Dodam Chicken (利舞臺廣場)

营业中

休息中

嚟到銅鑼灣食lunch，唔知食咩好就行到嚟利舞台睇吓，見到呢間dodam chicken都幾抵食，所以就入嚟坐吓啦！我哋諗住嗌lunch set但係又驚太多，所以就返叫咗一份蜜糖蒜香烤雞😀佢都真係幾大份，熱辣辣呀！用手食會開心啲，咬開會有雞汁吱出嚟好正，配上香甜的調味就更加豐富唔會膩🤤🤤亦可以配埋酸蘿蔔食，咁就可以refresh d👍👍主要叫埋唔辣嘅海鮮面！都幾香嘅，入面海鮮幾多，重點其實係個麵，韓式麵就特別有咬口，配上出面的泡菜食又另一個味！嗌咗杯齋啡☕️ 都還可以😌 另外亦點咗柚子蜜，甜甜地暖暖地😘 下次可以同同事一齊食，呢度又大又好坐！

之前見呢間餐廳一直想試佢嘅炸雞好似幾吸引🤩今次叫左蜂蜜黑蒜麻辣無骨脆雞黎到嘅時候熱啦啦🤤聞到甜甜地同蒜味無骨食落啖啖肉好正而且雞肉唔乾麻辣同炸雞原來都好夾！加上甜甜地好好食👍🏻似係五小辣，如果唔食得辣可以間唔辣嘅版本添！韓式餃子年糕湯餃子同年糕份量都頗多韓式餃子入面有粉絲喺到食落同平時嘅餃子唔同仲有雞蛋，紫菜，蔥一齊煮好香湯底都唔會好鹹👍🏻年糕煙韌即使同朋友只係叫左兩樣嘢食都夠飽仲有好多韓國料理睇落都好吸引🤩下次會想再試👍🏻如果係學生黎食仲有八折添～環境坐得舒服乾淨，而且提供檸檬水唔係平時嘅凍水如果食得膩可以解膩繼續食👍🏻

利舞臺喺時代廣場旁邊，位置方便，入面好多裝修新淨又有格調嘅餐廳，今次就同朋友揀咗喺18樓嘅韓國菜，門口已經見到好多打卡位，入面座位闊落舒適，好啱同朋友傾計～不過店內音樂都係我同朋友耳熟能詳嘅經典歌曲，識唱忍唔住一齊唱咗～嚟到韓國餐廳，當然要食佢地主打既炸雞啦！我地擔心一份炸雞會太多，就點咗半份「蜜糖牛油香蒜炸雞」$152，半份就係半隻雞，總共有6件，包括1件雞翼同1件雞鎚。店員俾咗手套我哋，但炸雞新鮮即炸所以好燙手，放咗一陣先享用到～外皮炸到好脆口，充滿蜜糖及牛油香，雞件尺寸都算大，份量啱啱好唔會太漏～另外仲點咗「芝士蛋卷」$135，好似玉子燒咁大大條，一切開，入面流心芝士就爆出嚟，仲有拉絲效果，正呀！炎炎夏日，加上食完炸雞，我哋各自點咗杯消暑特飲，朋友點咗「士多啤梨奶昔」$58，我就點咗「柚子(Yuja)乳酪」$48，酸酸甜甜咁，飲落即刻透心涼呀～最後兩位埋單$432，渡過咗同朋友開心嘅吹水時光！

今日去咗銅鑼灣利舞臺食韓國嘢，地理位置超級方便，一出地鐵站3分鐘就到喇～.🍗蜂蜜牛油香蒜脆雞呢款韓式脆雞真係好得我歡心，外層好香脆，又唔會好厚粉，雞肉撈埋醬汁又咸又甜非常惹味，加上上面嘅香蒜一齊食口感好豐富。而入面嘅雞肉保持住嫩滑多汁嘅質感，食緊嘅時候仲滴緊肉汁，最特別嘅係整個外層都沾滿了濃郁嘅蜂蜜牛油汁，蜂蜜嘅甜同牛油嘅香濃完美融合，再加上香蒜嘅香氣，真係每一啖都令人食指大動。而且份量好多，兩個人叫全份已經飽曬，絕對係韓式炸雞愛好者嘅必試之選🫶🏻.🍖雙重芝士麵包辣烤雞簡直係芝士控沖沖沖！三重芝士脆雞，底層鋪滿馬蘇里拉芝士，面上淋有芝士醬，超級滋味！😍先將麵包挖空，填滿濃郁的芝士，周圍鋪滿辣雞，再加上一層厚厚的芝士。辣雞偏辣，但與芝士搭配後味道剛好，雞肉嫩滑且juice，麵包鬆軟，中心夾著咸甜芝士，炸雞外脆內嫩，一口滿足，份外惹味！可以包住炸雞一起吃欸🙆🏻‍♀️此外，還有Q彈年糕、炸雞和拉絲芝士，麵包中的芝士醬非常美味，搭配炸雞讓辣雞充滿濃郁的芝士味，但不會過厚。最後剩下的芝士醬配麵包也很好吃，不會浪費一點點芝士🤤

今日lunch同老公嚟到利舞臺呢度食dodam lunch，揀咗食好耐都冇食過嘅炸雞！原來佢午餐好抵食，而且仲有得加$20食出面嘅粉絲同泡菜仲有嘢飲添！好耐都冇食韓式雞，所以我哋就叫咗一份蜂蜜牛油蒜粒烤雞！烤雞冇炸雞咁熱氣，而且雞肉比較嫩滑仲有好多汁！上面嘅蜂蜜牛油調味幾好，又唔會太甜，非常開胃😆😆另外嗌咗一份海鮮麵唔辣嘅韓式麵口感比較有咬口，入面有少少海鮮，例如青口同魷魚，都幾豐富，可以加啲泡菜一齊食！因為朝早冇飲咖啡，所以都嗌咗一杯美式飲完即刻精神晒！😚😚

對打工仔黎講，每日返工唔係愁d野做唔切，唔係愁今日洗唔洗OT，唔係愁老闆開會點樣為難自己，唔係愁邊個八婆同事又講自己是非，而係愁唔知今日食晏食乜呀，等我今日好果斷咁決定，食炸雞啦。👇🏻📌Fried Chicken -  ▪️ Honey Butter Chicken - $148/Half▫️ 黎呢到唔食炸雞絕對係同自己過唔去，佢地人氣招牌「蜂蜜牛油脆雞」即叫即炸，一上枱新鮮滾熱辣，我一條友食半份就岩岩好，外層做到相當鬆脆，食落黎好似薯片咁脆卜卜，加埋表面滿滿既蜜糖，特別滋味；而裡面肉質唔會因為高溫油炸而變得乾身，仲keep到好多肉汁，夠哂juicy，嗌多枝Apple cider，一啖炸雞，一啖cider，完全滿足的晏就呀。

在銅鑼灣吃飯一般成本就比較高，選來選去，找家好吃且份量足的，可能要選擇韓餐了。這家在利舞台的餐廳，主打是炸雞，可選的味道十分多，而且可以點半份。蜜糖炸雞可別甜，半份的份量真多，如果品一份的話，應該4人都可以。我最喜歡是海鮮煎餅，很久沒有吃了，煎出來熱辣辣，又香又脆，味道有點韓式辣醬的味道，非常野味，怎麼飽也可以把它完成。現時的韓式菜都好比美國菜，份量真足，要有足夠的沙律才能消化那些肉。相比西式餐廳，這勝價比高著。

今晚又係韓國菜之夜，嚟咗銅鑼灣利舞臺一間韓國餐廳食叫咗蜂蜜蒜香烤雞、泡菜煎餅、蘋果pizza 由於呢間餐廳嘅餸菜普遍比較巨大，所以叫三個餸已經好足夠我本身好鍾意食韓國雞，不過覺得炸雞比較油膩同熱氣，所以今日特登揀咗烤雞，烤雞塗上咗甜甜嘅蜜糖味，配埋好惹味嘅蒜香，皮脆肉嫩，好食之餘又健康；至於泡菜煎餅有份量好慷慨嘅蠔仔，令人食得津津有味；之後再嗌咗個蘋果pizza，鹹鹹甜甜酸酸感覺好特別，可以當甜品呢間餐廳行年輕路線，環境舒適，食物有特色，而且價錢相宜，值得推薦#dodamchickenhk

這間韓國過江龍餐廳位於銅鑼灣的利舞臺廣場，主打地道口味的料理，招牌菜為韓式烤焗雞及薄餅。店內環境寬敞舒適，裝潢以傳統的韓風為主，播放流行的韓語音樂及視頻，適合多人聚會。前菜酸酸甜甜的韓式醃蘿蔔好爽脆，醒胃解膩。雙重滋味 - $248可自由選擇兩種口味焗雞各半份，所有焗雞均即叫即製，雞肉經烘烤後仍然能保持嫩滑，連雞胸也不乾柴，而且還有不遜色於炸雞外皮的香脆。蜂蜜牛油香蒜焗烤雞塗滿濕潤的醬汁，香甜的蜂蜜毫不膩口，更有淡淡的牛油香氣，撒上一粒粒蒜蓉；白雪芝士雞則撒滿香濃又帶點甜味的芝士粉。CAFE MOCHA - $48大大杯咖啡有著醇厚的咖啡豆香，又有順滑的鮮奶和特濃的朱古力，層次豐富。

食韓國嘢唔想食一份炸雞就飽到食唔到其他嘢？今次我哋就嚟到Dodam Chicken。店面好寬敞、冷氣都好夠，預咗嚟食辣嘢嘅我哋就唔怕熱到出晒汗啦。今次我哋嗌咗蜂蜜豉油香蒜脆雞，除咗貪佢可以嗌半份之外，見到有蒜片亦都好吸引。雖然係半份但份量都唔少，醬汁適量唔會搞到啲雞淋晒，咬落外皮好香脆又唔會好厚粉，雞肉撈埋醬汁又咸又甜非常惹味，加上上面嘅香蒜一齊食口感好豐富。嚟到韓國舖梗係要叫食辣嘢啦，我哋另外就嗌咗呢個辣卡邦尼Rose炒年糕，菜式不愧為Rose，顏色好吸引，離遠已經聞到有啲香辣嘅芝士味，年糕唔會太大粒，煙靭得嚟又容易咬斷，唔會太硬亦唔會太粉，撈埋醬汁配料一啖擺落口，未食完就忍唔住想食下一啖。

今日去銅鑼灣利舞臺廣場搵好嘢食，就比呢間韓國餐廳吸引左。餐廳室內環境好有格調，有電視播住韓國Pop Music一打開餐牌，就見到好多款炸雞，賣相亦都非常吸引，我同朋友點咗三樣嘢，有半份蜂蜜牛油香蒜脆雞、部隊鍋、仲有YUJA (柚子）yogurt smoothie 。部隊鍋大大鍋🥘，我唔係好食得辣，店員就體貼幫我將辣醬分開另上。鍋入面有泡菜、金菇、午餐肉、腸仔🥖、茄汁豆🫘、大豆牙、麵底。而最正就係加咗芝士🧀，食材雖然簡單，但芝士溶化後令到整個鍋好creamy，有濃濃嘅芝士香味，再加韓式辣醬調味😋。最出色莫過於食雞🍗，餐廳嘅烤雞同炸雞加埋都有10幾款。今次叫嘅半份蜂蜜牛油香蒜脆雞🍯🧈🧄有6件，有雞翼雞鎚，仲有幾件雞胸。蒜香味，牛油味同蜂蜜味配搭一齊真係一流😋，另外仲配有一小碟醃蘿蔔，我同朋友都讚不絕口，見餐牌只有一個贊👍🏼，我覺得應該有兩個贊先啱👍🏼👍🏼食完部隊鍋同炸雞，就一定要飲番杯柚子Yogurt smoothie ，有好香嘅柚子味，又好creamy，正呀👍🏼👍🏼

好耐無食韓國嘢～今日朋友想食，就一齊附近搵咗間韓國嘢試試佢！🌟韓式炸醬年糕 $155炸醬幾好食，食到粒粒五花肉相間嘅口感，仲有一大堆配料，魚板同芝士獅子狗😙，配上甜甜哋嘅醬汁，年糕食落超煙靭！追求口感嘅大家要嗌要嗌！🌟黃金鹹蛋炸雞 $152炸雞有得揀有骨無骨，揀咗半份份量都勁多，有6大嚿，雞肉嫩滑，聞落好香好重鹹蛋味，仲會跟埋一大碟韓式醃蘿蔔俾你解腻～🌟韓式海鮮煎餅 $155煎餅海鮮總類豐富，側邊位煎得好脆口，點埋特製醬汁好惹味！超啱配酒😙🌟Peach Makgeolli 食韓國嘢一定要配米酒！呢個仲係桃味，慢慢帶出酒嘅發酵味，飲落甜甜哋好順口✨

My dinner at Dodam Chicken was more than just a meal; it was a culinary adventure that transported me to the heart of Korean cuisine. The vibrant atmosphere, the friendly service, and the explosion of flavors left me with a lasting impression.Lemon Sosa: A Refreshing PreludeThe meal began with a glass of lemon sosa, a unique and refreshing beverage that set the tone for the evening. The fizzy soda, infused with the zesty tang of lemon, cleansed my palate and prepared me for the flavorful journey

成日都聽到有人介紹銅鑼灣利舞檯上面嗰間韓國餐廳，今日有機會過嚟行吓就順便喺度食埋晚餐睇吓有幾”韓”先🤣今次叫咗佢哋個泡菜獨特菜單上面其中一個最吸引嘅千層酥薄餅($88)，鮑魚人蔘雞湯($175)同埋兩杯梳打($40/杯)🍕🍴千層酥薄餅非常酥脆，唔會焗得過火啱啱好💯一拮落去已經聽到勁卜卜脆嘅聲👂🏻食落去就feel到有好多層，加埋泡菜、蘑菇、煙肉、芝士，估唔到又幾夾👍🏻本身塊pizza已經有好多層，連口感都一樣有咁多層真係好surprise😝平時喺香港啲韓國餐廳都有叫過人蔘雞湯，不過多數都無鮑魚🤔今次見到係”鮑魚”人蔘雞湯即刻點嚟睇吓有咩分別🤪果然個湯係多啲鮮味，但係唔會有任何腥味👏🏻條條人蔘都好大條，又出味，雞髀都非常入味，應該係煲咗好耐先做到嘅效果💯兩杯梳打就不過不失，都算幾大杯😌多啲人share嘅話可以叫一jar👍🏻

如果你想食炸雞，呢間野唔會令你失望，都應該冇咩驚喜。經典甜酸炸雞（整隻）$205真係好經典嘅味道，脆脆地，熱辣辣，冇話特別好味，真係好正正常常嘅韓式炸雞。唯一嫌棄嘅係，佢雞胸好似有D太多，唔知係咪錯覺，我起出面其他地方食嘅都冇咁多雞胸。眾所周知，通常D雞胸都唔入味，所以最後D雞胸有D難以下嚥。蒜味炸雞 $205都唔錯，評價相同手抓紫菜飯 $78事前圖事後圖其實都唔錯，D飯經過手掌嘅揉搓變得溫暖(?)，雖然材料好普通，但係有普通嘅好味。PS 真係冇咩特別，可能特別在星期五嘅夜晚依然可以直接walk in?