Ember (已結業)

位於銅鑼灣既Ember，環境寬敞舒適，裝潢雅緻，燈光柔和，感覺好浪漫。無論成班人傾計定兩個人去拍拖都好適合。酒水選擇好豐富😝China Trap House超有特色！因爲聽日要返工，唔方便飲酒，今次我同朋友就選擇左試呢度既Mocktail。Beat of Candy($70)賣相好靚，好似一個透明既蛋殻裝住五彩繽紛既熊仔糖，仲有我由細食到大既蛋呀！第一啖主要係芒果核打水既味道，等啲糖溶左，就會慢慢有埋糖果既甜味，好特別！而且甜度適中，唔錯。Music Tower($70)上面一條條類似薯條既野其實係菠蘿，菠蘿好新鮮，好好食。飲落好香菠蘿味，酸酸地，實屬開胃之選。推薦👍🏻香草蒜蓉牛油白菌焗田螺($98)味道超級出色既一道小食！一口接一口完全停唔到。香草蒜蓉牛油完全係天作之合，味道超香濃，配上焗薯泥真係好無敵！白菌上係大大粒既田螺，口感軟稔入味，正。推薦👍🏻超級大份既肉眼扒😋雖然比預期中熟左少少，但口感依舊軟稔，中間呈好靚既粉紅色，而且牛味十足，食得出牛肉新鮮而且係靚牛，貨真價實。帶子意大利飯帶子好大粒，而且經香煎過。醬汁唔知係咪加上蛋黃，味道好香濃，口感較稠。而且加入左唔同配料，例如粟米

傍晚走向銅鑼灣海傍食飯HH，可以試下ember，不單飲品有特色，連食物都甚有質素不錯的cp值。好hip的裝修。Drinks十分有特色，全都是自家設計。Pop Punch ($70/HH)，很真實的青瓜味，帶點kiwi的酸味，加左lime juice和soda water，感覺很清新。Music Tower ($70/HH)，菠蘿條一層層叠起，賣相有趣，芒果汁令到mocktail很甜，女士一定會喜歡。落地玻璃有景睇，又有空間感。 低溫慢煮鮮三文魚柳藜麥粟米木瓜沙律($148)，厚切三文魚用低温慢煮，可以保持肉質嫩滑，木瓜沙律加埋粟米、紅椒和藜麥，色彩繽紛又健康，配上芒果醬汁，視覺十分吸引，酸甜味令人胃口大開。鑊仔麻辣西班牙黑毛豬粒 ($98)中西合璧，仲有青瓜、洋蔥一齊炒，麻辣香味出色，西班牙黑毛豬肉質軟嫩，口感跟中式炒的不一樣，想不到在這裡也可以吃得到，好惹味！北海道鮮帶子煙肉拌乾車厘茄芥蘭苗香辣蒜片鮑魚汁扁意粉 ($168)，份量蠻多的，北海道鮮帶子大顆又厚肉，香辣蒜片清炒是絕配，炒得很香，又不會蓋過帶子的鮮味，扁意粉軟硬適中，掛上鮑魚汁很美味。

因為去銅鑼灣行IKEA 所以難得過嚟港島搵吓有咩好食餐廳網上搵一搵嘅呢間評價唔錯就決定試下一嚟到見到樓底好高 裝修勁有情調淨係望住個裝修食嘢都好食d問完員工有咩食之後嗱嗱聲落orderStarter我哋揀左beef nachos 芝士落得超多牛肉醬嘅味道亦都啱啱好仲有三款醬可以揀我最鍾意就係sour cream 食唔停主菜我哋就揀咗低溫慢煮黃油雞因為係用低溫慢煮所以肉質超鮮嫩入面仲包住左其他嘅配料Combine 埋一齊嘅口感好特別另外我哋仲叫咗帶子煙肉扁意粉個意粉完全煮得啱啱好做到外面軟中間仲有少少硬食起上嚟充滿口感而且配料新鮮醬汁亦都較得啱啱好嚟到呢啲咁有情調嘅餐廳就梗係要點返兩杯酒傾下計見到個Menu有冇茶盅 令我諗起M1飲果時隻cocktail 一問之下原來係同一個集團😂難怪嘢食嘅品質都唔錯咁野似就放心可以叫cocktail 我地就揀咗sleeping Beauty feat coffee 同 tap sonic Tap sonic 好有心咁將啲花加入個冰入面所以飲起上嚟有淡淡的花香 幾清新而另一杯就係有酒味嘅咖啡啱晒兩樣都鍾意嘅我😍

呢間Ember係M1 bar旗下既餐廳，質素有保證，我地happy hour時間黎，唔係好多人，可以靜靜傾下計。點左凱薩沙律配煙三文魚，麻辣黑毛豬粒，泰式雞亦同黑毛豬火腿pizza~凱薩沙律好大盆，勁夠sauce所以味道好好，沙律菜好爽口，不過煙三文魚得2塊就少左d~麻辣黑毛豬粒賣相好吸引，鐵板上有勁多辣椒，但食落唔算好辣，黑毛豬粒juicy有咬口，入面仲加左青瓜好惹味。泰式雞亦好大隻，點泰式汁又係辣辣地，不過炸粉有點厚好熱氣xd而黑毛豬火腿pizza都唔錯，餅底脆身，黑毛豬火腿富咸香，夾埋芝士同餅底唔錯。最後呢度既mocktail幾有特色，呢杯cocktail上面疊滿菠蘿，下面都係菠蘿味既特飲，賣相special!

好少可一間偏向酒吧既餐廳都能造出品質極高既食物，甚至好比唔少fine dining餐廳，未試過既真系要試一試，反正價錢適中，絕對抵食又好食。香烤腸拼盤 (188) - 一共有五款唔同既德國肉腸，包括芝士豬肉腸、雞肉腸、辣肉腸、沙樂美腸等等，好有德國腸既風味，美味可口，充滿肉汁，連少食肉腸既朋友都在讚嘆，真心唔錯。仲拼有一大堆連皮粗薯條，薯味較重，亦都好飽肚。烤雞黑毛豬辣肉腸薄餅 (158) - 用料非常大堆頭，有烤雞胸肉、黑毛豬辣肉腸、 白菌、Mozzarella Cheese、黑水欖、紅蔥，以及蕃茄醬，芝士份量足，半溶拉絲夠曬香口，餅底都夠薄脆，而且好有肉感，share食一流。烤美國安格斯特級肉眼扒拼粗薯條及燒汁 (308/12oz) - 12oz大大塊，燒至medium (半熟)，肉間中帶有適量脂肪，夠曬香口，呢個級別既肉眼肉味都夠濃，半熟有少少血更加鮮香，都真系幾好食。Tap Sonic (128) - Gin酒做base都一款cocktail，仲有苿莉糖水同埋一條homemade既花花冰柱，一邊飲住含花香既Gin雞尾酒，一邊睇住條彩色冰柱慢慢融化，都幾好feel。

非常推介既一間Bar & Restaurant，食物高質，環境又唔錯，一班人黎chill下又得，情侶二人浪漫一番亦可以。Mahou Draught Beer: 呢款啤酒幾香醇，麥味比較濃郁，都幾好飲；女士則可選擇Mac's White，較清淡帶花香。泰式脆炸雞中翼 ($78): 雞翼大大隻，炸到非常酥香，仲有超多肉汁，搭配既泰式辣醬為其生色不少。烤西班牙黑毛豬扒伴荷蘭豆燒手指薯配燒汁 ($168): 同行友人話呢塊黑毛豬扒好食過牛扒，我也相當認同。黑豚肉味鮮香，好有肉味，肉質超級幼嫩多肉汁，好好食。烤美國安格斯特級肉眼牛扒伴薯條配燒汁 ($308/12安士): 牛扒都唔錯，用左prime級別既肉眼，先勝一籌。脂肪適量，肉味同油香中取得balance，特級二字都算系實至名歸。

係附近唔知食咩好，聽聞依間有live band聽，咁過黎模下酒杯底，嘆下傾下計坐底當然叫杯酒先，叫左兩杯特色cocktail, tap sonic同sonic sleeping beauty ,tap sonic會幾吸引少女，冰中有花係入面，甜甜地，好像有少少花香，而sleeping beauty,如果要講的話，就是咖啡酒，鍾愛咖啡的都可以試試炸雞黑毛豬辣肉腸pizza，滿滿的肉鋪滿pizza面，薄薄嘅餅底令口感香脆，味道岩岩好香煎鵝肝多士配無花果，第一次依依種配搭，香口的鵝肝因為有無花果，令油膩感減低，仲帶點甜甜地好多料的北海道帶子煙肉半乾車厘茄芥蘭苗香辣蒜片鮑魚汁扁意粉，基本所有的料已寫哂出黎，意粉我要求煮軟少少，但仍然爽口彈牙，辣辣地幾練食

M1旗下Ember...飲品創新，食物高質，每一口都是享受，呢間無論食物環境同服務都好高質的酒吧餐廳👍世盃賽睇波一流呀！💋雞肉墨西哥烤餅配上酸忌廉，個牛油梨醬、蕃茄莎莎，配合多到爆炸既饀料食落十分有異國風情墨西哥烤餅，再配上靚芝士令整個烤餅具獨特香而美味，令人食到停唔到主食黎啦⋯⋯「海鮮西班牙飯」雖等半小時...但是值得，上碟個樣好靚，飯味道調校都唔錯，底油份比較多，但令飯多了一份焦香，海鮮（藍青口、大蝦🍤）嫩滑易食黎一杯Mocktail: Pop Punch(奇異果🥝）🍹，好有果香味，但又係酒，好得意😎又有營黎一杯Signature Cocktail:China Trap House一杯用中國風碗估唔到係杯酒，仲要好好飲，有淡淡綠茶🍵香同埋少少果汁味整體來說真的得有驚喜，環境也很好👍🏻

※本文以用餐當日的環境、服務和食物質素為準，口味亦因人而異，文章只作參考之用。-一到夜晚，想係銅鑼灣搵間坐得舒服的餐廳認真不易，一係排晒隊，一係坐得又迫又嘈！但行遠少少就發掘到呢間環境舒服，食物味道又不錯的Ember。Ember據說係M1 bar旗下既餐廳，食物水準固然不錯。餐廳內樓底高，闊落舒適，酒吧枱那一片裝潢得時尚有特色，影相一流！除左放工黎呢度飲返杯外，晚餐價錢相宜都係一個不錯的選擇。餐牌部份China Trap House $118呢杯用萬壽無疆杯裝既茶味Cocktail，中西融合既飲品，影相一相。有綠茶和果汁搭配的味道，飲落酒味不重，但味道不太適合我倆。Music Tower $70呢杯用切條菠蘿堆砌得很有型的Mocktail，飲落菠蘿味很重很清新，夏天飲解暑一流！脆炸鵪鶉蛋墨魚波配泰式辣汁 $98每粒墨魚丸內都釀左一粒鵪鶉蛋再拎去炸，入口時非常熱辣辣，墨魚波質感就如蝦滑般爽彈，搭配鵪鶉蛋豐富左口感同味道，蘸上泰式辣汁，帶點微辣很惹味。烤西班牙黑毛豬伴荷蘭豆燒手指薯配燒汁 $168幫我們落單的那位經理？很貼心的建議我們要七成熟，食落會無咁韌。黑毛豬份量不少，咀嚼中的肉質頗鬆

男友話搵到間氣氛好正既bar restaurant要帶我去 原來就係舊公司附近既一間餐廳 入去到好似去食燭光晚餐咁燈光好間 每張枱都會有燈係呢到睇波簡直一流呀 吧枱有電視 仲有個大Mon 真係好正我地兩個揀左個龍蝦湯、豬手、pizza同埋兩杯cocktail 首先上個龍蝦湯 份量唔小 一人一個飲唔哂 味道幾濃 但唔會太「結」 唔會話飲完好飽然後上個西班牙辣香腸Pizza，男友指定要食 都好大個 分左8件 即係一人4件不過係薄Pizza，唔好話太多 一拉起一件有芝士絲咖好正呀！好夠味 辣香腸但Pizza唔會好辣之後上個豬手炸得超香 脆卜卜咁 侍應好好 上完就幫我地拎去分件 好細心初時仲以為要自己切分完都有8-10件 全肉 係超飽既 不得不提佢真係好好食 呢個豬手夠咸放酒一流加上外皮好脆 肉就好林 口感唔同 食起來好正不過真係好飽 兩個都食唔哂一隻豬手最後揀左兩杯cocktail- Sleeping Beauty feat Coffee and Tap Sonic男友中意Coffee 連杯酒都要有coffee既一上枱係好靚既cocktail, 唔講唔知係酒男友就超中意 但我唔太飲得酒既試左

英超煞科日, 就諗住同朋友去餐廳度, 一邊食飯, 一邊睇英超, 賞心樂事! 去咗銅鑼灣一間酒吧餐廳, 非常之大, 樓底又夠高, 又有電視大螢幕, 播放著英超我哋點咗 龍蝦湯, 帶子意粉, 同埋燒春雞, 龍蝦湯個味道得宜, 唔會太濃 又冇龍蝦嘅苦澀味, 入口感受到鮮甜感覺 再食 帶子扁意粉,  佢既扁意粉掛滿湯汁, 又惹味, 而帶子又十分之彈牙 , 有三大粒, 非常之豐富, 辣辣地, 夠曬惹味 重點就係佢嘅燒春雞, 佢係將雞髀去咗骨, 裏面 放咗煙肉, 煙肉咸香味道滲入去雞裏面, 雞髀容燒得啱啱好,唔會過火, 食完唔會黐牙, 肉質上ok, 有咬口,正!

今日放左工同朋友行過銅鑼灣，見到間酒吧西餐廳，入去食下飯傾下計，呢間酒吧西餐廳外觀都唔錯又有音樂播，放鬆傾計一流。野食方面全部好大份，所以如果唔係好大食既可以叫小啲，本人都算大食但一份對我黎講都超飽。我係度叫左一份豬手，一個薄餅，一個龍蝦湯，2杯酒精飲品，逐一介紹下。豬手係原隻上，份量超級大，而且有薯條作為配菜，你如果唔識切可叫佢地幫你切埋，咁懶既我當然叫佢切埋啦，豬手皮好脆好香，肥瘦岩岩好，相當唔錯，薯條亦好好味。薄餅我叫左辣肉味既，佢係似外國果啲薄既脆脆地，我個人好中意食薄餅，但呢間我就覺得麻麻地。龍蝦湯好好味，值得一試，味道超濃。2杯酒精飲品一杯以花為主的非常清新，好味既。而另一杯以咖啡為主既就真係一般般了。以下有相同大家分享下，如果去試就要識揀喇

呢度嘅低溫慢煮三文魚柳一試難忘，每次諗返起佢都會流曬口水。 原本以為只係一間好普通嘅西餐 ，原來佢係半酒吧，環境比較昏暗， 但是燈光一流。 整間餐廳很有被設計過的感覺 ，我們整晚也坐得很舒適 。我們先點了一份法式龍蝦湯、三文魚藜麥沙律、黑毛豬扒和藍莓芝士餅 。由前菜至甜品，品嚐一下這間餐廳的食物質素 。這個低溫慢煮先三文魚柳藜麥粟米木瓜沙律＄148真心超值 ，三文魚柳有著豐富的三文魚油，吃下去魚肉非常嫩滑，這就是慢煮的特色：保持肉質的鬆軟 。底下的藜麥沙律非常健康 ，還有不少爽脆的沙律菜 。龍蝦湯配上香烤多士 ，龍蝦湯龍蝦湯一點也不甜反而是帶濃的龍蝦味，不粉感，同時間喉嚨也不會飲到乾涸。烤西班牙黑毛豬扒伴荷蘭豆燒手指薯配燒汁，黑毛豬扒是七成熟，口感硬了一點，若能夠軟熟一點會更好，還是ok的菜色吧。仲有最鍾意嘅藍莓芝士餅，藍莓醬鋪在芝士餅的上面，cheese非常香濃，值得一試，飯後總不能少得甜品吧！ 朋友的music tower home-made mango syrup. fresh pineapple juice, lemon juice,sprite，菠蘿味比較清新。Sleepin

約左朋友響銅鑼灣食飯，響橋底辣蟹附近，一間型格清靜的酒吧，裝潢以蜂巢圖案為主甚有格調，環境氣氛可以relax一下，飲下野傾下計，一入餐廳見到有live band 既setting, 店員話約9:30 有人唱歌，未有live band 時， 又有大型projector, 岩晒睇波球迷，適逢世界盃，球迷多個好好的選擇。不過店員提醒，過左世界盃，餐廳就回復返只開星期一至六的營業時間。老闆好似好體恤員工咁。一來當然先叫mocktail ， 好出名靚的，叫了Music Tower, 好有心機，將新鮮菠蘿切成薯條形狀，不過一不少心會輕易倒下，所以好少心咁飲，菠蘿超鮮甜，肉質夠稔，好開胃。而見呢間係西班牙餐廳，所以也叫了杯White wine Sangria, 白酒加果香，岩晒女士們。前菜叫了Beef Nachos$108, 牛肉醬味濃，粟米片連厚厚的cheese , 最愛蘸牛油果肉醬，還有新鮮蕃茄粒同sour cream 同樣好味。見呢度有幾味菜都有西班牙黑毛豬Spicy Spanish Pork Cubes$98，於是算了一味頭盤，好特別，鑊仔麻辣黑毛豬粒，我叫了少辣，但依然非常惹味，雖然見到海

今日和朋友往銅鑼灣ember食晚餐, 我們點了烤西班牙黑毛朱扒伴荷蘭豆燒手指薯配燒汁, 低溫慢煮烤法國黃油雞胸釀黑朱辣肉腸,凱撒沙律、pop punch和sleeping beauty feat coffee。烤西班牙黑毛朱扒伴荷蘭豆燒手指薯配燒汁黑毛朱份量適中, 食落好腍啖啖內, 有油花, 配上燒汁食能提昇黑毛朱的口感, 手指薯食落好香脆、荷蘭豆食落鮮甜爽口和車厘茄食落開胃, 整份烤西班牙黑毛朱扒伴荷蘭豆燒手指薯配燒汁食落惹味, 口感十足；低溫慢煮烤法國黃油雞胸釀黑朱辣肉腸雞胸肉肉質鮮嫩, 雞胸肉內包有車打芝士和黑朱辣肉腸, 雞胸肉上桌時還是熱的,溫度控制不錯, 車打芝士味道香濃, 黑朱辣肉腸食落惹味, 配上鮮甜爽口甘筍和醬汁能提昇整份雞胸肉的美味, 整份低溫慢煮烤法國黃油雞胸釀黑朱辣肉腸肉質鮮嫩, 口感十足；凱撒沙律沙律菜食落新鮮爽口, 芝士味香濃, 脆多士口感十足, 煙肉鹹度適中, 食落不會太鹹, 整份凱撒沙律材料新鮮, 味道一流；最後sleeping beauty feat coffee賣相一流, 材料有忌廉, Dark rum、薑酒、咖啡、沖繩黑糖、蛋白和木薯粉, 咖啡味道香