○de▽ 鯛白湯らーめん

营业中

休息中

因為怕好多人排隊，我地6點就到左，可能因為係平日，店內只有兩位客人。我地先喺門口的販賣機買票再入座，但溏心蛋到晚市已經賣哂。先出場的係鯛白湯拉麵，見到湯底奶白色，已經好想飲啖。果然不負所望，有香濃的魚香，唔會腥，就算平日怕魚腥味的我都覺得鮮甜好味，麵條係幼身麵條，湯汁都算可以掛麵，碗邊有一抹柚子蓉，食麵時加一點，層次更豐富。沾麵一出場個氣勢已經贏哂，但論湯底，我覺得鯛白湯稍勝，因為魚鮮味比較突出，反而沾麵湯底似普通魚介沾麵湯底，至於麵條就用上粗身麵，但並冇咬勁。