Dazzling Cafe (皇室堡) (已結業)

兩個女仔食咩好？又想試多d野，但又眼闊肚窄，仲有另一個胃要裝甜品⋯朋友就帶我去Dazzling Cafe。之前未試過，因為喺香港食飯，我通常都會揀日式、西式、中式，好少會光顧台式餐廳。不過睇餐牌，都係好西化嘅台式餐廳，選擇唔少，好多都想試下，最重要係甜品！為左留肚食甜品，最初只係點左地中海炒菌菇同黑松露長通粉。炒菌菇炒得幾香，長通粉黑松露味濃郁。眼光掠過見到牌仔上面嘅柚子蜜雞翼，睇相好吸引，又叫左客，雞翼開半，好易咬亦特別入味，甜甜酸酸好開胃。甜品我地點左奶茶麻糬鬆餅，加麻糬係要另外加$15，一定要加，煙煙韌韌，口感豐富，奶茶味雪糕配奶茶味忌廉、珍珠夾埋鬆餅瑋齊食，好滿足！我同朋友一人點左一杯香皇家伯爵奶茶同玫瑰奶茶，好大壺，幾香濃幾幼滑。

自從肥髀上次同同學食完之後都好想再來食，今日再同佢來，唔使等位，有限時所以即刻落單！地方靚，光猛舒服！尤其喜歡兔仔椅子！佛羅倫斯花枝干貝麵（98）賣相靚份量唔大，帶子好大隻，煎過好香又淋，魷魚淋身唔韌，加咗好多菇同蔬菜，又靚又好味！意粉比橄欖油炒過好滑好香！好好味鳳梨伯爵風味茶（$48）呢個賣相比較平實，菠蘿🍍味好強，好甜（有啲漿口）所以飲唔出伯爵茶味！ok京都宇治抹茶紅豆鬆餅（$88）加QQ麻糬（$15）賣相靚，同相片好似，心形鬆餅夾了煙韌麻糬，外脆入面煙韌，好好味，抹茶雪榚幾濃，加上甜美淋身紅豆，我哋落少少糖漿就好好味仲夏熱帶水果茶（冰/$52） 賣相好靚，呃like一流，好多唔同款式水果，酸酸甜甜好開胃！店員嘅台腔（男女都係）好嬌柔，又唔會覺得做作！適當時又會比個提醒！好舒服！台式甜點好味

味道係OK，但係黎餐真係好慢，同小朋友黎食都係因為地點方便可以食完趕返學，意粉份量少都算，點餐時又話規定要點埋飲品/湯，之後點個三文治竟然要等成半個鍾先黎到，話要焗所以製作需時，初時落單係話15 - 20分鐘，點解要用成半個鍾去整？第一次幫襯，以後都唔會再黎

喺皇室堡dazzling cafe 門口行過, 初時以為呢間裝修得咁公主向既舖頭係賣女人野, 睇真d 先知原來係cafe辣雞肉義大利麵(因為是台式, 所以不是叫意粉), 微辣開胃雞肉嫩滑整番個dazzling 拼盤先, 全部野新鮮即炸同honey 一人一杯coffee, 仲拉左個心形花食埋甜品滿足度一流

屋企無人煮飯，緊喺要出去食啦。但正逢星期六嘅晚餐時間，人特別多，間間餐廳也很多人等位。最後，首先等到位，就喺這間餐廳。但我一看餐牌，我感到到我去錯時段了。餐牌上的飲品和甜品看起來都非常之吸引。看起來完全是一間和朋友小憩、食甜品、飲嘢、吹水嘅好地方。食晚飯，當然要叫主食啦！以下這個是辣味雞肉意大利麵。意大利麵條彈牙，而且雞肉也不老不硬。配上剛剛好的辣味，令人越辣越想食。但飲品更加吸引，一看『色』就已經吸引人了。這杯檸檬薑茶，包含新鮮嘅檸檬汁和香而不辣嘅薑汁，令其酸味較濃，但不失清新嘅感覺。至於這個，是樂活蜜桃柚香冰茶，不單有蜜桃嘅香味，內裡還有檸檬和甜甜的菠蘿粒，令其酸酸甜甜的，清爽解渴。雖然還是認為這間餐廳喺小憩嘅好去處，但是主食也是不錯的。當然這次最吸引我的還是飲品。下次去我一定要試試那裡的甜品，希望也如飲品一樣不單看起來吸引，嚐起來更吸引吧！

幾個女仔皇室堡睇戲前食lunch, 發現1:00的dazzling 居然唔駛排隊以前食過1次但因為怕排隊都冇再去食。嘢飲依然fancy,甜度適中，但啲cream真係消化唔哂 😅黑松露薯條好香，不過薯條係mcD質素意粉好香，餸都充足，不過意粉黐牙個甜品真係有啲失望嗰waffle"乾脆"到似食緊餅乾個雪糕都唔夠creamy 希望只係廚師今次失手總括嚟講環境靚，久不久想飲嘢行經都會再去試.....食物就一般啦

今晚9pm嚟呢度食飯，order三個意粉，一碟薯條同三杯野飲，有兩個意粉已經係上菜時間較慢ga la，然後近十點有店員走嚟問last order，我地就叫左個icecream waffle 甜品，重同佢追單話有個意粉未上，佢就叫我地埋左張單先。不久，有另一位男侍應走來就送上甜品，我地話我地連主菜都未食完，還有個意粉未嚟，佢就話係我地遲落單，又話係我地遲嚟用餐，又講甜品係整得快d意粉係會耐d等等唔合邏輯嘅理由，我想講我地9pm頭已經落左主菜嘅order，到10pm都未有其實已經唔係咁好，然後又話lady order所以我地就叫埋甜品先，但推卸原因話我地遲入座，關事嗎？後來我地話雪住個甜品先，因怕個雪糕溶，轉頭換個經理黎，問我地係咪唔要個甜品，又話9pm後得返一個廚好忙，但其實我們從來無話取消個甜品，個意粉未黎佢重問洗唔洗唔要埋呢個order，呢d係乜野服務態度？之前已經覺得佢地嘅服務不完善，今次直頭覺得係劣，即使食物味道ok，都不能再來。要有更好味的食物必有，但不肯負責任的店員同無理的藉口嚟話顧客嘅態度我實在接受不到。希望有關人事注意一下，做不切order的可以9pm不入座，或者9pm後

難得有日平日放假，一於去Dazzling cafe慢活地嘆下，假日就費事排隊等到頸長，由於未食lunch嘅關係，就叫左份炸豬扒三文治share，唔知係咪因為肚餓，覺得好好味！而且三文治好足料，菜又好新鮮，大舊到無辦法一口咬落去，我杯朱古力好正，唔會太甜，但朱古力味濃，上面層泡都好香滑主角出場，係今次黎朝聖嘅目的，甜品好靚好吸晴，又好味禍，不過兩個女仔，一人一杯野飲，食埋三文治。個甜品多士食唔哂，可惜！

今日經過銅鑼灣想食甜品，因為fd竟然未食過Dazzling Cafe，所以一於帶佢去試下。雖然抱住等位ge心態（因為TST店非常多人）結果可能係下午茶時間，人流唔多，結果唔洗等位。黎到Dazzling Cafe 我一定會飲Rose Latte, 好似中毒咁，每次黎都只會飲佢。但有少少酒精，如果有酒精敏感的朋友要留意！我鍾意佢陣咖啡豆香味加上我偏愛的玫瑰，配搭肉桂餅乾，感覺好舒服，心情都會好轉！松露薯條非常好，因為放耐左都仍然保持到脆度。 (我做左實驗...薯條同甜品一齊黎，我食完甜品先食薯條) 松露味也不俗。今次初嘗試Tiramisu丹麥土司，very nice! 吐司真心100分，外脆內軟！由於本人並不喜歡Macaroon，估唔到完全唔甜，仲有少少水泡餅的感覺!連fd子唔鍾意食甜品都覺得好食。

星期日下午二時，唔洗等位，餐廳唔滿，店員在入口處講明用餐時間90分鐘及每人頭要order 一杯飲品，我地叫左chestnut latte , 抹茶latte , 抹茶紅豆鬆餅及黑松露長通粉，上菜時間都幾快，約10mins 內都來齊，黑松露長通粉好難唔好食，如果仲意食甜品的朋友呢個鬆餅外面都幾脆，里面軟都幾好食，但因我不是特別好甜品，真係覺得好甜...兩杯飲品..栗子latte 又係勁甜，抹菜反而不太甜，都有抹茶味，整體覺得環境都寬敞，但餐廳里面靠窗位置有d焗有少少油煙味, 今日的待應服務一般，同埋唔會主動收食完的碗碟...如果唔洗排隊可以一試

位於銅鑼灣的Dazzling Cafe，是我一間很喜愛的臺式咖啡店。光顧不下五次，幾餐牌的所有東西我都吃過了。餐廳環境優美，員工制服漂亮，食物非常精美可愛，是我一來再來的原因。我更曾經面試成功這裡的侍應做兼職呢。加勒比綜合水果可爾必斯沙冰$55非常漂亮的沙冰，上面裝著滿滿的水果，包括草莓，奇異果，菠蘿，香橙等等，沙冰非常夠凍，實在令人透涼哦。明太子義大利麵$98餐廳的招牌必定是明太子義大利麵，幾乎每位來這裡的客人都會點上一份呢，我也是其中一位忠實愛好者，所以每次來我都會點選一次。意粉軟硬度適中，是較為偏正宗意大利式的微硬口感。滿滿的明太子放在忌廉醬汁中，非常吸引，醬汁濃稠，緊緊掛住每一條意粉，每一條都充滿脆卜卜明太子和奶香白汁味道，很好吃哦。提拉米蘇丹麥吐司$108吃過五個主菜後，我們當然選擇餐廳的另一主角甜品登場吧。很喜歡吃丹麥吐司，看到有丹麥吐司的甜品，忍不住點了一份。甜品非常大份，看得我心心眼呢。丹麥吐司一共四條，除了大條，也非常酥脆。一切感受到强烈的酥脆感，令包控很興奮。麵包香甜脆卜卜，略為乾了一點點，配上提拉米蘇朱古力醬和雪糕，實在是無法停下來阿。草莓繽紛冰淇淋鬆餅$95+1

之前見好多人排隊，今次試下幫襯，星期日下午二時十五分坐低，餐廳無乜人大把吉枱，攞枱時門口寫明每枱限時90分鐘，當老婆大人坐低，望咗餐牌一轉，想落order叫杯水果茶時，有位蒼白瘦削「經理」話「你已經用咗六十分鐘用餐時間嘅廿分鐘喇....」WTH?! 第一：門口寫明限時九十分鐘，點解無端端變成只得六十分鐘？如果限時喺平日繁忙時段、或者好多人排隊時，在商言商可以理解，但係今日無人排隊之餘，用餐區大把吉枱，呢個做法行為不但令客人感覺難憾，簡直係趕客。換著我係老闆，如果餐廳未滿座，我會寧願多D客人坐喺度，充撐下場面。第二：叫芝士火腿三明治，話要三十分鐘時間預備.....我問點解簡單嘅芝士火腿三明治要成半個鐘做 (但係你位「經理」話我地淨番四十分鐘用餐)? 佢話因為個焗爐細，所以D order要輪住造......既然廚房設施不足，一係唔好放三明治喺餐牌俾人揀，一係就唔好限制用餐時間。第三：餐廳員工人數不少，有個別員工 (非經理) 好勤力、招呼相當有禮，但係大部分企咗喺水吧後面玩手機。第四：三明治過咗三十分鐘未到，叫同事幫忙跟單，前後兩位 (先係「經理」，之後係另一位女同事) 過嚟check我地枱

台灣的Dazzling Café ，主打甜品吐司，一直深受年輕人歡迎，新開初期更要長期排隊。星期日的tea time時段，難得見到沒有很多人排隊，就和友人進去吃個下午茶吧！Café 走英式田園風格，加上高貴的座椅沙發及枱，難怪那麼多人過來打卡。餐牌上除了主打的甜品外，還有很多選擇，小食、主餐及各款冷熱飲品都應有盡有。不過我們純粹點了草莓蜜糖吐司及花茶。即叫即烘的草莓蜜糖吐司，十分澎湃。烤至乾脆的吐司條，雲呢嗱雪糕上淋上草莓果醬，Creamy的吉士、草莓又放上糖霜，旁邊的蜜糖可自行加，不過再加的話，甜度就有點over了，而且吃著吃著就慢慢感到甜而膩。吃著這糖份快超標的甜品，來一壺花茶就最適合不過了。香濃天然的花茶味道給人很清新的感覺，更加能中和口中的甜膩感。這個下午茶都佔據了我們的肚子不少位置了，下次再來試試他們的主食吧！

飲品上算多元化。不單單是咖啡或茶，還有水果茶。叫了「仲夏熱帶水果茶」和「檸檬薑mojito」。未道鮮甜可口。檸檬薑好有薑味。食品就叫了「夏威夷溶岩漢堡排飯」，等了45分鐘才到。停到瘋了。全場人已大食我們還呆等。不過，個汁好特別，好有層次。這幫忙攞回少量分。甜點就是「黑色幽默蜜糖吐司」。早知唔叫。比起Pokka Cafe 的吐司類甜品，這個沒有汁。只夠雪糕和頂部個四點cream 。乾乾地吃進麵包，要命。有機會才回來，否則不是首選。

1/10行完街想坐下飲杯野，行咗入皇室堡呢間Dazzling。5點鐘等入座，等咗～10分鐘（唔夠人帶位而非無枱）入座即點咗兩杯飲品加一客薯條，等咗30分鐘未黎，一問之下原來漏單，麻煩經理盡快上俾我地。水係要問先有人倒既。（30分鐘後既）5分鐘後上咗薯條，再5分鐘先上個茶，再10分鐘都未有熱朱古力，咁梗係唔要啦 已經等到肚氣，cancel單先話整緊，已經唔想再飲，坐咗成粒鐘打算飲完就走，經理識做既，照拎黎話唔收錢，我地都冇要到，唔係錢問題係成間cafe人手到管理都好失敗。拎住個台灣問牌吸引人，但完全做唔到台灣人服務水準，超失望。以後唔會再去，一係預要等好耐，冇人理你加漏單一追再追，仲要唔係平，行前少少食咖啡弄冇咁嬲。