Dazzling Cafe (皇室堡) (已結業)

男朋友長假期出差，即刻約好姊妹聚舊、行街街、食嘢飲咖啡銅鑼灣呢間dazzling cafe原來好大，就算要排隊都應該唔洗好耐，餐廳最入仲有大窗透啲自然光入黎，感覺好好！今次好彩，1分鐘都唔洗等諗住先叫鹹點，然後再叫甜品，點知⋯⋯ 好飽。要讚嘅係杯咖啡夠大唔會食到一半就已經飲完我杯rose latte略甜，同埋唔夠玫瑰花香，但勝在啲泡夠滑同埋真係夠大杯！叫咗個小食拼盤：薯角、鹽酥雞、甜不辣味道一般，唔夠熱，鹽酥雞有啲乾，不過個白色沙律醬同薯角好夾，而且薯角好熱！竟然係薯角最熱最好味！鍾意食黑松露嘅一定要叫～ 因為好濃好香！

今日趁放假，決定帶bb黎呢間成日排長龍既台式cafe dazzling cafe食個tea, 因為系星期五下午3點左右，店里人流不多，地方寬敞，帶著小孩要了個沙發位都几舒服。 我們兩大一小叫了一個大蝦蕃茄意大利面，熱水果茶，蘋果蜂蜜紅茶，及招牌草莓吐司。 意大利面味道也做得很好，有好多隻大蝦，這次要讚服務生，落單前可能見到我帶了小孩特別木問要不要走黑椒，bb很喜歡這個意粉，唯一是我覺得大蝦不夠新鮮。甜品方面，本身想食他們的waffle,但這個面包𥖁正好在做組合優惠，只好把waffle留待下回，這個面包𥖁里面的面包切了條有焗過，脆脆的，比我想像的好多了，比起茶木，holly brown 好吃多了。holly brown以前也會把面包磚里的面包切細焗脆，后來不知是否人手不足，沒有這樣做，索性后期把這個甜品也cut了.飲品方面，水果茶不過不失。整體水平合乎期待，個人覺得單是環境就遠勝咖啡弄。難怪平時咁多人排隊.

等了十分鐘先有枱，坐底後叫咗三次先有人嚟落單。我叫左個熱茶同埋沙律。杯茶15分鐘後到，但已經凍咗。過咗25分鐘，個餐都仲未出，我分別叫咗2個侍應幫我跟一跟。第一個講完左當聽唔到冇理到我，第二個時應返嚟同我講話仲要等多一陣。我問佢仲要等幾耐佢話都仲要一陣。嗰陣我已經等左40分鐘，整個沙律要40分鐘有啲離譜。

第一次既dazzling係喺台灣，唔好甜品既我所以十分會比6分，香港開咁耐都係第一次去，仲係晚餐。事關銅鑼灣已食到無野想再食，所以專登食下曾經失望既dazzling。無優惠既日子依然係要排隊，18:45排到19:30，有公主既男孩記緊book位(不過都要等)，用餐時間係90分鐘，最低消費係每人，係每人一杯飲品，留意番主菜係唔計。今次叫左熔岩飯同烏魚子意粉，仲有珍珠奶茶同普通咖啡，原因係因為無 mojito, 意粉係少啲，飯就正常，不過呢度係食甜品，晚飯咁算好。十分都要7.5分既。不過兩個人都係叫一個主菜一個甜品會開心啲。

記得起初進駐皇室堡，每次經過餐廳都有長人龍。直到少人，我先有機會試到。一試就愛上松露薯條。好香口，好香松露味，再加酸忌廉醬，perfect match! 茄汁都要行開再黎草莓蜜糖吐司！雖然好多台式cafe 都有，但我幾中意配吉士醬的吐司，好味過忌廉。而且中意望落好工整，完整一個的感覺，好舒服。味道就同一般的差不多。水果茶係我最愛，雖然偏甜少少，但真係有好濃的果香。又有一整茶壺等我可以慢慢飲，完全是同朋友一齊消磨下午時間的好茶。玫瑰奶茶都好滑同有淡淡玫瑰香味，不過都是偏甜，我比較推介水果茶多點。耐飲又fresh!!!

因為唔知星期日打唔打得成風嘅關係，所以提早一日出去揾好西食。今日下午一點落到皇室宝，門口唔算多人，六張枱大概30分鐘就有位。環境一定滿足到女仕們，不過感覺上啲櫈有少少殘。如果可以坐窗口位，應該會享受好多，可惜窗口位唔多。原本打算食BBQ豬扒三文治，但因為經太多order， 所以無得試。退而求其次叫咗兩個意粉，但嚟到都唔錯黑松露味幾香～明太子意粉有少少辣～最後梗係要食埋個甜品同飲經典可可啦！加脆配合哈根大師雪糕，大滿足！

今日第一次去銅鑼灣分店，想不到還要排隊呢，不過只是等了大概30分鐘左右，便可以入座了~因為太多單，所以我本來想食豬扒三文治都無...最後叫了黑松露意粉，男友叫了明太子意粉，黑松露意粉明太子意粉初初以為食甜品既地方，鹹食相對地應該會比較普通，想不到意粉又幾好食喎，我本來喜歡食黑松露，而這裡的黑松露意粉好夠味，本來已經好滿足，想不到明太子意粉更好味呢～夠creamy之餘，加埋明太子的口感，再配上紫菜，想不到明太子配意粉原來可以咁好味下次一定會再食呢個呢美中不足是份量都幾細碟，細食既女仔就會夠食，而男仔可能未必夠呢，如果加埋甜品就夠晒喇～草莓蜜糖吐司雪糕是Häagen-Dazs，好好味呀～～～最喜歡這吐司完全沒有忌廉，感覺無咁肥嘛，而且可以特別要求'加脆'呢～麵包加Häagen-Dazs雪糕超級好食，就算唔點蜜糖都已經甜到入心經典可可飲品點了朱古力，配上甜餅，可能未必人人接受到咁sweet 呢但朱古力係好飲既～

兩個女仔一齊去新開既呢間台式cafe度試下，餐廳有限用餐時間90分鐘同要叫一杯野飲。先叫左黑松露薯條，黑松露的味真係好香，同薯條都幾夾，薯條質地唔係好死硬個種。再黎叫左杯蔓越水果茶，無甘甜，有幾粒蘋果粒再叫左個大蝦意粉，都幾好食，但真係好細份....最後叫左個宇治綠茶窩夫，個甜品唔係得個靚字，係真係好好好食。係女仔既至愛。綠茶夠濃不苦澀，好正。

這篇文章會包括兩次在Dazzling Café的用餐體驗第一次是幾個月前的，雖然已過了一段時間，價錢及菜式有點分別但我覺得整個用餐體驗很好，而且食物水準穩定，所以還是想記錄一下豈料，寫完幾個月前的文章後，我又開始想念它家的黑松露薯條所以早陣子再到Dazzling Café用餐，哈哈先講幾個月前的事吧某個weekday的晚上，我和C先生到銅鑼灣皇室堡的Dazzling Café用餐大約7時多入座，人很少，所以不用排隊等候用餐時間為90分鐘但當我們八時多離開時，也不是有很多食客品牌的Signature - 兔子耳朵的椅子，不過我們沒有被安排在那邊說實話，每次看到Dazzling Café都會有選擇困難症並不是說每樣都想吃，而是總覺得好像沒有什麼選擇似的？有些意粉看起來也不錯，例如明太子及檸檬青醬，但印象中好像已經試過雖然味道很好，但總是想試試新菜式嘛！最後C先生點了奇異果冰茶喝一口，覺得爽快，味道不會太甜，亦不會過於人工飲料表面還有微酸的奇異果肉，感覺清新我則選擇冰白巧草莓摩卡拿鐵感覺就是有好多很甜很膩的東西加在一起啊！略嫌草莓醬過多，跟咖啡有點不搭最後我們選了檸檬青醬雞腿麵雞腿肉質鮮嫩彈

今天特別想去飲水果茶來到這間Cafe。因為正值下午時間， 12點未有人排隊，等了事宜安排，便入了Dazzling cafe.午餐有優惠＄100一個餐或＄120一個餐。叫了佛羅倫斯花枝干貝麵及仲夏熱帶水果茶。好味道，煩惱全消！

完全冇視你懂不懂國語！完全不清不楚指引！五點人唔多，三文治也過三十分鐘才到！舉手一分鐘都冇人理！客人倒到滿枱滿地橙汁，自己清理完，全程十分鐘，冇一個服務員知！痴線服務

上次喺天水圍第一次是麻薯窩夫之後，一直都念念不忘，難得今日放假，喺銅鑼灣行街嘅時候我就搵咗朋友一齊去試呢一間嘅麻薯鬆餅。草莓冰淇淋鬆餅$95+QQ麻薯＄15一上枱嘅時候，我哋即刻拎相機出嚟，因為賣相實在太靚，好似一個摩天輪，鬆餅脆卜卜，再加埋麻薯係入邊，都係做到外脆內軟嘅感覺，我自己貪心一啲，暫時將儀態放埋一邊，將一整舊鬆餅連士多啤梨忌廉放入口，口感好豐富，士多啤梨嘅鮮甜，加上鬆餅，感覺好幸福。旁邊提供三款醬，有士多啤梨醬🍓，煉奶，蜂蜜🍯，個人最鍾意係蜂蜜，同鬆餅係最match。焦糖瑪奇多咖啡$45☕️朋友點左呢杯咖啡，好香咖啡味，但朋友說咖啡太甜，好似飲緊台式手搖杯咖啡，感覺麻麻地。仲夏熱帶水果茶$52🍹水果茶係用茶壺裝，計番可以飲到兩杯咁多，提子同蘋果味較為突出，好清甜，飲得出有果香味。

首先12:20去到間餐廳首先係有啲唔係咁好既感覺⋯當時又冇乜客個男侍應係都要我同老公同人痴住張台坐，大把位置點解要咁呢？最後我強烈要求下先俾我坐張單獨台。仲要語氣態度差😡😡😡我仲諗緊走唔走果陣，發覺其他侍應又唔會咁，其他都好好😏雖然普通話但溝通到🤓🤓我食左烏魚子同黑松露意粉，仲有個炸物小食。都唔錯😝😝😝因爲我係黑松露迷，所以一定嗌，而且食完覺得冇中伏🤗🤗🤗先感覺差之後食物補究，可以再黎🤓🤓🤓

初頭諗住夜晚行街肚餓, 銅鑼灣皇室堡諗住呢間無人排隊, 易啲有位, 所以入去食, 我地嗌完嘢食, 個waitress話必須每人嗌杯嘢飲, 嘩,感覺比人扼咗, 即刻取消晒啲小食!個拼盤鹽炸雞又好咸, 甜不辣(好鬼油, 半魚蛋半麵粉食感) !叫咗幾碟意粉, 個炒意粉又好鬼硬! 見到隔離枱嗌咗雪糕吐司, 只係食咗雪糕, 成個吐司無食就走咗......個個食舖排長龍, 只係呢間無人排隊, 都覺得古怪, 諗住装修幾好, 所以試下, 點知真係中伏, 唔會再幫襯

食物不錯、員工也友善及細心，即使客多.只是等候較耐，無法即日訂檯值得推介飲品有點貴，味道也不錯的！環境衛生及舒服是日係星期五晚上，十分多人！可能平日去會較理想！