El Portal (已結業)

其實佐敦彌敦道有好多隱世嘅美食，今次發現咗呢間喺樓上新開張無耐嘅地中海菜式嘅餐廳。入口都比較隱蔽所以花咗啲時間先至搵到，上到去服務員都有介紹返唔同嘅菜式，佢哋嘅大廚都係西班牙人，都比較正宗同望到啲價錢都唔會太貴。我哋兩個人要咗個生蠔拼盤，有唔同產地嘅生蠔，每人有三隻，性價比高，生蠔成隻手掌咁大隻，有鮮甜嘅海水味，十分肥美。如果襯埋白酒真係一流享受，更能夠帶出豪嘅鮮味，但因為我哋都唔飲酒所以冇特別叫。另外點少得可以唔叫正宗嘅西班牙海鮮炒飯，份量適中兩個人share食啱啱好佢以鐵鑊上菜正宗嘅西班牙炒飯係偏濕的，上面有唔同嘅海鮮配料，有青口、八爪魚同蝦，慢慢食落都幾飽。之後我哋都要咗個西班牙燒八爪魚，都有半條八爪魚，有鮮味配埋底下嘅薯蓉一齊食，正！最後點可以唔叫個正宗甜品由於西班牙油炸鬼賣晒所以我哋要咗個焦糖脆餅，都比較特別，賣相吸引，如果鍾意食甜嘅朋友推介一試。

通常同朋友食飯都唔會諗起地中海菜，本身喺香港好少見，而且喺佐敦呢個地方應該少之又少，之前經過廟街，見到大大個牌寫住有推廣，應該係新開嘅餐廳，所以今日同朋友上咗去試吓。我本身諗住呢啲商業大廈入邊嘅餐廳裝修應該唔會太舒服，但係一去到嘅環境好開陽，而且枱同枱之間唔會好迫，令人坐得舒服。餐牌唔算太多選擇，雖然有二人餐，但係朋友對蝦敏感，所以只可以散嗌。沙律配小雪莉酒醃製西蕃茄、菠菜和曼切戈芝士刨花($88):沙律份量唔算大，不過兩個人當錢財，絕對可以。西番茄好甜，配上balsamic sauce開胃之餘而且覺得好健康。Manchego cheese shavings 都好好味，唔算太重芝士味，所以唔會蓋過沙律本身嘅新鮮甜味。香脆魚配阿拉比亞塔醬($78): 即叫即炸，雖然配上一小片檸檬，但係香脆魚上邊應該有少少鹽吧，就咁食都好夠味。而且應該用咗新鮮魚塊，食上去好鮮嫩，外面炸得脆身，而且保持到入面嘅鮮嫩，廚師應記一功。Arrabiata sauce煮得出色，傳統來講應該會有蒜蓉，蕃茄，同埋乾紅椒，三姐比例教得好好，雖然辣辣地，但係唔會搶左食物本身嘅味道，而且佢嘅辣唔會停留喺口好耐，再配上少少檸檬

同朋友食晚餐，大家都想試下啲特色菜式，無意中見到有間食地中風菜既餐廳，一於去試下，結果無諗過咁精彩同好食!!一坐低就叫左個地中海芝士，餐廳職員會問下想食咩口感，我地話想食creamy啲同濃味啲，果然係好正之後見到餐廳做緊promote 10隻蠔連酒，就叫左一set, 每一隻都好大同好新鮮！主菜方面，一共叫左5道菜烤八爪魚配法瓦豆決蒜香辣大蝦鮮香蜆配青醬汁希臘餃子西班牙海鮮飯最後到甜品，食到我同朋友都嘩嘩聲，因為太好食蘋果塔配希臘乳酪雪糕Apple crumble既味道，甜味平衡岩岩好布拉塔乳酪配蜂蜜、甜羅勒醬和蕃茄蜜餞一啖放哂啲食材入口，正！

聽朋友講，廟街新開左食地中海菜嘅餐廳，當中嘅西班牙菜系十分出色。呢排冇得去歐洲旅行真係好掛住西班牙當地嘅paella。入到嚟餐廳已經見到好多唔同嘅優惠，食物款式各有特色，餐廳特別推出生蠔同埋酒優惠。首先Starter就叫咗個蒜蓉醬炸魷魚圈，魷魚幾新鮮食得出唔係急凍貨，炸粉幾香。配上檸檬汁同埋重點，alioli 蒜蓉蛋黃醬，真係好正，好有歐陸風味。講到西班牙菜，點會少得呢個蒜油大蝦🍤。依家抽嘅做法同其他餐廳唔同冇用到一堆橄欖油嚟浸住啲下，相反每隻都擺到好靚再配上少少橄欖油同埋蕃茜，油膩感會減少，香味依舊。同事應該為咗遷就香港人同廟街嘅特色，佢加左辣醬去製作。香辣得來隻蝦十分之香脆，正！！！最尾最期待嘅都係呢一個Seafood 🥘 paella ，一上台已經香噴噴，一望佢就知道絕對唔係港式嘅西班牙海鮮炒飯，你會見到飯粒同醬汁處於啱啱好半乾嘅狀態，咁樣嘅質感係最地道嘅西班牙海鮮飯🤟🏻🤟🏻。此外青口極之大隻，每一隻蜆都十分之新鮮、鮮甜，海鮮全部都好好食好新鮮，絕對唔係冰鮮貨嘅質地。waiter好醒，專登留低alioli比我地撈paella，增添不小口感！西班牙旅行嘅感覺返晒嚟🇪🇸🇪🇸🇪🇸🎊！最

呢排成日睇旅遊片💃🏻ff下自己去旅行，見到人地去西班牙食一大盤西班牙炒飯，On top有各款海鮮🦞睇就睇完，今日終於有機會試下啦🤩。🐒西班牙海鮮飯💰$218本日最期待既食物到場🦐因為係即叫即整，所以夠哂熱，而本身既調味加埋海鮮既鹹味會偏重口味少少🤏🏻加埋檸檬汁落去就可以帶番個鮮味🍋除左蝦之外，仲有青口，魷魚🦑蜆，而飯粒係偏硬，似係意大利飯咁既口感。🐒燒烤黑豬排配松露醬烤南瓜💰$268雖然份量黎講唔算多，但係質素係好好，因為豬要整到嫩係好難🐷仲要好Juicy💦Bottom有三片焗薯，面頭有芝士，焗到好淋🥔而南瓜蓉就係底🎃打到好滑都好甜，醬汁係配黑椒汁。🐒香脆魚配阿拉比亞塔醬💰$78因為想試個阿拉比亞塔醬所以就嗌左呢個香脆魚🐬原來係好似莎莎醬咁，酸酸甜甜🍅同脆魚好match

一講到廟街就會諗起煲仔飯啊大排檔等等，估唔到都有間地中海菜都幾特別所以今次去試吓。地點都幾方便喺佐敦站一出行3分鐘就已經到。之前都未食過地中海菜，咁今次就嗌咗西班牙海鮮炒飯、燒烤黑豬扒配松露醬烤南瓜同埋香脆魚配阿拉比亞塔醬。香脆魚配阿拉比亞塔醬當前菜食，佢個香脆魚炸得好香口，唔會話咬落去一團粉，而且個阿拉比亞塔醬好開胃，食落去好有層次感，配個香脆魚好夾。跟住去到西班牙海鮮飯，佢海鮮嘅份量都幾多，而且都好新鮮，啲蜆好鮮甜，蝦好新鮮，青口好大粒同埋都好鮮甜，魷魚嘅份量都好多。大部份嘅海鮮都有啲海鮮汁，倒埋落個飯度可以帶出個鮮甜味。總括嚟講個飯都幾好食。最後嘅燒烤黑豬扒配松露醬烤南瓜，呢個就啖啖肉，個黑豬扒好有豬味，而且佢個底有啲薯仔同埋南瓜蓉，個黑豬扒配埋啲南瓜蓉一齊食，一啲都唔油膩。店內嘅環境都好舒服，員工都幾Nice，地點方便，菜式又新穎，呢間餐廳值得介紹一下。

嚟到佐敦呢間地中海菜餐廳，見到有唔少西班牙菜options，除咗最signature嘅seafood paella仲有好多tapas揀～餐廳位於廟街牌坊隔離嘅商廈，店舖面積唔算大但窗邊做晒bar枱，望住街景食好chill~即使地處廟街但侍應對上菜次序都好講究，先上tapas等我地食完再上paella，魷魚炸漿非常酥脆，prawn w/ garlic and curry個辣度都幾刺激，非常惹味。重頭戲paella之前睇相已覺非常對辦，paella就係要超多醬汁先好食，飯粒啱啱好熟中心位置有啲咬口，海鮮鮮甜，海鮮自帶嘅海水fuse埋落個汁度，加埋侍應特意叫我地保留嘅garlic mayonnaise (alioli)係西班牙嘅感覺呀～～～～甜品方面一於spanish style到尾叫個churros，份量的骰做飯後甜品啱晒，唔算太甜，杯底有杰撻撻嘅朱古力醬，用嚟點churros 100分😋

地中海餐廳係香港數量唔多喺佐敦買完野見到有間新開嘅餐廳一於試吓佢好唔好食先青口配馬里涅拉舞醬汁造型獨特 個醬汁名咁長😂 其實都唔識形容個醬汁係咩味 但就係好味囉🤣青口分量多 無沙 烤八爪魚配豆泥八爪魚一啲都唔會Un 爽彈口感😍 豆泥整得好好味 好creamy 香脆魚配阿拉比亞塔醬個醬汁其實即係類似蕃茄味魚炸得香脆 最緊要冇骨🤣最後主菜就係西班牙海鮮焗飯基本上如果餐牌有西班牙海鮮焗飯我一定會食 因為焗飯喺屋企自己難整同埋整唔到咁煙un 兩個人食份量綽綽有餘有四隻中蝦 青口 同蜆 飯嘅微調得好好 👍🏻最後因為太飽冇叫到甜品

呢間餐廳鄰近廟街牌坊,地鐵站步行過去5分鐘左右,餐廳內配搭以灰色簡約風格裝修,寧靜嘅環境仲有一面單邊位置大玻璃向佐敦街景嘅特色座位! 建議情侶可以過嚟chill一chill ,慶祝下😇我地叫左生蠔套餐，加烤八瓜魚豆泥，海鮮飯同埋甜品！生蠔🦪6隻，$188 ，每隻都好似手掌咁大好juicy! 食落去好鮮好甜，主廚仲調左個汁比我地配生蠔食！但我個人鐘意配檸汁多d!八爪魚大家一定要點，八爪魚非常彈牙爽甜，人生未食過咁好味嘅八爪魚！如果有機會去地中海都要試吓呢道名菜！而且豆泥好綿滑，兩個加埋好夾！海鮮飯大家一定要食佢嘅蜆，又係好鮮好甜！同埋佢呢度嘅海鮮飯飯粒唔會好硬，我比較鐘意！西班牙油條相信大家喺香港呢一個甜品比較少見，賣相非常精緻，香脆油條配上朱古力及奶泡，必試！

喺香港我相信唔少香港人來來去去都係最鍾意食中餐、泰國菜、韓國菜或者日本菜，其實地中海菜亦都非常之出色！今日我同朋友一於去佐敦試吓新開張嘅El Portal!新鮮生蠔混合盤 (六隻)有兩款來自法國一款來自西班牙！法國的個人覺得比較鮮味比較濃郁,西班牙的口感比較豐富而且配合大廚配製的蒜蓉醬汁!鮮味更提升一級!烤八爪魚配法瓦豆泥呢款簡直係地中海名菜！大大條八爪魚爪，口感爽口鮮甜，配上豆泥！不得不讚嘅係薯泥味道非常香，配上調味料及濃香牛油味道！值得一試！西班牙海鮮飯呢個好有驚喜！我曾經都去過西班牙旅行，通常當地用嘅海鮮都唔新鮮，所以令我對西班牙海鮮飯嘅感覺一向都麻麻地今次抱着試一試嘅心態點一次，非常驚喜嘅係！每樣海鮮都非常新鮮而且蝦味濃郁，蜆非常之清甜，難以形容！飯嘅軟硬度適中，味道亦都非常傳統！

My friend and I booked a table at El portal last Friday night. The dinner was pleasantly surprising in so many ways. First, the restaurant was conveniently located in Jordan with close proximity to the MRT exit. It took us less than 5 min to walk to the restaurant from the MRT exit. El portal predominantly serves Mediterranean cuisine, which is always a good option for those wishing to eat something light and fresh. My friend and I ordered the grilled octopus with fava puree, the seafood paella,

廟街新開餐廳，在樓上位置，不太起眼，係朋友介紹先前往試試，但試後感覺不錯👌亦值得推薦給各位網友餐廳係經典西餐廳嘅設計，雖然冇好華麗嘅裝修，但係平實，而且位置坐得舒適，朋友聚亦傾得開心🥳但可能新餐廳嘅關係，食物選擇未必有太多Oyster selection on bar top-Cold oyster 🦪 Fleur des Eux n/1 ((Guerande, France)Gillardeaun/2 (Normandy, France)Arousa (Galicia, Spain)$188 6隻餐廳處理蠔乾淨程度不錯😆每一淡入口仍保持少少海水🌊新鮮味😇十分好吃😋個人推薦Arousa，入口較甜少少西班牙🇪🇸飯亦係主打系列😍

位於廟街嘅一間特色地中海餐廳，佢就喺正廟街個牌隔離，上到去都會見到出面個牌扁。呢度嘅店名都幾特別，餐廳嘅名El Portal意思係神明嘅門, 同佢嘅地理位置都好吻合!而佢入面嘅環境呢就唔係有咩宗教色彩，反而係一個裝修得好靚好高級嘅酒吧咁款。入去呢你都會見到有唔同嘅酒櫃，不過呢度呢就係做餐廳嘅，而且仲係好特色嘅地中海菜！我從來都冇食過！主菜方面我哋就叫咗呢度好抵嘅生蠔套餐，單叫本身已經唔貴，而呢個餐既六隻呢就啱啱好可以同朋友一齊去試吓三種唔同嘅款。呢度所serve嘅生蠔呢非常之新鮮，店員除咗會一一介紹點樣去食，按個次序之外呢，你會見到每一隻蠔都會有冰做底所以絕對唔驚唔新鮮！三種蠔雖然鹹味唔同但係食落去呢都係非常嘅鮮甜！我同我嘅朋友都分別鍾意唔同種類嘅好非常好味！另外叫咗一個相對穩陣嘅炸魷魚啦同埋一啲唔知係咩嚟但係想試吓嘅嘢食！炸魷魚方面我覺得就同出面都差唔多，幾香口。以重點呢就係想講嗰兩個類似甜品嘅嘢啦！西班牙油炸鬼churros 我第一次食但係覺得非常好食!佢上面嘅糖粉再加埋佢嗰個cream食落去脆口加香口，甜到適中。而另外我叫咗個Apple tarte tatin,煮得好淋而且都有好

在香港要搵到食地中海菜既餐廳選擇真係唔多，經公司同事介紹，佐敦開了一間新間，近廟街牌坊附近，藏身於一座大廈內，需要乘坐電梯上去，幸好大廈地下門外擺放了一幅餐廳指示海報，方便客人揾到餐廳。一推門入去，侍應立刻上前招呼，詢問我想坐在bar枱面向外面還是坐普通四人枱，最後我哋選擇坐四人枱餐廳內存放著多國不同品牌紅酒白酒，應該是給客人點選生蠔牛扒等食物時再加配這是他們的promotion week oyster setMenu 黑椒鵝肝醬凍派配法式多士，大大樽鵝肝醬，可以厚塗多士食😎 田園沙律，沙律菜好新鮮，咬落去發出清脆聲，配上千島醬汁，灑上芝士碎西班牙海鮮飯, 一上枱熱辣辣，配合上鮮甜海鮮，必叫！煮大蜆，蜆肉好肥美脹book book, 也是非常鮮甜

今日搵食搵到黎佐敦，見到呢間收埋喺廟街樓上嘅地中海菜，梗係唔會放過佢喇。餐廳裝潢十分有格調，伴隨柔和嘅爵士樂，係三五知己飯聚嘅好地方，估唔到廟街都有咁chill嘅西餐食餐廳供應嘅都係典型嘅地中海菜，我今次就試左呢個新鮮生蠔混合盤先，188蚊有6隻法國蠔同西班牙蠔食，除翻開都係三十蚊左右一隻，認真唔算貴，啲蠔隻隻都有手掌咁大，肉質肥美多汁，仲有陣海水味，係大海嘅味道跟住就係呢個西班牙海鮮飯，十分足料而且正宗，怕濃味嘅朋友可以加兩滴檸檬汁中和返啲咸味，仲會略帶清新口感。再黎就係呢個蒜香辣大蝦，辣辣地而且略帶香口十分開胃，一啖一隻都幾過癮。最後就黎到甜品西班牙油條，亦即係churros，一上台熱辣辣趁熱食十分真真正正甜而不膩最後竟然比我見到呢個牌468蚊有十隻蠔加一枝酒，真係抵到爛，下次一定要試