Domon 札幌拉麵 (已結業)

同個friend 黎食, 每人叫左一個拉麵, 好大碗又好好味,湯底都唔錯~~

諸事不順... .心情差到爆...決定對自己好D....食好D....行過又見肚餓...於是走入黎食....要左個螃蟹拉麵+ 雞肉串橈....拉麵先上...所謂螃蟹原來只係4 條蟹腳.....D麵略硬...唔岩心水....但係個湯底幾得....雞肉串入邊有雞軟骨物體....唔係我杯茶.....心情唔好化悲憤為食量.....即使唔係咁岩食都塞哂落個口.....食下食下....心情居然好番D....哈...美食能醫百病.....如果下次唔開心...再食餐好D先....

三年前一次好偶然情況下"鍾"入去食.除非去日本,否則食唔到咁正宗日本拉麵

同老朋友聚舊~見依度食評好似幾得..就試試依間!星期日夜晚八點只得1檯人食飯有點兒冷清..我地揀左吧檯..望住廚師煮野食! 我同朋友比較細食..揀左1人餐($83）牛油拉麵+ 炸豆腐..侍應姐姐雖然厚粉但服務態度10個得!熱情介紹我地揀乜野餐同湯底（佢話麵豉湯底最好味!）我唔算好識食~覺得拉麵多左少少油..但依然好好味!炸豆腐簡直係滑到震!!食到咁上下見到隔離有個日本中年男人1路睇日文報紙1路食麵~可能果段時間比較清閒~侍應姐姐間唔中會埋黎同我地傾計! 覺得間店好有人情味..睇落去幾地道（侍應平日交談用日文）而且招呼非常周到! 食物當然非常唔錯啦!

都係睇呢度D 人話牛油炒菇正. 於是都叫了一碟!真係幾香味....(奇怪的時佢炒果時反而冇味)今次都叫了每次必食既燒魚餅, 冇啦啦幾勁有薑味.....冇之前咁好味!蟹腳拉麵依然正! 不過佢拉麵正就正!但量太少反而芽菜溝多左!最唔掂係串燒......食了一粒都唔想再食!果碟雜串燒係有大蔥, 菇, 雞腎, 雞肉!4款都真麻麻, 同蘭桂芳間花串比差好遠!2個人LUNCH都$220 !!今次真係麻麻!

通常出開尖沙咀行到悶唔到食咩野就會黎札幌食. 乾淨整齊, 員工態度又好, 雖然佢係日本人, 不過都識講識聽廣東話架,有次叫套餐唔想食餃子問佢可唔可以轉佢都俾(有好多餐廳都會話fix左唔轉得)d野食都keep 到水準, 通常都會見到日本人食野, 睇下bar台上面開左寫左名既酒就知啦. toliet都好乾淨, 不過拉麵同埋小食種類再多d就好啦.

小食好味,拉麵麻麻

拉麵食落有少少鹼水味，幸而尚算彈牙。麵鼓湯底不算濃，沒甚味精。叉燒帶有少少肥，夠林，不錯的。炸蝦放凍了還會脆口，好。最後還會端上一杯茶，感覺貼心。整體都唔錯，只是拉麵有點令我失望。

初頭以為味增拉麵會好咸.不過在咸中仍有特別的味道麵條亦被一般港式日本拉麵店有咬勁.讚!叉燒都幾好味,不過較易碎.至於餃子, 可謂above average, 即時煎.食落好熱又唔乾.

兩個人,叫左一個餐($84,一面,一小食)同一個面.一落order, 佢即刻整,等左幾分鐘左加有得食,一碗熱辣辣既拉面拉上.好香.佐料擺放整整有條,有層次.十分好.牛油拉面有好香既牛油味,面鼓湯底又唔會太咸.配料有栗米,肉一片,菜等.大大碗面分量十足,飲埋湯都夠飽.至於另一碗雜菜拉面.有幾種唔同既蔬菜.d料都好夠.湯底都係面鼓.不俗.值得一提係佢地d蔥好新鮮,有蔥味,不妨叫佢落多d.小食叫左蟹子沙律.蟹子新鮮.蟹柳有味唔會太粉.幾好味.所有食品完全做到色香味俱全.服務又好.佢地好熱情.一入門口就全體員工同客人打招夫.走個時又會問你覺得點,d 野好唔好食etc...服務一流.兩個人食一百六十幾蚊,價錢可以接受,質素很高.

今日同朋友兩個人去左食拉麵叫左個二人餐但可能因為之前個個食家都話好去之前真係有d 期望但食落真係有d失望囉我要左個螃蟹拉麵,朋友叫左個anmeka拉麵,小食叫左餃子,和風燒賣同埋牛油炒草菇餃子好油和風餃子朋友話似燒賣皮包墨魚丸多d係牛油炒草菇一致認為比較好食至於拉麵,d蟹肉凍冰冰幸好配料都不少有芽菜,紫菜,新鮮粟米,雞蛋半隻但湯底略嫌淡左dd麵口感冇乜特別又唔入味所以有d失望朋友請食飯,唔知幾多錢但估計要120 蚊一位個人認為不值喇

首先要讚下shirley san,佢真係好鬼熱情,對個個客都咁好招呼,把聲好似貓仔叫咁,好得意我次次去都用我d屎屎日文同佢講兩句,食拉麵仲可以學日文,呵呵我次次都係食蔥拉麵,因為小妹好鍾意食蔥,試過牛油同埋鹽湯底,兩隻都好正,不過又唔多覺好多日本人去食喎shirley話好多日本人去食,佢地講廣東話好正,估唔到架喎佢地d餃子真係好好好好味,但係去咁多次都係食過一次,因為太夜去的話,好多時都賣晒,其他小食都係一樣,所以想叫套餐都要早d去食我連佢地個toilet 都好欣賞,好少香港食店會有咁乾淨的toilet,好比我屋企一樣呀!食一碗都飽到上心口,價錢都貴貴地,食物同服務都咁有質素,貴少少都值得,起碼好過o係味千門口等位呀嘛

尋晚同女友去左呢間餐廳食拉麵. 我叫左個牛油拉麵。湯底係soy，女友就叫左個雜菜拉麵，湯底係面鼓湯。麵好彈牙，唔錯。湯混左牛油既香味，一流。碗麵既份量好夠，落料亦都足。而女友個面就奇怪d，明明叫左雜菜拉麵，但係都有好多肉係度，亦都有好多菜，哈哈。食完之後，覺得味千同別府既唔好食，哈哈，一定會再encore. 價錢方面就覺得貴左少少...

蟹腳拉麵,麵身依然彈牙. 正,即使蟹腳浸過, 一夾起放入口, 仍有鮮味, 炸蝦子一樣, 蝦很鮮甜, 燒魚餅,雖$45 得果薄薄2片, 都好好味, 正!不過, 奇怪既係.... 唔知係咪佢開多左分店關係, 坐到七點半都有位凈.... 同以前比真係差好遠..值得一提, 果度D 姨姨, 好NICE !CITIBANK 有九折!

好耐無黎呢度食麵，今晚兩個人食麵，發覺服務好過以前，一坐低就姐姐就埋黎介紹個二人餐比我地，原來而家多左好多套餐既選擇，叫左個餐，揀左蟹腳拉麵，薯餅，咖哩飯同雞泡魚乾。拉麵依舊好味，湯底濃，麵質可以更好，不過都算唔錯。最好味既係薯餅，好甜同充滿日本蕃薯既香味。最後發覺近年札幌都發展得幾快，唔經唔覺連深圳都開左間分店，真係上晒軌道。