影片
更多
2022-11-05
9 浏览
經過廟街牌坊，比隔離呢間餐廳既招牌吸引咗，呢間叫El Portal，係食地中海菜，係香港真係好少試，決定走上二樓試試佢！餐廳唔算好大，但空間感好足，老闆都話平時可以做埋包場，幾啱一大班朋友上嚟飲飲食食。而且餐廳既餐具都好有心思，勁有歐洲風情！我地首先嗌咗一隻「法國芝亞多蠔」（$68，較細果款）、一隻「西班牙阿魯薩蠔」（$58較大果款），芝亞多蠔蠔身較軟，非常Creamy，而且海水味好足，風味好豐富！相較之下，阿魯薩蠔大隻啲，蠔身較挺，啖啖肉有咬口，兩款各有特色，睇大家喜好喇！然後我地就叫咗兩客小食（小盤子分享 Tapas for Share），第一客就係「烤八爪魚配法瓦鷹嘴豆泥」（$168），一食八爪魚真係好驚艷，無諗過咁軟熟，而且有少少脂肪位，非常香口！聽老闆講返先知八爪魚係駐場西班牙廚特登係地中海地區入口既，平地既完全無得比，配埋鷹嘴豆泥就更加香口，而且唔會膩，又健康啲！另一客小食就係「香脆魚配阿拉比亞塔醬」（$78），老實講一開始係比個醬名吸引咗，醬入面有好多香料，有蕃茄酸甜味亦有少少辣味，非常特別！而脆魚本身都好正呀，啲脆皮夠薄身，又脆口又熱辣辣，忍唔住一嚿接一嚿咁食！到主食喇
呢間叫El Portal，係食地中海菜，係香港真係好少試，決定走上二樓試試佢！
餐廳唔算好大，但空間感好足，老闆都話平時可以做埋包場，幾啱一大班朋友上嚟飲飲食食。
而且餐廳既餐具都好有心思，勁有歐洲風情！
我地首先嗌咗一隻「法國芝亞多蠔」（$68，較細果款）、一隻「西班牙阿魯薩蠔」（$58較大果款），
芝亞多蠔蠔身較軟，非常Creamy，而且海水味好足，風味好豐富！
相較之下，阿魯薩蠔大隻啲，蠔身較挺，啖啖肉有咬口，兩款各有特色，睇大家喜好喇！
然後我地就叫咗兩客小食（小盤子分享 Tapas for Share），
第一客就係「烤八爪魚配法瓦鷹嘴豆泥」（$168），
一食八爪魚真係好驚艷，無諗過咁軟熟，而且有少少脂肪位，非常香口！
聽老闆講返先知八爪魚係駐場西班牙廚特登係地中海地區入口既，
平地既完全無得比，配埋鷹嘴豆泥就更加香口，而且唔會膩，又健康啲！
另一客小食就係「香脆魚配阿拉比亞塔醬」（$78），
老實講一開始係比個醬名吸引咗，醬入面有好多香料，有蕃茄酸甜味亦有少少辣味，非常特別！
而脆魚本身都好正呀，啲脆皮夠薄身，又脆口又熱辣辣，忍唔住一嚿接一嚿咁食！
到主食喇！我地叫咗個招牌「西班牙海鮮飯」（$218），
一嚟到，嘩，真係超大盤！而且上面仲鋪滿咗各式海鮮，賣相好吸引！
而味道更加係值得一讚，意大利飯粒粒分明，而燴汁除咗蕃茄味外仲有好多唔同既香料配搭，有啲菇類、橄欖碎等等，再加埋濃湯燴製真係好食到癲咗！
本身已經半飽，都忍唔住食到一粒飯都無剩！
海鮮類入面特別鍾意大青口，因為真係夠大，而且新鮮！撈飯口感一流！
下次嚟要試埋啲酒水，但食咗咁多嘢已經好滿足喇！
老闆好好人，埋單時都特地介紹返佢地既地中海菜式，又熱心推廣健康飲食，都真係要支持下！
张贴
