Domon 札幌拉麵 (已結業)

據店員講, 極上拉麵似乎係店內最出名, 裹面的配料亦都以海鮮為主, 包括有北海道長腳蟹, 帶子, 魷魚等等. 而腳蟹的鮮味十分鮮甜, 可惜當日自己錯配麵豉湯底, 麵豉湯的甜度都幾濃, 有D染了腳蟹鮮味, 下次應該選用清湯底.另外牛油焗草菇亦是另一至愛, 草菇味十足!

呢度既格局好有地道既日本feel, 我去左幾次, 幾次都發現到有日本人幫襯呀~佢個招牌牛油拉麵好香, 但食落又唔多覺舊牛油有咩大作為... 不過整體來說, d 麵幾彈牙, 湯底亦幾好味! 另外食左個炒雜菜, 不過不失~

呢間野有兩樣香港之最: 首先一般的香港人一定忍受不了"面史"湯底的那種咸味, 佢係愈食愈咸個種, 咸到最尾我真係唔想食, 但諗落碗麵咁貴一碗, 最後都係食哂. 其實佢仲有兩種湯底: 豉油和清湯, 如果學個待應話, 三種口味其實都係豬骨湯底的話, 清湯底(即淨豬骨湯底)的話, 可能好D. 第二, 呢間口感係最似日本扎幌麵, 無論湯的濃度(天然的濃, 並非味精的濃), 配料, 份量都極似. 如果你食過扎幌D麵的話, 一定會有返個種感覺. 雖湯味及牛油香味仍差原裝扎幌麵一大截, 但已難能可貴,實值得一試!

d麵食呀食呀....食極都食唔完...好大碗woo~原來廚師同2位侍應都唔係日本人,不過d材料同知識就來自日本o既....係佢地自己講架,佢地留日多年工作,生活,學師,所以即使係香港人,但一切都好正宗日本o既~食了海鮮湯麵,豉油湯底,材料,麵質都同外邊的唔同,冇外邊做賣點的大帶子和大蝦放在面頭,但唔知點解望落去個樣仍好順眼,唔會因為冇呢2樣野而覺得佢唔係海鮮麵...成碗麵都好,唯獨是愈食愈咸唔好,搞到我想學電視d日本人咁飲晒個湯底都唔得.

素聞依間係正利時對面的拉麵鋪頭係好出名,所以就下定決心要試下喇~一踏入個門口,已經有種好得意既感覺,好似置身係日本咁(d waitress同埋師傅都係日本人)勁地道feel囉~我叫左個草菇拉麵加牛油(豉油湯底),D麵條都好特別,口感岩岩好~加左牛油既拉麵,湯底係勁香噴噴,不過整體黎講我覺得略咸左少少!而草菇好鮮甜好爽,入面果件叉燒真係好食到不得了,?唔會好似一般的拉麵鋪頭果D咁乾憎憎,勁好味呀下,簡直一試難忘!!我bf叫左個dinner set(拉麵+餃子+炒飯),餃子皮薄餡多,好食!我地仲叫左個蟹籽沙律,D材料又係勁新鮮!好好味呀!^o^我已經決定下次要試下?個中華冷麵,等我呀~~~~

　　講到食拉麵，除o左油麻地橫綱外，都要數呢間o係尖沙咀o既DOMON。入到去個個侍應都係講日文，而且在座大部分都係日本人，真係有D 似去o左日本(雖然我未去過)，我諗佢D o野都幾地道o卦。好彩D 侍應都識講中文，如果唔係都唔知點嗌o野食。　　叫o左出名o既「牛油拉麵」$68 (麵鼓湯底)，塊牛油又真係好香，個湯底又好好味，不過塊叉燒如果肥返少少會好食D，麵都好有咬口，不過都係鍾意橫綱個麵底多D。　　另外，草菇拉麵$78 o既草菇係一包包獨立包裝，好似好新鮮，咬落果然鮮味十足。再叫多個「鹽燒牛展」$25，只得6 小片，食落口感唔似牛展似牛肉，但又會滲出牛展獨有o既氣味，幾得意。

入到去第一個感覺就係好似去左日本既麵檔，佢地既waitress(可能係讀過日文定係根本就係日本人呢?)講既日本好正又好禮貌，唔似外面個D所謂既日本餐廳個句歡迎語句"也些麻舍"，感覺好好多，地方並唔大，坐低同女朋友叫左一個草菇拉麵加牛油，我就叫左個拉麵配咖喱定食，兩碗拉麵份量適中，咖喱飯明顯係配角所以比較細份，味道方面草菇拉麵味道唔錯，而我既拉麵亦不過不失，要讚既係佢既麵煮得幾彈牙，同埋並唔同外面食到既拉麵，佢既麵顏色較黃，雖然唔知佢點整，但食落覺得係好食過出面食開白色個D，而咖喱飯就好似係日式百貨公司所買到既咖喱汁煮既一樣，味道好濃。佢地既價錢的確比其他日本餐廳貴，有幾款甚至係一倍價錢，之前所有既服務都反映左係個價錢度，值唔值得? 我覺得則見仁見智，一個月一次都ok既。

果日我朋友拉我入去食, 話呢間拉麵好正! 於是就走入到試下!一揭開餐牌, 心諗: 嘩! 乜咁鬼貴架, 都係一碗麵0者!結果我地叫果一個牛油拉麵, 同一個咖喱飯!碗牛油拉麵一放底.....嘩! 勁香, 香到不得了! 同果間咁既旺角爛鬼博多拉麵真係有天淵之別!牛油香到死之餘, D麵質仲好靚, 雖然明知會肥, 但係都要食, 入口就好香牛油味, 反而有D搶左湯底D味, 令湯底為之失色!至於個咖喱飯就OK啦, 無碗麵咁有驚喜囉!好開心食完仲有一個靚靚散紙包送! 周圍D人都講日文, 好似去左日本咁, 我去果日仲見到一個日本靚仔添呀!~!~!~!~!~!~!~

noodle so far so good ja wor~ curry..ai.. $$ 同quality 唔成正比~ 又係俾人吹捧得太勁~

出湯拉麵無可否認真係好味, 但較濃. 相反夏天出番中華冷麵好食極了. 特別彈牙, 唔需要多肉最想放多d 昆布, 等麵汁入晒落去好似食沙律咁, 不過價錢真係.. 貴.. .. 少少.. 有時感覺上好似一定要你食set

The food is very good,though the price is high.Also the service is good.But I feel quite hot when i sit on the side table.

未o 黎之前, 淨識得去" 橫綱" 食拉麵( 正宗o 的麻), 今次o 黎" 札幌" 感覺仲正, o 的職員日文講得好, 唔似xx 壽司o 甘唔知講甚麼. 牛油拉麵又香又彈牙, 不過唔知係咪配豉油湯底, 有o 的咸..

去到札幌~: 係利時對面果間呀~ 打開menu~~ 哈哈!! 你會俾個價錢嚇死~ 不過. 當你食過, 你就會放下心頭大石 先講個燒牛舌~~ 入口即化咸咸的佐酒最好 牛油拉麵亦都係代表作~ 麵夠彈牙料夠多~ 麵豉湯底正到卑~~ 極上拉麵$150 一客~ 料都好多有蟹腳帶子蝦等等.. 大大夠兩個人分" 除左我~ 因為我獨食" 當你去過之後, 果d 味千呀~ 九州熊本呀.. 行埋一邊丫唔該..~

嘩！自從果次趁金融風暴紙水低去完日本之後，好耐都無食過o 甘好味o 既拉麵啦，果種感覺，真係令你差D 以為自己身處Japan 呀！　湯底一流唔在講，D 麵好彈牙，好爽，聽聞呢度D 料﹙包括豉油﹚都係由日本運番來，所以先有o 甘正宗日本feel 。　食得樂仲叫o 左味九菜炒豬潤，雖然好簡單，但食落的確與別不同。　價錢貴係貴o 左D ，但總好過食埋D 唔正宗o 既丫嘛。