Dodam Chicken (利舞臺廣場)

营业中

休息中

今次嚟到銅鑼灣利舞臺呢一間韓式餐廳，一日門口播緊K-Pop，知道佢係出炸雞，已經留咗quota 準備大吃特吃。蜂蜜牛油香蒜炸雞（半份）我哋兩個人食，所以嗌咗半份，上枱呆咗，原來咁多㗎。仲有得揀有骨同埋冇骨，我呢啲懶人就揀咗無骨入口非常鬆脆，面層嘅蜂蜜加牛油甜甜地，夏天就非常開胃。芝士泡菜炒飯呢一個鐵板令我諗起韓燒嘅路邊蛋，炒飯旁邊嘅蛋加入咗芝士，撈埋韓式炒飯相當惹味。無糖可樂+忌廉溝鮮奶每次食韓國嘢都必須要飲嘅忌廉溝鮮奶，而家已經買少見少。總結，如果屋企有小朋友一家大細嚟食都幾開心

平日星期五晚大約7pm到已經差唔多8成滿坐非卡位既坐位比較窄炸雞款式種類多可以揀半份或者全份/ 有骨或無骨上枱會附送埋炸雞絕配 獨家醃製蘿蔔有別於普通正方體白蘿蔔呢到自家醃製蘿蔔係紅色既正方體好似西瓜粒咁微酸 送炸雞一流不過細細碟 唔夠喉另外叫左炸雞 都會比埋即棄膠手套方便食用 好貼心比較薄 食完都要再洗一洗手主角叫左 半份無骨黃金鹹蛋脆雞 $1526年雞件 有齊雞翼 雞槌 雞胸部份上碟熱lala雞件顏色較深 雞皮脆卜卜 雞肉嫰滑黃金鹹蛋醬適中另外叫左年糕呢到TOPOKKI系列選擇都唔少2頁加埋有9款口味我地揀左韓式炸醬年糕 $155好大碟 好豐富有別於其他餐廳既炸醬面 連肉粒都搵唔到 呢到有大量切條豬肉 肥瘦分明配菜仲有切粒蔬菜 切件魚糕 2粒芝士獅子狗年糕煙煙unun

今日我要同大家介紹呢間韓國餐廳，位置就係銅鑼灣利舞臺，超級方便，而且仲有好多分店。我地今次星期六嘅下午黎到，試左兩款韓式美食，係蜂蜜牛油香蒜脆雞同埋水冷麵，呢兩道菜各有特色，都非常美味，而且職員相當親切。首先講下蜂蜜牛油香蒜脆雞，呢款韓式脆雞真係得我歡心，外層好香脆，而入面嘅雞肉保持住嫩滑多汁嘅質感。最特別嘅係整個外層都沾滿了濃郁嘅蜂蜜牛油汁，蜂蜜嘅甜同牛油嘅香濃完美融合，再加上香蒜嘅香氣，真係每一啖都令人食指大動，而且份量好多，兩個人叫全份已經飽曬，絕對係韓式炸雞愛好者嘅必試之選。🍗🍗跟住介紹嘅係水冷麵。水冷麵係韓國夏天非常受歡迎嘅一道菜，當然喺香港熱辣辣嘅天氣食都非常適合。呢款冷麵用咗爽口嘅，配上冰涼嘅清湯，湯底酸甜適中，非常清新解渴。配料方面，包括咗雞蛋、黃瓜同蘿蔔絲，增加咗整體嘅口感同味道，食落去真係好舒爽。🍜🍜

喺銅鑼灣一大班人食咩好？我大家可以試吓呢間韓國餐廳，喺商場嘅高層位置，大家放工嚟到都10分方便。未入到去已經感受到餐廳嘅氣氛同埋人氣，餐廳嘅背景音樂播住大熱嘅韓國男團女團歌曲，氣氛感十足。而且餐廳人氣非常之高，晚市嚟到差唔多已經滿座。餐廳嘅食物種類非常之多，而且走年輕路線，有炸雞，薄餅等等美食。適合一大班人過嚟share。為咗健康，梗係要食返啲沙律。沙律非常之大份，而且撈上麻醬，十分之開胃。嚟到呢間餐廳點可以唔點炸雞呢？呢度嘅炸雞口味非常之多，因為有朋友唔想咁熱氣，所以我哋揀咗焗雞件。焗雞件配上惹味嘅醬汁，令人忍唔住一件接一件。而且雞件有得揀有骨同埋冇骨。當日就揀咗有骨，雞件仲係保持到非常嫩滑，肉汁流晒出嚟。真係好味到連骨都吮埋。另外一個菜式比較特別嘅係千層酥薄餅，薄餅上面嘅餡料非常之多，而且鋪上一層厚厚嘅芝士，芝士處於流質嘅狀態，所以都有拉絲嘅效果。而且餅底因為以千層酥製成，令人冇咁飽可以食多幾件。飲品方面，有唔同嘅米酒，唔同牌子嘅清酒同埋Cocktail可以選擇。當日就揀咗米酒，店員好貼心，提供嘅碗係已經雪凍過，喺餐廳來講屬於少見嘅貼心。大家記住黎同朋友暢飲一番。

餐廳裝修非常韓風 ，環境乾淨企理。除了大家熟悉的各種韓式炸雞，還有pizza 及鍋物 所有想吃的韓國美食幾乎在這裡都吃得到；午市套餐由$65 元起，而且可自助享用韓國小食，泡菜和飲品等！食物推介🔥秘製韓式風味甜酸芒果炸雞甜而不膩醬汁很開胃，炸雞非常酥脆，外套薄薄的，裏面仍然保持著肉汁的鮮嫩，也不會有過多的肥膏～仍然保持住炸雞的原有風味，但吃下不會太有罪惡感，超讚！韓式手抓飯暖暖的飯料上面鋪滿滿了蟹子、蟹肉，紫和沙律醬。店員還會附上手套，搓成飯糰後，口感非常豐富，每一啖都份量十足！下次還要來試試獨特菜單裏面的芝士麵包薯條！太吸引了！

依排突然之間好想回味吓韓國嘅味道，所以今日就同朋友揀咗而間惹味炸雞店食下啲韓式炸雞。佢成間店嘅裝修係啲比較warm tone暗暗地嘅感覺，有一種我以前係韓國食過嘅一間炸雞店嘅vibe仲會一路播住k-pop添。感覺好chill好放鬆，係一個好適合一班朋友一齊黎飲飲食食同吹下水嘅地方。見到佢menu除左韓式炸雞之外仲有好多唔同嘅選擇。除左pizza，salad，仲有啲韓式嘅飯同麵添，可以照顧到晒乜都想食嘅人士。今次就嗌左個黃金鹹蛋脆雞，落單嘅時候，職員會問你要無骨定有骨嘅，無骨就會係雞粒嚟嘅。咁食得韓式炸雞就當然要有埋骨用手拎住咁食先夠爽啦！！所以我就揀左有骨嘅。個炸雞黎到嘅時侯係會跟埋一碟韓式醃蘿蔔俾你，非常貼心。炸雞食落好香脆，配埋外面個層濃郁嘅黃金鹹蛋，食落唔會話得個咸字，加上食到鹹蛋黃個種一粒粒嘅質感，成件事非常豐富，而且入面嘅雞肉亦都好juicy，唔會好似出面啲炸雞咁食多兩啖就會覺得俾人吸走晒口入面嘅水份。配埋佢個醃蘿蔔去食可以refresh一下你嘅味蕾仲有做到解膩嘅效果。另外仲嗌左個韓式炸醬年糕，入面除咗年糕之外原來仲有好多唔同嘅配料，例如有我最愛嘅芝士獅子狗，韓國魚板同一條條

喺銅鑼灣寶藏韓國餐廳，出品OK，招牌芝士麵包辣烤雞，麵包中心係吉嘅，填滿咗芝士，周圍一圈鋪滿晒辣雞，上邊仲會有一層好厚身嘅芝士，個烤辣雞會比較偏辣，但係夾埋芝士就會中和左個辣味，雞肉嫩滑，出邊仲會有少少脆口，應該係炸過，好惹味，中間嗰塊麵包都幾好食㗎，煙煙韌韌，可以連埋芝士辣雞一齊食，唔錯，部隊火鍋就唔係幾推薦，湯底比較普通，同埋啲食材其實都唔係好豐富，辣椒粉比較多，冇乜嘢層次，偏辣，但係少咗啲香味，都係食返炸雞好啲。

幾鍾意去呢度食雞，因為除咗傳統嘅韓國炸雞仲有冇咁熱氣嘅烤雞 焗爐烤雞烤到皮光肉滑 甜甜嘅蜜糖 🍯令到雞皮好香口一份雞份量充足 真係有成隻雞咁多就算係雞胸嘅位置都夠腍雞髀同埋雞翼就更加好味啦一圍枱一齊分享就啱啱好想更加惹味嘅，可以點埋醬汁另外再叫咗個招牌沙律🥗招牌沙律配料幾多有腰果紅豆花生粟米呢一餐冇澱粉質，感覺幾好👍另外嗌咗個芒果乳酪沙冰芒果味道充足，大大杯酸酸甜甜 好飲另外呢度都有酸蘿蔔 好開胃好好味

中意cheese既可以冲，三重芝士脆雞，芝士盛宴，底層舖滿馬蘇里拉芝士，面上又淋多一層芝士醬，可以包住炸鷄一起食，中間果塊麵包鬆軟得黎中心仲夾住咸甜芝士，好濃鬱，炸鷄外脆裏嫩，一啖好滿足；黑松露薯條，係真薯條！紅薯、土豆薯條，面上撒好多黑松露，呢閒餐廳對於黑松露真係幾捨得，正；鷄蛋捲好嫩，中間仲有芝士拉絲。

今日突然想食炸雞，就上網找到位於利舞臺的這間餐廳，點了他們家招牌的鹹蛋黃炸雞無骨，無骨真是超方便食！半份就已經足夠兩個人分享，份量剛剛好。我們還點了芒果沙冰和草莓沙冰，清涼又美味，真是解渴又開胃。餐廳內播放著韓國MV，營造出濃厚的韓國氛圍。餐廳的服務也很親切周到。總括來說，這家韓式餐廳不僅食物美味，而且環境和服務也讓人印象深刻。下次再來，我一定還會再試一試其他菜色，例如煎餅等等，享受這濃濃的韓國風情！

銅鑼灣利舞臺嘅韓式炸雞餐廳試過一個超爽嘅午餐！咗兩份食物，一份係招牌炸雞，另一份就係牛肉湯。招牌炸雞真係份量超足，每塊都炸得金黃酥脆，肉質又嫩又Juicy！一啖落口，啲肉汁就會爆出嚟，真係好滿足！仲有啲醬汁，酸酸甜甜嘅味道同炸雞超配！真係叫人食指大動！牛肉湯都唔使輸，湯底清澈透明，鮮甜味滿分！湯裡面有好多大塊牛肉，真係夠味！每啖湯都會令你心情舒暢，飽足感爆棚！仲有自助小食區，你可以自己揀泡菜同飲品，仲有韓式炒粉絲！小食區嘅選擇好多，你可以隨心所欲，自由搭配啦！最重要嘅係，呢間餐廳嘅價錢一啲都唔貴！午餐都只係100幾十蚊！真係超抵食啊！

利舞台上面既Dodam Chicken，假日夜晚出面好多人排隊。餐廳地方都闊落，坐得舒服，方便朋友傾偈聚會。 呢度既炸雞有好多唔同口味，可以揀有骨或無骨，餐廳會用超高熱力令雞塊均勻受熱，同逼出多餘嘅脂肪🔥🔥🔥 除咗炸雞，重有Pizza或其他韓式熱食 整體食物份量十足，同朋友都食得超飽‼️ ❇️招牌甜辣芝士無骨烤雞🐔 烤雞雞皮好脆，雞肉嫩滑細膩🤤🤤 甜辣醬好味，唔會太辣，加埋拉絲芝士+年糕食落好煙韌～ ❇️黃金鹹蛋脆雞🐔 外皮帶有鹹蛋黃香味，又香又惹味😋 一咬落口，中間的雞肉肉質鮮嫩，食落唔會好韌，好juicy好好味🔥🔥 ❇️芝士泡菜炒飯 炒飽有熟蛋包圍住，好濃香蛋味，重有滿滿嘅泡菜同芝士味，口感豐富🔥🔥 飲品供應款式好多，我地就揀咗 ❇️Apple Cider Soda ❇️雲呢拿奶昔

食過好多次嘅一間韓國菜但最近感覺可以有進步嘅空間🫣尤其係性價比好似有啲低🥲之前好鍾意食呢度嘅芝士年糕拉麵，因為芝士味好濃啱啱好中和到炒年糕嘅辣，而且個麵唔會太淋保持到韓式公仔麵出色嘅麵質👍🏻但近幾次食，發現麵同年糕嘅比例唔太成正比，個麵夾兩下就無晒但年糕個量就有啲太多🤥而且個麵都煮到好淋，芝士嘅份量都少咗☹️希望未來可以有改善吧不過呢度嘅炸雞都係保持水準🤙🏻我哋嗌嘅係蜂蜜香蒜味，好惹味，都好juicy完全唔會乾！期待見到進步💪🏻

好耐無食過炸雞所以同朋友嚟咗利舞臺呢間Dodam Chicken 發現呢度炸雞嘅種類好多 除此之外仲有烤雞揀 啱晒唔想咁熱氣嘅人食辣卡邦尼Rose炒年糕Rose姐係玫瑰醬 但其實係指用蕃茄醬同忌廉去炒 而炒出嚟嘅顏色偏粉紅色所以先叫玫瑰醬炒年糕 當中係無落到玫瑰的 之前一直想試下今日終於試到! 年糕好煙靭同炒得好入味 仲有煙肉 魚糕 寬粉等配菜 食落都唔會好辣 無骨黃金鹹蛋脆雞 (半份)半份嘅份量已經好多 雞肉好嫩滑好juicy! 食落好濃鹹蛋黃味 而且無骨啱晒我呢d懶人食 一啖一舊好方便醃蘿蔔炸雞食耐咗會覺得有少少鹹 呢個時候附送嘅醃蘿蔔就大派用場 食落酸酸地咁好解膩Yuja Yogurt Smoothie柚子乳酪沙冰口感好順滑 飲落好清新 同埋好大杯!

叫左咸蛋黃無骨炸雞半份，完全同餐牌上賣相唔同，以為上錯菜，食落都冇咸蛋黃味，問侍應確認左冇上錯菜唯有當普通炸雞粒食，好彩有OpenRice 65折，如果唔係我仲Sad