Doux (已結業)

朋友生日同朋友去試試佢，因為見到佢的甜品賣相好吸引！同朋友切蛋糕影相都開心d環境唔錯，好有氣氛，又唔借太迫。我地坐左好耐，傾好耐都無被趕走叫左一個飯一個意粉都覺得好正好好食之後點左兩個甜品，兩個賣相都好靚，但味道一般，有點兒失望但甜品同飲品都算有特色～

今日朋友帶咗我來呢間係旺角嘅高層餐廳，好難得鬧市入面有一個咁寧靜同舒服嘅餐廳，店員準備咗玻璃窗口位俾我哋坐呢度嘅裝修同環境都好grand,感覺好乾淨，同埋空間感好大，唔覺得好迫，令人心情好輕鬆呢度的野食性價比幾高~~分量都好大!!主菜同甜品的選擇都好多！輕煎北海道帶子甘藍沙律 $108好大份好足料！口感好豐富！帶子厚肉大大舊，仲有香脆嘅合桃，新鮮多汁嘅蕃茄，營養豐富、健康食品嘅熱門羽衣甘藍，混合黑醋醬汁酸酸甜甜好開胃! 健康得來非常好味燒南瓜巴馬火腿藍芝士意大利飯 $138南瓜燒得好"淋"身，配搭好濃好creamy好芝士既意大利飯! 好正!!! chili chicken burger! $78炸雞好食! 厚肉~外皮夠脆!  厚切大大塊的菠蘿中和左成個burger的油膩感~ 甜甜地又好juicy! Chocolat $98係一個大朱古力波敲打開朱古力外殼，裡面是70%的黑朱古力mouse! 果然係好重朱古力味~ 夠香滑!旁邊仲有脆脆朱古力焦糖脆餅，令口感更豐富！食完甜的朱古力可以食番清新的佛手柑雪芭!我地今晚坐左好耐傾計都唔會有人趕我地走，傾得好舒服！旺角少有的傾計舒服好地方！

早排有兩個係上海exchange識既台灣朋友過黎香港玩，咁其中一個就話另一個生日，希望俾d surprise佢，於是就同我諗計睇下點幫佢慶祝，思前想後，女仔最中意食甜品，但送蛋糕又好行，台灣朋友就提議不如去食英式貴婦high tea，拿，食親呢d都係要去d五星級大酒店，冇人均200都唔好走，咁我就諗其實都係想相機食先，不如去試下d甜品藝術啦，左揀右揀揀左呢間位於旺角既Doux。話曬生日，我就提前一日打左電話去Doux book,提前order左佢地個招牌Endless，希望佢地可以幫我寫塊生日牌。去既時後都行左一段路，Doux位於彌敦道726號，18樓成層，一入到去環境好舒適，有兩個女仔已經High tea緊，同waitress講我地book左，佢就問我想坐bar定檯啦，咁坐bar就可以完全望到佢整Endless既過程，咁話知明係surprise，我地都係希望唔好俾個fd知住。Doux個環境好好，光線明亮，對於我地女仔黎講最perfect，野食未上前係咁影。除左endless，我地order左三杯野飲-玫瑰咖啡，Fruit Tea Latte同埋果味蘇打。我個杯Fruit Tea La

以前係旺角附近返part time ，想收工同同事去玩都覺得附近太多人。唯獨呢間比較隱密小小。同事好喜歡影相放上網，呢間做特色甜品，中午lunch hour 仲會有lunch set 食，例如意粉。我地兩個叫左個小甜品，味道其實就都幾一般，講怪唔怪、講甜又唔甜。但勝在樣靚，粉紅色既波波，都放得好靚，影相一流。價性比都高，雖然係比出面糖水店貴二十至三十，但地方乾淨、高級、影相靚、光線都okay。大家想有一個high tea既地方，呢到都可以考慮架！

同朋友食完雞一定後，意猶未盡，還想吃多個甜品。跟朋友到726上的Doux 吃個甜品。 店內環境舒適，最岩同朋友一齊坐底傾計。 之前已經試過Doux的burger, 覺得味道不錯。店內甜品選擇不多，但款款夠特式，叫人一試愛上。 Coconut($98) Young coconut sorbet, Frozen tropical fruits, White chocolate foam 一般地方吃到的是椰子雪芭，但這裡的是椰青雪芭, 再加上冰凍的芒果，入口清新又好吃。 別以為包住椰子雪芭的是椰子外殼，其實是朱古力脆皮, 很特別的。 Baby Beetroot ($98) Strawberry beetroot ice- cream, Molecular rose wine granita, White balsamic pearls 紅菜頭的雪芭加上士多啤梨果肉，冰凍香甜，式下加入了份子料理的rose wine granita, 造型似足冰山，可觀度極高。 Papaya($88) Deep fried rice pudding ball, Yakuit

放假同屋企人黎左DOUX食野,之前電視有介紹過依間餐廳,不過係介紹甜品今次黎到係食SET DINNER,唔知質素點呢黎到都幾多人,可能因為係星期日既關係野食即叫即煮,所以要等一陣前菜普普通通,最特別都係個Main Course黑毛豬豬扒，黑兒豬比昔通豬扒個肉會較香同林，依度既係真材實料，因為真係香好多不過份量望落巨型，真實食到既部份唔算太多配菜既蔬果味道亦都唔夠突出，較為可惜不過甜品就好好味，朱古力栗子蛋糕首先要打爛個朱古力，先見到蛋糕係入面蛋糕唔算太甜，味道岩岩好食多小小會見到莓味蛋糕出現，作為配襯岩岩好個人覺得甜品比較之下好食Ｄ

一直都好想BOOK依間樓上西餐廳,氣氛好浪漫,裝修又唔錯,拍拖黎最岩今晚黎到唔算太多人,靜靜地方便同朋友傾計野食選擇都係西餐廳為主首先食左個鮮果甘藍沙律,沙律菜好新鮮,好爽口入面既生果都係鮮味十足,士多啤莉好甜栗子好爽口再加上餐廳自制黑醋汁,酸酸甜甜味道好特別好惹味主菜食左鵝肝RISSOTO,鵝肝煎得岩岩好,好香又唔會太濃味RISSOTO入口口感煙韌得黎又唔會太硬,個汁唔會好杰,教得岩岩好而且夠曬熱,食起黎感覺更加好氣氛浪漫,野食味道唔錯,同埋又唔貴,值得下次再黎

女生嗜愛甜, 相信沒人反對~2017年的第一日出街, 除左出街行個大運, 仲為肚子搵來好睇又好食既野慰勞下佢(嘻嘻 ~相約左幾個閨密好友一同係旺角食好野! 有人提議tea time不如搵個地方坐低食件cake傾下計咁話, 誤打誤撞搵到Doux, 當日時間尚早, 人不算太多, 大有可能前一日人們玩得盡慶, 仍與周公作樂中, hahaha.............環境很開揚, 顏色主要用黑白兩色, 夠簡潔, 開放式bar table,  中間有一張大既橢圓形桌, 岩哂一大班朋友, 桌上放滿了不同的手工啤酒, 店員就說餐牌上有些款式是cross-over手工啤酒而成, 安排坐下接過餐牌後, 眼晴一直離不開餐牌上面甜品的精緻造型我自已就心儀蜜桃bb同小蜜蜂, hehehe......細問之下, 呢兩個係舊餐牌保留下來的, 其餘係新出品~嘩....我的蜜桃bb~ Ruby Peach, 好似花一般的美麗~伴碟的佈置令人賞心奪目, 睇得出佢地有花心思係甜品上面, 要知道色香味俱全, 食物的賣相同香味比味道往往早一步令食客心內有數, 「相機食先」年代, 賣相的確不能馬虎~  外面有層微脆的朱古力,

星期三的下午相約閨蜜朋友仔去這間想去好耐的甜品店試一下他們的甜品，一入到去店舖雖小，但有很大的落地窗門，感覺很舒服，大約下午四點半店內沒有很多人，只有三枱客人吧，很容易便找到個窗旁位置。見到tea set 十分精美，價錢375兩位，價錢尚算合理，故此便order咗一set ！Tea set到了真是很精美，細細粒很可愛呢，有咸點有甜點，搞到我哋相機先食影得好開心！講真味道一般，但我覺得比一些酒店級的好吃呢！只是Macaron 同那兩粒粉紅色棉花糖太甜了，其他都好好食。tea set包兩杯飲品，我們叫了coffee latte 同花茶質素一般水準。我認為有靚景有靚tea set. 都算藉得一去的，下次有機會還會去試吓他們的甜品呢！PS. 但他們的人手實在不夠，等好耐他們都未有時間落order。等好耐飲品才到！真是要有耐性啊！

其實自己一向很少專誠為了吃甜品而去幫襯甜品專門店，不過凡事總有例外，這一次，因為相熟朋友邀約，所以和多位友人一起來到這間以漂亮甜品畫和主題甜品知名的樓上甜品餐廳，大伙兒各自叫來不同的特色主題甜品，再一起開心 Share，百花齊放，七彩繽紛，感覺可也不錯。這兒的特色主題甜品可多了， Chocolat、 Honey Comb、Sweet Potato、Ruby Peach、 Chestnut、Sticky等，都各有特色，而且全部都十分精緻漂亮，絕對是「呃 like」之選。 雖然這天我也有淺嚐其他友人們所叫的特色甜品，但美麗可愛，上面有一隻得意小蜜蜂在上面的 Honey Comb（$98）才是我的主打，這漂亮的 Honey Comb，以 Honey Lemon Cheese Mousse為主要材料，伴以 Honey Fondant和 Molecular Lady Grey Granlita，甜度適中，清新而不過於甜膩，比其他各款甜品更得我的喜愛。偶然一次，歡歡喜喜，熱熱鬧鬧的去吃漂亮精緻的甜品，看得開心，吃得也開心，也不錯呢！

美麗TEA TIME@ DOUX 足足一年多沒有去過DOUX，早陣子見到朋友放了點甜品靚相在ＦＢ，得知最近DOUX推了新ＭＥＮＵ，趁早早地收工便和同事去ＴＥＡ一ＴＥＡ～ DOUX位於旺角彌敦道近旺中附近的一楝新落成的商業大廈，裝潢別緻。我們被安排坐在窗邊位置，景觀開揚，平日來會比較容易佔位置 坐在吧桌位置則可以看到甜品師工作的情況，很有趣 黑色鋼做的餐具，非常有型 新甜品ＭＥＮＵ，價錢大約＄８８－＄１０８，每款都好靚，就由店員推介下點了二款 Chestnut$98 這個甜品現場看是比拍照好看，因為整個都是啡色，實在有點難拍出層次， 不過實在好可愛，一大顆的Chestnut是由黑朱古力做出來的，栗子就是這個樣子，像真度很高 Chestnut入面的是Chestnut mousse加入了少許 sour cherry ，食起來多了份層次少了份甜膩，而伴碟的雪糕，是果仁雪糕，食起來很香滑，一食就知是上價的雪糕 Shiratama$88 這個甜品非常有美感，而且份量不會太多，味道是清淡的那種，非常合適女士食用 伴上的豆腐雪糕，食起來似在食豆腐，好香豆腐味，而且清甜 食之前要加

問世間情為何物，直教人生死相許。情？是甚麼？沒有人知道亦都無人可以解釋，有些人因為愛而堅持，好些人因為愛而放手。執着，到底你又執到了什麼？好耐之前我話好希望同喜歡嘅人去吃一幅甜品畫，到頭來都無機會，今次就同朋友嚟到呢度巧遇呢一幅甜品。就當圓個心願。甜品師傅即即係你意思話想一幅圖畫，由白色嘅畫紙開始，藍色綠色嘅甜美顏料做背景，配上不同質感的甜品，布甸，啫喱，焦糖，果仁，朱古力粒等等，仲有螢光粉紅的龍鬚糖絲，係藍色嘅圓形球內螢光粉紅格外美麗。當然還有雪糕以及造型十分之美麗嘅圖畫，糖果，係你面前表演，畫出這一封充滿冬日感覺的童話甜品。每一口都好美味特別，原來將唔同嘅食材混合一起有別一番嘅風味。最後我都食到呢一幅咁美麗嘅畫。呢幅畫絕對係冧女必備。至於呢個中西合璧嘅荔枝甜品亦都好特別，青青甜甜絕對係我喜愛嘅口味，你邊有荔枝肉，啫哩，龍眼肉等等，配上豆腐雪糕，既有一種浪漫清新感覺，亦都配合了這裡的文麗氣息，如果同我一樣唔太喜歡太甜嘅甜品的話呢一個shiratama 絕對係你嘅首選。

又到我同先生結婚週年紀念，搵佐幾間都因為聖誕假期full晒，最後選佐Doux。提前一個禮拜order要Christmas set 。 坐低冇耐就上佐暖暖的麵包，老公好鍾意食第一道法式龍蝦湯味道好濃郁，點埋麵包一齊食都好正第二道帕爾馬火腿配無花果乾，火腿好咸無花果乾酸酸地，搭配一齊好奇妙味道，說唔上好味，但又唔會難食頭盤兩選一，兩個餐當然各要一樣試下，帶子好正，味道好清新，我食佐有驚喜到，即刻叫老公試下，佢都覺得唔錯鵝肝配柑橘搭配得唔錯，鵝肝入口即化，有點油膩，食埋個柑橘中和返，不過就覺得個柑橘熟過頭，如果啱啱熟就更好喇Waiter見我地食晒清晒D盤冇耐就上佐第一道分子甜品，香檳雪芭第一啖好凍，但好快就融佐，好舒服，我中意食到哩度我已經有D飽，中場休息十分鐘左右，主菜上場喇老公要佐黑毛豬胺，我試佐幾塊，都唔錯，熟度剛剛好，不過我就覺得肥，偏油膩，但老公話係要有D肥先好食喔！我就要佐法國燒春雞，影完相之後見到咁大份都唔知從何下手，唔知係唔係飽佐覺得隻雞麻麻，冇咩太大驚喜，反而兩樣汁味道都幾特別，但唔想浪費我最後都有食佐九成餐飲我就要佐杯白酒，老公要佐星空特飲，星空特飲

我早前Book 左 Table 今晚同朋友食聖誕晚飯Set。去到餐廳，餐廳有許多冇人坐的座椅，但是服務員竟然安排我和朋友坐在其他食客旁邊，當我們坐下後，發現張桌子不平衡'搖搖下'，服務員拿紙巾放在桌腳下，但是桌子還是'搖搖'的。當我們打算落單聖誕晚餐Set，服務員表示沒有聖誕晩餐Set!!! 這早在book table 時我已經說好要聖誕晚餐Set，來到餐廳竟然沒有了。另外，當服務員被問及飲品的詳情，個服務員一冇所知...

難得放半天假，要去食返個下午茶才叫放鬆。見這裏的甜品圖片非常吸引，便上去試試。位於18樓，可以飽覽彌敦道景色，氣氛不錯。Honey comb 賣相吸引，黃色為主調。Honey lemon cheese mousse 外形似峰巢，口感幼滑綿密，不會太甜，檸檬味濃，淡淡蜜糖香。上面有隻蜜峰和脆峰巢粒，蜜峰是軟糖，比較甜。Molecular lady grey granita 入口即溶，lady grey為沙冰添上淡淡的柑橘香，清新淡雅，在嘴裏留有餘香。 Baby beetroot 是一個紅色的立方體，雪糕裏有濃濃的紅菜頭味，aftertaste 有士多啤梨香，中間有士多啤梨肉，酸酸甜甜，還伴上淡淡的忌廉雪糕，起中和作用。Molecular red wine granita 酒味濃，與雪糕做成強烈對比，刺激味蕾。整體來說味道特別，能巧妙地將各種味道和諧的配合在起來，很有創意。