El Portal (已結業)

佐敦近廟街上樓搵到間地中海菜。上到去餐廳唔算大，但係裝修好靚，坐得舒適、有空間感。晚市餐牌有二人套餐亦有散叫。▶️脆烤麵包配鮮茄醬加欖油$48麵包好香脆，面上有香濃蕃茄醬欖油，酸酸地，好味道。▶️黑椒鵝肝醬凍派配法式多士$128呢個有一樽鵝肝醬俾你慢慢搽，用上香脆麵包，超級鬆脆。配鵝肝醬夠Creamy。▶️蒜香蛋黃醬配炸魷魚🦑$88金黃外皮，用上蛋黃漿鹹鹹地，但係又唔會太鹹。魷魚酥脆再加少少檸檬汁，感覺唔會油膩。配啤酒一流！▶️西班牙海鮮飯$218西班牙海鮮餐非常足料！有大隻青口、新鮮蝦、蜆、魷魚，而且飯煙靭，充滿西班牙風味。用上pan 夠熱又香！▶️西班牙油條配花生、果仁糖、巧克力$68最後當然唔少得叫返個甜品！係我最鍾意食嘅西班牙油條，炸得香脆面上充滿糖，下邊仲有朱古力醬好味😋兩個人叫咗咁多嘢食，食到飽飽又滿足都係$600！食物質素高、環境好，真係抵食！

低調地位於廟街附近嘅樓上地中海菜，朋友本身唔知咩係地中海菜，其實就係希臘、意大利、西班牙、葡萄牙果邊嘅菜式，會多用橄欖油、蔬菜，鷹咀豆、海鮮等等材料。餐廳靠窗位置一律造成Bar枱式，啱晒黎想叫番個生蠔加白酒set傾吓偈嘅朋友，個feel又有少少似日本嘅小酒館，幾正。仲有個大酒櫃。中間有幾張正常枱俾客人食飯用，仲有個好大嘅projector播歌，睇落黎呢到包場都可以。烤八爪魚配法瓦豆泥八爪魚好出色，焗得好軟淋，每一啖口腔都有海鮮嘅香氣，再不埋襯底嘅fava puree同olive oil、蔥，呢個世界可以唔需要有白飯嘅存在🥲我想攬住豆泥過世。西班牙海鮮飯 蝦、白蜆、青口、魷魚，全部都好新鮮，焗出黎嘅飯底充滿住海鮮嘅鮮味，灑上少少檸檬更加開胃。燒烤黑豬扒配松露醬烤南瓜豬掛烤得剛好，唔會過火太韌，伴碟嘅南瓜蓉、芝士薯仔雖然只係伴碟但冇俾主角搶咗風頭，每樣嘢單獨黎睇都係用心之作。

自己喺香港無食過地中海菜，上網搵到呢間位於油麻地嘅El Portal。餐廳裝潢簡單，入面有一個大屏幕，另外有窗邊位。- Greek Dumpling 🥟 餃子炸得好脆口，入面塞滿菠菜同菲達芝士😍。雖然菲達芝士味道用羊奶製作，但同菠菜既配搭令味道唔算太濃烈，整體味道偏鹹。- Deep Fried Squid with Garlic Mayo魷魚炸得幾乾身，不油不膩，沾上大蒜蛋黃醬更惹味👍🏻- Seafood Paelle 等左三十分鐘左右終於上菜🤩！海鮮種類好多，包括大蝦、蜆、魷魚、青口等等。米飯煮得啱啱好，係意大利人平時講既Al Dante，間中有少少香脆口感。對比之前其他餐廳食過既西班牙海鮮飯，El Portal西班牙海鮮飯比較鹹，係真正原汁原味，經典道地既西班牙海鮮飯。- Churro with Peanuts Praline Chocolate Churro外脆內軟😋，配上黑朱古醬令人感覺無咁膩，花生令味道更有層次。- Caramelized Pita Pread Chocolate Sauce & Puff Cream 賣相好吸引，之前食既皮塔餅都係麵包嗰類，估唔到焦糖皮塔餅可

第一次食地中海菜，都幾有驚喜🤩 餐廳位置都算幾易搵，樓下有個大大嘅招牌環境舒適寧靜，都幾有情調，坐得好舒服🥰Arousa 生蠔($48)呢款係西班牙生蠔，本身想試埋法國生蠔，不過咁啱冇貨。呢款蠔都唔錯，蠔肉大大粒，食落有海水味，配埋洋蔥汁一齊食幾特別蒜香蛋黃醬配炸魷魚($88)好香口好好味😋炸得香脆，粉漿唔會好硬好厚，魷魚唔會好韌好易咬，好香魷魚味，推介～希臘餃子($72)因為朋友好鐘意食羊所以叫嚟試吓，賣相好靚，餡入面係羊奶芝士同菠菜，好香羊奶味，食完唔會好膩，值得一試👍🏻西班牙海鮮飯($218)重頭戲之一，熱辣辣海鮮飯，好大碟，我哋2個人都食得好飽😂賣相亦都係俱佳～有青口、蝦、蜆、魷魚等等嘅海鮮，飯食落係傳統硬少少好有咬口嘅😋😋Churros西班牙油條($68)超鐘意呢款甜品Churros，炸得好脆，配埋食落似咖啡味嘅cream一齊食勁正，如果大條啲就好喇😍😍

一向都好鍾意食西班牙菜，以前仲特登飛去西班牙海鮮炒飯Paella 既發源地Valencia 食添🤤估唔到今次比我係廟街搵到一間幾好食既西班牙菜，價錢比起中環其他餐廳仲平一截，非常抵食重頭戲西班牙海鮮飯($218)真係必點，我入口第一下就覺得自己好似番番去西班牙咁😂完全冇誇張，海鮮飯係即叫即焗，所以勁新鮮，飯質硬但有咬口，食得出番茄汁煮，口感豐富濕潤；海鮮都算新鮮，燉得幾入味，份量應該係2-3人份但我一個都可以食哂🤣另外見到menu有希臘餃子幾得意就叫黎試下，同想像中既傳統餃子唔一樣，希臘餃子外脆內軟，入面既羊奶芝士同菠菜都好夾，底下仲有乳酪汁另外仲點左六隻生蠔，分別來自西班牙和法國，生蠔非常重海水味，而且肉質肥美

阿女知道我喜歡食生蠔，帶咗我去佐敦一間主打地中海菜嘅El Portal，地中海一帶多屬沿海地區，食物主要以海鮮為主，所以生蠔都是其招牌菜之一，餐廳在二樓，入口比較隱蔽，但係要搵亦唔難。餐廳室內設計有格調，從窗外望正正望到廟街牌坊！新鮮生蠔混合盤：老闆話每天都會選擇最新鮮肥美的生蠔出售，所以每日供應嘅生蠔都會有唔同地方運到的。混合盤一共有六隻生蠔，好特別，係用咗煲仔盛載上枱，第一次食煲仔生蠔，其中三隻係法國生蠔，生蠔好新鮮，蠔肉肥美結實而呈彈性脆口，蠔味細膩有層次不會過分爆發，最初是海水味，然後是香濃蠔味，最後是點點榛子味，徘徊在口腔久久不散！另三隻係西班牙生蠔，蠔肉生長得超大超肥美，Creamy的口感及甘甜的餘韻亦是比較獨特！青口配馬里涅拉舞醬汁：青口亦係用煲仔上，地中海嘅馬里涅拉舞醬汁係用咗香草、大蒜、蕃茄和洋蔥煮成，味道比香港嘅豉汁還惹味，青口入口鮮甜惹味，一隻接一隻食不停！

好少食去食地中海菜，今晚同事去El Portal食晚餐，我都跟埋去試吓。餐廳位於商廈既二樓，靠窗位置可以看到廟街牌匾，也是很好的景觀。燒烤黑豬排配松露醬烤南瓜：豬排帶骨味較濃郁，油脂分佈均勻，烤出來不會太乾，肉質鬆軟美味，配味道濃郁的松露醬，味道更提升，伴碟嘅芝士焗薯都一樣出色，新鮮薯仔切片，厚薄適中，加上香滑的芝士醬汁焗，非常惹味。新鮮生蠔：見到差唔多每檯客人都會叫生蠔食，忍唔住我都叫返兩隻，生蠔忘記叫什麼名字。只知道超好味，新鮮、肥美、爽口，有蠔味及帶少許海水味！

通常嚟佐敦道煲仔飯或者打冷今晚想食下其他地方既餐廳🤭搵到間喺廟街附近嘅地中海餐廳上到去餐廳，就覺得好有情調！可能今日係星期一，所以都吾多人因為第一次食地中海菜就周圍望吓人哋喺度食緊咩見到人哋喺度食生蠔同飲酒！好似好正！可惜朋友唔食生蠔，所以我就冇叫啦！我叫左*香脆魚配阿拉比亞醬*炸魚真係超脆！配埋個酸酸辣辣既醬！好夾！所以我哋都係咁食😂😂我哋再叫咗*燒烤黑豬扒配松露醬烤南瓜*我係一個松露迷，有松露嘅嘢食通常都冇得輸！呢個黑豬扒好有驚喜，少少肥，係要有少少油脂先至好味嘅！覺得烤得啱啱好，啲肉好嫩滑！而配碟嘅薯仔，唔知係咪吸晒啲肉汁呢！所以特別好食！今晚都算係有驚喜嘅晚餐！

11月1號係佐敦上堂上到18:30 見肚餓決定係個度食埋先番屋企，行到廟街牌坊底，見到隔壁大廈門口放咗個餐廳牌，猶豫咗一陣就決定上去試下。上到去環境好清淨，當時只有幾枱客，裝修幾靚，仲見到有個大酒櫃，睇落似高級餐廳。我哋叫咗個蒜香蛋黃醬炸魷魚，香脆魚配阿拉比亞塔醬同埋黑椒鵝肝醬凍派配法式多士。先講個黑椒鵝肝醬凍派配法式多士，簡直係鵝肝醬party，樽醬多到佢俾既3舊多士根本唔會點得曬~最後要用匙羹畢黎食~蒜香蛋黃醬炸魷魚同香脆魚配阿拉比亞塔醬，超香口亦都好脆，兩個醬可以交換點，非常之襯，最後直頭食淨太多醬我哋係連埋鵝肝醬一齊點~最後埋單食咗300蚊左右啦，兩個人食，食物質素非常好 推薦推薦，下次黎應該會同朋友聚會時食，多人食多d款式，又可以坐耐d傾下偈~

原來佐敦新開左間食地中海菜既樓上舖餐廳响廟街牌坊嗰度，地方唔大但裝修幾特別坐得幾舒服😊推介：烤八爪魚🐙配法瓦豆泥⭐️⭐️⭐️⭐️八爪魚要撈埋D 甜甜地既豆泥一齊食，最正😍我試左幾款生蠔幾新鮮喎～一個煲仔裝住兩隻生蠔，好Sharp 醒，幾得意🤭見餐廳做緊個promotion 幾抵，鍾意❤️食生蠔🦪飲酒既朋友可以試一試，幾chill#佐敦 #美食 #地中海菜 #生蠔 #樓上舖 #廟街#新餐廳 #Winebar #Oyster

廟街樓上私房地中海菜el portal，餐廳位置都比較隱蔽，如果唔係朋友介紹可能都唔認識呢間餐廳，係一個窄窄嘅門口入去搭lift上去。一入餐廳，覺得環境非常有feel，有一個好大嘅螢幕喺度播音樂，有個大酒櫃擺滿左唔同嘅酒類。餐牌選擇唔多，但感受到餐廳對於自己嘅出品都有信心。因為主食類只有豬扒同海鮮飯，我同朋友兩樣都唔係太啱食，所以就揀咗四款小食，烤八爪魚配豆泥、蒜辣大蝦、黑椒鵝肝醬配烤多士、香脆魚配阿拉比亞塔醬。朋友愛鵝肝醬，我討厭鵝肝醬，鵝肝醬大大瓶，但因為呢個鵝肝醬嘅鵝肝味唔算濃，我都接受到，朋友清得開心。八爪魚配豆泥，本身比較期待呢道菜，都幾IGable，不過唔知今日係咪廚師失手，燒得比較焦。香脆魚配阿拉比亞塔醬，醬好食，但道菜就唔係幾符合個名啦，因為啲魚一啲都唔脆，係淋嘅魚柳，好在調味都ok 酸辣大蝦，最好呢道菜，蝦彈牙，醬汁味道OK。

今日尖沙咀行完街就睇下附近有咩好食，見到呢間地中海餐廳好似都唔錯，我地又未食過地中海菜，所以就gogogo餐廳唔算好大，但環境幾舒服，播住啲輕鬆既歌同靚景 video 西班牙arousa生蠔生蠔新鮮有肉地，海水味唔算好重，配埋廚師既特製醬汁，都可以帶出蠔既鮮味希臘餃子餃子皮十分薄，亦炸得好香脆，波菜餡料都好新鮮，餃子既下面應該係羊奶芝士，有奶香味但唔會騷，混合一齊食既味道幾特別，同平時既餃子唔同蒜香蛋黃醬配炸魷魚 魷魚炸得好香脆，炸皮都好薄，配埋蒜香蛋黃醬一齊食十分惹味，係餸酒必點既小食西班牙海鮮飯四款海鮮，有蝦，青口，蜆同魷魚，各款海鮮都好新鮮，亦唔會煮過火，而飯底就似意大利飯，飯粒中間有少少未熟透 al dente 既感覺，米飯都充滿番茄同海鮮既味道西班牙油條油條外表十分香脆，內裡鬆軟，配埋帶有香濃咖啡味既醬汁，又唔會過甜，係一個好高質既甜品

見到佢地生蠔有套餐，送白酒白酒質素還好，偏酸但啲生蠔真係唔得，一望就見到冇洗乾淨，唔新鮮🥲有兩三隻係臭既，係你食之前已經會聞到，唔敢食落去😂😂我地反映左，佢地去廚房了解完，同我地refund返個package 。可能真係咁岩來貨問題，但希望下次佢地開左見到咁既質素，就唔好俾客了…睇返我地叫既其他菜，其實係好好味😅😅(可以睇返啲相) Think the meal and the service are pretty good! It’s a shame that the quality of the oysters ruined the overall dining experience🥲

放寬，放寬真係仲未有份，只好食餐好既鼓勵下自己啦。呢間中東餐廳，之前聽講過幾特別，朋友話有特色，野食都幾特別，就黎試下。佐敦站，行幾分鐘就到，好近好方便。行到路口就有個好醒目既牌，到喇。上到去，環境真係唔錯，餐廳之餘應該都適合包場搞party，係幾舒服既地方。睇下menu,見佢個希臘餃子已好吸引。 黎到真係幾靚，仲真係即炸。 入面好暖，外面勁脆。 入面既菠菜剛好中和左乳酪既油膩，而且唔會勁咸，又比中式既餃子更香，口感真係好特別。八爪魚豆蓉，咪睇佢細細入咁，可以比美一份扒。豆蓉好香唔漏，八爪魚煎得好靚，咁大件厚身都唔硬。 而佢既伴碟花都切得好有心思，好靚。最後食埋甜品Churros。 呢個真係好出名，而佢炸到好香，鬆軟又脆，冇肥利感。 最正佢下面既花生朱古力醬，真係超正。果然可以滿足到當自己去左中東地方旅行食返餐。

今晚我同朋友經過廟街，發現左一間幾特別的地中海菜餐廳，正好有點餓，便決定去這間吃晚餐。生蠔配美酒，好似好chill.見到入面放滿紅酒餐廳環境都不錯，氣氛好好。希臘餃子🥟（羊奶芝士和波菜）$72：我係第一次食希臘餃子，又幾好食，羊奶芝士好香，我又唔覺得好騷，個味仲幾香添。炸餃子入面係菠菜尼，咸咸地，又幾好食。真係估唔到羊奶芝士同波菜意外地好夾，唔錯。西班牙海鮮飯（$218）：真的非常惹味的西班牙海鮮飯，餐廳用了鐵盤上碟，所以送上來時仍然很熱辣辣，另外飯粒每粒都索哂d汁，非常入味。個汁都好濃郁好香口，然後加上檸檬汁，係會令成個味更加有層次同昇華左。大家如點這個記得一定要加檸檬汁！大蝦有足足4隻都夠多，又好入味。另外不得不提係青口，出面食有時會好腥，但佢的青口完全沒有這個問題，都幾鮮味。整體來說食物質素都好高，非常好吃。