Dazzling Cafe (皇室堡) (已結業)

呢間台灣過黎嘅Cafe,環境休閒,部份座位有兔耳仔🐰仲有少女心嘅朋友應該都幾鍾意☺️不過我就比較鍾意佢台式嘅款待,員工都有禮貌～就算坐得耐,過左限時用餐時間都只係禮貌提點,值得加分食物都唔錯⋯但覺得甜品比較突出❗️松露薯條,黑松露醬好香,薯條亦炸得香口鬆脆～係會一條接一條咁食呀甜品突出,草莓鬆餅亦焗得恰到好處上枱夠熱～少少脆口⋯但不失煙韌感配一球雪糕。正今次仲試埋限定甜品👉🏻珍珠奶茶味嘅鬆餅充滿奶茶味嘅cream⋯本身都係奶茶精嘅我就幾like~仲有粒粒珍珠,似足飲緊珍珠奶茶😛窩夫香脆⋯夠實淨,份量十足,仲有一球雪糕。兩個人食都好滿足呀‼️ .最後點少得飲杯咖啡作結,每杯都會有塊餅伴住～係Lotus餅乾,最鍾意用黎'送'咖啡

自呢間餐廳開業以來已經嚟好幾次！我每次來都試唔同的菜式！冇一次令我失望！今日就同我表嫂來試下呢間餐廳。今次點左個金烏魚子香蒜意粉同黑松露什菌意粉。金烏魚子好得意！兩種意粉都好好味！尢其呢個黑松露什菌意粉汁又香又濃！點菜同上菜時間又駛等唔耐！快手！之後我地點左餐廳推介嘅窩夫做甜品。我地加錢都一定加埋麻糬係裡面！呢個士多啤梨窩夫配雪糕實在太太太太好味！又香又脆，煙煙韌韌👍🏻如果唔點意粉都一定要來試呢個窩夫！

終於到週五了，臨時下午給自己半天假，到灣仔峽道走走，不到一小時已全身濕透⋯又熱又攰下好想坐坐和飲杯凍飲⋯走到銅鑼灣發現大型日本購物中心首天進行半年一度大減價，四周水洩不通，內地遊客滿怖⋯立即逃離擠擁現場，走到Dazzling Cafe Garden heaheaDazzling Cafe Garden日間予人感覺輕鬆自在，坐近大玻離附近還有充裕光線沒甚胃口，所以只點了飲品，這兒我每次也是order仲夏熱帶水果茶，今次也不例外落單時要求少冰，不過女侍應也預告⋯她會預備一個空杯子和匙羹給我去冰之用茶味不會太濃，正合我口味，茶中加入蘋果粒、橙片和提子，為整杯凍茶加添清甜果香，甜度適中，是我最喜愛的組合在銅鑼灣要找一處輕輕鬆鬆坐坐不容易，雖然這兒有時限1.5小時，但著實也是一個短叉的好地方

這裡貴為打咭勝地，是夜跟ＭＯＤＥＬ朋友小聚便選這兒。各自點了一杯飲品，上枱時非常吸睛我的是雜莓沙冰，桃紅冰沙上是鮮奶油，加上藍莓及彩色蒟蒻點綴；朋友點的是薄荷泡沫鮮好，粒粒白雪雪棉花糖浮在ＴＩＦＦＡＮＹ　ＢＬＵＥ的奶泡上，教人怎不能「相機先吃」？味道嘛，和其外表一樣的「甜」，是非常的甜，喝了一半已宣告投降。。。熱葷的大蝦茄汁天使麵是不錯的，但油份亦不少。甜品是招牌蜜糖多士，份量很大，但和飲品一樣，樣子遠勝於味道。光看樣子確使女生們心花怒放的，但若是吃貨如小妹的話便難以心動了。。。

下午2:20分左右去到，有窗口位，好想去坐。服務生說4人枱不可以坐，之後冇坐，但3點就見到另外服務生帶著2人去坐。如果餐廳確定4人窗口位不可以2人坐就一直唔好俾2人坐，但在半小時內就開放俾其他2人坐實在令人失望、不高興，希望餐廳自己跟進吓D員工。

呢度係幾休閑嘅我哋平時冇乜嘢做又可以飲咖啡又可以食甜品不過時間就有限你食嘅時間要個半鐘頭後走今日就叫左呢個栗子咖啡唔係太甜可以吧⋯⋯還有這個窩夫食物質素不過不失、如果銅鑼灣冇嘢做喺呢個地點呢個環境係可以的！雖然不是很出色但可算是一個幾好hea嘅地方

約左朋友享CWB但點知有事，唯有自己一個人去食lunch。聽過Dazzling Cafe大名而咁啱又冇咩人排隊，咪走去試下。今日都幾肚餓所以唔揀waffle食。先上黃金烏魚子蒜香義大利麵。麵質感夠乾身蒜香好出，但烏魚子扁咸。比較失望係碟野唔熱，份量亦都偏少。蜂蜜黃豆抺茶拿鐡係食完碟義粉再追先上嘅😪層cream好厚，有黃豆香味但完全唔覺係一杯latte😲呢餐加一後盛惠$168，坊間有更多更好選擇。順帶一提，餐廳除左有時間限制之外，仲規定一人一定要叫杯野飲😟

朋友約了我在銅鑼灣食lunch 佢揀了一間充滿少女風既餐廳 原來這間係台式西餐廳 入邊嘅侍應全部都係講普通話的 見到餐牌上有黑松露薯條 諗都唔使諗即刻叫黎食啦 而熱呼呼的薯條上面亦沾上了黑松露碎 薯條炸得香脆可口 除咗有茄汁之外仲有黑松露醬 我地都係比較鐘意點黑松露醬我地叫左個明太子意大利麵 呢個係朋友推介的 因為我朋友係明太子控 呢碟既明太子汁的份量是非常多 而且好creamy 每條麵都痴住好多明太子粒粒 味道濃郁 雖然是沒有任何配菜 但是只是食這個麵亦不會覺得悶 因為真係太好食

今日放工跟朋友約食晚飯，成日排好長人龍的Dazzling Cafe終於可以入去坐，平日真的好。入到去有部分櫈係有兔耳仔，好可愛，相機又可以出動。點左明太子意粉（好好食，佢d汁剛剛好，唔會好溜），水牛城雞翼（有點辣，但好細心咁已經分開一半，好方便食），軟殼蟹沙律（原隻軟殼蟹上，完全吸引相機），地中海炒菇（大大件，菇味好重，愛菇者必吃），黑松露薯條（本身我好鐘意黑松露，好好食，個黑松露味勁香，薯條炸得啱啱好，脆脆的），朱古力鬆餅（個窩夫好好食，可以加15元有麻薯，本身我唔太鐘意所以無加，但個窩夫加朱古力雪糕，超配，又唔會太甜，窩夫好有蛋漿味，推介），好彩點左個玫瑰茶，食左咁多野剛好消滯，因為平日比較少人，就算過左90分鐘都唔趕我走，坐得舒服得黎，又食得輕鬆，下次可以再黎試下其他美食

一向都是dazzling cafe fans只因為同事曾經帶我來過lunch後便愛上了Lunch set我多數都吃B餐呢因為1）意粉很好吃很香2）必飲熱帶水果茶黃金烏魚子蒜香義大利麵這是我翻兜又翻兜的一款義大利麵義大利麵炒得很香，配上蒜香超香口，加上黃金烏魚子十分多，是乾身的烏魚子更添香味。拌勻後才吃，口中滿是幸福的蒜香味義大利麵亦煮得剛好，十分彈牙，炒過的意大利麵更加分另外跟同事share叫了這個也是皇牌的：黑松露薯條每次都必加薯條新鮮炸，加上本來已在薯條上加了不少份量的黑松露碎醬料方面白色是松露蛋黃醬令薯條香味更提升每一口都是很rich的滋味旁邊的蕃茄醬從自未曾點過熱帶水果茶（凍）是必點的濃厚茶香及新鮮生果清甜味道而且一壺足足5-6杯由一坐低飲到食完個餐仲飲緊⋯好滿足可以慢慢嘆

係皇室堡見到呢間餐廳唔使等位就諗住試下, 環境好舒服, 檯與檯之間又唔會覺得好迫首先叫左個黑松露薯條新鮮熱辣辣既薯條配埋黑松露一齊食好好味, 呢間餐廳都好重本, 因為真係好多黑松露, 另外仲配左2個醬配埋一齊食tim跟著黎到個主食啦, 明太子義大利麵一上到檯即刻嘩左出聲, 因為有勁多明太子, 成個意粉撈埋之後, 係每一啖食落口都有明太子既味道, 真心推介而且意粉唔會煮到淋哂, 食到好滿足跟餐仲叫左杯熱水果茶本身已經有橙提子蘋果係個杯度, 倒埋茶一齊飲, 入口唔會覺得好甜, 個壺茶份量都有好多, 真係有排飲

今日上完山頂，黎到銅鑼灣食午餐。朋友之前試過食這間台式西餐廳，可以慢慢食慢慢傾。這裡都幾大幾舒服、坐椅有木椅及梳化，有些椅子是有兔子耳朵；也有商場景及樹木街景選擇。服務員好有禮貌又欣勤！選擇都幾多，有小食、意粉、多士等等。我們叫了1個義大利麵、小食及薄餅。1. 黑松露薯條這個是推介之一，好香薯條好香黑松露！好多黑松露的碎碎；薯條好脆口又熱騰騰；有2個醬汁：番茄及沙律醬2. 墨西哥芝士薄餅薄餅好脆好薄，芝士味好香；2個醬：墨西哥少辣少甜又帶少少酸的醬汁，有3色椒、莞茜碎及黑椒碎3. 番茄大蝦義大利麵大蝦好爽脆，義大利麵軟硬剛好、番茄汁好開胃，有少少芝士碎及香草碎！4. 飲品水果茶：有點甜！水果有好多種：士多啤梨、提子、橙、蘋果粒等！杏仁奶茶：好香滑、好奶香！一大壺，慢慢飲！

每次約好姐妹傾計都會揀cafe，因為可以坐耐D，今次就揀左係銅鑼灣嘅Dazzling Cafe，聽講佢嘅甜品好出名，而且裝修仲別具少女氣息，好彩有得訂枱，唔使排隊就入得去到見餐牌有好多選擇，另外仲有一個二人餐，我地好似都包幾多嘢食，就即管試下，價錢連加一要四百幾蚊首先有兩個南瓜湯🎃，味道正常。再嚟就係頭盤小食，我地揀左香煎帶子配芒果他他同水牛城雞翼，但份量比想像中細好多，每樣試一兩啖已經食完輪到主菜可以揀兩款，第一樣係秘製XO醬炒天使麵，講真無論賣相同味道都好似中式酒樓嘅XO醬炒米粉，而且仲要偏咸，調味料落得好重手，有點失望🙍到第二款主菜，我地要檸香烏魚子芝士燉飯，其實都幾有香濃芝士味，但當食多幾啖，就會覺得有點膩口，所以最後唯有做大嘥鬼最後就係最期待嘅甜品，二人餐只可配迷你鬆餅🥞，但可自己選擇配邊種口味嘅雪糕，我地就揀左雲尼拿味，結果甜品係全晚最好食，鬆餅幾鬆軟，而且擺放得幾靚，不過大份D就好喇另外二人餐仲有兩杯飲品，我點選熱白朱古力薄荷鮮奶，飲品顏色係我最喜歡嘅淺綠色，上枱時杯同碟都擺得好典雅，再配上一塊曲奇餅🍪，飲品味道較甜但帶有清新嘅薄荷味其實餐廳嘅上菜速度比較慢，而且我地覺得

第一次光顧, 選向下午時分唔駛等位. 兔仔耳 chair 好可愛😍飲品賣相好靚, 薄荷白可可超級甜. 黑松露長通粉, 味道唔夠香濃, 通粉就岩岩好唔會煮得太淋.抺茶紅豆鬆餅, 心型鬆餅好靚, 但味道一般, 無蛋香無牛油香. macaroon 淋淋的👎🏻 加$15 另加 qq 麻糬, 食完先醒起仲以為職員漏左, 但細問下原來麻糬係夾向鬆餅中間, 食左都唔多覺添🤣服務方便感覺良好👍🏻 職員有禮親切笑容滿面, like👏🏻👏🏻

今日約咗友人係銅鑼灣睇戲，順便係附近食Lunch，於是搵咗呢間cafe食下野hea陣。去到都幾多人等位，而我地得兩位所以等大約十五分鐘就入得。值得一提嘅係個帶位人係講國語，仲以為佢當我係內地人，諗諗下應該係因為呢間係台灣餐廳佢講國語係正常。餐廳環境唔錯，好闊落，適合Gathering傾下計。主要以甜品同飲品為主，亦有啲主食如漢堡同意粉。黃金烏魚子蒜香意大利麵。見OpenRice 有人推介所以一試。味道幾濃，好香魚子味，又唔會好咸，唔錯。黑松露意大利麵。正確應該係長通粉。通粉軟硬適中，加埋啲黑松露菇菌好濃味。見到餐牌有呢個優惠，一個窩夫加兩杯嘢飲大約100蚊，即刻試食。心型嘅窩夫好特別，甜嘅朱古力雪糕配上苦苦地嘅朱古力粒再加上比平時食開啲窩夫仲脆嘅窩夫，好夾。薄荷蘋果茶，淡淡嘅薄荷味加上酸甜蘋果汁味唔錯。水果茶，可以倒到三四杯幾抵飲。總括而言，yummy!