，仲焗得好juicy。芒果拿破崙估唔到拿破崙居然係咁大件。上面仲有芒果捲成玫瑰形狀，加埋靚靚既攞盤，真係無得輸。三色花花酥皮筒三種唔同口味既cream，配埋雪凍左既朱古力酥皮筒，啱哂同朋友share食。

最啱打卡的Error19位於旺角的Error19，全店以粉紅色為主調，超多打卡位，最啱閨蜜來傾計。Error19是大集團旗下的餐廳，所以質素有返咁上下。今晚的餐湯是蘑菇湯，伴上新鮮的沙律菜和意大利黑醋，餐廳所用的黑醋很好味與別不同。蘑菇湯份量也不少，還有幼幼蘑菇粒。燒肉眼扒$208肉眼扒超大件，又厚身，牛味不錯，廚師烹飪技術亦很好，掌握火候亦到家，咁大件好抵食。配菜有燒青瓜，薯仔。安格斯牛肉漢堡$108漢堡做得很認真，漢堡包表面及內裏都焗得脆脆的，十分可口，安格斯牛肉漢堡是自家製的，又厚又大件，有肉汁，好吃。配菜的薯條頗大條，很脆，炸薯條的油亦很新鮮，薯條份量超多。紅莓蘋果梳打（跟餐$18） 這個梳打清清的，不太甜，都幾好飲。404肥仔重朱古力窩夫（原價$78）（跟餐減$20）這個窩夫製作特別認真，不像普通舖頭或自助餐的厚粉窩夫，窩夫是用蛋白打起再加入適量麵粉，所以不會太飽太滯，很是好吃。

Error19,位於旺角彌敦道，餐廳交通方便,不算難找，一進門就覺得好精緻，這家粉紅色的少女咖啡室主打西餐及甜品。可能因為新開張的關係，進食當天客人不算多，上餐的速度不錯，基本上點餐之後，未影完相打晒卡d野食已經到，值得一讚!

Error fans?粉紅色心心牆、粉紅色椅，太吸引啦。鋪名叫Error 19, 有Error歌仔聽。女仔專用，打卡好正，心心牆邊得2張枱，要打卡，記得早d 預約定啦。影完相先落單，今次晚餐試左和牛漢堡,牛扒juice,肉質偏林，個包皮脆脆嘅，味道唔錯。另外叫左一個蟹肉意大利飯，飯有小小硬，意大利米係比較難煮，要水份及時間捉得好好，個汁好有蟹味，整體唔錯。小食有芝士黑松露薯條，芝士溶左，將d薯條黐實晒，黑松露係一個cream狀嘅，點來食，正！飲品方面，晚餐加$18就有一杯，原價$45-55。我地叫左熱牛奶抺茶，有拉花，我地點餐係正常甜，但來到覺得唔太甜，比較重茶味。仲有叫左凍Mocha 都係偏少甜，咖啡味好重，如果多少少奶會好d。

做咗foodie咁耐，都未試過係第一個寫嗰間餐廳食評嘅人，等我今次就為依間新開嘅餐廳，寫下食評啦，呢間餐廳好有少女心，全間餐廳已粉紅色同藍色為主，仲有好多打卡位，裝修到幾靚。我係食晏晝，覺得個價位唔算貴，幾十蚊至到100幾十蚊都已經有選擇啦，喺旺角來講，都算係平價嘅選擇。湯係南瓜湯，而沙律菜就正正常常啦叫咗一個牛扒餐同埋一個蜆肉意粉餐。每一個餐都包沙律菜同湯同蒜蓉包！認真抵食，至於嘢飲如果想要嘅話呢就加$18就有啦。西冷牛扒配紅酒汁叫咗五成熟，真係啱啱好，俾大家睇吓幅圖就知啦，唔會有血水，牛味配埋紅酒汁，就絕配！蜆肉意粉呢個就真係建議鍾意食辣嘅蜆肉意粉先好叫啦，因為佢算係printer嘅，但辣得來又幾好食嘅，佢嘅蜆肉好新鮮，好香。而且意粉唔會煮得太冧，一個價錢有咁嘅質素，我一定會再返嚟食。我而家食就唔使等位，但我好肯定佢多啲人食之後一定會更加更加多人嚟排隊打卡。

好耐都未去過pink pink餐廳打卡💖女孩們～記住要好好對待自己，努力把自己寵成公主😘-晚餐Menu 配餐湯&沙律Set B: 燒紐西蘭羊架配迷迭香汁 $208羊肉嫩滑，蔬菜煮軟了又多汁，燒得香香的，配上醬汁，是整頓晚餐最佳選擇💓至於甜品選擇，望見甜品櫃，款式外觀有點不討好，所以選了一個正正常常：粉紅梳乎厘 $78製作需時，可預先落單，再後上。上枱時，份量比預期中少，梳乎厘已經扁扁的，桃粒不太甜，似放置多時，感覺不太新鮮，忌廉甜度和凍點尚算正常。假如再調整一下，相信可以提升性價比😉p.s. 店舖播放mirror嘅歌曲，作為鏡粉，即時甜入心；食飽飽，還有大大彎月等你打卡