El Portal (已結業)

西班牙佬米芝連大廚主理當天攪生日，包全場，難忘的豬鞍及西班牙飯功架十分了得，裝修由主廚設計及監工，入到餐廚，完全忘記了人在廟街牌坊的旁邊。甜品也是一個亮點，值得加分

今次係我第一次食地中海菜啊! 揀左呢間樓上餐廳，型格有格調!點餐前見到西人廚師出嚟同客人傾計, 令人覺得好relax~ 雖然係地中海菜但聽講個個地會點佢嘅西班牙海鮮飯 $218, 咁我都緊係唔執輸叫返個嚟試下啦! 見到佢一鍋上新鮮熱辣有幾種海鮮:蝦、青口、魷魚同蜆肉個蝦味特別濃郁又爽口不過口味會偏鹹少少，不過加埋檸檬汁落去就可以中和返又開胃佢嘅style係醬汁會多少少，每一啖都會食到醬汁包住d飯，但又唔會浸淋哂d飯，仲有啲咬口。其他菜式都好出色, 下次一定會再嚟!

第一次食地中海菜，揀咗呢間喺佐敦地鐵站出嚟行3分鐘就到嘅El Portal 試吓，勝在夠方便，同埋係上樓嘅始終唔會咁嘈氣氛好啲，🚙樓下又易搵位泊車🙈 上到嚟環境好舒服，啲枱枱凳凳都好闊落，有個大酒櫃入面好多唔同嘅紅白酒🍷🥂 仲有個大螢幕播緊歌，雖然啲歌就唔係好match🫣 🐙烤八爪魚配法瓦豆泥 $168八爪魚炸得外層好香脆，仲有少少焦香味，肉質好軟淋，本人本身好怕食八爪魚因為好怕好韌🙈 呢個完全唔會，一咬就咬得開，底份豆泥個味道咸咸地同個八爪張一齊食好夾，吊番個鮮甜味出嚟😋🥩燒烤黑豬排配松露醬烤南瓜 $168淨係個擺盤已經好吸引好有心機，個豬鞍焗到岩岩好，肉質超軟淋入味，一切開仲有d 肉汁流出嚟🫠一啲都唔會乾柴，佢嘅黑松露醬亦整得好好味，另外唔好睇少三塊伴碟嘅芝士焗薯片🥔 個薯片厚薄剛好焗到超淋上面個芝士一咬仲有拉絲效果，咸咸地嘅芝士🧀搭上本身淡味嘅薯仔片好出色👍🏻最後連個南瓜🎃蓉伴碟都清埋🤤🥘西班牙海鮮飯 $218即叫即焗上台時個烤盤仲出緊煙♨️ 個飯質係risotto 硬硬地好有咬口，啲海鮮好新鮮，蝦好彈牙夾脆，個蜆直情有d 鮮湯喺面好鮮甜，青口都好大隻新鮮，個飯燉得非常入味👍🏻鍾意

經過廟街牌坊，比隔離呢間餐廳既招牌吸引咗，呢間叫El Portal，係食地中海菜，係香港真係好少試，決定走上二樓試試佢！餐廳唔算好大，但空間感好足，老闆都話平時可以做埋包場，幾啱一大班朋友上嚟飲飲食食。而且餐廳既餐具都好有心思，勁有歐洲風情！我地首先嗌咗一隻「法國芝亞多蠔」（$68，較細果款）、一隻「西班牙阿魯薩蠔」（$58較大果款），芝亞多蠔蠔身較軟，非常Creamy，而且海水味好足，風味好豐富！相較之下，阿魯薩蠔大隻啲，蠔身較挺，啖啖肉有咬口，兩款各有特色，睇大家喜好喇！然後我地就叫咗兩客小食（小盤子分享 Tapas for Share），第一客就係「烤八爪魚配法瓦鷹嘴豆泥」（$168），一食八爪魚真係好驚艷，無諗過咁軟熟，而且有少少脂肪位，非常香口！聽老闆講返先知八爪魚係駐場西班牙廚特登係地中海地區入口既，平地既完全無得比，配埋鷹嘴豆泥就更加香口，而且唔會膩，又健康啲！另一客小食就係「香脆魚配阿拉比亞塔醬」（$78），老實講一開始係比個醬名吸引咗，醬入面有好多香料，有蕃茄酸甜味亦有少少辣味，非常特別！而脆魚本身都好正呀，啲脆皮夠薄身，又脆口又熱辣辣，忍唔住一嚿接一嚿咁食！到主食喇

#ftf_佐敦特式Mediterranean cuisine 平時Cafe西餐就食得多，香港好似比較少主打地中海菜，Happy Friday搞搞新意思，梗係要試試佢！舖頭喺廟街既樓上鋪，環境寬敞，有氣氛，適合談情小酙。黑椒鵝肝醬凍派配法式多士 $128⭐️⭐️⭐️⭐️見到一大樽滿滿嘅鵝肝醬，完全將卡路里拋諸腦後，因為實在太吸引，份量一啲都唔孤寒！鵝肝醬十分creamy、口感質地幼滑，鵝肝味香得黎唔會話太濃重同膩濟，配埋香脆既法式多士，簡直冇得彈！烤八爪魚配法瓦豆泥 $168⭐️⭐️⭐️八爪魚新鮮有烤香，火候控制剛好，口感彈牙，唔會靭同老，個人覺得味道正常發揮不過不失，冇話特別太驚喜。香脆魚配阿拉比亞塔醬 $78⭐️⭐️⭐️⭐️魚肉嫰滑有鮮味，唔會炸到乾柴柴，但個人覺得可以再脆口啲，醬汁調配得唔錯，酸酸辣辣幾香口，帶點香草味！蒜香辣大蝦 $138⭐️⭐️⭐️⭐️大蝦新鮮，肉質爽嫩彈牙，味道唔算話太辣，真係好香口！回頭率🤡🤡🤡性價比🤰🏻🤰🏻🤰🏻#feedtiffood #吃吧孩子 #吃到懷孕

今日黎到佐敦😆第一次去食地中海菜啊！呢間餐廳係正廟街牌坊隔離，仲用左牌坊做Logo, 夠晒鮮明。餐廳行Grill & Bar路線，感覺寧願高級，好適合慢慢嘆下菜、生蠔，仲有靚酒櫃雪住好多名酒👍🏻今日嗌左幾個覺得比較特別的地中海菜試下🤩同老闆傾偈時佢話原來個廚係西班牙廚師，唔怪之得都幾有水準！烤八爪魚配法瓦鷹嘴豆泥（$168）非常特別🌟！口感再比平時食八爪魚更軟嫩。之後問番原來因為貨源黎自地中海，唔係平時常見的大西洋，八爪魚冇咁多生存危機/競爭，（可以Hea D......haha), 觸手自然冇咁有力，有趣😂除左質地特別之外，八爪魚外層微微煎燶，好香口。好難忘食佢都有啲肥瘦層次感，配埋鷹嘴豆泥既夾又健康，真係值得試下！ 西班牙海鮮飯（$218）😍大大大有驚喜，係我食過最好食的西班牙燉飯。好飽既我竟然同老公兩個人食到一粒飯都唔淨唔想曬！無論賣相、海鮮數量定味道都係一味。原來呢道係西班牙廚師的“家鄉菜” ，飯比海鮮更吸引，味道更豐富。啲飯索晒高湯、醬汁的味道，飯入面的香料同配菜非常香，飯粒十分有咬口，而且仲有飯焦😭！本身都怕食晒咁大個飯好肥，但原來用的是意大利Divo初榨橄欖油（小師奶表示

佐敦出名多野食,只係估唔到連廟街牌坊樓上竟然會隱藏左一間咁cozy嘅地中海菜。上到去見到有一大班朋友嘅gathering, 又有幾位姊妹約埋飲野。氣氛好岩聚會!其中最impress我嘅菜式我諗就係呢個融入左廟街特色嘅”煲仔青口” $92一上枱真係俾左雙重surprise我。青口配上左馬里涅拉舞醬汁, 有少少似香港嘅豉汁, 由番茄、大蒜、香草和洋蔥製成, 食落比起平時西式煮法更加惹味。另外燒烤黑豬排$262都好好味, 個排好juicy又好香，配松露醬烤南瓜 甜甜地好開胃 。下次有時間一定會飲返杯~

今日約咗朋友放工食飯，諗住試下地中海菜，搵左間係大廈上面嘅一間餐廳，唔係網上搵應該唔會搵到，好似係外國人廚師開嘅餐廳，個日餐廳唔多人，可以同朋友慢慢坐靜靜地傾吓計我同朋友都鍾意食生蠔，一隻要$40/50，但係半打就$188，所以叫左半打生蠔，抵食好多有三款生蠔，都係法國產地，每隻都好似手掌咁大，好Creamy又新鮮 不過我同朋友都唔飲酒，如果唔係配酒飲更match另外叫咗個烤八爪魚豆泥，呢個係職員推介，好多人都叫既特式菜，八爪魚幾大條，烤得幾香口，主菜就叫咗個西班牙海鮮炒飯，有好多海鮮配料，有蝦、蜆、青口、魷魚等，幾新鮮，份量都多，味道可能比較重口味，最後仲叫左個甜品，本身想食西班牙油條，不過冇晒，所以就叫咗個另一個特色甜品-焦糖皮塔餅，餅比較薄同硬身，仲配朱古力醬同奶油，啱晒鍾意甜嘅朋友

真係唔講唔知廟街會有一間西餐廳食地中海菜樓下有個指示牌，唔會難搵環境幾舒服，幾岩黎慶祝，同傾下偈見好多人叫呢個烤八瓜魚法瓦豆泥八瓜魚爽彈 豆泥亦好creamy估唔到咁好食希臘餃子原來羊奶芝士同菠菜非常夾，炸餃子大大隻幾特別炸魷魚，即叫即炸外皮炸到非常香脆，魷魚勁鮮嫩配埋個garlic蛋黃醬，可以減下油膩感大大兜西班牙海鮮飯一見到就知非常足料，有新鮮青口，蜆，魷魚，蝦等等，而飯粒煙煙韌韌吸盡海鮮精華

通常行廟街想搵野食都會第一時間諗起煲仔飯，但依排個天氣又熱熱地，搞到唔想食住，所以係附近搵左一間地中海菜。上到去個環境都舒適，空間感十足 想飲靚酒談心，依到都不錯。本打算點生蠔混合盤，但佢地某幾款無貨，所以註定我地無口福，所以點左另一選我地想試嘅希臘餃子，味道估唔到咁正，啖啖都食到羊奶芝士嘅味道，和菠菜勁夾。烤八爪魚配法瓦豆泥一上枱已嗅到香味，八爪魚入口爽彈，肉質一D都唔韌，個人唔加豆泯已經好好食，當然想有更多層次，沾一點也不錯。蒜香蛋黃醬配炸魷魚魷魚炸得夠酥脆可口，加埋蛋黃醬減減油膩感之餘，入口更滋味。西班牙海鮮飯大大嘅一盤上枱，裡面有青口、墨丸、蝦和蜆等海鮮，海鮮鮮味十足，由其是青口，入口勁鮮甜，吸盡海鮮精華嘅飯，味道勁濃郁，飯粒煙韌。

今日黎到佐敦既El Portal食晚餐，餐廳其實就係正廟街牌坊隔離。餐廳位於商業大廈樓上，所以相對比較靜，好適合傾計食飯。我地叫左4款食物，先講下頭盤，我地叫左好幾款，第一款係蒜香蛋黃醬配炸魷魚，我地本身已經好鍾意食炸魷魚，El Portal整既炸魷魚炸我好香脆，再配埋蛋黃醬，簡直就係將食物再提升一個層次。第二樣叫既就係烤八爪魚配法瓦豆泥，一大條八爪魚鬚放係面前配埋豆泥，真係少見，食落八爪魚好鬆軟，同想像中完全唔同，呢個會係我既推介。再黎第三款係青口配馬里涅拉舞醬。青口已煲仔形式上枱真係少見，呢種醬汁我都係第一次食，出奇地我覺得同青口好夾，青口大大隻亦好有口感。最後黎一個main就係西班牙海鮮飯，海鮮飯絕對係水準之上，飯既硬度很好，海鲜份量亦都好多，確保每一啖都可以食到海鮮。

廟街多野食,但冇諗過呢度有地中海菜。真係已好耐冇食seafood paella地中海海鮮飯啦,本身諗緊食海鮮飯定豬排好,問左店員既意見,都係覺得黎度都試返最正宗既野食。飯比較硬身,粒粒分明,有蜆、青口同蝦,醬汁入味。而甜品CHURROS都同平時食開既好唔同,係粗身D,有ESPRESSO加朱古力,濃縮咖啡既苦加埋甜甜地既朱古力好正,可以當SAUCE點來食,亦都可以飲,好味道!呢度既2人晚餐好豪華,可以試到唔同既小食,下次可以搵人一齊同我食。

辛苦工作左成日，收工要食餐好啲，朋友帶左我黎油麻地呢間地中海菜餐廳食晚飯，幾有驚喜。頭盤就試左佢既新鮮生蠔混合盤，一共有6隻，每一隻都大大隻，價錢唔貴，都幾抵食。生蠔好鮮味，海水味適中，推介比中意食生蠔既朋友。青醬汁蜆肉，平時青醬意粉就食得多，青醬配蜆肉都好好味，一黎青醬汁夠多，二黎蜆肉好新鮮，夠晒惹味。炸魷魚配蛋黃醬係朋友指定一定要點，果然幾唔錯，炸漿同炸魷魚配搭剛好，外脆內嫩，配蛋黃醬食愈食愈上癮！另外鵝肝醬配西多都幾唔錯，鵝肝醬整到好似果凍甘，用黎點西多都好惹味！

太耐無出街食飯，想食間特別少少既，最後選左呢間位於油麻地既地中海菜餐廳。餐廳環境係樓上餐廳，位置方便，座位寬落舒適。見餐牌推介食生蠔，最後都叫左生蠔拼盤試下。估唔到生蠔隻隻都甘大隻喎！仲要一啲腥味都唔覺，又夠海水既咸味，生蠔滑溜又清甜！另外試左累松露鵝肝醬配法式西多，都有驚喜！鵝肝醬凍比普通鵝肝層多份口感，而且味道濃厚，配西多食一流，又唔會太膩！鮮香蜆配青醬汁，落得勁重手，蜆肉肉質爽口，夠新鮮呀！最後，蒜香蛋黃醬拼炸魷魚非常之yummy, 黎到必點！

聽朋友介紹過廟街有一間食地中海菜嘅餐廳，今日就嚟試吓佢啦！🔖西班牙海鮮飯💰218海鮮飯嘅配料都幾豐富，有蝦、青口、魷魚同蜆肉㗎😚比平時食到嘅醬汁好似多少少，醬汁包裹住每一顆飯粒啊~飯粒煮嘅時間控制得啱啱好，令到中間咬落去會有啲咬口😌💫推薦指數: 7.5/10🔖蒜香辣大蝦💰138蝦肉爽口彈牙🦐蒜香味突出之外，辣味同樣突出😂個人認為幾惹味，不過如果真係好唔食得辣，就要諗清楚先好嗌😛💫推薦指數: 8/10🔖黑椒鵝肝醬凍派配法式多士💰128有時喺出面食到嘅鵝肝醬會有腥味又或者好濃味，但係呢到嘅鵝肝醬反而幾適合我自己嘅口味🙈多士烘到香脆，而且仲可以refill，啱晒鐘意食包嘅我😂💫推薦指數: 8/10🔖蘋果撻配希臘乳酪雪糕💰68呢個蘋果撻喺出邊真係冇見過，所以同想像中嘅係完全唔同🙈不過味道又幾好喎😛佢嘅底層係抹茶蛋糕，中間有啲紅豆蓉，面頭就鋪咗蘋果肉，食落去好香甜啊🍎💫推薦指數: 7/10