Dazzling Cafe (The ONE) (已結業)

今日黎到Dazzling Cafe食飯後甜品，呢度嘅甜品份量都幾大，兩至三個人share都可以。環境乾淨，都幾大地方。生意都幾好，要排一陣隊先有位。其實已經黎過幾次，每次都食甜品，無留意原來呢度有熱食，以意粉為主。今次單點左個綿綿珍珠奶茶鬆餅，中間球雪糕係自家製嘅伯爵茶口味，而且加$15升級加麻薯落個窩芙度。外表好靚，但食落好一般。麻薯份量好少，合埋眼食應該feel唔到麻薯嘅存在。另外點左杯鮮榨橙汁，無加糖，正！但價錢不平宜 $40

特意來這裏打卡因為甜品外觀吸引的確，甜品外觀非常適合打卡味道還可以，個人覺得有點偏甜另外其他食物都好味！特別係明太子意粉，好正！咖啡拉花用心！水果茶味道非常好！值得一試。

.一間人氣好高嘅台式咖啡店，服務員都著住女僕制服。店內裝修充滿着可愛少女嘅風格。見佢唔使排隊，所以去試下。.拎位果陣，店員話每人最低消費係一杯飲品。對於要食晚飯嘅我黎講，當然無問題。.今次叫左牛油果軟殻蟹堡相當有驚喜，佢用左圓形牛角包做包，口感好鬆脆又唔會覺得油膩。中間夾住都大過個包嘅軟殻蟹，都係炸得好出色，無油溢味。重有用蕃茄同牛油果做醬，帶返出種清新。賣相同味道都好，如果女僕服務好少少就完美。.哩碟意粉一嚟到嘅時候面頭喺鋪滿左紫菜碎，一撈勻之前成碟意粉就變到好粉紅好instagramable。.淡橙色嘅明太子加埋粉紅色嘅醬汁真係將心底入面冰封左萬年嘅少女心無限激活。視覺影響味覺應該係真嘅，正正因為哩種顏色令到我食指大動，好快就ko左成碟意粉。.味道方面，意粉軟硬適中，唔會太過稔又唔會好似食緊鋼線咁，而且係有啲汁掛左喺意粉上面架！整體來說都唔錯，係會令雀仔胃嘅人都想再食多幾啖嘅食物。

今日同親戚出街食飯，黎到尖咀呢間佈置華麗的餐廳-Dazzling Cafe。這裡的女服務員著的服裝也很少女風（白色圍裙）來招呼客人，非常特別。 我們點了幾杯特色飲品及甜品，這些飲品同甜品賣相十分精緻，令人唔捨得飲🙈我自己最鍾意食草莓蜜糖吐司🍞，因為上面有雪糕，配合埋吐司，一凍一熱，特別好味！但因為份量比較多，所以我要同妹妹兩人一齊先可以食哂！我地一邊傾計，一邊食甜品，享受呢段清閒時段～Cafe的裝潢設計用了白色做背景，令人感覺好舒服，食到唔捨得離開！下次去尖沙咀都會再同朋友試呢間cafe

朋友去完工幹返黎好多野要分享, 知道DAZZLING CAFÈ冇以前咁多人, 雖則佢有講用餐時間係90分鐘~~不過仲可以訂座，可以舒舒服咁坐下.嘆下 傾下計 而且環境又舒適咁真係一流嗌左個拼盤小食先 最左邊既係甜不辣我覺得係必食既台灣野 煙煙韌韌 好有口感😍😍黃金烏魚子蒜香意大利麵食左幾次都係食明太子意粉 今次試下呢個 賣相 差d 囉😂不過食落都ok ge甜品嗌左呢個經典朱古力窩夫因為其餘的朋友第一次來吃所以要選最經典的😂是這樣啦 口感脆脆 不會吃完太飽的感覺其實最欣賞係熱飲會有餅餅好有誠意 好傳統的感覺朋友們都好滿意這餐飯因為變到可以坐很久只是有漏單 有點等太久了

第一次食呢間cafe，差唔多六點，所以都未算好多人，唔洗等位，入座前已同我地講每人票點一杯野飲，同坐90分鐘！因為我地2大人3小孩關係，話小朋友唔計，只須點2杯野飲，但坐低後另一侍應話要點3杯野飲。。。。但最大果位小朋友都係6歲，咁都要我地叫多杯，問題係d野飲唔多啱6歲小朋友飲，都局叫3杯！野食種類唔算好多，但味道都唔錯！軟殼蟹沙律-軟殼大大隻外脆內軟，舖上芝士粉味道不錯鹹酥拼盤-味道無乜特別牛肝菌意粉-好足料好多菇，味道唔會好鹹豬扒三文治-薯條熱辣辣好美味，豬扒炸得油左d，同比較鹹食左60分鐘左右，就有侍應問要五要加單？仲有15分鐘！如果想同朋友傾計，我諗呢唔多適合。

2018年8月6日 (星期一) 12:00pm 33°C 店內裝潢典雅，氣氛浪漫，環境光亮整潔，餐具乾淨。 每吃不同的菜色時，侍應都會更換一批新的餐具和餐巾，感覺窩心！ 女侍應以「女僕」打扮，是餐廳特色之一。 慶祝本人生日 在拍攝「The ONE x Sailor Moon 月光傳說」場景完畢之後，特地挑選此餐廳用膳。 人數：2人 HK$282 不用排隊等位 青醬奶油雞腿意大利麵 - 賣相優雅，綠色的醬汁完全混入麵條之中，感覺清新。奶油滑溜無比，意大利麵質軟硬適中。雞肉大大件，鮮嫩不靱，面層輕輕灑上芝士粉，使味道提昇不少。整體來說，份量豐富，味道濃郁。【推介之選】❤❤❤ 辣味雞肉意大利麵 - 材料豐富，色彩繽紛，有肉有菜，營養均衡。雞肉新鮮，口感香辣，西蘭花煮得不會太硬。磨菇香軟，車厘茄甜美。整體來說，份量足夠，味道帶辣且惹味。【推介之選】❤❤❤ 京都宇治抹茶紅豆鬆餅 - 夾餅烤烘脆口，心形圖案最吸睛，充滿浪漫的少女心，叫人拍案叫絕。雪糕冰涼，味道可口，散發濃厚的抹茶香味。忌廉甜滑，紅豆軟腍，只是份量少，略嫌不足。原價：HK$85，跟套餐一起點叫，即減 HK$20。【推介之選】❤❤❤

呢間Dazzling Cafe已經食過幾次，餐廳裝潢充滿少女味，幾適合女生們聚會👭今次同朋友帶埋👶🏻👶🏻黎，店員安排左外面較闊既位置，方便擺放bb車👍🏻點咗以下既食物:黑松露薯條🍟😋啖啖都食到黑松露 好足料！岩岩炸起脆卜卜 點埋醬食到停唔到，必食Baffalo wings算係整得唔錯，夠濃味 又香又辣！不過份量就少左啲最後緊係要食甜品啦，每次都會點蜜糖吐司個賣相好靚，最鐘意toast加埋d半溶既雪糕，好heavy但又好好味😍黎過幾次質素都keep得幾好👍🏻

呢間cafe我想試咗好耐，但次次週末放假行街經過都見到條人龍鬼死咁長，今日星期五晏晝，難得悠悠閒，阿姨臨時約我出尖沙咀食tea，咁就梗係去碰吓運氣希望唔駛等好耐。果然我去到已經可以直入坐低。不過話就話星期五下午，但其實都八成滿座，侍應生都有講用餐時間得90分鐘。我哋左望右望，其實已經諗好食咩，因為唔知係咪真係咁啱得咁翹，我哋左左右右的4張枱都係食緊同一個窩夫。呢個珍珠奶茶雪糕窩夫真係好台式吓，窩夫成朵花咁ge樣，有珍珠圍邊。D珍珠仲幾煙靭，而且中間果個應該係奶茶味雪糕，不過老實講好難話奶茶味好出，但放上去窩夫上面食，加埋珍珠的口感，整體係幾唔錯ge！除咗窩夫，我哋仲order咗柚子雞翼，甜度同炸單骨雞翼都拿捏得唔錯，但只不過柚子味就唔算話好出。我哋各人亦點咗唔同ge果茶，都幾fresh,好啱宜家悶熱消暑時飮！

這間Cafe在幾年前開業，人龍不斷，還記得幾年前來到，我也排了差不多1小時才入座。今天再次來到，完全是為了其珍珠奶茶窩夫，想不到質素仍是非常高。窩夫的賣相非常漂亮， 一塊厚厚的花形窩夫，每朵花上都唧上了奶茶味的忌廉和鋪上了不少珍珠和棉花糖，中間再放上一球奶茶雪糕，賣相令人食慾大增。我們還加錢加了麻薯夾心，窩夫外脆內軟，再加上中間的麻薯煙煙韌韌，非常好吃，奶茶忌廉的味道茶味香濃，味道一點也不假，配上珍珠來吃，就像是在喝濃郁的珍珠奶茶， 十分推薦這個窩夫。

和風BBQ豬排三文治一上枱已經流晒口水。塊豬排好厚。個口細啲都唔可以一啖食呀！個麵包都搽左牛油焗過嘅，金黃色，真係好吸引好味。薯條都好好食，一上枱係熱到出煙，鹽度都啱啱好。食兩塊包已經飽左一半啦！

落大雨,所有人都入曬廣場避雨而同一個 商場入面 只有一間食肆係冇人排隊 就係呢度 所以我就拿拿臨入去食填飽個肚明明見到入面好多空位 亦都有兩人枱 但係唔知點解職員一定局我哋 在出面等位!!!!😭😭😭 已經好狼狽 手濕腳濕 只係想快啲坐低 唔明點解係都要我哋等等等!!!!終於入到去喇 唯一一樣令我開心嘅係 好多地方都冇得賣 薄荷朱古力咖啡 居然畀我喺呢一間餐廳搵到 算係不幸中之大幸賣相都非常精緻 底層嘅係薄荷糖漿 飲落甜度適中 唯一美中不足嘅地方係 忌廉容得非常之快 。。。而且不能夠攪拌, 一攪拌就會飛曬出嚟 流到成個杯邊都係忌廉! 希望坊間其他食肆快啲再有薄荷朱古力咖啡賣 ,咁樣我就唔駛再去呢度飲啦 都唔係特別平!朋友想飲嘅荔枝茶賣曬,所有荔枝味嘅飲品 ,都冇得賣。。。 唯有叫另外一杯果茶 但係朋友聲稱呢杯嘢飲未到好假,有少少似藥水味,雖然賣相的確真係唔錯終於來到戲肉 !有嘢食啦餓到不得了😭😭😭 但只係得驚 !!!!冇喜。。。 難食到已經唔記得呢個叫咩意粉。。。 所有海鮮都好重雪味， 所以只可以調味料遮蓋， 但係調味料重到好似放咗成枝 豉油咁!!!!😭😭😭😭佢完全唔係一個西式意粉 ！！

星期二晚上7時到達，等待侍應帶位，不遠處有一女侍應站著但對我們二人視若無睹！另一侍應帶位時說每人最低消費一杯飲料。我承認沒有仔細問她什麼意思，思路只跳到有最低消費。餐單改了，食物都是單點且菜式不算多。3大人1小童點了滿桌食物，中間侍應來問要喝什麼，才發現原來「公司規矩」是「不管點多少食物，每人都必須點一杯飲料」。坦白說，真不明白這規矩意義何在！最低消費我明白也接受，畢竟要確保客人有一定的消費。但這飲料的規矩也太白痴了吧？只能怪自己一開始沒有了解清楚。點飲料的時候，要珍珠奶茶？沒有。草莓特飲？沒有。冰薄荷巧克力？沒有。怎麼攪的？！到最後我們實在忍不住了，跟侍應說不如她先告訴我們沒有什麼好了，免得還浪費我們時間想來想去！她聽到後還真的才跟我們說另外的什麼什麼都沒有！是這樣做生意的嗎？我們一共消費892元，3個大人算每人要300塊，請問一下你餐廳的最低消費「一杯飲料」，可以帶來人均300元嗎？就算一杯飲料加一份主食也不會這麼多吧？ 就因為這不知所謂沒有變通的規矩，我們以後絕對再也不會去這家店了。

Dazzling Cafe 進駐香港有好少年頭，今日難得有位朋友肯陪我一齊排隊去試試。排隊的人龍比起以前真係少了不少人，星期六的下午只需等不到半小時就可以入座。十分幸運坐在窗邊位。Dazzling Cafe每人必須要叫一杯飲品，所以叫了一款貴婦飲品好適合拍照用，聞起來都幾重玫瑰味，味道還可以。不過要留意一下，有些熱門飲品會好快都賣完，朋友擇了第3次才能選擇到合適飲品另外還點了明太子意粉，味道中規中矩。還點了重點要一試的甜品，揀了士多啤梨甜品，有3個醬同一球士多啤梨雪糕可以點，個人推介蜜糖，朋友就喜歡煉奶，士多啤梨醬十分普通，雪糕就幾好吃。幾好吃總結2個女仔吃又幾飽，價錢都幾合理。服務都唔錯，餐廳職員反應好快。入座告之限時1.5小時，但夠鐘亦沒有人催促。整體感覺不錯👍

Although it has opened for a while in Hong Kong, Dazzling Cafe seems to maintain its charm. What made people come back time after time and is willing to stand hours in line? I decided to visit right at the beginning of its opening hours so I could explore its charm while avoiding the line. I was seated immediately upon arriving at 12:30pm on a bloody scorching Saturday afternoon. They have a 90 minute seating and order of 1 drink per person requirement. Didn't really understand why they required