Dazzling Cafe (皇室堡) (已結業)

呢間咁台式嘅餐廳，入面嘅食客女多過男，但老婆大人想食，我當然奉陪到底啦。我陪佢黎，次次都係食佢最鍾意嘅明太子意粉（$98），再加一份朱古力鬆餅（$90）。明太子意粉：明太子嘅鹹鮮配合埋忌廉汁，香而不漏，雖然份量唔多但感覺啱啱好。朱古力鬆餅：坦白講我鍾意草莓味多啲，鬆餅可以分成八小塊，外脆內軟，有藍莓粒、朱古力雪糕同蜂蜜，想點邊樣都得，想就咁食個原味亦得。水果茶（熱）（$52）一壺香甜嘅水果茶，有淡淡茶香同水果粒粒，都有幾杯份量，凍飲就感覺冇咁甜，怕甜者要注意。

記得兩年前同朋友第一次試呢到嘅窩夫，一試難忘，今日終於食第二次。由於每人都要嗌一杯野飲，我嗌左仲夏熱帶水果茶，男朋友嗌蔓越莓蘋果茶。水果茶係用茶壺裝，份量好多，都算有兩杯。以往喺餐廳飲水果茶，有唔少都係由香橙/熱情果味，覆蓋晒其他水果嘅味，但呢個水果茶唔會太酸。飲落係蘋果同提子嘅味多啲，清甜！相反，唔推介蔓越莓蘋果茶，飲落好似利賓納，莓嘅味好假，甜得好唔自然。黃金烏魚子蒜香意大利麵，比較重口味。蒜香好易食得出嘅，幾惹味但真心咸。另外份量好少，一個人食都未必夠。好彩仲嗌左個窩夫，兩個人嘅話，嗌$300左右食物已經夠飽，因為甜品飽肚，飲埋杯飲品係好飽。窩夫嘅配醬有士多啤梨醬、煉奶同楓糖漿（？），加埋雪糕、忌廉、士多啤梨同朱古力，口感好豐富！煉奶嘅味好突出，好好味。雪糕都算夠，令到窩夫唔會好乾。重要嘅係窩夫本身都算鬆軟，唔會太重麵粉味。總結黎講幾滿意，一邊食又可以欣賞窗外風景，幾寫意。

今日同朋友聚舊，第一次黎呢間台灣餐廳係門口有個講國語既女仔帶我地入去，感覺真係去左台灣咁入到去地方寬敞，乾淨，有啲椅背係兔仔耳，好可愛呢到要求一定要叫野飲，所以叫左橙汁，朋友叫左冰茶橙汁不愧係即場鮮搾，非常新鮮，好好味推薦然後叫左2個意粉同黑松露薯條分別係明太子意粉同埋烏魚子蒜蓉意粉2個都好食，尤其明太子個個!!蒜蓉不嬲安全野黎，偏濃，個人認為岩岩好。薯條就普通一般薯條有茄汁同沙律醬(?)點整體黎講滿意!食物水準唔錯

終於同男朋友放到同一日假了，因為剛搬了新家的關係，馬上同佢去老銅HMV同IKEA掃貨,掃貨前醒起，我最愛既DAZZLING係皇室堡好似有分店喎，咁梗係要食完野先有力買野架啦首選當然係要嗌我至愛既金莎朱古力啦。今日呢杯好夠甜，都未撈勻已經食口榛子醬，一飲，我直頭想衝去錫水吧哥哥一啖同男友一人一個蜜糖吐司，好似好過份咁，但我今次無叫意粉丫個啲咸野食，因為諗住一陣仲要去IKEA食肉丸我覺得呢間好食過尖沙咀個間，過海既野可能香啲掛不過我又係幾個月先過一次海既人，我都係去番尖咀算了

<REAL FUN FOODIES>好耐無成team 一齊食lunch！難得今次有時間可以一齊食lunch～公司班女同事個個話未食過dazzlings cafe～我先發現自己都未係香港食過！加上cwb返工，好方便！佢地有限時間進食～要等齊人先入得～入到去都爆爆地！連lunch 都好滿座～！時間關係～我又無影menu 又無影門面～同入面環境～但我地6個人～有4個食set～ 另外兩個因為要節食就散叫左～而家就睇下我地食左d咩啦～呢個係我叫既～叫佛羅倫斯花枝干貝麵！叫呢個一來係個名好special～2來呢個好似無咁肥！我又like 干貝！果然好好食！！！唔錯唔錯！！！之後有個就叫左奶油雜菇意大利麵！竟然唔會好漏！整得岩岩好！仲有個係番茄明蝦意大利麵~之後有兩個節食就食左墨西哥pizza！Caser Salad 仲叫左兩杯凍飲～同coffee～～～～～最後，最後，緊係食埋個甜品啦！！！lunch 就食咁飽喇～～～～～～hahhaha叫左兩款～有藍色莓樂蒂丹麥toast！草莓冰淇林繽粉鬆餅！兩個都好靚加好味道！

完全幫不到客人要求，一點專業態度也沒有，毫無笑容，黑口黑面！食物選擇少，價格高，仲要限時，員工大多是part time, 不會再來食！差差差！環境幾好都無用，食得不開心！

第一次來到位於銅鑼灣皇室堡的Dazzling Cafe分店位置十分方便易找， 而且附近有多間時裝店，等位的時候也方便消磨時間！這次6時多便到達餐廳， 不用等位，可即時入座 進入餐廳前，職員會先告訴客人，用餐時間是90分鐘，每個人也需要點一杯飲品，先說清楚，可避免不必要的誤會職員安排了坐近窗戶的座位往外望是大馬路。座位的旁邊是一大棵植物 我們共點了兩樣食物和兩杯飲品。 1. 經典Dazzling 可可2. 白巧綠薄荷歐蕾3. 明太子意大利面4. 墨西哥風起司薄餅飲品 : 經典Dazzling 可可， 可可味很濃上面還有拉花的， 奶泡打得很滑推介！白巧綠薄荷歐蕾 , 是第二杯飲品。上桌的時候是漂亮的 Tiffany blue,很美。喝下去的時候 有濃濃的薄荷味。 整體好像喝薄荷奶的感覺！ 普通的。每次來到Dazzling 必吃的！ 明太子意大利面！ 每條意大利面都被意粉醬包著！必吃推介墨西哥風起司薄餅， 上枱的時候，已經不太吸引，薄餅配上吞拿魚和類似蕃茄沙沙醬的東西， 餐牌上好像完全沒有提及有醬的？ 這小食只是薄餅夾著融化的芝士， 吃起來有點乾，而且配上那兩款醬也不是太夾。所以這個小吃 我

本身上網見到有文章介紹諗住黎試下前幾日打定電話黎book閒日兩位，點知打左幾日都無人聽（仲要唔係peak hour打黎）好啦，咁book 唔到,直接黎walk in等位啦,點知去到門口同個waiter講兩位,佢話係出面等，完全唔想答咁。我心諗門口有十幾人等緊，但係完全唔係排緊隊你教我點等。電話又冇人聽，walk in又安排混亂我都知好多餐廳唔憂無客，但係態度同安排可唔可以好少少

一直都想試試這間餐廳，但每次經過都大排長龍，今次約了朋友，便早點來排隊，取過票，發覺原來可用we chat 掃描barcode 去睇叫飛情況，咁就唔使留係出面等叫號，唔錯既安排。入座後，我們點了豬排BBQ 三明治，芒果探戈丹麥多士，由於規定了要每人點一杯餐飲，我們點了調味拿鐵(榛果)和金莎榛果可可。侍應貼心地說三明治本來切三份，但我們只有兩人，詢問我們需要改切兩份嗎？我們便回應可否切四份，他說沒問題。豬排三明治幾好食，麵包鬆軟，豬排味濃不硬。芒果探戈丹麥多士，我們點了正常硬度，但還是硬了點，咬得有點辛苦，可以改為再軟點，芒果份量偏少，價錢偏貴。飲品調味沒有得選擇減甜，兩款飲品中，金莎榛果可可似飲緊金莎朱古力，調味拿鐵則太甜，台式飲料的特點。本身就座時間90分鐘，但由於門外沒人等候，最終我們可多座一小時。整體來說，食物質素一般，環境不錯，可以一試，但未必會再來。

今日同屋企人去銅鑼灣行街，行到餓了就去搵個地方食下野休息一下。見到皇室堡內有間台灣coffee shop,個環境又幾舒服，所以決定入去一試。冇餐全散叫，都正常既黃金時間黃金地段。我叫左個豬扒BBQ 三文治外觀：2/5（好似好乾，放置零亂，個三文治好散分量：2/5（不合格，伴碟薯條分量少到以為被人食左一半。）味道：1/5（凍既三文治，凍既薯條，以為未解凍，個包好硬可以練咬）到賣單時奇遇出現了，侍應用普通話和我對話，但小弟表示因普通話差可否用粵語。個侍應竟然話沒人懂粵語？我戈個時候真係呆左，係香港開餐廳但沒人懂粵語（理直氣壯）....即係咁你去左外地開餐廳但不尊重當地人我無言...但我會用行動抗議⋯⋯永不再去..當然如果你想練普通話又唔介意人地完全不尊重你你可以去。

平日中午12點去到銅鑼灣店完全無人想坐邊就坐邊,當然揀個窗口位坐啦,相比尖沙咀就要排隊啦睇下餐單有咩啱食先,大胃王上身,三個女仔叫左兩個套餐,一個小食拼盤再加蜜糖吐司。餐廳講明每人都要叫飲品,兩個套餐有兩杯飲品,只好揀多杯飲品,本來想叫野苺荔枝冰沙,但店員唔肯幫我走cream,只好叫芒果沙冰明太子意大利麵超多明太子,麵質軟硬適中,鹹鹹地,超好食,食哂麵還拎D汁點薯條食佛羅倫斯花枝干貝麵賣相唔吸引,食落口完全唔得好燶,帶子煮得過左好實,魷魚圈好靱,個麵超乾完全唔得,放左係度三個人無人想食小食拼盤有薯條,炸魚,炸單骨雞羽翼,洋蔥圈,炸得幾好。套餐叫98元以下甜品減20元好抵,黑色幽默吐司,蜂蜜味夠,又唔太甜,吐司夠脆。飲品超大杯,普通無特別仲夏熱帶水果茶幾香。

dazzling cafe 好有少女 feel~d 兔仔耳 ge 椅好 cutie ar 環境好靚lunch set menu 有兩個, 都幾多 o野揀不過價錢就有少少貴不過我今次 o黎係食 tea, 所以係散叫 ge我揀 o左花枝干貝麵, 都幾靚帶子大大粒, 都幾彈牙份量還可以~另外一個係 dazzling platter, 都係d 炸 o野, haha有炸魚, 雞翼,洋蔥圈同薯條 o係底都幾豐富 ga有兩個 sauce 可以點水果冰茶都幾靚, 味道就 ok la~

Dazzling Cafe不是第一次食，之前食過尖沙咀分店，卻提不起勁寫食評。今次去分店，寫返。銅鑼灣的環境比尖沙咀分店更好，有景可以睇。安排坐在梳化位，坐得很舒服。光線明亮，拍出來的食物也特別吸引。最低消費是每人一杯飲品。我首先看中的是白巧綠薄荷歐蕾，店員告訴我：今天沒有。退而求其次，要海鹽焦糖歐蕾，店員再告訴我：今天沒有。我問：是歐蕾系列都沒有了嗎？店員：不是，只是你點的這兩個剛好今天都沒有。…………黑氣啊……哭……京都宇治抹茶紅豆鬆餅($85)+$15升級麻糬每次都必叫的這個中間加了麻糬，很煙韌的口感，抹茶香甜，配上黑糖漿和紅豆，一如既往的Ｍatch，加上抹茶馬卡龍，鬆脆可口。我覺得當中的奶黃醬有點多餘。松露薯條($48)每次必點的松露薯條，配的芝士醬和茄汁。松露醬落得毫不吝嗇。薯條炸得爽口乾脆，配上芝士醬，咸咸的甚為惹味。豬排BBQ三明治($79)中間的豬排近乎吉列的炸法，肉質豐厚。比較欣賞是生菜的新鮮度，咬下爽脆。然而配搭的薯條就沒有醬，與松露薯條差得遠。鳳梨伯爵風味茶($45)份量頗大，然而伯爵茶與鳳梨並不搭。怪怪的。總括而言Dazzling Cafe的環境很好，坐得很舒服

對於呢間台灣Cafe嘅甜品早有耳聞。今日終於可以一試。呢間Cafe環境幾靚幾少女, 坐得都幾舒服, 可惜有時間限定1.5小時同每人最少要嗌1杯飲品/湯品。我選擇左呢杯奇異果冰。味道清新有用新鮮奇異果同香葉調味,有少少甜味, 抵讚!友人叫左杯熱朱古力, 有塊餅跟住, 佢話味道好普通。主角甜品到! 呢個係士多啤梨蜜糖吐司。上面有新鮮士多啤梨, 雲呢拿雪糕, nuts, cream, 士多啤梨果醬, 蜜糖同主角烤吐司。好豐富, 2個人夠食有餘! 呢個配搭好夾好香, 值得一試。埋單時想儲Asia Miles, 可惜佢話要滿$300先可以儲...

平日的銅鑼灣較易找吃，路過系皇室堡的Dazzling Cafe，不須等位。和朋友暢談大家新工近況，這處也坐得舒服哩！友人的白巧克力薄荷歐蕾同我的Mojito!白巧克力薄荷歐蕾，湖水綠的顔色，漂亮啊！Mojito 的薄荷味差小小。黑松露薯條有點番炸，還很乾！黑松露醬很香，可惜薯條欠配合。豬排BBQ 三文冶生菜爽脆，豬排不太乾身。系Dazzling 不可不點鬆餅吧！京都宇治抹茶紅豆鬆餅都系覺得茶味欠奉，但鬆餅是好吃的！