Doux (已結業)

煙三文魚沙津($98)，賣相好靚，中間用煙三文魚捲成一朵玫瑰花，用黑醋汁味道都好夾，比較特別既位係佢加左焗脆左既蜜糖核桃，估唔到又幾好食。法國活藍青口香檳忌廉汁意粉($138)，青口感覺比平時食既較鮮甜，肉質爽口，個香檳忌廉汁都煮得香滑creamy，意粉掛汁能力唔錯，啖啖都食到醬汁。經典漢堡($128)，個漢堡絕對係水準之作，估唔到呢到既漢堡做得咁出色，有牛肉漢堡扒、洋蔥、生菜、蕃茄同芝士，個漢堡扒火候控制得啱啱好，牛肉唔會過熟仲保持肉汁，一啖咬落個漢堡超滿足。Lava($98)，雖然個甜品比我影到黑媽媽成個雀巢咁，但味道都幾特別。佢有d似心太軟，焗既核桃朱古力蛋糕，但入面係伯爵茶流心餡，配埋泰式奶茶味雪糕，三重味道，感覺好有新鮮感。

同bestie吃飯，2人點了個青口，龍蝦意麵，鵝肝飯，青口味道很好，帶有香濃的酒味，不過欠缺麵包跟餐，浪費了美味的醬汁。意麵和鵝肝飯的味道也不錯，就是份量偏少，對於大食女生而言，份量只能填飽5成的肚皮了。總體味道不錯，環境算OK，就是份量少的可憐。

兩個人，朋友點了一個「龍蝦意粉」，我則點了一個「紐西蘭肉眼（16 oz）」，後者因透過 Openrice 訂座，所以有 85 折。朋友說不錯，我聞到也很香，我的肉眼火候控制準確，但肉味稍嫌不足，但份量搭夠，整體算合格好點，我另點了一杯凍的 Latte，咖啡味也只是合格好一點罷了。然而，用餐空間在香港算是寬敞，18/F 景觀也很開揚，可以看到大角嘴大部份，在晚餐時間，更剛好將日落和晚霞美景收歸眼底，員工的禮貌和招呼也都頗不錯，價錢也不算貴，若想「窮風流」，又或「月上柳梢頭，人約黃昏後」，這裏都是合適的地方。

契女往美國升學， 我們一行十人在這裡為她踐行。這裡食物種類不多，但已足夠我們選了。以下是個人推介：　小食拼盤：除熱辣辣的外，還有炸蝦炸雞，連不愛吃炸物的朋友都說好吃。法國藍青口忌廉意粉：用青口圍著意粉上枱，感覺用料十足，青口也很新鮮。泡菜意大利飯：意大利飯很難煮得好吃，有些地方會煮得太硬，有時又會太軟，難得是這裡煮得軟硬適中。另外黑胡椒和泡菜兩種不同的辣，也讓味道變得有層次。值得一提是這裡的服務很親切，因為經openrice訂枱時已寫了這是踐行宴，入座時他們主動問我們是否需要在甜品上寫上祝福句子，可以讓他們先準備。這點貼心的安排，成為了我們這晚的highlight!!

朋友生日 我間中都會揀旺角Doux~ 勝在價錢唔算太高 但食物質素好 而且甜品都做得好靚好出色。提早左放工 仲可以欣賞埋日落 雖然係大廈中的日落 都是另一番香港味道～法國活藍青口香檳汁意粉～我本身幾鐘意食藍青口 不過試過有些餐廳 唔新鮮既 真是會腥臭 但Doux既食過一次 覺得幾有水準 今日再試 依然係幾新鮮 肉質好軟熟。香檳汁處理得好好 濃度適中 剛好每一口意粉和青口都沾上香檳汁 yummy~烤黑毛豬鞍配黑醋蜜糖汁～JUICY!!!! 厚厚既豬鞍 肉質一點都唔老 肉汁豐富。黑醋蜜糖汁 幾配搭。配菜好健康 紅黃小蕃茄鮮甜多汁 仲有紫蕃薯 粟米芯 秋葵 全部焗過～ 甜品款款都吸引～ 最後揀左呃like值好高既Peach mousse! 粉紅色 女生至愛 賣相好靚～ 香桃味mousse 一切開 有流心桃味啫喱 酸酸甜甜 夏日清新之選～

彌敦道喺九龍半島嘅主要馬路，食肆臨立，呢間餐廳就喺位於旺角丶太子交界嘅彌敦道726號，大廈名字乾脆叫Nathan 726，搭電梯到18樓就可以直達，景觀好靚。打開餐牌見到＂如對任何食物敏感請通知服務員＂，直覺覺得呢間餐廳注重細節及客人感受。果然直覺冇錯，先上枱嘅輕煎北海道帶子甘藍沙律$128，碟是冰凍的，目的就是保持新鮮沙律蔬菜的新鮮度，但是之中的合桃卻是熱及甜脆，應該係在合桃加上蜜糖之後再烤焗，沙律中的帶子大大粒，同樣熱騰騰的，可以用刀义嚟享用。跟著食左個經典漢堡$128，簡單又美味，薯條係我喜歡的連皮一起吃，漢堡個包外脆內軟，醬汁淋淋，加上溶溶哋嘅芝士同埋牛肉餅，大口大口咁食，好快就食晒。想講個甜品喺Ruby Peach - 即係桃mousse，無論presentation、味道同埋口感都好喜歡，食入口感覺好像食緊成熟多汁又甜嘅日本桃。

約左朋友今晚出旺角聚會，揀左呢間DOUX晚餐,因為之前黎過食甜品，覺得環境，食物同服務都唔錯，所以決定黎試下晚餐。整間餐廳好有格調，四周擺放左d花樽，氣氛浪漫，用黎影相打卡都唔錯。Order左個三文魚沙律做前菜，煙三文魚又香又嫩，唔會太鹹。個沙律菜好新鮮，加了黑醋汁 ，入口十分清新。青口香檳忌廉汁意粉嘅味道卻非常唔錯， 嬌小可愛嘅藍青口夠鮮甜，而香檳忌廉汁濃郁香口，意粉食落煙韌有口感，每條意粉都沾到醬汁。小食拼盤，有炸雞塊，芝士條，芝士薯條同炸蝦，見到已好經嘩一聲，大家都同小朋友一樣，鍾意食煎炸野呢個係Deluxe House burger，burger嘅麵包鬆軟，外層烤到脆脆地，帶有陣陣嘅牛油香。而和牛漢堡入口充滿肉汁，一咬落去啲肉汁就慢慢咇出黎。配埋新鮮嘅番茄生菜，非常之夾。仲有嗰塊大芝士，口感豐富起黎之餘，味道嘅層次亦有所提升，美味無窮。此外佢有個秘製嘅醬汁，甜甜地，有洋蔥味，好好食。仲有炸薯條，係幼身薯條，感覺冇咁漏。呢個薯條食落唔會話太鹹，亦唔需要點茄汁，都覺得好好食。而且炸到脆卜卜，但又保存到薯條內裏嘅軟度。呢度係4杯野飲，包括Coconut lavender lemona

DOUX餐廳環境唔錯，果然冇令我失望，環境係好有情調、好浪漫！我仲好喜歡佢會係枱面插花，真係覺得好配合餐廳用黑白色做既主題，好有格調。煙三文魚沙律，呢個沙津同平時嘅三文魚沙律有少少唔同，除左基本嘅煙三文魚同埋沙律菜之外，佢加咗啲堅果同埋提子乾，增加左沙律既甜味，而且又令個沙津口感豐富左好多，配埋甜醋食好開胃，我好鍾意呢個配搭。小食拼盤，有芝士焗薯條，炸蝦炸雞同埋炸芝士，全部熱辣辣好惹味！果D薯條有好濃芝士係上面，唔洗點其他醬料已經好好食，加佢果D炸蝦點蛋黃醬簡直係天衣無縫，而且全部都炸得好金黃剔透，非常美味。法國活藍青口香檳忌廉汁意粉，口感非常好，意粉煙韌度啱啱好，忌廉入口味道很濃厚，香味滿分，散發住香檳嘅甜同酒香，加上份量十足，而青口更加飽滿大隻，鮮美滑嫩，亦煮得剛好唔會韌，配上意粉簡直最佳組合。雙層經典漢堡有厚厚的牛肉漢堡扒，牛肉漢堡扒的生熟程度岩岩好，再配上香味濃郁的芝士，入口肉汁豐富，再加上鮮甜厚切蕃茄，大大減少了肉既油膩感，麵包烘脆了外層，而內層非常鬆軟，再食新鮮炸起既外層酥脆的薯條，炸得乾身唔油膩，咬下去啖啖薯仔味，份量很大，吃完了已經飽了一半。呢度既甜品全部都係精心設計，

約咗個好耐無見嘅舊同事傾計，以前大家喺公司傾到唔斷，但之後各有各忙好難先抽到時間，預咗今晚一定講唔停，所以想搵個啱feel嘅餐廳，當然呢啲唔係由我拍板，朋友最終介紹呢間DOUX, 我當然無異議喇726號呢個大廈大家一定識，好多餐廳，當然我自己都去過幾間，大約環境都知，但上到嚟DOUX環境好寧靜，view當然唔錯，少少光嘅情調下好適合大家傾計不過重點都係嘢食，先講好好食嘅扒，今次叫咗5成熟肉眼扒，個扒煎得好香，面脆但肉身依然保持嫰口，入口易咬充滿肉汁，very juicy, 有一定水準（個人好like伴邊嘅兩條脆秋葵，加分😂）另外仲叫左法國活藍青口忌廉汁意粉，青口一向都好like ， 餐廳畀嘅青口份量都算幾多，新鮮多汁，加上忌廉汁好濃, 令意粉每一口都充滿醬汁，very nice 最後為咗坐耐少少，叫咗個甜品作終結，呢個好合適兔仔食嘅甜品berry’s, 賣相吸引，其實喺芝士蛋糕，但配上士多啤梨汁令入口無咁膩，啱晒女士吃，我同朋友仔都好鐘意，最後大家都好滿意呢個個飯局，好嘢食環境好，大家仲傾咗好耐，very nice

哩座大廈 不嬲都好多食店 但價錢黎講都偏貴！ 哩間就岩岩好啦，價錢相對平民化小小 而且環境都好舒服 落地玻璃應該係哩度既賣點！ 現場見到好多情侶過黎慶祝 因為d甜品實在太靚 岩哂影相打卡我地前菜叫左個煙3文魚沙律🥗，其實西餐廳黎講，前菜沙律質素都差吾多！ 入面有番茄 有沙律菜 三文魚 提子干 同 核桃 士多啤梨等等！上碟果陣擺得好靚 中間有個花 點埋個黑醋食都開心d 酸酸甜甜主菜叫左好多人推介 法國藍活青口香檳忌廉汁意粉， 就點左黎試下！ 忌廉汁好濃，包住哂d意粉！ 青口都好鮮甜 絕對吾會令人失望！加埋個經典漢堡係最出色！ 薯條好脆好熱辣辣！ 個醬好濃味，配埋個漢堡食落好有層次😋肉汁超juicy ! 個包好鬆軟 配埋個醬 真係要比個讚佢😂😂最後叫埋個甜品就收手啦！ 甜品製作時間比較耐 一上碟超凍 完全解薯 又吾甜🙂🙂真係好正！我地果個係honey comb 仲有隻小蜜蜂🐝係度😆😆岩哂d玩吾大既朋友

約了朋友到旺角吃這家牛排，從旺角地鐵站B3出口穿過天橋很快就到了。進去之後感覺很好，很浪漫，燈光柔和很有情調。服務生服務也很到位，幫我們set好桌碗碟餐具。我們點了一份紐西蘭肉眼，一份香檳意粉和甜點Ruby Peach。首先上來的是【法國活藍青口香檳忌廉汁意粉】，口感很好，忌廉的口味很濃厚。份量十足，青口飽滿大隻，鮮美滑嫩，意粉硬度剛剛好。重頭戲是【紐西蘭鮮肉眼】，我們要了7分熟，但是略為有一點點生。搭配的醬汁和蔬菜味道都很不錯，牛的品質也很好。最後的甜點最外層的朱古力脆片超級好吃，裡面的甜度也恰如其分，是淡淡的蜜桃香味，賣相十分精緻用餐中間服務生也會經常幫我們加水，總體服務很不錯，很好的用餐體驗，會推薦給朋友。

下雨的一個星期天，做完運動，想找些新餐館，隨意的在openrice找找。看到旺角有這家餐館也即管試試。点了個慢煮bb豬肋骨，太太也点了個核桃芝士雞waffle沙律。bb骨入味不錯，入味，不是一般的把肉烚了，求其上面再淋汁的。不過不算特別。normal+吧。另一個比較特别，甜又咸的交纏比較有特色。只是等得耐一点和分量少一点。可能今天大雨，人不多，坐在窗邊，看著個開陽的境，坐得挺舒服的。下次要再來試試他們的甜品和啡。

今日和朋友出去旺角行街，咁開始覺得餓就上網search下有咩好野食見到呢間西餐廳不錯，所以就去左食啦輕煎北海道帶子甘藍沙律羽衣甘藍是我很喜歡食我菜，羽衣甘藍和半熟的帶子很美味，還加入合桃和士多啤梨，相當豐富！青口香檳忌廉汁意粉相賣都唔錯，意粉的質感剛剛，而且美味唔錯，青口配忌廉汁意粉是很好的配搭！Ruby Peach最後見到d甜品整得咁靚不禁點了一件share食，有慕絲、蛋糕和外層的糖衣嘅互相配合口感好豐富，好香的桃味又唔會好甜好味道！

樓上舖嘅食店水準真係越來越高，這間位於旺角及太子交界嘅 DOUX，不但環境優雅，落地玻璃嘅可欣賞旺角車水馬龍嘅繁華，亦可享受日落晚霞嘅精彩變化。無論係 menu 或環境佈局，都很細心，最適合小情侶靜靜地好好享受一頓晚餐。藍青口香檳忌廉意粉， 賣相十分吸引， 擺碟亦美觀，有高級餐廳嘅水準！藍青口，入口好有彈力，感覺好新鮮，意大利粉一啲都唔 un，配上濃味 creamy 嘅忌廉汁，味道好夾！紐西蘭肉眼扒，份量超巨型而且厚身，本身肉質上乘，加上外層煎香，鎖住肉汁，入口每啖都充滿牛肉香脂，肉質柔軟！呢度的甜品，確係出色，二人享受之餘，亦欣賞佢嘅造型，的確很有心思。Ruby Peach 造型真係似一個鮮紅既蜜桃，切開中間，果醬慢慢由蛋糕流出來，入口不算太甜， 亦有淡淡嘅桃味，蛋糕亦很鬆軟！

Doux係一間主打甜品嘅樓上cafe。雖說係樓上cafe，但好闊落，由大玻璃望可見彌敦道，設計開揚。店員服務周到，提供籃用嚟放袋，又會按用餐進度上菜。法國活藍青口香檳忌廉汁意粉散發住香檳嘅甜同酒香，比起一般忌廉意粉味道更有層次。一碟意粉有足九隻青口。雖然唔係超大隻，但九隻加埋份量十足，亦煮得剛好唔韌。$368嘅紐西蘭鮮肉眼足16oz，點嘅時候亦不以為然，上枱見到眼前一塊特厚巨扒，實在有點喜出望外。肉眼扒只以鹽同胡椒調味，但煎出陣陣焦香，配上紅酒汁能減低肉類飽滯感。揀咗3成熟。牛扒好厚，鍾意肉汁嘅當然叫3成熟，但如果鍾意牛扒嘅texture，叫五成就會最正，juicy得嚟易咬，夠腍。但最令人驚喜嘅係配菜。平時食扒都係配西蘭花同紅蘿蔔之類，今次嘅焗蕃薯軟糯香甜，秋葵多汁，配角都令人回味。最後就係Doux嘅甜品Matches。呢度嘅甜品比一般cafe貴，因為全部都係精心設計，每道甜品都有專用碟，賣相吸引得好似art pieces 咁。Matches 嘅火柴盒係橙皮mousse同咖啡整成嘅蛋糕，咖啡只有薄薄一層，但香味濃郁。牛油手指鬆脆，拎上手都唔會成手油。雖然今餐食得比較豪，但想喺度坐吓其實