868
64
21
电话号码
23338365
开饭介绍
地道口味的韩国炸鸡专门店，招牌菜有各款韩式烤焗鸡及招牌薄饼。
继续阅读
营业时间
今日营业
12:00 - 21:30
星期一至日
12:00 - 21:30
有关餐厅
有关奖赏计划
食家推介
相关文章
当拉丝芝士已经吾能够满足各下时, 试吓熔岩芝士又如何！朋友带左我黎利舞台既Dodom Chicken试左个我认为好爆喎菜式。基本上Dodom Chicken是炸鸡店我梗知，不过除咗炸鸡外，仲有烧鷄同埋其他有关鷄既菜式。Early dinner 嘅好处系冇乜客人，上菜速度快！「熔岩无骨鸡 」$198 老实讲我见到佢都吓到惊惊，芝士成个盖咁大，芝士又厚又多又浓郁 ，好过份罗。店员用铰剪剪开芝士，剪开个芝士盖仲有成大墟炒面同鸡肉，将佢细分为六份，佢教我地以一份芝士卷着馅料来吃，每份都几巨型，酱汁又酸又辣，芝士够软滑，到咗依一刻都唔俾佢有几高卡路里，直接啪落口，真系超惹味，两条友挑战失败，食吾晒添。希望等限聚令放宽後再嚟挑战过。强烈建议要叫杯「冻柚子茶」$38觧辣，清吓味蕾。韩式饺子年糕汤 $118浓味过後，食返碗正常嘢，我觉得味道上好大反叉，不过食返啲传统嘢都系唔错嘅选择。先试一口汤底，个汤清清地，几好味；蛋花又多又滑，肉肉饺子同年糕就正正常常。我觉得有时做人唔使去到咁尽，食下汤锅养生都唔错。
继续阅读
Dodam Chicken宝蓝色的店面，加上典型的公鸡标志，十分抢眼。餐厅环境舒适，播放着轻快的K-Pop音乐，宽阔的卡位，令人投入享受炸鸡滋味。黄金咸蛋脆鸡$198（全份）咸蛋黄脆鸡份量惊人，十多件炸鸡叠成小山丘，使人食指大动。咸蛋黄是鸡腿的灵魂，外皮被咸蛋黄酱完全包裹着，大啖咬下，内里嫰滑多汁，入口满咀邪恶咸香，香浓惹味。鸡皮脆卜卜，美味得舔舔嘴角的鸡油，愈食愈滋味。Mango Yogurt Smoothie $58沙冰冰爽凉快，质感幼滑、细密，经过舌尖慢慢溶化，品嚐到绕舌的芒果甜香，十分畅快。Strawberry Milkshake $48奶昔质感顺滑，浓厚奶香，伴随着微酸芳香的草莓，甜美在心头⋯⋯
继续阅读
当我谂紧每日最烦既难题，lunch time食咩好之际，脑海忽然冲出上年食过既韩国菜「Dodam · Chicken」，因为三个字讲哂「平靓正」。系放饭期间正当踏出门口果刻，就撞到个同事，佢第一句就弹埋黎，「妖…又唔叫..」，我9秒9驳反佢「横掂都系..一齐啦？」，佢竟然答我「而家叫就无瘾啦！」Okay Fine最後我自己享受一人午餐，好好活用一下最近呢篇世纪潮文。👇📌 밥 - ▪ 소고기 · 갈비탕 - $92▫ 一碗「牛 排 骨 汤」从寒冷天气下拯救出黎，一上枱新鲜滚热辣，捞底仲出哂烟，非常足料。加上汤色清澈，唔会肥腍腍太油腻，抵赞；排骨食落质感软腍，调味亦适中；而粉丝吸收哂成个汤既精华，相当入味，另外仲附送一碗白饭，作为大食鬼既岩岩好医饱我个肚。而出面仲可以免费拎泡菜同小食，你话咁样抵唔抒啦？
继续阅读
今日去咗铜锣湾Dodam食韩国嘢。我哋发现呢度午市套餐超级抵食，我哋又有好多嘢想食，所以又忍唔住两个人叫咗四个餐啦！ 薄饼 Dodam Pizza ($65)午市都有几种薄饼拣，我地当然叫佢地个招牌薄饼嚟试下！哗，个薄饼好大份好靓呀！估唔到六十五蚊都咁足料，足足有八大件！有啲沙律系个薄饼上面，食落会冇咁肥腻。食落主要系芝士味加沙律酱味，都几夹㗎！白雪芝士鸡 Snow cheese chicken ($72)我地都想叫一款鸡试下，因为见呢只鸡叫白雪咁好听就试下。上到嚟都几大份下，总共七件，系咪代表七个小矮人？上面有好多芝士粉好甜，不过唔洗怕太重口味因为都仲有沙律可以缓冲下。海鲜杂菜炒乌冬 Seafood stir fried udong noodle ($68) 韩国嘢食都比较甜，呢个都唔例外。不过甜甜地咸咸地又几好食。虽然佢都几平，但其实都几多餸，有好多鱿鱼呀！韩式炸酱年糕 Jjajang Topokki ($72)我我中意食年糕，烟烟韧韧咁好好咬。炸酱味道不错，唔会太咸。竟然仲有好好味嘅芝士竹轮！推介！上面四个餐除咗焗鸡之外都有送原味炸鸡。每份都有五六旧，好抵食！啲鸡都够脆同滑，我觉得原味嘅永远都系最好食嘅！午市套餐比较平，除咗每个餐会包一个嘢饮之外，仲有任食韩式小食：有泡菜同韩式粉丝，都几滋味开胃。我地两个叫咗四个餐所以有四个饮品。可以拣柚子蜜或者雪柜入面嘅嘢饮，第一次饮苹果茉莉茶，发觉茉莉味好香。
继续阅读
黎到铜锣湾，讲起野食第一时间谂起呢间dodam chicken，系我食过最好食既韩或芝士炸鸡烤鸡！时间早早都已经坐满左半间餐厅。呢到有pizza有烤/炸鸡食，不过最出色最好食都系佢个面包鸡！上次同朋友食过面包炸鸡，今次一於就试下烤鸡！呢个系B9餐双重芝士面包辣烤鸡，中间系cream cheese，被面包包围住，外面系烤鸡、杂菜同年糕，配上韩式辣酱，成个造型好似火山咁，好得意！先讲烤鸡，面头有芝士覆盖，下面有韩式辣酱，食落先有辣酱既甜，後有芝士既咸味，多重口感，好正！食得多就开始feel到啲辣味出黎。中间cream cheese先系最正！浓郁既芝士味，咸度岩岩好，又唔会好腻，点鸡食又好，配面包食又好，一样好食到停唔到口！呢个系P4黑松露磨菇pizza，pizza系薄饼底，好脆，上面亦有好多芝士，好有口感。不过最突出都系个黑松露味，先唔讲松露落重本，唔系一粒粒碎咁洒落去，而系一堆堆咁落，就连见唔到有松露既位都食得到有松露味，成块pizza唔会话有某啲位无馅或者无味，所有野都evenly distributed，食落啖都咁正！2个菜，2个人食都已经极饱！埋单都系300几，抵到喊！推廌一定要食双重芝士面包鸡！
继续阅读