影片
更多
2017-02-01
711 浏览
早排有兩個係上海exchange識既台灣朋友過黎香港玩，咁其中一個就話另一個生日，希望俾d surprise佢，於是就同我諗計睇下點幫佢慶祝，思前想後，女仔最中意食甜品，但送蛋糕又好行，台灣朋友就提議不如去食英式貴婦high tea，拿，食親呢d都係要去d五星級大酒店，冇人均200都唔好走，咁我就諗其實都係想相機食先，不如去試下d甜品藝術啦，左揀右揀揀左呢間位於旺角既Doux。話曬生日，我就提前一日打左電話去Doux book,提前order左佢地個招牌Endless，希望佢地可以幫我寫塊生日牌。去既時後都行左一段路，Doux位於彌敦道726號，18樓成層，一入到去環境好舒適，有兩個女仔已經High tea緊，同waitress講我地book左，佢就問我想坐bar定檯啦，咁坐bar就可以完全望到佢整Endless既過程，咁話知明係surprise，我地都係希望唔好俾個fd知住。Doux個環境好好，光線明亮，對於我地女仔黎講最perfect，野食未上前係咁影。除左endless，我地order左三杯野飲-玫瑰咖啡，Fruit Tea Latte同埋果味蘇打。我個杯Fruit Tea La
早排有兩個係上海exchange識既台灣朋友過黎香港玩，咁其中一個就話另一個生日，希望俾d surprise佢，於是就同我諗計睇下點幫佢慶祝，思前想後，女仔最中意食甜品，但送蛋糕又好行，台灣朋友就提議不如去食英式貴婦high tea，拿，食親呢d都係要去d五星級大酒店，冇人均200都唔好走，咁我就諗其實都係想相機食先，不如去試下d甜品藝術啦，左揀右揀揀左呢間位於旺角既Doux。話曬生日，我就提前一日打左電話去Doux book,提前order左佢地個招牌Endless，希望佢地可以幫我寫塊生日牌。去既時後都行左一段路，Doux位於彌敦道726號，18樓成層，一入到去環境好舒適，有兩個女仔已經High tea緊，同waitress講我地book左，佢就問我想坐bar定檯啦，咁坐bar就可以完全望到佢整Endless既過程，咁話知明係surprise，我地都係希望唔好俾個fd知住。Doux個環境好好，光線明亮，對於我地女仔黎講最perfect，野食未上前係咁影。
除左endless，我地order左三杯野飲-玫瑰咖啡，Fruit Tea Latte同埋果味蘇打。我個杯Fruit Tea Latte，其實就係Latte上面灑左層紫色玫瑰花茶，靚到唔捨得攪勻。奶泡綿密，飲落口有淡淡花的味道，唔會好搶，濃濃牛奶味，感覺好少女。
等啊等終於等到個Endless上，甜品主體係一個朱古力整既炸彈，周圍鋪自製既jelly,麥芽脆糖，藍莓、朱古力軟方塊，形成一個星空，我諗呢個就係個名Endless既意思，無盡既宇宙，無盡既星空，非常有意思！
當影到咁上下既時候，店員就會幫我地引爆個炸彈，朱古力一裂開，入面其實係薄荷雪糕，冇影到相，顧住食添XD。其實你話味道呢，就冇好大驚喜既，朱古力還朱古力，雪糕還雪糕，整個Endless入面我覺得最好味就係個麥芽脆糖，但係視覺效果確實係享受既，影幾張相呃like,都值得既，最緊要朋友中意咪得lor!
张贴
